Life in Fukuoka "Nepali"

【SUNSET LIVE 2024】

फुकुओकामा सेप्टेम्बर महिनालाई "म्यूजिक मन्थ" को रूपमा मनाइन्छ। सेप्टेम्बरभरि फुकुओका संगीतले भरिपूर्ण हुन्छ।
सेप्टेम्बरको पहिलो हप्तामा हुने वार्षिक संगीत कार्यक्रमको कुरा गर्दा, " SUNSET LIVE 2024" यस वर्ष ३० औं र अन्तिम पटक आयोजना हुँदैछ।
यो हप्ताको अन्त्यमा, शनिबार र आइतबार, अर्थात् ७ र ८ तारिकमा, इटोसिमा शहरको खेया समुद्र किनार र क्याम्पिङ स्थलमा विशेष स्टेजमा बाहिरी संगीत कार्यक्रम आयोजना हुँदैछ।
समुद्र र पहाडको नजिकको प्राकृतिक वातावरणमा, उत्कृष्ट स्थानको पृष्ठभूमिमा चर्चित कलाकारहरूको प्रदर्शनको आनन्द लिन सकिन्छ। थप रूपमा, फुकुओकाका लोकप्रिय रेस्टुरेन्टहरूको स्वादिष्ट परिकार पनि मज्जासँग स्वाद लिन सकिन्छ। साथै, समुद्र किनारमा समुद्री खेलकुदको मज्जा पनि लिन सकिन्छ।
समुद्र किनार सफा गर्ने काम र बालबच्चाको हेरचाहको सुविधा सहित, मानिस र वातावरण दुबैको लागि आतिथ्यताले भरिपूर्ण "सनसेट लाइभ" विशेष कार्यक्रम हो। सबै उमेरका मानिसहरूले यसलाई रमाइलोका साथ मनाउन सक्छन्।
"फुकुओकाको गर्मी सिजन सनसेटले समाप्त हुन्छ" भन्ने भनाइ जत्तिकै, फुकुओकाको सेप्टेम्बर महिनामा यो कार्यक्रम एक महत्वपूर्ण परम्परा रहँदै आएको छ। यस अन्तिम विशेष स्टेजलाई अवश्य हेर्नुहोस्।

 

 

【फुकुओका शहरको सूचना】

विपद् रोकथाम दिवस र भण्डारण प्रोत्साहन सप्ताहको बारेमा

यो फुकुओका शहरको सूचना हो।

हरेक वर्ष सेप्टेम्बर १ "विपद् रोकथाम दिवस" ​​हो।

फुकुओका शहरमा, सेप्टेम्बर १ को "विपद् रोकथाम दिवस" देखि सेप्टेम्बर ७ सम्मको एक हप्तालाई "फुकुओका शहर भण्डारण प्रोत्साहन सप्ताह" भनेर तोकिएको छ।

 भण्डारण वा जापानी भाषामा "बिचीकु" भन्नाले आपतकालीन समयका लागि, खाद्य सामग्री आदि संचित गरेर राख्नु हो। घर वा कार्यस्थलहरुमा "भण्डारण" को शुरु लगायत नागरिकहरुमा विपद् रोकथामको बारेमा जनचेतना जगाउने प्रयासहरू भइरहेका छन्।

किन भण्डारको आवश्यकता भएको होला?

• यदि भूकम्प वा आंधी आयो र सुरक्षित भयो भने पनि, हामी पानी र खानाबिना बाँच्न सक्दैनौं।

• पसल बन्द भएमा, खाना वा पेय पदार्थ किन्न सक्दैनौं।

• यदि पानी आपूर्ति बन्द भयो भने, पिउने पानी पाउन सक्दैनौं।

• यदि बिजुली वा ग्यासको लाईन काटिएको छ भने, खाना पकाउन सक्दैनौं। 

• त्यसैले, बाँच्न सफल भएको ‘जीवनको सुचारुक्ता’ को लागी, दैनिक रुपमा भण्डार गर्न आवश्यक छ।

 के र कसरी भण्डार गर्दा राम्रो होला त?

• पिउन मिल्ने पानी र ३ दिनको लागि पुग्ने गरि खानेकुरा तयारी गरि राखौं।

• प्रति दिन १ जनालाई करीव ३ लिटर पानी आवश्यक पर्छ।

• आपतकालिन खाना जस्तै भात (अल्फा चामल आदिको), क्यान् खाना, बिस्कुट, चकलेट बार, र सुख्खा रोटी आदि जस्ता नपकाईकन खान सक्ने खानेकुराहरु तयारी गरि राखौं।

• रेडियो वा फ्ल्यासलाइटमा ब्याट्री छ छैन जाँच गरि राखौं।

• सँधै खाई रहनु भएको औषधि र टास्ने पट्टि जस्ता प्राथमिक उपचार सामग्रीहरू पनि तयार गरि राखौं।

• यदि परिवारमा बच्चा छ भने, डायपर जस्ता आवश्यक सामग्रीहरू तयार गरि राखौं। 

पिउने पानी बाहेक,शौचालय फ्लश गर्नका लागि घरेलु पानी पनि आवश्यक पर्छ। दैनिक रुपमा, पोलीट्यांकमा धाराको पानी भरेर राख्ने, ओफुरोमा पानी भरेर राख्ने आदि जस्ता तयारीहरु गरि राखौं।

यसका साथै, सामान्य रूपमा खाने भन्दा अलि धेरै किनेर राखी, खाएर सक्यो भने पनि, सकेको भाग मात्र किनेर थपी, घरमा खानेकुराको एक निश्चित संचय गर्ने विधिलाई "रोलिंग स्टक" भनिन्छ।

खानेकुराको म्याद सकिने मितिबारे चिन्ता बिना, आपतकालिनको लागि तयारी गर्न सक्ने भएकोले यो बिधि अपनाउन प्रेरित गरिन्छ।

वर्षेनी, यस समयतिर  समुन्द्रि आँधी आउने सम्भावना धेरै हुने भएकोले, विपद्को लागि पुनः तयारी गरि राखौं।

【उमे जुस अर्थात् आलुबखडाको जुस】

उमे अर्थात् आलुबखडाको सिजन लागि नै सकेको छ! उमेको सिजन मे देखि जुलाई सम्म हो। आलुबखडामा भोक बढाउने शक्ति अनि थकान कम गर्ने तत्व हुने भएकोले, अत्यधिक गर्मी महिनाहरूमा थकान मेटाउनको लागि यो खानु अति उत्तम हुन्छ।

आलुबखडा दुई प्रकारका हुन्छन्, जसमध्ये हरियो आलुबखडा अमिलो अनि ताजा स्वादको हुन्छ। 

यो कडा अनि धेरै अमिलो हुने भएकोले, काँचो खान मिल्दैन। यसलाई प्रशोधन गरेर, यसको अमिलो स्वादलाई स्वादिलो पेयपदार्थ र खाद्यपदार्थहरूमा परिणत गरेर, आलुबखडाको रक्सी, सिरपमा खाँदेको आलुबखडाको अचार, अनि कुरुम्कुरूम आलुबखडाको कुरकुरे आदि बिभिन्न तरिकाले स्वादको मज्जा लिन सकिन्छ। 

त्यस्तै, पाकेको आलुबखडा चाहिं पहेंलो, मीठो र फलफूलको जस्तै सुगन्धित हुन्छ। यसको स्वाद सजिलै पच्ने भएकोले यो अचार र जुस बनाउन उपयुक्त हुन्छ। हरियो आलुबखडाबाट बनेको उमेबोशी कुरकुरे प्रकारको हुन्छ भने, पाकेको पहेंलो आलुबखडाबाट बनेको उमेबोशी नरम हुन्छ।

आज आलुबखडाको जुस बनाउने तरिका भन्नेछु। आवश्यक सामग्री, हरियो आलुबखडा र मिश्री बराबर मात्रामा। सबैभन्दा पहिले, आलुबखडालाई राम्ररी पखाल्नुहोस् र यसको अमिलोपन हटाउन लगभग २घण्टा जति पानीमा भिजाउनुहोस्। त्यसपछि, पानीबाट निकालेरआलुबखडाको डाँठहरू हटाउनुहोस्, अनिझोलामा राखेर रातभर फ्रिजरमा राख्नुहोस्। अर्को दिन, उमालेर कीटाणुरहित पारेको भण्डारण बोतलमा, आलुबखडा र मिश्री सँगसँगै राखेर, सामान्य तापक्रममा राख्नुहोस्। लगभग एक हप्तामा जुस तयार हुन्छ, यसलाई कार्बोनेटेड पानी वा साधारण पानीसँग मिसाएर आलुबखडा जुसको आनन्द लिन।

काँचो हरियो आलुबखडा र मिश्री सुपरमार्केटहरूमा सजिलै उपलब्ध हुने भएकोले, पक्कै पनि एकपटक बनाएर हुर्नुहोला है♪♪♪

 

 

【फुकुओका शहरको सूचना】

"चुयु र भारी वर्षा सम्बन्धि"

 

जापानमा जुनदेखि जुलाईसम्मलाई  "चुयु" अर्थात् वर्षा ऋतु भनिन्छ र यस अवधिमा भारी वर्षा हुने गर्दछ।

भारी वर्षाको कारण प्रकोपहरू हुने सम्भावना भएकोले ध्यान दिनुहोला। हालैका वर्षहरूमा पनि, वर्षाको मौसममा रेकर्ड-ब्रेक भारी वर्षाको कारणले, फुकुओका प्रान्तमा पनि धेरै क्षति पुर्याएको थियो।

भारी वर्षा हुँदा, नदी, तट वा पहाड नजिकको चट्टानहरू जस्ता खतराजनक ठाउँहरू नजिक नजानुहोस् र आफ्नो जीवन रक्षाको लागि कदम चाल्नुहोस्।

फुकुओका सिटिको होमपेजमा Hazard map र विपद् रोकथाम सम्बन्धि जानकारी प्राप्त गर्न सक्नुहुन्छ।

आफू बस्ने क्षेत्रमा हुन सक्ने सम्भावित खतरा र आश्रय स्थलमा जाने सुरक्षित तरिका आदिको बारेमा अग्रिम जानकारी राख्ने गरौँ।

बिस्तृत जानकारी, ‘Fukuoka City Multilingual Portal’ भनि खोजि, साईगाईको पेजमा हेर्नुहोला।

फुकुओका शहरको महत्वपूर्ण जानकारीहरु, फुकुओका सिटिको आधिकारिक Facebook ‘Global Community Fukuoka’ वा फुकुओका सिटी इन्टरनेशनल फाउण्डेसनको Facebook ‘फुकुओका शी कोकुसाई खाईखान्/ आत्ताखा फुकुओका「福岡市国際会館／あったか福岡」बाट पनि बहुभाषामा प्राप्त गर्न सक्नुहुन्छI पेजलाई follow गरेर, सामान्यदेखि महत्वपूर्ण जानकारीहरु लिनु होला।

【साकुराको ओहानामी अर्थात् साकुरा फूल फुलेको हेर्ने मेला】

 फुकुओकामा साकुराको ओहानामी अर्थात् साकुरा फूल फुलेको हेर्ने सिजन आउनै लागेको छ।

यस हप्ता, फुकुओका शहरमा साकुराको ओहानामी हेर्ने ठाउँहरूको जानकारी लिएर आएकी छु।

सर्वप्रथम, तेन्जिनबाट १५ मिनेट पैदल दूरीमा रहेको, माइजुरु पार्क।

यस पार्कको प्रतीक चिन्ह भन्नु पर्दा, पक्कै पनि फुकुओका दरबारको भग्नावशेष हो! फुकुओका दरबार वरपरका १००० वटा साकुरा रूखका फूलहरू अति सुन्दर, अनि त्यस माथि रातमा लाइट अप डिस्प्ले अति मनोरञ्जक हुने गर्छ। पानीको सतहमा प्रतिबिम्बित सुन्दर साकुराहरू देख्न सक्नुहुन्छ। यस सिजनको समयमा, त्यहाँ धेरै स्टलहरू र खानाका भ्यानहरू लाग्ने, अनि धेरै मानिसहरुको भीड हुने गर्छ।

अर्को छ, फुकुओका शहरको लगभग केन्द्रमा अवस्थित निशी पार्क ।

यो प्रिफेक्चरमा एक मात्र यस्तो स्थल हो, जुन ‘जापानमा १०० प्रसिद्ध साकुरा ओहानामी स्पटहरू’ मा पर्न सफल भएको छ। निशी पार्कमा १३०० साकुरा रूखका फूलहरूको आनन्द लिन सक्नुहुन्छ। यहाँ पनि, रातमा लाइट अप डिस्प्ले र धेरै स्टलहरूको मजा लिन सक्नुहुन्छ। यहाँको प्रसिद्ध ‘इमाया ह्याम्बर्गर’ खान चाहिं नछुटाउनु होला।

अन्य स्थलहरुमा, Fukuoka Zoo & Botanical Garden वरिपरीको Minami Park, हिगाशी वार्डको Uminonakamichi Seaside Park, र पैदल यात्रा गर्दै जंगलको स्वच्छ हावा र दृश्यको आनन्द लिन सकिने Aburayama Citizen's Forest, त्यस्तै, ‘शुभ साकुरा फूल’ भनि लोकप्रिय रहेको आतागो जिन्ज्या आदि थुप्रै साकुरा ओहानामी स्पटहरू छन्।

साकुरा ओहानामीको सिजन छोटो भएकोले यसलाई नछुटाउनुहोस्!

आशा छ, यस वर्ष पनि सुन्दर साकुरा फूलहरू देख्न सक्छौं ♪

 

 

【फुकुओका शहरको सूचना】

बसाईसराई फोहर सम्बन्धि

वसन्त ऋतुमा स्थान परिवर्तनको कारण फर्निचर र घरेलू उपकरण जस्ता ठूला आकारको फोहर बढ्ने समय हो।

यस पटक, ठूला आकारको फोहोर फाल्ने तरिका सम्बन्धि जानकारी दिनेछु।

ठूला आकारको फोहोर फाल्न, फोन, इन्टरनेट वा फुकुओका सिटीको LINE मार्फत अग्रिम आवेदन दिई, कन्भिनीयन्स स्टोर आदिमा प्रशोधन टिकट खरीद गर्नुहोस्।

फोहर संकलन, आवेदन दिएको मितिबाट एक हप्ता लाग्नेछ।

संकलनको दिनमा बिहान ८:३० सम्म तोकिएको ठाउँमा राख्नुहोस्।

ठूला आकारको फोहोर रिसेप्शन सेन्टरको फोन नम्बर ०९२-७३१-११५३ ।

इन्टरनेट वा LINE मार्फत २४ घण्टा जहिलेपनि आवेदन दिन सकिने भएकोले सुविधाजनक छ।

टिभी, फ्रिज, फ्रिजर, वाशिंग मेशिन, कपडा ड्रायर र एयर कन्डिशनरहरूको हकमा घरायसी सामान प्रशोधन कानुन बमोजिम फोहर फाल्ने विधि तोकिएको छ। 

नयाँ खरिद गर्नु हुँदा भएको पुरानो झिकेर लैजाने वा खरिद गर्नुभएको पसलबाट नै पुरानो झिकिदिने गर्नुहोस्। खरिद गर्नुभएको पसल थाहा नभएमा, नजिकैको Yamada Denki मा सङ्कलन बारे सोधपुछ गर्नुहोस्। संकलन गर्न लगाउँदा, रिसाइकल शुल्क, संकलन र यातायात शुल्क तिर्नु पर्छ।

 

 

नागरिक विपद् रोकथाम दिवस

फुकुओका शहरमा, सन् २००५ मार्च २० मा गएको फुकुओका प्रान्त पश्चिम अपतटीय भूकम्पको अनुभवलाई नबिर्सन मार्च २० लाई "नागरिक विपद् रोकथाम दिवस" को रूपमा तोकिएको छ।

पछिल्ला वर्षहरूमा विभिन्न ठाउँहरुमा भूकम्प, भारी वर्षा जस्ता ठूला प्रकोपहरू भएका छन्। विपद् कहिले आउँछ भनेर थाहा हुँदैन। 

विपद् आईपर्दा, प्रत्येक व्यक्तिले उपयुक्त कदम चाल्नको लागि, दैनिक आधारमा तयारी गर्न महत्त्वपूर्ण छ।

फुकुओका शहरको वेबसाइटबाट Hazard Map वा विपद् सम्बन्धि जानकारी लिने, आश्रय लिने स्थानमा जाँदा लिएर जानुपर्ने सामान पहिलेदेखि तयारी र जाँच गरि राख्ने गर्नुहोस्।

"नागरिक विपद् रोकथाम दिवस" को अवसरमा, आफ्नो, आफ्नो परिवार र समुदायको सुरक्षाको लागि विपद् रोकथामको बारेमा सोचौं।

【Sunset Live】

यस सप्ताहन्तमा, फुकुओकामा ग्रीष्मको अन्त्यको उत्कृष्ट कार्यक्रम, "सनसेट लाइभ" हुन गईरहेको छ। समुन्द्रि तटमा आयोजना हुने, यो एक भब्य आउटडोर संगीत महोत्सव हो। अगाडि समुन्द्रको साथ, बलौटे समुन्द्रि किनारमा, जंगलको बिचमा, र क्याम्पिङ मैदानहरूमा बनाईएका स्टेजमा विभिन्न विधाका उत्कृष्ट कलाकारहरूको लाइनअप प्रस्तुतहरु हुनेछन्। फुकुओकाका रेस्टुरेन्टहरुको खानेकुरा र पेय पदार्थको स्टलहरू धेरै हुने भएकोले संगीतका साथसाथै खानपानको पनि आनन्द लिन सक्नुहुन्छ। यसबाहेक, महोत्सवले प्रकृतिको रक्षाको लागि वातावरण मैत्री गतिविधिहरूलाई प्रोत्साहन गरेको छ।

आयोजना स्थलमा थुप्रै कलाकृतिहरु प्रदर्शन हुनुका साथै प्रतक्ष्य पेन्ट आर्ट पनि हुनेछ। बाल हेरचाह सेवाहरू उपलब्ध हुनेभएकोले बच्चाहरू सहित कार्यक्रममा जान सम्भव छ। सांगीतिक मनोरन्जनको साथसाथै, त्यहाँ समुद्री खेलकुद र अन्य गतिविधिहरूले गर्दा पक्कै पनि ग्रीष्मको भरपूर मनोरञ्जन लिन सक्नुहुन्छ। हाकाता र तेन्जिनबाट सुविधाजनक शटल बसहरू छन्। थप जानकारीको लागि, " Sunset Live 2023" भनि खोज्नुहोस्।

आगामी दिनहरूमा, LOVEFM मा पनि विशेष कार्यक्रमहरु हुने भएकोले निरन्तर सुन्दै गर्नु होला♪

 

 

【फुकुओका शहरको सूचना】

विपद् रोकथाम दिवस र भण्डारण प्रोत्साहन सप्ताहको बारेमा

प्रत्येक वर्ष सेप्टेम्बर १ "विपद् रोकथाम दिवस" ​​हो।

फुकुओका शहरमा, सेप्टेम्बर १ को "विपद् रोकथाम दिवस" देखि सेप्टेम्बर ७ सम्मको एक हप्तालाई "फुकुओका शहर भण्डारण प्रोत्साहन सप्ताह" भनेर तोकिएको छ। भण्डारण वा जापानी भाषामा "बिचीकु" भन्नाले आपतकालीन समयका लागि, खानेकुरा आदि संचित गरेर राख्नु हो। घर वा कार्यस्थलहरुमा "भण्डारण" को शुरु लगायत नागरिकहरुमा विपद् रोकथामको बारेमा जनचेतना जगाउने प्रयासहरू भइरहेका छन्। 

किन भण्डारको आवश्यकता भएको होला?

• यदि भूकम्प वा आंधी आयो र सुरक्षित भयो भने पनि, हामी पानी र खानाबिना बाँच्न सक्दैनौं।
• पसल बन्द भएमा, खाना वा पेय पदार्थ किन्न सक्दैनौं।
• यदि पानी आपूर्ति बन्द भयो भने, पिउने पानी पाउन सक्दैनौं।
• यदि बिजुली वा ग्यासको लाईन काटिएको छ भने, खाना पकाउन सक्दैनौं।
• त्यसैले, बाँच्न सफल भएको ‘जीवनको सुचारुक्ता’ को लागी, दैनिक रुपमा भण्डार गर्न आवश्यक छ।

के र कसरी भण्डार गर्दा राम्रो होला त?

• पिउन मिल्ने पानी र ३ दिनको लागि पुग्ने गरि खानेकुरा तयारी गरि राखौं। प्रति दिन १ जनालाई करीव ३ लिटर पानी आवश्यक पर्छ।
• आपतकालिन खाना जस्तै भात (अल्फा चामल आदिको), क्यान् खाना, बिस्कुट, चकलेट बार, र सुख्खा रोटी आदि जस्ता नपकाईकन खान सक्ने खानेकुराहरु तयारी गरि राखौं।
• रेडियो वा फ्ल्यासलाइटमा ब्याट्री छ छैन जाँच गरि राखौं।
• सँधै खाई रहनु भएको औषधि र टास्ने पट्टि जस्ता प्राथमिक उपचार सामग्रीहरू पनि तयार गरि राखौं।
• यदि परिवारमा बच्चा छ भने, डायपर जस्ता आवश्यक सामग्रीहरू तयार गरि राखौं। 
• पिउने पानी बाहेक,शौचालय फ्लश गर्नका लागि घरेलु पानी पनि आवश्यक पर्छ। दैनिक रुपमा, पोलीट्यांकमा धाराको पानी भरेर राख्ने, ओफुरोमा पानी भरेर राख्ने आदि जस्ता तयारीहरु गरि राखौं। 

यसका साथै, सामान्य रूपमा खाने भन्दा अलि धेरै किनेर राखी, खाएर सक्यो भने पनि, सकेको भाग मात्र किनेर थपी, घरमा खानेकुराको एक निश्चित संचय गर्ने विधिलाई "रोलिंग स्टक" भनिन्छ।

खानेकुराको म्याद सकिने मितिबारे चिन्ता बिना, आपतकालिनको लागि तयारी गर्न सक्ने भएकोले यो बिधि अपनाउन प्रेरित गरिन्छ।

हरेक वर्ष, यस समयतिर  टाइफुन धेरै आउने भएकोले, विपद्को लागि पुनः तयारी गरि राखौं।

【जुनकिरीको अवलोकन】

जुनकिरी नाच्ने मौसम आइसकेको छ। जापानमा जुनकिरीलाई गर्मीको प्रतीक मानिन्छ। यसको मतलब, गर्मी नजिक आउँदै छ भन्ने हो नि, हैन त?

जुनकिरी नाच्दा बत्ती जस्तै चम्किने भएकोले यो मनमोहक र सुन्दर भई, धेरै मानिसहरूलाई यसले आकर्षित गर्ने गरेको छ।

फुकुओकामा जुनकिरीहरू हेर्नका लागि सबैभन्दा राम्रो समय, हरेक वर्ष मेको अन्त्यदेखि जूनको शुरुसम्म हो।

जुनकिरीहरु प्राकृतिक र स्वच्छ पानीमा बस्न मन पराउँछन्।

फुकुओकामा जुनकिरीको रमाईलो अवलोकन गर्न मिल्ने ठाउँहरू धेरै छन्।

फुकुचु सिटीको "मोटोगीगावा सिजेन् कोउएन - होटारु नो सातो" र तोहो मुराको "तानाडा शिन्सुई कोउएन" आदि प्रख्यात छन्। फुकुओका शहर भित्र पनि जुनकिरीहरू देख्न पाईने  ठाउँहरू छन्! त्यसमध्ये एउटा स्थान हो, हाकाता स्टेशन भवनको छतको बगैचा, "चुबामे नो मोरी हिरोबा"। शहरको होहल्लालाई भुलेर, प्रकृतिको सौन्दर्यको आनन्द लिन सक्नुहुन्छ! हाकाता घुम्न जानुहुँदा, पक्कै पनि त्यहाँ जानुहोला।

जुनकिरीहरु दुर्लभ कीराहरूमा पर्छन्। तिनीहरूको नाजुक स्वभावको कारण, तिनीहरूलाई समात्ने वा तर्साउने नगरी, उचित शिष्टाचारको साथ अवलोकन गरौं।

 

 

【फुकुओका शहरको सूचना】

चुयु र भारी वर्षा सम्बन्धि

जापानमा जुनदेखि जुलाईसम्मलाई  "चुयु" अर्थात् वर्षा ऋतु भनिन्छ र यस अवधिमा भारी वर्षा हुने गर्दछ।

भारी वर्षाको कारण प्रकोपहरू हुने सम्भावना भएकोले ध्यान दिनुहोला।

 

हालैका वर्षहरूमा पनि, वर्षाको मौसममा रेकर्ड-ब्रेक भारी वर्षाको कारणले, फुकुओका प्रान्तमा पनि धेरै क्षति पुर्याएको थियो।

भारी वर्षा हुँदा, नदी, तट वा पहाड नजिकको चट्टानहरू जस्ता खतराजनक ठाउँहरू नजिक नजानुहोस् र आफ्नो जीवन रक्षाको लागि कदम चाल्नुहोस्।

फुकुओका सिटिको होमपेजमा Hazard map र विपद् रोकथाम सम्बन्धि जानकारी प्राप्त गर्न सक्नुहुन्छ।

आफू बस्ने क्षेत्रमा हुन सक्ने सम्भावित खतरा र आश्रय स्थलमा जाने सुरक्षित तरिका आदिको बारेमा अग्रिम जानकारी राख्ने गरौँ।

बिस्तृत जानकारी, Fukuoka City Multilingual Portal भनि खोजि, साईगाईको पेजमा हेर्नुहोला।

फुकुओका शहरको महत्वपूर्ण जानकारीहरु, फुकुओका सिटिको आधिकारिक Facebook ‘Global Community Fukuoka’ वा फुकुओका सिटी इन्टरनेशनल फाउण्डेसनको Facebook ‘फुकुओका शी कोकुसाई खाईखान्/ आत्ताखा फुकुओका　बाट पनि बहुभाषामा प्राप्त गर्न सक्नुहुन्छI पेजलाई follow गरेर, सामान्यदेखि महत्वपूर्ण जानकारीहरु लिनु होला।

 

 

आइकासाको बारेमा

त्यस्तै, फुकुओका शहरभित्र छाताको Sharing service ‘आइकासा’「アイカサ」 उपलब्ध छ।

सबवे स्टेशन र डिपार्टमेन्ट स्टोरहरूमा छाता सापट लिन मिल्ने स्पटहरु भएकाले, स्मार्टफोन प्रयोग गरि छाता सजिलैसँग सापट लिन सक्नुहुन्छ।

चौबीसै घण्टा ११० येनमा प्रयोग गर्न सकिने, प्लास्टिकको छाता किन्नुभन्दा सस्तो र पर्यावरणलाई पनि राम्रो हुने भएकोले, अचानक पानी पर्दा आदि जस्तोमा प्रयोग गरेर हेर्दा कसो होला।

【विपद् रोकथाम दिवस "विपद् आइपर्दा आश्रय लिन जाने बारे】

प्रत्येक वर्ष सेप्टेम्बर १ "विपद् रोकथाम दिवस" ​​हो।

आजको कार्यक्रममा, "विपद् आइपर्दा आश्रय लिन जाने बारे" सँगै विचार गरेर हेरौं।

 

आश्रय लिन जानु भनेको खतराबाट बच्नु हो।

विपद्को समयमा, सुरक्षा सुनिश्चित हुन सकिने स्थानको बारेमा अग्रिम रुपले जानकारी राख्ने गरौं।

 

भारी वर्षाको जोखिमको पुनःअनुमानित हुँदा वा वास्तवमै भारी वर्षा हुँदा आदि, खतराको प्रबल सम्भावनाको अवस्थामा, खतराजनक ठाउँहरू वा त्यस वरपरका मानिसहरूले फुकुओका शहरबाट आश्रय लिन जाने बारे जानकारी जारी नगरेको भएता पनि, तुरुन्तै खाली गर्न सकिने गरि तयारी गरि राखौं  र आफ्नो सोचबूझले  आश्रय लिन जाने बारे विचार गर्नुहोस्।

 

"खतराजनक ठाउँहरू" भन्नाले, पहाड र नदी नजिकका क्षेत्रहरू, बाढीको जोखिम भएका क्षेत्रहरू आदि, बाढीपहिरोको जोखिम हुने क्षेत्रहरू हुन् ।

 

"खतराजनक ठाउँहरू" फुकुओका शहरको होमपेज "फुकुओका शहरको बिस्तृत Hazard Map" मा जाँच गर्न सक्नुहुन्छ।

"Hazard Map" मा, तपाईंको घर नजिकको आश्रय स्थल वा आश्रय क्षेत्रको बारेमा पनि जाँच गर्न सक्नुहुन्छ।

 

फुकुओका शहरले स्थापना गरेको आश्रय स्थलमा मात्र नभई, सुरक्षा सुनिश्चित हुने भएमा, आफन्त तथा चिनजानका घर, होटल आदि पनि आश्रय स्थल बन्न सक्छ।

विशेष गरी नयाँ कोरोनाभाइरसको संक्रमण जारी रहेको अवस्थामा, यस किसिमको "विकेन्द्रीकृत आश्रय" महत्त्वपूर्ण छ।

 

साथै, पहिरो वा बाढीको जोखिम नभएको "सुरक्षित स्थान" मा हुनेहरुले, घरमै बसेर आफ्नो सुरक्षा सुनिश्चित गर्नुहोस्।

 

"सुरक्षित स्थान" भन्नाले, विगतमा कुनै पनि विपत्तिहरू नभएको भन्न खोजेको चै होइन।

त्यसैले, यदि अलिकति मात्र पनि असुरक्षित महसुस भएमा, अर्को स्थानमा जानका लागि तयार हुनुहोस्।

 

साथै, आपतकालीन अवस्थामा आश्रयका लागि तुरुन्तै बाहिर निस्कन सक्ने गरी, आपतकालीन वस्तुहरू, पानी, खाना, मोबाइल फोन चार्जर, आवश्यक औषधि, औषधि नोटबुक अतिरिक्त नयाँ कोरोना भाइरस संक्रमण विरुद्धको उपायका रूपमा मास्क, sanitizer, थर्मोमिटर, प्लास्टिक पञ्जा, आदि सहित आपतकालीन झोला अग्रिम रुपमा तयारी गरी राख्ने गरौं।

 https://webmap.city.fukuoka.lg.jp/bousai/

 

【फुकुओका शहरको सूचना】

विपद् रोकथाम दिवस र भण्डारण प्रोत्साहन सप्ताहको बारेमा

अर्को जानकारी रहेको छ, भण्डारणको बारेमा।

भण्डारण वा जापानी भाषामा "बिचीकु" भन्नाले आपतकालीन समयका लागि, खानेकुरा आदि संचित गरेर राख्नु हो।

फुकुओका शहरमा, सेप्टेम्बर १ को "विपद् रोकथाम दिवस" देखि सेप्टेम्बर ७ सम्मको एक हप्तालाई "फुकुओका शहर भण्डारण प्रोत्साहन सप्ताह" भनेर तोकिएको छ।

घर वा कार्यस्थलहरुमा "भण्डारण" को शुरु लगायत नागरिकहरुमा विपद् रोकथामको बारेमा जनचेतना जगाउने प्रयासहरू भइरहेका छन्।

 

किन भण्डारको आवश्यकता भएको होला?

यदि भूकम्प वा आंधी आयो र सुरक्षित भयो भने पनि, हामी पानी र खानाबिना बाँच्न सक्दैनौं।

पसल बन्द भएमा, तपाईं खाना वा पेय पदार्थ किन्न सक्नुहुन्न।

यदि पानी आपूर्ति बन्द भयो भने, पानी पिउन पाउनुहुन्न।

यदि बिजुली वा ग्यासको लाईन काटिएको छ भने, तपाईं खाना पकाउन सक्नुहुन्न।

त्यसैले, बाँच्न सफल भएको ‘जीवनको सुचारुक्ता’ को लागी, दैनिक रुपमा भण्डार गर्नु आवश्यक छ।

 

के र कसरी भण्डार गर्दा राम्रो होला त?

पिउन मिल्ने पानी र ३ दिनको लागि पुग्ने गरि खानेकुरा तयारी गरि राखौंI

प्रति दिन १ जनालाई करीव ३ लिटर पानी आवश्यक पर्छ।

आपतकालिन खाना जस्तै भात (अल्फा चामल आदिको), क्यान् खाना, बिस्कुट, चकलेट बार, र सुख्खा रोटी आदि जस्ता नपकाईकन खान सक्ने खानेकुराहरु तयारी गरि राख्नुहोस्।

रेडियो वा फ्ल्यासलाइटमा ब्याट्री छ छैन जाँच गर्नुहोस्।

सँधै खाई रहनु भएको औषधि र टास्ने पट्टि जस्ता प्राथमिक उपचार सामग्रीहरू पनि तयार पार्नुहोस्।

यदि परिवारमा बच्चा छ भने, डायपर जस्ता आवश्यक सामग्रीहरू तयार गर्नुहोस्।

 

पिउने पानी बाहेक,शौचालय फ्लश गर्नका लागि घरेलु पानी पनि आवश्यक पर्छ।

दिनदिनै, पोलीट्यांकमा धाराको पानी भरेर राख्ने, ओफुरोमा पानी भरेर राख्ने आदि जस्ता तयारीहरु गरि राखौं।

 

यसका साथै, सामान्य रूपमा खाने भन्दा अलि धेरै किनेर राखी, खाएर सक्यो भने पनि, सकेको भाग मात्र किनेर थपी, घरमा खानेकुराको एक निश्चित संचय गर्ने विधिलाई "रोलिंग स्टक" भनिन्छ।

खानेकुराको म्याद सकिने मितिबारे चिन्ता बिना, आपतकालिनको लागि तयारी गर्न सक्ने भएकोले यो बिधि अपनाउन प्रेरित गरिन्छ।

 

हरेक वर्ष, यस समयतिर  टाइफुन धेरै आउने भएकोले, विपद्को लागि पुनः तयारी गरि राखौं।

【ओओजुमोउ क्युउश्यु बास्यो】

के तपाईंले कहिल्यै सुमो रेसलिंग लाइभ हेर्नुभएको छ?

नोभेम्बर १४ देखि २८ सम्म, फुकुओका ईन्टरनेसनल सेन्टरमा ओओजुमोउ क्युउश्यु बास्यो आयोजना हुन गईरहेको छ।

हरेक वर्ष नोभेम्बरमा, फुकुओका शहरमा युकाटा लगाएका सुमो रेस्लरहरू देख्न पाईन्छ, तर पछिल्ला दुई वर्ष नयाँ कोरोनाभाइरसको प्रभावका कारण, खेल रद्द गरिएको थियो।

शहर वरिपरि हिड्ने सुमो रेस्लरहरू भर्खरका भए पनि, भविष्यमा प्रसिद्ध हुनेहरुको गन्तिमा धेरै पर्छन्।

समाचार र पत्रपत्रिकामा नाम छापिएका सुमो रेस्लरहरू लोकप्रिय हुनेभएकाले उनीहरू सार्वजनिक रूपमा बाहिर देखा पर्दैनन्।

प्रवेश शुल्कको हकमा, यदि बिहानदेखि लाइनमा बस्नु भयो भने सबैभन्दा सस्तो बुकिंग नभएको सिट प्रति व्यक्ति २००० येनमा पाउन सक्नुहुन्छ।

तामारी भनिने सबैभन्दा राम्रो सिटको शुल्क प्रति व्यक्ति २०,००० येन पर्छ।

भनिन्छ कि, एक पटक तामारीमा बसेर खेल हेर्ने सुमो फ्यानहरुको सपना हुन्छ रे।

करिब दुई वर्षको अन्तरालमा हुन गईरहेको क्युउश्यु बास्यो, निकै रोमाञ्चक होला जस्तो छ नि है।

 

【Autumn National Fire Prevention Campaign】

नोभेम्बर ९ देखि नोभेम्बर १५ सम्म “Autumn National Fire Prevention Campaign”को अवधि होI

शरददेखि हिउँदसम्म, हावा सुक्खा भई आगलागि हुने यो मौसम होI

गत वर्ष, फुकुओका शहरमा २६१ वटा आगलागिको घटनाहरु घटेका थिए।

आगलागिको मुख्य कारणहरू चुरोट, ग्याँस चूलो, स्टोभ आदि हुन्।

 

दाहरणको रूपमा, धुने लुगा र पर्दा, स्टोभमा छोएर आगलागी भएको घटना छI

त्यस्तै, सुतिरहेको बेला सिरक वा ओछ्यान स्टोभमा छोएर आगलागी हुन सक्छI

त्यसैले, स्टोभ नजिक ज्वलनशील वस्तु राख्नु अत्यन्त खतराजनक हुन्छ।

स्टोभको स्विच अफ गर्न नबिर्सन सावधान हुनुहोस्I

 

साथै, ग्याँस चूलोको आगोबाट पनि सावधानी अपनाउनु जरुरी छ।

जाडो बढ्दै आए पछि, नाबे आदि, ग्याँस चूलोको धेरै प्रयोग हुन्छI यसको प्रयोग गर्दा, कहिल्यै त्यतिकै छोडेर नराख्नुहोस्।

 

त्यस्तै, चुरोट पनि आगोको एक कारण हो।

ओछ्यानमा बसेर कहिल्यै चुरोट नपिउनुहोस्, चुरोटको ठुत्ताहरु जम्मा गरि नराख्नुहोस् अनि चुरोटको आगोलाई पूर्ण रुपमा निभाउने गर्नुहोस्I

 

आफ्नो घरको फायर अलार्म र आगो निभाउने उपकरणहरूको मिति सकिएको छ-छैन नियमित रूपमा जाँच गराउने गरौँ।

हामी प्रत्येकले, हरेक दिन आगलागी हुनबाट रोक्न प्रयास गरौं।

 

【iina iiha दिवस अर्थात् राम्रो दाँत दिवस】

नोभेम्बर ७ र ८ “iina iiha दिवस अर्थात् राम्रो दाँत दिवस” हो।

राम्ररी चपाएर, मिठो खाएर, सधैं स्वस्थ भई बाँच्नको लागि दैनिक रुपमा आफ्नो दाँतको ख्याल राख्नु आवश्यक छ।

 

मुख स्वस्थ राख्नको लागी, दैनिक रुपमा दाँत माझि मुख सफा राख्नु जरुरी छ। दाँत ब्रश गर्नुको बाहेक, नियमित रुपमा दाँतको परिक्षण गर्दा, दाँतमा किरा लाग्ने तथा गिजा सम्बन्धि रोगको पनि जाँच गराउने गरौं।

 

फुकुओका शहरमा, उत्कृष्ट दन्त चिकित्सा परिक्षणहरु उपलब्ध छन्।

अप्रिल १ देखि अर्को बर्षको मार्च ३१ सम्म ३५, ४०, ५०, ६० बर्षमा लाग्ने फुकुओका बासिन्दाहरुले ७०० येनमा र ७० बर्षमा लाग्ने फुकुओका बासिन्दाहरुले  नि: शुल्क दाँत र गिजाको परिक्षण गराउन सक्नुहुन्छ।

यस अतिरिक्त, गर्भावस्थाको समयमा एक पटक र बच्चा जन्मे पछि एक वर्षभित्रमा एक पटक नि: शुल्क दन्त परिक्षण गराउन सक्नुहुन्छ।

　　

दाँतको जाँच गर्दा, दाँत माझ्ने तरिका र ब्रशले नछोएको तिर जाँच्न लगाई, ब्रशले नछुने भागहरु प्रति ध्यान दिई दाँत माझ्ने गरौं।

 

यसै मौकामा, आफ्नो खानपान र मुखको हेरचाहलाई यसो विचार गरि, स्वस्थ दाँत र मुखको बारेमा सोच्ने होइन त?

【तरकारी दिवस】

अगस्त ३१ तरकारी दिवस हो।

प्रति वयस्कको दैनिक आवश्यक तरकारीको मात्रा ३५० ग्राम हो, तर सर्वेक्षण अनुसार लगभग ६०ग्राम कमी भएको देखिन्छ। यस कमीलाई परिपूर्ति गर्न, खानामा सागपातलाई संलग्न गराउनु राम्रो हुन्छ।

नरम हुने गरि नूनको स्वाद भएको ससमा उमालेर वा तेलमा भुटेर सागपातलाई खानामा समावेश गर्न सकिन्छ।

कहिलेकाहीँ तरकारी किने पनि, खान नसकी फ्याँक्नु परेको पनि हुन सक्ला। यस्तो अवस्थामा, काटिएर नै राखिएको तरकारीको उपयोग गर्नु पनि राम्रो होला।

एक जनालाई खान पुग्ने मात्राको काटिएर राखिएको तरकारी, सुपरमार्केट र कन्भिनीयन्सहरुमा सजिलै किन्न पाईन्छ।

यो सूप बनाउन र तुरुन्तै नूडल्स बनाउनको लागी एकदम सजिलो छ।

 

【प्रकोप रोकथाम दिवस र भण्डारण प्रोत्साहन सप्ताहको बारेमा】

प्रत्येक वर्ष सेप्टेम्बर १ "प्रकोप रोकथाम दिवस" हो।

फुकुओका शहरमा, सेप्टेम्बर १ को "प्रकोप रोकथाम दिवस" बाट  सेप्टेम्बर ७ सम्मको एक हप्तालाई "फुकुओका शहर भण्डारण प्रोत्साहन सप्ताह" भनेर तोकिएको छ। "भण्डारण" भन्नाले, खानेकुरा आदि संचित गरेर राख्नु हो।

घर वा कार्यस्थलमा "भण्डार" का साथ, प्रकोप रोकथामको बारेमा नागरिकहरुमा जनचेतना जगाउने प्रयास गर्दैछौं।

 

किन भण्डारको आवश्यकता भएको होला?

यदि भूकम्प वा आंधी आयो र सुरक्षित भयो भने पनि, हामी पानी र खानाबिना बाँच्न सक्दैनौं।

पसल बन्द भएमा, तपाईं खाना वा पेय पदार्थ किन्न सक्नुहुन्न।

यदि पानी आपूर्ति बन्द भयो भने, पानी पिउन पाउनुहुन्न।

यदि बिजुली वा ग्यासको लाईन काटिएको छ भने, तपाईं पकाउन सक्नुहुन्न।

बाँच्न सफल ‘जीवनको सुचारुक्ता’ को लागी, दैनिक रुपमा भण्डार गर्नु आवश्यक छ।

के र कसरी भण्डार गर्दा राम्रो होला त?

पिउन मिल्ने पानी र ३ दिनको लागि पुग्ने गरि खानेकुरा तयारी गरि राखौंI

प्रति दिन १ जनालाई करीव ३ लिटर पानी आवश्यक पर्छ।

आपतकालिन खाना जस्तै भात (अल्फा चामल आदिको), क्यान् खाना, बिस्कुट, चकलेट बार, र सुख्खा रोटी आदि जस्ता नपकाईकन खान सक्ने खानेकुराहरु तयारी गरि राख्नुहोस्।

रेडियो वा फ्ल्यासलाइटमा ब्याट्री छ छैन जाँच गर्नुहोस्।

सँधै खाई रहनु भएको औषधि र टास्ने पट्टि जस्ता प्राथमिक उपचार सामग्रीहरू पनि तयार पार्नुहोस्।

यदि परिवारमा बच्चा छ भने, डायपर जस्ता आवश्यक सामग्रीहरू तयार गर्नुहोस्।

 

पिउने पानी बाहेक,शौचालय फ्लश गर्नका लागि घरेलु पानी पनि आवश्यक पर्छ।

दिनदिनै, पोलीट्यांकमा धाराको पानी भरेर राख्ने, ओफुरोमा पानी भरेर राख्ने आदि जस्ता तयार गरि राखौं।

 

सामान्य रूपमा खाने भन्दा अलि धेरै किनेर राखी, खाएर सक्यो भने पनि, सकेको भाग मात्र किनेर थपी, घरमा खानेकुराको एक निश्चित संचय गर्ने विधिलाई "रोलिंग स्टक" भनिन्छI

खानेकुराको म्याद सकिने मितिबारे चिन्ता बिना, आपतकालिनको लागि तयारी गर्न सक्ने भएकोले यो बिधि अपनाउन प्रेरित गरिन्छI

 

टाइफून, प्राय: वर्षको यस बेला हुन्छ, त्यसैले प्रकोपको लागि तयार गरि राखौं।

【वाशिंग मेशिन सफा गर्ने सम्बन्धि】

जुन महिना अत्याधिक वर्षासँगै आर्द्रता बेसी हुने मौसम हो। यस समयमा, किटाणुहरूको विकास सजिलै हुने र धूलोको कसिंगर पनि बढ्ने गर्छन्। त्यसैले सकेसम्म खानेकुराहरु फ्रिजमा राख्ने गरौँ।

साँच्चै, तपाईंहरुले वाशिंग मेशिन अन्तिम पटक कहिले सफा गर्नुभयो?

सम्भव भएमा महिनामा एक पटक वाशिंग मेशिन सफा गर्ने गरौँ। वाशिंग मेशिन सफा राख्दा किटाणुहरूको विकास हुन पाउँदैन।

सबैभन्दा सजिलो तरिका भनेको, १०० येन सप आदिमा बेकिंग सोडा, जापानी भाषामा ‘ज्युउसोउ’किनेर, लुगा नराखिकन वाशिंग मेशिनमा फिजाउने र पानी नफालिकन ५-६ घण्टा राखी छोड्ने।

तैरिएको फोहरलाई झिक्ने, अनि पखालेर फोहर पानीलाई फाल्ने।

सकेपछि, २-३ घण्टा जति ढकनी नराखिकन सुक्नदिऔं।

वाशिंग मेशिन डिटर्जन्टहरू पनि बजारमा पाउँछ, यसलाई राम्रोसँग प्रयोग गरि वाशिंग मेशिन सफा गरि राख्नुस्।

साथै, राती अबेर वाशिंग मेशिन चलाउनु भयो भने, छिमेकिलाई हल्ला हुन सक्छ, त्यसैले कृपया सम्भव भएमा दिनको समयमा प्रयोग गर्नुहोस्।

 

【चुयु र भारी वर्षा सम्बन्धि】

जापानमा जुनदेखि जुलाईसम्मलाई  "चुयु" अर्थात् वर्षा ऋतु भनिन्छ र यस बखत भारी वर्षा हुने गर्दछI

यस वर्ष वर्षायाम चाँडै शुरु भई, उत्तरी क्युशु भेगमा मे १५ देखि वर्षायाम शुरू भयो।

भारी वर्षाको कारण प्रकोपहरू हुने सम्भावना भएकोले ध्यान दिनुहोला।

 

गत वर्ष, जुलाई २०२० मा, अत्याधिक मात्रामा भारी वर्षा भई, फुकुओका प्रान्तमा पनि भारी वर्षाले धेरै क्षति पुर्याएको थियोI

अधिक वर्षा हुँदा, नदी, तट वा पहाड नजिकको चट्टानहरू जस्ता खतराजनक ठाउँहरू नजिक नजानुहोस् र आफ्नो जीवन रक्षाको लागि कदम चाल्नुहोस्I

 

फुकुओका सिटिको होमपेजमा Hazard map र विपद् रोकथाम सम्बन्धि जानकारी प्राप्त गर्न सक्नुहुन्छI

आफू बस्ने क्षेत्रमा हुन सक्ने सम्भावित खतरा र आश्रय स्थलमा जाने सुरक्षित तरिका आदिको बारेमा अग्रिम जानकारी राख्ने गरौँI

आश्रय स्थलमा जाँदा मास्क लगाउने, हात धुने, आदि नयाँ कोरोनाभाइरसको संक्रमणलाई रोक्न उपायहरू अपनाउन हुन अनुरोध गर्दछौं।

‘Support for Foreign Residents’ को साइटमा गएर, Fukuoka City Support for Foreigners को पेजबाट विपद् रोकथाम सम्बन्धि जानकारीहरु हेर्नुहोलाI

 

फुकुओका शहरको महत्वपूर्ण जानकारीहरु, फुकुओका सिटिको आधिकारिक Facebook ‘Global Community Fukuoka’ वा फुकुओका सिटी इन्टरनेशनल फाउण्डेसनको Facebook ‘फुकुओका शी कोकुसाई खाईखान्/ आत्ताखा फुकुओका「福岡市国際会館／あったか福岡」बाट पनि बहुभाषामा प्राप्त गर्न सक्नुहुन्छI पेजलाई follow गरेर, सामान्यदेखि महत्वपूर्ण जानकारीहरु लिनु होलाI

 

【आइकासाको बारेमा】

त्यस्तै, फुकुओका शहरमा छाताको Sharing service ‘आइकासा’「アイカサ」को शुरु गरिएको छI

सबवे स्टेशन र डिपार्टमेन्ट स्टोरहरूमा छाता सापट लिन मिल्ने स्पटहरु भएकाले, स्मार्टफोन प्रयोग गरि छाता सजिलैसँग सापट लिन सक्नुहुन्छ।

 

चौबीसै घण्टा ७० येनमा प्रयोग गर्न सकिने, प्लास्टिकको छाता किन्नुभन्दा सस्तो र वातावरणलाई पनि राम्रो भएकोले, अचानक वर्षा हुँदा आदि जस्तोमा कृपया प्रयोग गरेर हेर्नुहोस्I

बिस्तृत जानकारी ‘आइकासा फुकुओका शी’ 「アイカサ　福岡市」मा हेर्नुहोलाI

【प्रोफेशनल बेसबल】

तपाईंहरुले कहिल्यै जापानी प्रोफेशनल बेसबल हेर्नु भएको छ?

प्रोफेशनल बेसबल जापानमा धेरै लोकप्रिय खेल हो। १२ टोलीहरू सेन्ट्रल लिग र प्यासिफिक लिगमा विभाजित भई, जितको लागि प्रतिस्पर्धा गर्छन्। पहिले त, लिगमा पहिलो स्थानको लागि लक्ष्य राखिन्छ, र अन्तत दुई लिगमा पहिलो स्थान पाउनेले जापानको सर्वश्रेष्ठ उपाधि पाउँछ।

फुकुओका शहर, प्यासिफिक लिगमा आबद्ध भई Fukuoka SoftBank Hawks को मुख्य आधार हो।

पक्कै पनि स्टेडियम चाहिं, Fukuoka PayPay Dome!

Hawks, पाँच बर्ष लगातार जापानमा सर्वश्रेष्ठ बन्ने दृढता बोकेको बलियो टीम हो।

२०२१ मार्च २६ (शुक्रवार) देखि प्रोफेशनल बेसबल शुरु हुँदैछ। यदि मौका मिलेमा, पक्कै पनि प्रत्यक्ष प्रोफेशनल बेसबल हेर्नुहोला!

 

 

【नागरिक विपद् रोकथाम दिवस】

फुकुओका शहरमा, सन् २००५ मार्च २० मा गएको फुकुओका प्रान्त पश्चिम अपतटीय भूकम्पको अनुभवलाई नबिर्सन मार्च २० लाई "नागरिक विपद् रोकथाम दिवस" को रूपमा तोकिएको छ।

विपद् कहिले आउँछ भनेर थाहा हुँदैन।

विपद् आईपर्दा, प्रत्येक व्यक्तिले उचित कार्य अपनाउनका लागि, दैनिक आधारमा तयारी गर्न महत्त्वपूर्ण छ।

फुकुओका शहरको वेबसाइटबाट Hazard Map वा विपद् सम्बन्धि जानकारी लिने, आश्रय लिने स्थानमा जाँदा लिएर जानुपर्ने सामान पहिलेदेखि तयारी र जाँच गरि राख्ने गर्नुहोस्।

Support for Foreign Residents भनि खोज्नु भएमा, विदेशीहरूका लागि विपद् रोकथाम जानकारी देख्न सक्नुहुन्छ।

नियमित रुपमा महत्वपूर्ण जानकारी संकलन गर्ने गर्नुहोस्।

"नागरिक विपद् रोकथाम दिवस" ​​को अवसरमा, आफू, आफ्नो परिवार र समुदायको सुरक्षाको लागि विपद् रोकथामको बारेमा सोचौं।

 

 

【बिदाको दिनमा खुल्ने बारे】

मार्च र अप्रिलमा बसाईसराई धेरै हुने भई, वार्ड अफिसको काउन्टरमा भीड हुने समय हो।

त्यसकारण, सप्ताहका दिनहरूमा व्यस्त भई प्रकियाका लागि जान नसकेका महानुभावहरुले, बिदाको दिनमा बसाईसराई प्रकिया गर्न सकिने गरि मार्च २८ र अप्रिल ४ आईतबार, वार्ड कार्यालय र शाखा कार्यालयका काउन्टरहरू खोलिनेछन्।

बिहान १० देखि दिउँसो २ बजे सम्म, भित्र बसाई, बाहिर सराई र बसाईसराई सम्बन्धि सूचना स्वीकार गर्नेछौं।

 

 

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI