Life in Fukuoka "Nepali"

【साकुरा-मोची】

साकुरा-मोची भनेको वसन्त ऋतुलाई प्रतिनिधित्व गर्ने एक किसिमको जापानी मिठाई वागाशी हो।

साकुरा-मोची, खान्टो शैलीको च्योउ-मेइ-जी र खान्साई शैलीको डोउ-म्यो-जी गरि दुई प्रकारमा छुट्याएको पाईन्छ। दुबैलाई सामान्यतया "साकुरा-मोची" भन्ने गरिन्छ, तर अलग्याउँदा "च्योउ-मेइ-जी" र "डोउ-म्यो-जी" भन्ने गरिन्छ।

पिठोलाई मुछि बनाईएको खोललाई पोलेर त्यसमा आन्को हालिएको, क्रेप आकारको च्योउ-मेइ-जी, ग्लुटेनस चामल प्रयोग गरिएको मान्ज्युउको जस्तो डोउ-म्यो-जी। दुबै चेरी पातको नुनिलो स्वादमा पोको पारिएको हुन्छ।

गुलियोभित्र नुनिलो स्वादको कारणले गर्दा यो अत्यन्त स्वादिष्ट हुन्छ।

खैर, चेरीको पात खाए पनि नखाए पनि, यसलाई आफूलाई मन पर्ने तरिकाले खाएर आनन्द लिनु सकिन्छ।

 

 

【बसाईसराईको प्रक्रिया सकेसम्म चाँडो पूरा गर्नु】

〇 हरेक वर्ष, मार्चको अन्त्यतिर वार्ड अफिसको काउन्टरमा भीड हुने समय हो।

बसाईसराईको प्रक्रिया सकेसम्म चाँडो पूरा गर्न हुन अनुरोध गर्दछौं।

यदि फुकुओका शहरभन्दा बाहिर बसाई सर्दै हुनुहुन्छ भने, सर्ने दिनसम्ममा वार्ड अफिसमा बसाई सरेर जादैछु छु भन्ने सूचना पेश गरेमा, सरुवा भई जाने ठाउँको आवश्यक बसोबास सरुवा प्रमाणपत्र पाउनुहुनेछ।

यदि फुकुओका शहरभित्र बसाई सर्दै हुनुहुन्छ भने, बसाईसराई सूचना पेश गर्न आवश्यक छैन तर, नयाँ ठेगानामा बस्न थाल्नु भएको दिनदेखि १४ दिनभित्र तपाईं सर्नुभएको वार्ड अफिसमा बसाईसराई सूचना बुझाउनुपर्छ।

वार्ड अफिसमा बसाईसराईको प्रक्रियाका लागि सुविधाजनक अनलाइन सेवा पनि छ।

शनिवार, आइतवार, र सार्वजनिक बिदाका बाहेक, कम्तिमा ५ दिन अगाडिसम्ममा स्मार्टफोन आदिबाट ठेगाना परिवर्तन, वा प्रक्रियाको अपेक्षित मिति आदिको जानकारी पठाउनुभयो भने, बुकिङ गर्न सक्नुहुन्छ र काउन्टरमा प्रक्रिया समय कम लाग्नेछ।

 

〇बसाईसराईको प्रक्रिया वा लिएर जाने सामग्री आदि सम्बन्धि फुकुओका सिटी LINE Official Account मा जाँच गर्न सक्नुहुनेछ। आवास कार्ड र My Number Card पनि नबिर्सिकन लिएर जानुहोला।

काउन्टरमा भीडको स्थिति आदि पनि थाहा पाउन सकिनेभएकोले यसलाई प्रयोग गरेर हेर्नुहोला।

〇यस अतिरिक्त, बसाईसराई गर्दा, खानेपानी आपूर्ति शुरु गर्न वा रोक्नका लागि सुचना दिन आवश्यक छ। शनिवार, आइतवार, र सार्वजनिक बिदाका बाहेक, सर्ने दिनभन्दा कम्तिमा ४ दिन अगाडिसम्ममा फोनमार्फत सम्पर्क गर्नुहोस्।

फोन नम्बर ०९२-५३२-१०१०।

 

शनिवार, आइतवार, र सार्वजनिक बिदाका बाहेक, कम्तिमा ५ दिन अगाडिसम्म भएमा, इन्टरनेटबाट पनि प्रक्रिया बढाउन सक्नुहुन्छ।

"Fukuoka City Waterworks Bureau" भनि खोजि हेर्नुहोस्।

 

 

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI

【तोशिकोशी सोबा (Toshikoshi Soba)】

जापानमा, नयाँ वर्षको पूर्वसंध्या अर्थात् डिसेम्बर ३१मा, तोशिकोशी सोबा खाने चलन छ।

तोशिकोशी सोबा खाने भनेको लामो आयु बाच्नु, यस बर्षको कठिनाइ र दुर्भाग्य त्यागेर नयाँ वर्षलाई स्वागत गर्नु हो।

जापानको विभिन्न भागहरूमा स्थानीय ओरिजिनल तोशिकोशी सोबा पाईन्छ।

यसलाई प्राय: नयाँ वर्ष अगाडि खाने गरिन्छI

पसलमा नखाए पनि, कन्भिनीयन्स स्टोर र सुपरमार्केटमा पनि किन्न पाईने भएकाले, अहिलेसम्म खानु भएको छैन भए पनि एकचोटी खाएर हेर्नुहोला।

यद्यपि, सोबामा एलर्जी भएका व्यक्तिहरू पनि हुने भएकोले सावधान अपनाउन जरुरी छ। सोबामा एलर्जी भएका केही व्यक्तिहरूले सोबाको सट्टा उडोन, सोउमेन, रामेन इत्यादि खाने गरेको पाईन्छ।

त्यस्तै, शहरको सोबा पसल, नयाँ वर्षको पूर्वसंध्यामा वर्षको सबैभन्दा व्यस्त समय भनिन्छ।

 

“नयाँ वर्षको बिदाहरुमा वार्ड अफिस काउण्टर अनि फोहोर फाल्ने दिन”

नयाँ वर्षको बिदाहरुमा, वार्ड अफिसको काउण्टर र फोहोर फाल्ने दिन परिवर्तन हुने भएकोले कृपया ध्यान दिनुहोलाI

वार्ड अफिस, स्वास्थ्य तथा कल्याण केन्द्रको काउण्टर, डिसेम्बर २९ (मंगलबार) देखि जनवरी ३(आइतवार) सम्म बन्द रहनेछ।

बर्षको अन्तिम दिन डिसेम्बर २८ (सोमबार), र बर्षको शुरुवात जनवरी ४ (सोमबार) हो।

नयाँ वर्षको बिदाहरुको अघिपछि वार्ड अफिसको काउण्टर भिडभाड हुने भएकोले, धेरै समय राखेर जाऔ।

डिसेम्बर ३१(बिहिवार) देखि जनवरी ३ (आइतवार) सम्म, जल्ने फोहर, नजल्ने फोहर, खाली सिसाको बोतल, प्लास्टिकको बोतलको फोहर बाहिर राख्न मिल्दैनI

जल्ने फोहर, डिसेम्बर ३० (बुधवार) सम्म तोकिएको दिनमा बाहिर राख्नुहोस्I

नजल्ने फोहर तथा खाली सिसाको बोतल, प्लास्टिकको बोतल, जनवरी ३ (आइतवार) मा संकलन नहुने भएकोले त्यसको सट्टा डिसेम्बर ३० (बुधवार) मा फोहर फाल्नुहोस्I

यसका साथै, ठूलो आकारका फोहर डिसेम्बर २९ (मंगलबार) देखि जनवरी ३ (आइतवार) सम्म सम्पर्क र संकलन बन्द गरिन्छI

 

"कोरोना भाइरस संक्रमण रोकथामका लागि अनुरोध”

आजकल, कोरोनाभाइरस संक्रमण बिरूद्ध कदम चाले पछि, मानिसहरुको सम्पर्कमा आउने गतिबिधि अलि बढेर आएको छ, तर अबबाट क्रिसमस, नयाँ वर्ष पूर्वसंध्या, र नयाँ वर्ष जस्ता मौसमी कार्यक्रमहरूमा भेला हुने अवसरहरू बढ्नेछन्। मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI प्रत्येक व्यक्तिले, आधारभूत संक्रमण रोकथामका उपायहरू अपनाउन हुन विनम्र अनुरोध गर्दछौंI

【क्रिसमस】

क्रिसमस भनेको Christ's mass होI जिसस क्राइस्टको जन्मदिन मनाउने क्रिश्चियन बिदा होI भनिन्छ कि, पहिलो क्रिसमस पार्टी जापानमा मेजी युगको शुरूमा आयोजना भएको थियो।

आजकल, क्रिश्चियन धर्मसँग सम्बन्धित नभएका साधारण घरपरिवारमा पनि मनाउने, धर्मको सिमा बाहेक वर्षको अन्त्यको राष्ट्रिय महोत्सवको रुपमा रही आएको छI

साथै, जापानमा क्रिसमसको समयमा, फ्राइड कुखुराको मासु र रोष्ट गरिएका कुखुरा मासु धेरै राम्रो बिक्री हुने गर्छ।

कुखुराको फास्ट फूड पसलमा लाइन हुनु भनेको क्रिसमसको परम्परा हो।

यस वर्षको क्रिसमस पार्टीमा भेट्ने योजना गर्दै हुनुहुन्छ भने, ठूलो संख्यामा भेला नभई, कोठाको भेन्टिलेसनमा ध्यान दिई, २ घण्टा भित्रमा समाप्त गरौँ। प्रत्येक व्यक्ति अनलाइनमा भेटि, घरमै खानपिन गर्नु पनि राम्रो होला किI

 

【वर्षको समाप्ति र नयाँ वर्ष सुरक्षित र ढुक्क साथ बिताउनका लागि】

वर्षको समाप्ति र नयाँ वर्षको बिदाहरूमा रक्सी पिउने धेरै अवसरहरू हुने गर्छन्।

“मादकपदार्थ सेवन गरि गाडि नचलाउने, चलाउन नदिने, चलाउनेलाई बिल्कुल माफी नदिने, र बेवास्ता नगर्ने” प्रति निश्चित होऔंI

रक्सी पिएर साइकल चलाउनु पनि कानूनले निषेध गरिएको छ।

विशेष ध्यान दिनुपर्ने भनेको, अर्को दिन रक्सीको hangover होI

अलिकति भए पनि रक्सी लागेको बाँकी छ जस्तो लागेमा, गाडि नचलाऔंI

साथै, यदि तपाईंलाई अर्को दिन ड्राइभ गर्नु छ भने, अघिल्लो दिन रक्सी नपिउनु महत्त्वपूर्ण हुन्छ।

यस अतिरिक्त, हरेक वर्षको अन्ततिर ट्राफिक दुर्घटनाहरू बढ्ने गरेको पाईएको छ।

राती बाहिर निस्कँदा, ड्राइभरले देख्न सजिलो हुने, चम्किलो लुगा वा चमकदार वस्तुको प्रयोग गरौँI

कार चलाउँदा, चाँडै बत्तीहरू अन गरौं।

 

अर्को जानकारी, बाटोमा हुने लुटपाटको बारेमाI

 

कम ट्राफिक भएको स्थानमा, साँझदेखि मध्यरातसम्म धेरै अपराधहरू हुने गरेको, अझ, लुटेराहरु प्रायः मोपेड बाइकमा आएका घटनाहरु धेरै छन्।

खोस्नबाट जोगिन, झोला सडकको अर्को पट्टि समात्ने गरौँ।

साथै, मान्छेको संकेत वा बाइकको आवाज सुन्नुभएमा पछाडी फर्केर हेर्ने आदि जस्ता, आफ्नो वरपर ध्यान दिने गरौँI

 

अन्तमा, अध्यागमन ब्यूरो वा दूतावास हुँ भनेर दाबी गर्ने संदिग्ध कलहरू रिपोर्ट भएकाले, कृपया सतर्क रहनुहोस्। उदाहरणको लागी, "तपाईको भिसा असामान्य छ।" वा

"तपाईंको नक्कली पासपोर्ट फेला परि, तपाईं आफ्नो देश फर्कन सक्नुहुन्न। यसलाई समाधान गर्न पैसा चाहिन्छ।" आदि जस्ता हुन्I

अध्यागमन ब्यूरोले फोनमार्फत तपाईंलाई शुल्क तिर्नको लागि भन्ने छैन।

अपरिचित नम्बरको आगमन कलदेखि कृपया सतर्क रहनुहोस्।

आफू र आफ्नो बहुमूल्य वस्तुहरुलाई सुरक्षित गरि, वर्षको समाप्ति र नयाँ वर्ष सुरक्षित र ढुक्क साथ बिताऔंI

 

【कोरोना भाइरस संक्रमण रोकथामका लागि अनुरोध】

आजकल, कोरोना भाइरस संक्रमण बिरूद्ध कदम चाले पछि, मानिसहरुको सम्पर्कमा आउने गतिबिधि अलि बढेर आएको छ, तर अबबाट क्रिसमस, नयाँ वर्ष पूर्वसंध्या, र नयाँ वर्ष जस्ता मौसमी कार्यक्रमहरूमा भेला हुने अवसरहरू बढ्नेछन्। मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI प्रत्येक व्यक्तिले, आधारभूत संक्रमण रोकथामका उपायहरू अपनाउन हुन विनम्र अनुरोध गर्दछौंI

【“ओसेइबो” को परिचय】

“ओसेइबो” भन्नाले आभार भएका व्यक्तिहरु प्रति वर्षको अन्त्यमा धन्यवाद ज्ञापन स्वरुप खानेकुरा र पेयपदार्थ आदि जस्ता उपहारहरू दिने परम्परा छ।

यसको शुरुवात इडो कालमा भई, हरेक बर्षको अन्त्यमा, व्यापारीहरूले घरमालिक वा व्यापार साझेदारहरूलाई, “म सँधै तपाईंप्रति आभारी छु। यसपछि पनि निरन्तर सहयोगको अपेक्षा राख्दछु ” भन्ने अर्थबाट धन्यवाद स्वरुप उपहार दिने शुरुवात भएको मानिन्छ।

ओसेइबो सामान्यतया, डिसेम्बरको शुरुदेखि २५ तारिखको केही दिन अगाडि वा पछाडि सम्म दिने चलन छ। क्युशु क्षेत्रमा धेरैले डिसेम्बर १० देखि २० सम्म दिने गरेको देखिन्छ।

तपाईं पनि यस वर्ष, जापानको परम्परा अनुसार, आफुलाई सँधै सहयोग गर्ने व्यक्तिहरुलाई केही उपहार दिनु हुन्छ कि?  

 

【विश्व मानव अधिकार दिवस र मानव अधिकार सप्ताहको बारेमा】

"मानव अधिकार" भनेको हरेक व्यक्ति जन्मेदेखि उसले "मानव जस्तो जीवन जीउन" पाउनेको अधिकार हो।

डिसेम्बर १० "विश्व मानव अधिकार दिवस" ​​हो, जुन जापानमा मात्र होइन, विश्वको विभिन्न भागहरुमा पनि "मानव अधिकार" को बारेमा सोच्ने दिनको रुपमा रही आएको छ।

डिसेम्बर ४ देखि १० सम्म "मानव अधिकार सप्ताह" को अवसरमा, फुकुओका शहरमा पनि, मानव अधिकारको सम्मान गरि, भेदभाव रहित आरामदायी फुकुओका शहरको उद्देश्यले “मानव अधिकार सम्मान सप्ताह” आयोजना गरिंदै आईरहेको छI

हरेक व्यक्ति आफू जस्तै स्वाभिमानी हुन्छI

प्रत्येक व्यक्ति स्वावलम्बी छ भन्ने कुरा अनुभूति दिलाने यो महत्त्वपूर्ण हप्ता हो।

महिला, बालबालिका, वृद्ध, विदेशी, अशक्त, आदिको आधारमा भेदभाव र पूर्वाग्रह हटाएर, एक अर्काको मानव अधिकारको सम्मान गरौं।

तपाईंहरु पनि "दयालु हृदय" र "स्वाभिमानी जीवन"को बारेमा फेरि एकपटक सोचेर हेर्दा कस्तो होला?

 

【फोहरको अवैध डम्पिंग】

जंगल, समुद्रीतट, नदी, सडक, पार्क आदिमा ठूलो आकारका फोहर वा घरको फोहर फाल्नेलाई अवैध डम्पिंग भनिन्छ।

फुकुओका शहरमा, बर्षको अन्त्यमा सरसफाईको कारण फोहरको मात्रा बढ्ने डिसेम्बरमा, “अवैध डम्पिंग रोकथाम सुदृढीकरण महिना" को रूपमा, अवैध फोहर फाल्न रोक्नका लागि गतिविधिहरू थप सुदृढ गरिनेछ।

फुकुओका शहरले पुलिसको सहयोगमा, धेरै अवैध फोहर फाल्ने स्थानहरुमा, निगरानी क्यामेरा वा चेताउनी संकेतहरू राख्ने र गस्तीहरू सञ्चालन गरिंदै आईरहेको छ।

टिभी, फ्रिज, फ्रिजर, वाशिंग मेशिन, कपडा ड्रायर, र एयर कन्डिशनरहरू घरायसी सामान प्रशोधन कानुन बमोजिम फोहर फाल्ने विधि तोकिएको छ। नयाँ जडान गर्ने बेला लगिदिनुहुन्छ कि भनेर खरिद गरेको पसल वा फुकुओका शहरभित्रको Best Denki वा Yamada Denki मा सोध्नुहोला। रिसाइकल शुल्क, संकलन र यातायात शुल्क आवश्यक पर्छ। “अनावश्यक सामानहरू सस्तोमा संकलन गरिदिन्छौं” भनि विज्ञापन गर्नेहरुले, फुकुओका शहरको अनुमति बिना अवैध रूपमा संकलन गर्ने ठेकेदार हुन्। अनुमति प्राप्त नभएका ठेकेदार, अवैध डम्पिंग वा अनुचित प्रशोधन गर्ने, अधिक शुल्क लिने जस्ता समस्याहरू निम्त्याउने हुनाले कृपया यसको प्रयोग नगर्नुहोस्।

 

【कोरोना भाइरस संक्रमण रोकथामका लागि अनुरोध】

आजकल, कोरोना भाइरस संक्रमण बिरूद्ध कदम चाले पछि, मानिसहरुको सम्पर्कमा आउने गतिबिधि अलि बढेर आएको छ, तर अबबाट क्रिसमस, नयाँ वर्ष पूर्वसंध्या, र नयाँ वर्ष जस्ता मौसमी कार्यक्रमहरूमा भेला हुने अवसरहरू बढ्नेछन्। मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI प्रत्येक व्यक्तिले, आधारभूत संक्रमण रोकथामका उपायहरू अपनाउन हुन विनम्र अनुरोध गर्दछौंI

【जाडोको लुगा बाहिर निकाल्ने र मुशिबोशी सम्बन्धि परिचय】

यो, दराजमा थन्काएर राखिएका जाडोको लुगा बाहिर निकाल्ने मौसम होI जापान एक उच्च आर्द्रता भएको देश हो, त्यसैले यहाँ लुगालाई सुरक्षितसाथ राख्ने आफ्नै बिधि छ जसलाई "मुशिबोशी" भनिन्छ।

मुशिबोशी शब्द सुन्दा तपाईं के जस्तो लाग्छ होला?

बास्तवमा मुशिबोशी भनेको लुगाहरुमा धुसि नपरोस् भनेर, धोएर सुख्खा पारि, सफा ठाउँमा राख्ने बिधि हो। जब मौसम राम्रो र हावा सुख्खा हुन्छ, यस्तो बेलामा लुगा सुकाउँदा  किराले खानबाट रोक्नुको साथै, ओसिलोपन हटाउँछ र धुसि पर्नबाट पनि जोगाउँदछ। गर्मीयाम सकिन लागेको बेला October-November मा मात्र नभई, बर्षायाम शुरु हुनु अघिको बेला  July-August र हावा सुख्खा हुने समय January-February गरि, वर्षको तीन चोटी मुशिबोशी गरिन्छ।

 

【फुकुओका शहरले जारी गरेको जानकारीमुलक सूचना】

”नि:शुल्क शिशु शिक्षा र बाल हेरचाहको बारे”

यो सूचना साना बच्चाहरू भएका सबैका लागि हो।

३ देखि ५ वर्षको उमेरका बच्चाहरूको लागि किन्डरगार्टेंन,  नर्सरी स्कुल र प्रमाणित बाल संस्थाहरूमा अक्टूबर २०१९  देखि नि:शुल्क गरिएको छ।

तापनि,  तपाईंले यातायात, खाजा, र कार्यक्रमहरूको लागि पैसा तिर्नु पर्छ।

किन्डरगार्टेंन र  नर्सरी स्कुल अनुसार, सम्पूर्ण शुल्कमा पूर्ण रूपमा निःशुल्क नहुन सक्छ।

नबुझेको केही कुरा भएमा, वार्ड कार्यालयमा सम्पर्क राख्नुहोस्I

वार्ड कार्यालयमा, १८ वटा भाषाहरुमा परामर्श लिन सक्नुहुन्छ।

फोन नम्बर, ०९२-७५३-६११३I

यो नम्बरबाट, शुरुमा दोभाषे सेन्टरमा फोन लाग्छ, त्यसपछि वार्ड अफिसमा सम्पर्क हुनेछ।

त्यसपछि,  आफू बस्ने वार्ड अनि तपाईंले बुझ्न चाहेको कुरा भन्नुहोला।

 

“धुम्रपान आचरण सम्बन्धि”

के तपाईंलाई धुम्रपानका नियमहरू थाहा छ?

हिड्दा वा साइकल चलाउँदा धुम्रपान नगरौं।

फुकुओका शहरमा, विशेष गरी धेरै मानिसहरू हुने तेन्जिन, डाइम्यो र हाकाता स्टेशन परिसरको सडकहरुमा धुम्रपान गर्न निषेध गरिएको छI

हिंड्दा वा भिडभाडमा धुम्रपान गर्नु एकदम डरलाग्दा कार्यहरु हुन्I

व्यक्तिसँग ठोक्का, चुरोटको आगोले गर्दा पोल्ने वा लुगालाई जलाउने जोखिमको सम्भावना हुन्छ। धुँवाले गर्दा वरपरका मानिसहरुलाई अप्ठ्यारो पर्न पनि सक्छ।

साथै, धुम्रपान गरेको चुरोट सडकमा फाल्दा, आगलागि हुने सम्भावना पनि छ।

आफूले पिएको चुरोटको ठुटालाई, तोकिएको ठाउँमा फाल्नु राम्रो आचरण होI

बाहिर धुम्रपान गर्दा, पोर्टेबल एशट्रेसँगै बोक्ने गरौं।

धुम्रपान गर्दा, तोकिएको स्थानमा गर्न अनुरोध गर्दछौं।

नियम र आचरणहरुलाई अनुसरण गरि, तपाईंको वरपरका मानिसहरूको पनि सुरक्षित र आरामदायक जीवनयापनको लागि, सहयोगको अपेक्षा राख्दछौंI

 

 

【बृद्ध सम्मान दिवस】

जापानमा सेप्टेम्बरको तेस्रो सोमबार “बृद्ध सम्मान दिवस” ​​हो।

लामो आयु बाच्नु भएका समाजका बृद्धहरुलाई सम्मान गरि, उहाँहरुको दीर्घायु मनाउने बिदाको दिनको रुपमा रहेको छ।

यो वर्ष, यो दिवस सेप्टेम्बर २१ सोमबारमा परेको छI

सामान्यतया यो दिन, हजुरबुबा हजुरआमासँग खाना खाने, यात्रा गर्ने गरिन्छ, तर यो वर्ष कोरोनाको प्रभावले गर्दा, अनलाइन मार्फत् मनाउने लोकप्रिय हुन सक्छ।

यस अतिरिक्त, दिन फरक भए पनि, परिवारका सदस्यहरू र चिनेका बृद्धहरुलाई सम्मान र राम्रो स्वास्थ्यको कामना गर्ने दिनको रूपमा, जापान मात्र नभई अमेरिका, क्यानाडा, चीन, र दक्षिण कोरिया जस्ता देशहरूमा पनि मनाईन्छI

 

【फुकुओका शहरले जारी गरेको जानकारीमुलक सूचनाहरु】

साइकल बीमाको बारेमा

यो साइकल चलाउनेहरूको लागि सूचना हो।

फुकुओका शहरले नियम संशोधित गरि, २०२० अक्टोबर १ देखि, फुकुओका शहरमा साइकल चालकहरूले साइकल बीमामा अनिवार्य सामेल हुनु पर्ने गरिएको छ।

काम, स्कूल वा किनमेल आदिमा जाँदा साइकल चलाउनेहरु, कम्पनीको काममा साइकल चलाउने व्यक्तिहरु वा साइकल भाँडामा लिने कम्पनिको व्यक्तिहरुले अवश्य पनि बीमामा सामेल हुनहोस्।

बच्चाले साइकल चलाउँदा, बुबा वा आमा जस्ता अभिभावकसँगै जाने गर्नुहोस्।

साइकल दुर्घटना भयो भने, तपाईंले दुर्घटनामा परेको व्यक्तिलाई धेरै पैसा तिर्नुपर्ने हुन्छ।

तर, यदि तपाईंसँग साइकल बीमा छ भने, उदाहरणका लागि, तपाईं साइकल चलाउँदै गर्दा, यदि कसैलाई चोटपटक लाग्न गएमा, तपाईंको पक्षबाट औषधि उपचारको लागि भुक्तानी गरिनेछ।

साइकल चलाउने व्यक्तिहरुले, हुन सक्ने दुर्घटनाको क्षतिपुर्तीबाट बच्न, साइकल बीमा लिनु पर्छ।

अवश्य पनि, हामी सबैले ट्राफिक नियमहरूको पालना गर्ने गरौँ!

 

"फुकुओका केन्तेइ" अर्थात् "फुकुओका टेस्ट" को बारेमा

तपाईंहरुलाई फुकुओकाको बारेमा कत्तिको जानकारी छ होला?

 

जस्तै "फुकुओका र हाकाता बीच के भिन्नता छ?" त्यस्तै "बारिखाटा भनेको के हो?"

 

फुकुओका शहरमा, फुकुओकालाई अझ व्यापक र गहिरो रुपमा जान्ने "फुकुओका डोरी" को संख्या बढाउनको लागि, फुकुओका केन्तेइ अर्थात् "फुकुओका टेस्ट" लिंदैछौँI

 

यदि तपाईंले "फुकुओका टेस्ट" पास गर्नुभयो भने, तपाईंले पर्यटक सुविधाहरूमा छुट पाउन सक्नुहुन्छ जस्तै बिभिन्न संग्रहालयहरू, साथै नि: शुल्क उपहार पनि पाउन सक्नु हुनेछI

 

"फुकुओका टेस्ट" को होमपेजमा, परीक्षाको बारेमा जानकारीको अतिरिक्त, फुकुओकाको ईतिहास र संस्कृति एक खेल जस्तै अध्ययन गर्ने, फुकुओकाको आकर्षण प्रस्तुत गर्ने भिडियो हेर्ने र रमाईलो गर्दै फुकुओकाको बारेमा जानकारी लिन सक्नुहुन्छI

 

अझै तपाईंलाई थाहा नभएको फुकुओकाको धेरै आकर्षणहरू छन्!

 

कृपया होमपेज हेर्नुहोला र फुकुओका-डोरी बन्नु होला।

 

होमपेज रहेको छ, fukuokakentei.com

 

त्यस्तै, बारिखाटा भनेको हाकाता रामेनको चाउचाउ हो,यो उमालेको हुन्छ!

 

यावा, खाटा, बारिखाटा, हारिगाने आदि, तपाईलाई मन पर्ने उमालिएको चाउचाउको कडापन अनुसार मगाउने शब्दहरु हुन्I

 

बारिखाटा सामान्य चाउचाउ भन्दा कडा हुन्छ।

 

के तपाईंलाई यो थाहा थियो?

 

【युकाता】

"युकाता" भनेको गर्मीको बेला लगाउने अनौपचारिक जापानी लुगा हो। पातलो कपडाबाट बनेको यो लुगा, गर्मीमा रमाइलोको लागि फेसनको रूपमा, प्रायःजसो, बोन ओडोरी र आतिशबाजी उत्सवहरू आदिमा लगाइन्छ। साथै, युकाता लगाउँदा, "गेटा" भनिने, परम्परागत जापानी जुत्ता पनि लगाउनु पर्छ।

युकाता, पुरानो जमानादेखि आधुनिकशैलीसम्मको, विभिन्न आकर्षक डिजाईनहरूमा पाईन्छI यसमा विभिन्न किसिमका डिजाइनहरु, जस्तै फूल, आतिशबाजी, गोल्डफिश, जापानी गर्मी ऋतुको सुन्दर दृश्य आदिले भरिएको हुन्छ।

नयाँ कोरोना भाइरसका कारण, यस वर्ष गर्मीको चाडपर्वहरु नभएकोले, युकाता लगाएको व्यक्ति शहरमा देख्ने मौका नहुन सक्छ, तापनि युकाता भाडामा दिने पसलहरू भएकाले, यदि तपाईं जापानमा बस्दै हुनुहुन्छ भने, एकपटक लगाएर हेर्नु भए कस्तो होला?

 

【फुकुओका शहरले जारी गरेको जानकारीमुलक सूचनाहरु】

विशेष तथा निश्चित अनुदान रकमको बारेमा

जापान सरकारबाट पाउने १ लाख येनको राहत रकमको लागि आवेदन बुझाउने अन्तिम म्याद अगस्त ३१ तारिख हो।

२०२० अप्रिल २७ सम्ममा जापानको आधारभूत बसोबास दर्ता पुस्तिकामा दर्ता भएकाहरुलाई, फुकुओका शहरले  आवेदन फारम पठाएको छI

कृपया अन्तिम म्यादसम्ममा आवेदन बुझाउनुहोलाI नबुझेको केही कुरा भएमा, फोनमार्फत परामर्श लिन सक्नुहुन्छI

फोन नम्बर, ०९२-४०१-०८२६ I

सोमबार देखि शुक्रवार बिहान ९ बजेदेखि बेलुका ६ बजेसम्म, अंग्रेजी, चाइनिज, कोरियाली, भियतनामी र नेपाली भाषामा परामर्श लिन सक्नुहुन्छ।

यस अतिरिक्त, Life in Fukuoka को विशेष एपिसोडमा ५ मिनेटमा बुझ्न सजिलो हुने गरि, ‘विशेष तथा निश्चित अनुदान रकम’ सम्बन्धि जानकारी दिने कार्यक्रम, हाल LOVE FM मा प्रसारण भईरहेको छI

नेपाली भाषामा हरेक हप्ताको विहिबार दिउँसो १:५३ बाट सुन्न सक्नुहुन्छI

LOVE FM को होमपेजबाट podcast मा गएर तपाईको मिल्ने समयमा पनि सुन्न सक्नुहुन्छI

अवश्य होमपेज हेर्नुहोलाI

 

मापसे ड्राइभिंग उन्मूलनको बारेमा

तपाईहरुलाई, २००६ अगस्त २५ मा फुकुओका शहरमा  घटेको, मदिरा सेवन सवारी दुर्घटनाको बारेमा थाहा छ?

हिगासी वार्डको "उमि नो नाका मिची ओहाशी" मा, मापसे गरि सवारी चलाउँदा, दुर्घटनामा तीन बच्चाहरुको मृत्यु भयो।

फुकुओका शहरमा, यस दुर्घटनाको कारण, मादक पदार्थ सेवन गरि सवारी चलाउन रोक्नका लागि विभिन्न प्रयासहरू हुँदै आईरहेकोछ। तर पनि यो अहिलेसम्म रोकिएको छैन। २०२० मा, मापसेका कारण ३९ दुर्घटनाहरू भएको पाईन्छ। मदिरा सेवन गरि गाडी चलाउनु अपराध हो।

l  मदिराको सेवन गरेपछि कार, मोपेड, वा साइकल नचलाउनुहोस्।

l  मदिराको सेवन गरेको व्यक्तिलाई कार भाँडामा दिने वा गाडी चलाउने व्यक्तिलाई रक्सी पिउन प्रोत्साहन नगर्नुहोस्।

l  साथै, सवारी चालकले मदिराको सेवन गरेको थाहा पाउँदा, त्यस कारमा नचढ्नुहोस्।

 

मदिरा पिएर गाडी चलाउनु भयो भने, ट्राफिक दुर्घटनाको जोखिम बढाउँछ।

उदाहरण को लागी,

l  सुरक्षित ड्राइभिंगका लागि आवश्यक, ध्यान र निर्णय कम हुनेछ।

l  अत्यधिक गति र खतरा पत्ता लगाउन ढिलाइ हुनेछ।

l  ब्रेक पेडल थिच्न लामो समय लिनेछ।

 

हामी सबैले मदिरा सेवन गरि सवारी नचलाऔं र चलाउन पनि नदिऔं भन्ने दृढ इच्छाशक्ति हुनु आवश्यक छ।

दुर्घटनाको १४ बर्ष पुगेको यस वर्ष, अगस्ट २५ देखि अगस्ट ३१ सम्म, फुकुओका सिटी हलको पहिलो तल्लाको लबिमा "लाइफ सन्देश प्रदर्शनी" राखिनेछ।

फेरी एकपटक,  मापसेको कारण सवारीबाट भएको दु:खत दुर्घटनाको बारेमा जानौं, पीडितहरूलाई महसुस गरौं, र सबैले मापसे ड्राइभिंगलाई बन्द गरौँ!

【फुर्सदको समयमा टहल्नु】

तपाईंहरु कत्तिको हिड्नुहुन्छ होला? जो लामो समयसम्म घरमा बस्नुहुन्छ, वा लामो समय उठ्ने वा बस्ने काम गर्नु हुन्छ, उहाँहरुले यदि हिड्ने गर्नु भएन भने, शरीरलाई नकारात्मक असर पर्दछI म चाहिँ, अफिस नजिक भएकोले हिडेर नै जान्छुI अनि खाली समयमा र बिदाको दिनमा पनि, जब मौसम राम्रो हुन्छ, तब साँझतिर, मलाई ओहोरी पार्कमा टहल्न धेरै मन पर्छI तपाईंहरु पनि समय निकालेर हिड्ने गर्नुहोस् I बरु, आजकल गर्मी बढिरहेको हुनाले, बाहिर जाँदा पानी पिउने गर्नुहोस्, मिल्छ भए बोकेर जाने गर्नुहोस् I अनि शरीरलाई अत्याधिक गर्मी हुनबाट जोगाउनुहोस्I

 

【फोहर फ्याँक्ने नियम सम्बन्धी】

फुकुओकाको फोहर फ्याँक्ने नियम सम्बन्धी सूचना रहेको छI

फुकुओकामा फोहरलाई तीन किसिममा विभाजन गरी फ्याँक्ने गरिन्छ।

जल्ने फोहर, खाली सिसाको बोतल/प्लास्टिकको बोतल, अनि नजल्ने फोहर गरी ३ किसिमका हुन्छन्I

कन्भिनियन्स स्टोर वा सुपर मार्केटमा बेची राखेको, फुकुओका शहरको फोहर-फाल्ने-झोला प्रयोग गरेर फोहोर फाल्ने गर्नुहोस्!

जल्ने फोहरको लागि, रातो रंगको फोहर-फाल्ने-झोला होI

कच्चा फोहोर, कागज, कपडा, प्लास्टिक आदि फाल्ने बेलामा, यो रातो झोला प्रयोग गर्नुहोस्I

खाली सिसाको बोतल र प्लास्टिकको बोतल फाल्नको लागि, पहेंलो रंगको फोहर-फाल्ने-झोला हो।

अन्य फोहोर जस्तै खाली क्यान र गिलास जस्तालाई, नजल्ने फोहरको रुपमा, निलो फोहर-फाल्ने-झोलामा फाल्नु पर्दछI

बसोबास गर्ने ठाउँ अनुसार फाल्ने दिन तोकिएको हुन्छ। 

जल्ने फोहर हप्तामा २ पटक, खाली सिसाको बोतल/प्लास्टिकको बोतल र नजल्ने फोहर चाहिँ महिनाको १पटक संकलन हुन्छI

अँध्यारो भएदेखि रातिको १२ बजे सम्ममा, फोहर फाल्ने निश्चित ठाउँमा फाल्नुहोस।

फुकुओका शहरको आधिकारिक LINE ID मा Friend add गरेर, तपाईंको ठेगाना राख्नु भयो भने, LINE बाट फोहोर फाल्ने दिनको बारेमा जानकारी उपलब्ध गराईन्छI

एउटा झोलामा नअट्ने ठूला आकारको फोहर वा भारी फोहरलाई, ठूला आकारको फोहरको रुपमा फाल्नुहोस्I

ठूला आकारको फोहरका लागि, फोन, इन्टरनेट, वा LINE द्वारा ‘फुकुओका शी सोदाई गोमी उकेचुके’ मा सम्पर्क गरेर  संकलन गराउन सक्नुहुन्छ।

कृपया शुल्क, फोहोर फाल्ने ठाउँ, मिति, इत्यादि जाँच गरेर फोहोर बाहिर राख्नुहोस्।

फोनमार्फत सम्पर्कका लागि, ठुलो आकारको फोहर फाल्ने सेन्टरको फोन नम्बर, ०९२-७३१-११५३ I

यदि तपाईंले जापानी भाषा बुझ्नुहुन्न भने, दोभाषेको लागि अनुरोध गर्न मिल्छI त्यसैले तपाईंलाई कुराकानी गर्न सजिलो भाषा कुन हो, भन्नुहोलाI

【तानाबाता】

जापानमा जुलाईको ७ तारिख “तानाबाता” चाड मनाईन्छI यसलाई ताराको चाड पनि भनिन्छI लोककथाको अनुसार, हिकोबोसी र ओरिहिमे नामका केटाकेटी ताराहरु थिए र उनीहरुको मिलन, आमानोगावा नदि तरेर, बर्षको एक पटक, जुलाईको ७ तारिखमा मात्रै हुन पाउने भन्ने प्रेम कथामा आधारित चाड हो I भनिन्छ कि, यदि, तानाबातामा पानी पर्यो भने, दुई प्रेमीहरूले भेट्न अर्को वर्ष पर्खनुपर्दछ रे! यस दिन, जापानमा लामो अनि साँघुरो रङ्गिन कागजमा आफ्नो ईच्छा लेखेर, बाँसको रुखमा झुन्ड्याउने चलन छI तपाईंहरु पनि मौका मिल्यो भने, आफ्नो ईच्छा लेखेर हेर्नुस् है!

 

【प्लास्टिक झोलाका लागि शुल्क तिर्नु पर्ने बारेमा】

सुपरमार्केट वा कन्भिनियन्स स्टोरमा सामान किन्दा, अहिलेसम्म नि:शुल्कमा पाउँदै आउनुभएको प्लास्टिकको झोला, जुलाई १, २०२० बाट शुल्क तिर्नु पर्नेछI

त्यसैले प्लास्टिकको झोलाको सट्टा, आफ्नै झोला लिएर जाने गरौँ।

प्लास्टिक फोहोरलाई घटाएर, तपाईंले झोलामा पैसा बचत गर्न सक्नुहुन्छ।

पट्याएर कम्प्याक्ट गरि राख्न मिल्ने झोला भएमा, तपाईं यसलाई सँधै आफ्नो ब्यागमा राख्न सक्नुहुन्छ अनि अचानक शपिंग गर्नु पर्दा ढुक्क हुन्छ।

प्लास्टिकको झोला सुविधाजनक छ तर यसको व्यापक प्रयोगले गर्दा, समुद्री फोहोरको समस्या र ग्लोबल वार्मिंगको कारण भएको मानिन्छ।

सकेसम्म धेरै प्लास्टिक झोलाको फोहर कम गर्नका लागि तपाईंहरु सबैको सहयोग र साथको अनुरोध गर्दछौंI

साथसाथै, सामान्यतयाः पाउँदै आउनुभएको प्लास्टिकको झोला वास्तवमै चाहिने हो त भन्ने बारे सोची,  हामीहरुले जीवनशैलीलाई सच्याउँदै जाऔं।

 

【अत्याधिक गर्मीमा सावधानी सम्बन्धि जानकारी】

अत्याधिक गर्मीको बेला, गर्मीबढ्ने जस्ता गाह्रो ब्यायाम गरेमा शरीरले तापक्रम नियन्त्रण गर्न सक्दैन, अनि शरीरमा पानी र नुनको मात्रामा असन्तुलन पैदा हुन्छI

अत्याधिक गर्मीले गर्दा टाउको दुख्ने, चक्कर आउने, बान्ता हुने र झाडापखाला लाग्ने जस्ता लक्षणहरु देखा पर्न सक्छ | यस्तो बेलामा शरीरलाई  चिसो पार्ने तथा नुन पानी पिउने गर्नुपर्दछI यदि यस्तो गर्दा नी ठिक नभएमा, ११९ मा फोन गरेर एम्बुलेन्स बोलाउनुहोस्|

विशेष गरि यो जुलाईमा चर्को घामसँगै बढेको अत्याधिक गर्मीका कारण आपतकालीन वाहकहरु धेरै परिचालन गरिन्छ|

यस्तो अत्याधिक गर्मी र आर्द्रतालाई शरीरले सामान्य रुपमा लिन नसक्ने हुनाले कृपया सावधान हुनु होलाI

यो वर्ष हामीले कोरोनाभाइरसको संक्रमणलाई फैलिन नदिन घरमै धेरै समय बिताई रहेका छौंI

अत्याधिक गर्मीले घर बाहिर मात्र नभई, भित्र पनि उत्तिकै प्रभाव पर्दछI

गर्मीमा मास्क लगाउँदा अझ धेरै गर्मीको प्रभाब बढ्ने सम्भावना हुन्छ, कृपया सतर्क हुनुहोस्I

अब केही अत्याधिक गर्मीबाट बच्ने उपायहरु बताउन गईरहेकी छुI

निरन्तर पानी पिउँदै गर्नुहोस्I साधारणतयाः, एक दिनमा १.२ लिटर जति पानी पिउनुहोस्I

शरीरमा पानीको आपूर्तिको लागि आफ्नो दैनिकीमा चिया र पानीको सक्दो धेरै प्रयोग गरौंI

व्यायाम गर्दा Sports drinks पिउनु पनि उपयुक्त मानिन्छI

यदि तपाईको धेरै पसिना निस्किरहेको छ भने, नुन र पानी पिएर शरीरमा पानीको मात्रा कायम राखौंI

कोठाको तापक्रम २८ डिग्री भन्दा बढी नबनाउनका लागि, air conditioner र फ्यान राम्रोसँग प्रयोग गर्ने गरौँI

 

【बुबाको मुख हेर्ने बारे】

आज हामी बुबाको दिन अर्थात् फादर्स् डे को बारेमा केही कुरा  गरौँI  अब आउने आइतबार जापानमा, फादर्स् डे परेको छ I हरेक वर्ष, जुनको तेश्रो आइतबार, जापानमा फादर्स् डे मनाईन्छ I जापानमा यो दिन, प्राय जसो, बुबालाई जापानी रक्सी, राम्रो ब्रान्डको खानेकुरा र मिठाईहरु दिने चलन छ I यसैगरि, यस दिन बुबालाई धन्यवाद ज्ञापन चिठ्ठी लेखेर दिने वा बाहिर सँगै खान जाने चलन पनि रहेको छ I हामी नेपालीहरुको बुबाको मुख हेर्ने दिन तिथि अनुसार यो वर्ष भाद्रको ३ गते अर्थात् अगस्तको १९ मा परेको छI

 

【विपद् सम्बन्धि】

जापानमा जूनदेखि जुलाईसम्मलाई  "वर्षा ऋतु" भनिन्छ र यस बखत भारी वर्षा हुने गर्दछI

जसका कारण प्रकोपहरू हुने सम्भावना हुन्छ।

जुलाई २०१७ मा, फुकुओका प्रान्तमा पनि भारी वर्षाले धेरै क्षति पुर्याएको थियोI

अधिक वर्षा हुँदा, नदी, तट वा पहाड नजिकको चट्टानहरू जस्ता खतरनाक ठाउँहरू नजिक नजानुहोस् र आफ्नो जीवन रक्षाको लागि कदम चाल्नुहोस्I

यस अतिरिक्त, फुकुओका सिटिको होमपेजमा Hazard map र विपद् रोकथाम सम्बन्धि जानकारी प्राप्त गर्न सक्नुहुन्छI

‘Fukuoka Support for Foreigners’ को साइटमा गएर, Fukuoka City Support for Foreigners को पेजबाट विपद् रोकथाम सम्बन्धि जानकारीहरु हेर्न सक्नुहुन्छI

आफू बस्ने क्षेत्रमा हुन सक्ने सम्भावित खतरा र आश्रय स्थलमा जाने सुरक्षित तरिका आदिको बारेमा अग्रिम जानकारी राख्ने गरौँI

फुकुओका शहरको महत्वपूर्ण जानकारीहरु, फुकुओका सिटिको आधिकारिक Facebook ‘Global Community Fukuoka’ वा Fukuoka City International Foundation को Facebook ‘फुकुओका शी कोकुसाई खाईखान्/ आत्ताखा फुकुओका「福岡市国際会館／あったか福岡」बाट पनि प्राप्त गर्न सक्नुहुन्छI

पेजलाई follow गरेर, सामान्यदेखि महत्वपूर्ण जानकारीहरु लिनु होलाI

त्यस्तै, फुकुओका शहरमा छाताको Sharing service ‘आइकासा’「アイカサ」को शुरु गरिएको छI

तपाईंले सजिलै र सस्तोमा आफ्नो स्मार्टफोनको लाइनबाट छाता भाँडामा लिन सक्नुहुन्छ।

सबवे स्टेशन र डिपार्टमेन्ट स्टोरहरूमा छाताहरू राखिएको हुनाले, अचानक वर्षा हुँदा आदि जस्तोमा कृपया

प्रयोग गरेर हेर्नुहोस्I

बिस्तृत जानकारी ‘आइकासा फुकुओकाश शी’ 「アイカサ　福岡市」मा हेर्नुहोलाI

 

【फुकुओका शहरबाट राष्ट्रिय स्वास्थ्य बीमा सम्बन्धि सूचना】

जापानमा, सबैको स्वास्थ्य बीमा भएको हुनुपर्दछ। तपाईंहरुले पनि बीमा सदस्यता लिनु भएको हुनुपर्छ। स्वास्थ्य बीमाको शुल्क तिर्नाले, यदि तपाई घाइते वा रोगका कारण अस्पताल जानुभयो भने, कम पैसा लाग्छ।

स्वास्थ्य बीमा ३ प्रकारका छन्, तर आज, राष्ट्रिय स्वास्थ्य बीमामा प्रवेश भएकाहरुका लागि सुचना रहेको छI

बीमा शुल्क प्रत्येक वर्ष जूनमा निर्णय हुन्छ। जूनको बीचतिर बीमा शुल्कको लिखित सूचना पठाइनेछ।

बीमा शुल्क जाँच गरेर, र समयभित्र शुल्क तिनुहोस्।

बीमा शुल्क,  अघिल्लो वर्षको आयमा आधारित हुन्छ।

नयाँ कोरोनाभाइरसको प्रभावका कारण आयमा कमी भएका परिवारहरूका लागि, कर शुल्क घटाउन सकिने भएकोले, कृपया वार्ड अफिसमा परामर्श लिनुहोस्।

त्यस्तै, राष्ट्रिय स्वास्थ्य बीमामा प्रवेश भएकाहरुमध्ये, अघिल्लो वर्षको आम्दानी थाहा नभएका परिवारहरूलाई ‘राष्ट्रिय स्वास्थ्य बीमा आय रिपोर्ट’ पठाईएको छI

यदि तपाईंले अहिलेसम्म बुझाउनु भएको छैन भने, कृपया आवश्यक जानकारीका साथ फिर्ता पठाउनुहोस् वा वार्ड अफिस वा शाखा कार्यालयमा पेश गर्नुहोस्।

यदि तपाईंले केही कुरा बुझ्नुभएन भने, १८ वटा भाषाहरुमा, फोनमार्फत परामर्श लिन सक्नुहुन्छ।

फोन नम्बर, ०९२-७५३-६११३, फेरि एकपटक, ०९२-७५३-६११३

यो नम्बरबाट, शुरुमा दोभाषे सेन्टरमा फोन लाग्छ, त्यसपछि वार्ड अफिसमा सम्पर्क हुनेछ।

त्यसपछि,  आफू बस्ने वार्ड अनि तपाईंले बुझ्न चाहेको कुरा भन्नुहोला।