Life in Fukuoka "Nepali"

【युकाता】

के तपाईहरुलाई "युकाता" कोबारे थाहा छ? 

युकाता, परम्परागत रूपमा जापानमा गर्मीको समयमा लगाउने,कटनबाट बनेको अनौपचारिक किमोनो हो। मूल रूपमा, यसलाई नुहाएर लुगाको रूपमा लगाइन्छ। सरल रुपमा लागाइने युकाताहरू प्रायः होटेलहरूमा सुत्ने पोशाकको रूपमा दिने गरिन्छ। सामान्यतया दैनिक जीवनमा आजकल लगाउने गरिंदैन, प्रायः चाडपर्व र आतिशबाजी प्रदर्शन जस्ता कार्यक्रमहरूमा युकाता लगाएका मानिसहरूलाई देख्न सक्नुहुन्छ।

औपचारिक किमोनोको तुलनामा, युकाता धेरै सस्तो र खरिद गर्न पनि सजिलो छ, जुन अर्को फाइदा हो। सजिलैअनुभव गर्न सकिने युकातारेंटलबाट भाडामा लिनु पनि राम्रो होला कि! युकातारेंटलमा, युकाता बाहेक अरु सामानहरू, र सजावटहरू सहित पूर्ण सेटमा पाउनुहुन्छ। त्यहाँ विभिन्न प्रकारका डिजाइनहरू पनि हुने भएकोले, कुन लुगा लगाउने भनेर छनौट गर्न पनि रमाईलो नै हुन्छ।

तपाईंहरु पनि युकाता लगाएर गर्मीमा घुम्न जानुभए कस्तो होला?

【फुकुओका शहरको सूचना】

विश्व एक्वाटिक्स च्याम्पियनशिपको आयोजना शुरु हुन लागेको छ।

विश्व एक्वाटिक्स च्याम्पियनशिप २०२३ फुकुओका टूर्नामेंटको आयोजना शुरु हुन लागेको छ।

जुलाई १४ मा, २२ वर्षमा पहिलो पटक जापान आयोजक हुने विश्व एक्वाटिक्स, फुकुओकामा उद्घाटन हुने भएको छ।

स्विमिङ, आर्टिस्टिक स्विमिङ, डाइभिङ, हाई डाइभिङ, वाटर पोलो र ओपन वाटर स्विमिङ लगायत ६ वटा विधा, ७५ वटा प्रतियोगिताहरु भएको यो च्याम्पियनशिप, ओलम्पिकको बराबरीमा प्रतिष्ठित पौडी प्रतियोगिता हो। २०० भन्दा बढी देशका करिब २४ सय खेलाडीहरुले भाग लिने अपेक्षा गरिएको छ। प्रतिस्पर्धामा विश्वका शीर्ष खेलाडीहरूको उत्साह र प्रभावको अनुभव फुकुओकामा गर्न सक्नुहुनेछ। विश्वका शीर्ष खेलाडीहरूको तेज गति र उत्कृष्ट प्रदर्शनको अनुभव प्रतियोगिता स्थलमा लिन सक्नुहुन्छ। यस ऐतिहासिक क्षणलाई नछुटाउनुहोस्!

यसबाहेक, विश्व एक्वाटिक्स च्याम्पियनसिपको समापन पछि, अगस्ट २ तारिखबाट विश्व मास्टर्स एक्वाटिक्स च्याम्पियनसिप आयोजना हुनेछ। विश्वभरका पौडीवाजहरू दौडमा भाग लिनेछन् र दौड सकेपछि खाना, किनमेल र दर्शनीय स्थलहरूको आनन्द लिई शहर घुम्नेछन्।

टूर्नामेंट अवधिभरि, मुख्य कार्यक्रम स्थल, मरीन मेस्से फुकुओकामा हुने बुथ र स्टेज कार्यक्रमहरू सहितको "फुकुओका इचिबा" जस्ता विभिन्न गतिविधिहरू आयोजना हुनुकासाथै स्थलको वरिपरि झिलिमिली बत्तिको सजावट पनि हुनेछन्। यस बाहेक, हाकाता स्टेशन र हाकाता ऐतिहासिक शहरमा पनि विभिन्न कार्यक्रमहरू आयोजना गरिनेछन्। फुकुओका टावर र पोर्ट टावरमा विश्व एक्वाटिक्स च्याम्पियनशिपहरुलाई स्वागत गर्न लाइट अप भईरहेको छ।

टूर्नामेंट अवधिमा सिफारिस गरिएका पर्यटक स्थलहरू, कार्यक्रमहरुको अपडेटहरू, र स्थानीय व्यवसायहरूको बारे निरन्तर जानकारी आदि वेबसाइटमा राखिएका छन्। विश्व एक्वाटिक्स च्याम्पियनशिपको उत्साह र प्रेरणाको अनुभव गर्न सक्नुहुन्छ तथा सिङ्गो फुकुओका शहर ऊर्जाले गुन्जिरहेको महसुस गर्न सक्नुहुन्छ।

थप अपडेटहरू लिंदै गर्नुहोला।