Life in Fukuoka "Nepali"

【नयाँ जीवनको लागि सल्लाह】
वर्ष २०२० को अप्रिलमा शुरु भएको यो कार्यक्रम “Life in Fukuoka”, यो हप्ताबाट चौथों वर्षमा प्रवेश गरेको छ। कार्यक्रम सुनि दिनुहुने सम्पूर्ण श्रोताजनहरुलाई धेरै धेरै धन्यवाद! चौथों वर्षमा प्रवेश भएपछिको आजको पहिलो कार्यक्रममा, मेरो छोटकरीमा परिचय दिन गईरहेकी छु। मेरो नाम सरिता महर्जन हो, नेपालको काठमाडौँबाट।
फुकुओका आएको ८ बर्ष भयो। Kyushu University बाट Architecture & Urban Planning मा PhD सकेर, Professional Architect को रुपमा, जापानी डिजाईन् कम्पनीमा काम गर्दैछु। सँगसँगै, Love FM मा DJ को पनि काम गर्दैछु।
मलाई पुरानो जापानी शैलीको भवनहरुको अध्ययनको साथै आधुनिक शैलीका घरहरु डिजाईन् गर्न मनपर्छ। जापानी खाना मलाई असाध्यै मनपर्छ, विशेष गरि फुकुओकाको तोन्कोचु रामेन र ओडेन मनपर्छ। फुकुओकामा, Dazaifu र Ohari Park चै मलाई घुम्न र फुर्सदको समय बिताउन मनपर्ने ठाउँहरु हुन्।
जापानमा अप्रिल महिनालाई, नयाँ भर्ना हुने वा नयाँ रोजगार शुरु गर्ने आदि जस्ता नयाँ जीवनयापन शुरु हुने महत्वपूर्ण महिनाको रुपमा लिईन्छ। तपाईंहरु पनि जीवनको नयाँ अध्यायको लागि प्राप्त गर्न सकिने लक्ष्यहरू सेट गर्नुहोस् र तिनीहरूतर्फ कसरी काम गर्ने भन्ने योजना बनाउनुहोस्। सफल अनि स्वस्थ वर्ष सुनिश्चित गर्नका लागि आत्म-हेरचाहलाई पनि प्राथमिकता दिनुहोस्।

【फुकुओका शहरको सूचना】

विदेशीहरूले परामर्श लिन सकिने काउन्टरको परिचय

यो फुकुओका शहरको सूचना हो।
नयाँ जीवनमा कुनै समस्या वा नबुझेको कुरा छ कि?

Fukuoka City Consultation Support Center for Foreign Residents मा, आवास सम्बन्धी प्रकिया, रोजगार, चिकित्सा, कल्याण, प्रसुति, शिशु स्याहार, र बाल शिक्षा जस्ता जनजीवन सम्बन्धि परामर्श कहाँ लिने भनेर थाहा नभएको समयमा, उपयुक्त सम्पर्क काउन्टर तथा अन्य जानकारीहरु प्रदान गर्दै आईरहेको छ।

फोन नम्बर, ०१२०-६६-१७९९ ।
सम्पर्क समय ९:०० देखि ६:०० बजेसम्म । शनिवार, आइतवार, सार्वजनिक बिदा, नयाँ वर्षको बिदाहरुमा बन्द हुन्छ।
यो सेवा २१ वटा भाषाहरूमा उपलब्ध छ।

साथै, राष्ट्रिय स्वास्थ्य बीमा, फोहोर, कर, आदि जस्ता फुकुओका शहरका प्रक्रियाहरूको बारेमा बुझ्नु परेमा, दोभाषे सेन्टरमा कल गरेर, आफू बस्ने वार्डमा सम्पर्क गरि परामर्श लिन सक्नुहुन्छ।
फोन नम्बर, ०९२-७५३-६११३ । १८ वटा भाषाहरूमा सेवा उपलब्ध छ।

「भियतनाम फेस्टिवल २०२३ फुकुओका」 को आयोजना सम्बन्धि

जापान र भियतनामबीच कूटनीतिक सम्बन्ध स्थापना भएको ५० औँ वार्षिकोत्सवको उपलक्ष्यमा, अप्रिल १५ र १६ मा, फुकुओका तेन्जिन सेन्ट्रल पार्कमा, "भियतनाम फेस्टिवल २०२३ फुकुओका" आयोजना हुन गईरहेको छ।

कार्यक्रममा, भियतनामी POP कलाकारहरूद्वारा लाईभ, परम्परागत नृत्य अनि आओदाई शो, आदि स्टेज कार्यक्रमहरू बाहेक भियतनामी खाना आदि खाने र पिउने बूथहरू पनि राखिने भएको छ।
आयोजना हुने दिन र समय, १५ तारिक बिहान १०:०० बजेदेखि २०:०० बजेसम्म, १६ तारिक बिहान १०:०० बजेदेखि १९:०० बजेसम्म।
पानी परे पनि कार्यक्रम जारी रहनेछ, तर आँधीबेहरी मौसम भएमा रद्द गरिनेछ।
प्रवेश नि:शुल्क भएकोले बिना हिचकिचाई हेर्न जानुहोला।

बिस्तृत जानकारीका लागि, "भियतनाम फेस्टिवल २०२३ फुकुओका" भनि खोज्नुहोस्।

【वसन्त ऋतुको सरसफाई】

जापानमा सामान्यतयाः डिसेम्बरमा सरसफाई गरिन्छ, तर वसन्त ऋतुमा सरसफाई गर्नुका धेरै फाइदाहरू छन्।

उदाहरणका लागि, जाडोमा चिसो हुने भएकोले घर बाहिर र वरपरको सरसफाई गर्न झन्झटिलो महसुस हुन्छ भने, वसन्तमा न्यानो हुने भएकोले सरसफाई गर्न चाहिं जाँगर चल्छ।

वसन्तमा झ्याल-ढोका खोलेर सजिलै भेन्टिलेसन गर्न सकिने र तापक्रम जति उच्च भयो, त्यति नै तेलका दागहरू पनि निस्कन सजिलो हुने भएकोले, यो मौसम सरसफाईको लागि उत्तम मानिन्छ।

धोएका कपडाहरु पनि सजिलै सुक्ने भएकोले, पर्दा र सोफाको खोलहरू आदि धुन पनि सजिलो हुन्छ।

कोठाको सजावटमा परिवर्तन र पहिरनको परिवर्तन सँगसँगै सरसफाई पनि गर्ने गरेमा, कोठा टिलिक्क भई थप ताजा महसुसका साथ बस्न सक्नुहुन्छ।

वर्षको अन्त्यमा सरसफाई गर्न नभ्याएकाहरुले, यस वसन्तको अवसरमा राम्ररी सरसफाई गरेर हेर्ने होईन त?

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

LINE कल प्रयोग गरेर परामर्श गर्न सकिन्छ!

फाउण्डेसनको LINE आधिकारिक Accountमा, LINE कल प्रयोग गरि टेलिफोन मार्फत् जीवनयापन सम्बन्धि परामर्श तथा निःशुल्क विशेष परामर्शहरू आदिका लागि सम्पर्क गर्न सक्नुहुन्छ।

टेलिफोन दोभाषे सेवामा २२ वटा बहुभाषी सेवा सम्भव छ।

साथै, "फुकुओका सिटी इन्टरनेशनल फाउण्डेसनको" होमपेजबाट LINE मा Friend add गर्नुहोला!

तर, च्याटमा सेवा उपलब्ध छैन। Text मार्फत् परामर्श लिन चाहनुहुन्छ भने, कृपया "फुकुओका सिटी इन्टरनेशनल फाउण्डेसनको" होमपेजमा रहेको सम्पर्क फारम प्रयोग गर्नुहोस्।

अर्को जानकारी रहेको छ,

“JapaneseChattingEvent” को परिचय

फुकुओकामा अध्ययन गरिरहेका अन्तर्राष्ट्रिय विद्यार्थीहरू र जापानी स्वयंसेवकहरू बिच सजिलै कुराकानी गर्ने “Japanese Chatting Event”, हरेक महिनामा एक पटक आयोजना हुँदै आईरहेको छ।

अर्को आयोजना मार्च ३१ शुक्रबार, अनलाइनमा हुनेछ।

Zoom प्रयोग गरेर, विदेशी विद्यार्थीहरू र जापानी स्वयंसेवकहरू बिच प्रत्यक्ष वान् टु वान्, साथै सानो समूहहरूमा मनपर्ने विषयवस्तुहरूमा छलफल गरिन्छ।

हरेक दिन, स्कूलमा सिकेको जापानी भाषा प्रयोग गर्न चाहनुहुने वा जापानीहरूसँग कुराकानी गर्न चाहनुहुने महानुभावहरु, सहभागी हुनुहोला।

सहभागिता शुल्क नि:शुल्क हो तर आवेदन दिन आवश्यक छ।

आवेदन दिने तरिका आदि अधिक जानकारीका लागि, कृपया फुकुओका सिटी इन्टरनेशनल फाउण्डेसनको होमपेज वा फेसबुक पेजमा हेनुहोला।

फुकुओका सिटी इन्टरनेशनल फाउण्डेसनको होमपेज रहेको छ, www.fcif.or.jp.

केही नबुझेको कुरा भएमा, कृपया Fukuoka International Student Support Association मा सम्पर्क गर्नुहोस् ।

फोन नम्बर छ, ०९२-२६२-१७४४ । तपाईंहरुको सहभागीताका लागि पर्खिरहेका छौं।

【मौसमी खाना "एनोकी च्याउ"】

कुरुम्कुरूम् किसिमको र हल्का स्वाद भएको अनि, जुनसुकै मसलासँग पनि जम्ने, एनोकी च्याउ।

वर्षभरि सुपरमार्केट आदिमा पाउन सक्नुहुन्छ, तर यसको मौसम शरद र शिशिर ऋतुमा हो!

कम क्यालोरी र अधिक फाईबर पाईने एनोकी च्याउ आहारको लागि खान सल्लाह दिईन्छ। हेर्दा सेतो र पातलो यस तरकारीमा पौष्टिक होला त? भन्नेहरु पनि हुनुहुन्छ होला। एनोकी च्याउमा भिटामिन बी, पोटासियम, आइरन आदि पाईने हुनाले यो एक पौष्टिक खाना हो।

फुकुओका प्रिफेक्चरले "हाकाता-एनोकी" भनिने तरकारीको ब्रान्ड उत्पादन गर्छ र यो पश्चिमी जापानको नम्बर एक उत्पादक हो। स्वादिष्ट खाने तरिका भनेको, यसलाई नपखालीकन पकाउने हो।

च्याउलाई पानीले पखाल्यो भने, च्याउको सुगन्ध, स्वाद र पोषक तत्वहरू पखालिने भएकोले, खासै पखाल्न सल्लाह दिईन्दैन। यसलाई मासुसँग भुटेर वा सूपमा हालेर स्वादिष्ट रूपमा खान सक्नुहुन्छ।

यसलाई फ्रिजमा एक हप्ता जति भण्डारण गर्न सकिन्छ, डीफ्रिज गरेर राख्न पनि राम्रो हुन्छ।

खाने साईजमा काटेर फ्रिजर झोलामा राखी डीफ्रिज गर्ने गर्नुहोस्।

बरु डीफ्रिज भएकोलाई नपगालिकन, जमेको अवस्थामा नै तताउने गर्नुहोस्।

डीफ्रिज गरेर राख्नाले च्याउको बाहिरी पातलो तह निस्केर, पोषक तत्वहरूको अवशोषण दर बढाउँछ र स्वाद बढाउँछ।

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

LINE कल प्रयोग गरेर परामर्श गर्न सकिन्छ!

फुकुओका सिटी इन्टरनेशनल फाउण्डेसनको LINE आधिकारिक Account संचालन गरिएको छ।

फाउण्डेसनको LINE आधिकारिक Account बाट LINE कल प्रयोग गरि, जीवनयापन सम्बन्धि परामर्श तथा निःशुल्क विशेष परामर्श आदिका लागि बुकिंग गर्न सक्नुहुन्छ। टेलिफोन मार्फत् परामर्श, २२ वटा भाषाहरूमा उपलब्ध भएकोले, परामर्श लिन नहिचकिचाउनुहोस्।

साथै, LINE Voom को प्रयोग गरेर फाउण्डेसनको कार्यक्रमहरुको जानकारी र फुकुओका शहरबाट जारी सूचनाहरु पठाइने गरिएको छ। "फुकुओका सिटी इन्टरनेशनल फाउण्डेसन"को होमपेजबाट फाउण्डेसनको LINE आधिकारिक Account को Friend add गर्न अनुरोध गर्दछौं।

LINE talk मार्फत परामर्श सेवा उपलब्ध छैन, तर फाउण्डेसनको होमपेजमा रहेको सोधपुछ फारमबाट पनि परामर्श लिन सक्नुहुन्छ।

अर्को रहेको छ,

वर्षको समाप्ति र नववर्षको बिदाको सूचना

फुकुओका सिटी इन्टरनेशनल फाउण्डेसन, डिसेम्बर २९ बिहिबारदेखि जनवरी ३ मंगलबारसम्म ६ दिनको लागि बन्द रहनेछ।

नववर्ष २०२३ जनवरी ४ बुधबार ९ बजेबाट खुल्नेछ।

वर्ष २०२३ को प्रथम विदेशीहरूका लागि नि:शुल्क कानुनी परामर्श, जनवरी ७ शनिबार आयोजना हुनेछ।

कानुनी परामर्शको लागि अग्रिम बुकिंग आवश्यक हुने हुनाले, परामर्श लिन ईच्छुक महानुभावहरुले सकेसम्म चाँडो सम्पर्क गर्नुहोस्।

विस्तृत जानकारीका लागि कृपया फोन कल वा फुकुओका सिटी इन्टरनेशनल फाउण्डेसनको होमपेजमा हेनुहोला। फोन नम्बर ०१२०-६६-१७९९ हो। कल शुल्क लाग्दैन।

फुकुओका सिटी इन्टरनेशनल फाउण्डेसनले, फुकुओकामा बस्नु हुने सबै विदेशीहरुको आरामदायी जीवनयापनका लागि, मुख्य संवाहकको रुपमा, बिभिन्न जानकारीहरु प्रदान गर्दै, सबैको जीवनयापनमा सहयोग गर्दछ। अवश्य पनि बिना हिच्किचाई परामर्श सेवा लिनुहोस्।

【टाइफुन अर्थात् समुन्द्री आँधीदेखि सावधान】

सेप्टेम्बर महिना शक्तिशाली समुन्द्री आँधी आउने सम्भावना हुने समय हो।

समुन्द्री आँधी नजिक आउँदै छ भन्ने समाचार वा मौसम जानकारी सुन्नुभएमा वा देख्नुभएमा,

विपद्को पूर्व तयारीलाई फेरि एकपटक जाँच गर्ने गरौं।

बिजुली वा पानीको आपूर्ति बन्द हुँदा वा पसलहरु बन्द हुँदा आदिको समयका लागि पूर्व तयारीमा, कम्तिमा पनि ३ दिनको लागि पुग्ने गरि खानेकुरा र पिउने पानी, स्टूल ब्याग जस्तो पोर्टेबल टोइलेट, टर्च लाइट, पोर्टेबल रेडियो, मोबाइल ब्याट्री, क्यासेट ग्याँस चुलो आदि जस्ता सामानहरु तयार गरी राख्नु राम्रो हुन्छ।

साथै, शक्तिशाली हावा आउनु अगाडि नै बगैचा र बरन्डा आदिमा रहेको उडाउन सक्ने सामानहरु कोठाभित्र सार्ने वा नउडाउने गरि फिक्स गरेर राख्ने गरि हाल्नुहोस्।

विद्यालय र सामुदायिक भवनहरू जस्ता आश्रय स्थलहरूको रूपमा तोकिएका ठाउँहरूमा जाने मार्गहरू अग्रिम रुपमा जाँच गरि राख्नुहोस्, साथै नियमित रूपमा आफ्नो परिवारसँग आश्रय स्थल र सम्पर्क गर्ने विधिहरू आदिको बारे छलफल गर्ने गरौं!

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

कानूनी परामर्शको परिचय

फुकुओका सिटी इन्टरनेशनल सेन्टरमा रहेको फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि हरेक महिनामा दुई पटक निःशुल्क “कानूनी परामर्श” प्रदान गर्दै आईरहेको छ।

“कानूनी परामर्श”, हरेक महिनाको पहिलो शनिबार, बिहान १०:३० बजेदेखि दिउँसो १:३० बजेसम्म र, तेस्रो बुधबारको दिउँसो १:०० बजेदेखि ४:०० बजेसम्म, परामर्श अवधि ४५ मिनेट, बुकिंगको आधारमा वकिलद्वारा निःशुल्क परामर्श प्राप्त गर्न सक्नुहुन्छ।

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोला।

जुनसुकै परामर्श पनि, गोपनीयता कडा पालन गर्ने भएकाले ढुक्क भएर परामर्श लिनुहोस्।

बिस्तृत जानकारीका लागि, फोन नम्बर, ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान पौने ९ बजेदेखि बेलुका ६ बजेसम्म कल स्वीकार गरिन्छ।

LINE कल प्रयोग गरेर परामर्श गर्न सकिन्छ!

फुकुओका सिटी इन्टरनेशनल फाउण्डेसनको LINE आधिकारिक Accountमा, LINE कल प्रयोग गरि टेलिफोन मार्फत् जीवनयापन सम्बन्धि परामर्श तथा निःशुल्क विशेष परामर्शहरू आदिका लागि सम्पर्क गर्न सक्नुहुन्छ।

पहिले जस्तै, टेलिफोन दोभाषे सेवामा २२ वटा बहुभाषी सेवा सम्भव छ।

साथै, फुकुओका सिटी इन्टरनेशनल फाउन्डेशनको कार्यक्रमहरूको जानकारी तथा बिदेशी नागरिकहरु सम्बन्धित जानकारीहरु आदि प्राप्त गर्न सकिने हुनाले, अवश्य पनि LINE मा Friend add गर्नुहोला!

तर, च्याटमा सेवा उपलब्ध छैन। Text मार्फत् परामर्श लिन चाहनुहुन्छ भने, कृपया "फुकुओका सिटी इन्टरनेशनल फाउण्डेसनको" होमपेजमा रहेको सम्पर्क फारम प्रयोग गर्नुहोस्।

थप जानकारीका लागि फुकुओका सिटी इन्टरनेशनल फाउण्डेसनको होमपेजमा हेर्नुहोला।

【जनावरहरुको राम्रो हेरचाह!】

सेप्टेम्बर २० देखि सेप्टेम्बर २६ सम्म पशु संरक्षण सप्ताह हो। पशु कल्याण र उचित प्रजनन्को ज्ञान र चासोलाई विस्तृत गर्ने हेतुले यो सप्ताह शुरु भएको थियो। यस अवसरमा पशु संरक्षणको बारेमा विचारविमर्श गर्नु उपयुक्त हुन्छ नि हैन।

उदाहरण को लागी, यदि तपाईंको बिरालो वा कुकुर छ भने, भूकम्प वा भारी वर्षाको समयमा, कसरी तपाईं आफ्नो घरपालुवा जनावरको रक्षा गर्नु हुन्छ अनुकरण गरि हेर्ने गरौँ।

कुनै दिन घरपालुवा जनावर राख्न चाहानुहुने व्यक्तिहरुले, पशु संरक्षण समूहको होमपेज हेर्नु पनि उपयोगी होला कि।

फुकुओका शहरमा, पूर्वीय पशु कल्याण र व्यवस्थापन केन्द्र (उपनाम: Animaru-port) र घरेलु पशु जागरूकता केन्द्र (उपनाम: Fukuoka-do-butsu-soudanshitsu) गरि दुई स्थानहरुमा मुख्य केन्द्रहरु छन्। यस केन्द्रहरुमा पशु संरक्षण र व्यवस्थापनसंग सम्बन्धित गतिविधिहरु गर्दै, मानिस र जनावरहरुबीच सामंजस्यपूर्ण सहजीवी समाजको अनुभूति गर्ने प्रयास हुँदै आईरहेको छ।

यस पटक फुकुओका सिटी इन्टरनेशनल फाउण्डेसनको सूचना रहेको छ।

【ट्यूटरप्रोग्रामकोपरिचय】

नर्सरी वा स्कूलको पत्रहरू आदि जापानी भाषामा भई, बिषयवस्तु बुझ्न समस्या भईरहेका विदेशीहरूको सहयोग गर्ने "ट्यूटर प्रोग्राम" को परिचय दिनेछु।

फाउण्डेसनमा रजिस्टर भएका स्वयंसेवकहरु प्रत्यक्ष वान् टु वान् ट्यूटर बन्न सक्नुहुन्छ, र अनलाइनमा नर्सरी वा स्कूलको ह्यान्डआउट वा पत्र, त्यस्तै वार्ड अफिसबाट आएको हुलाकपत्र आदिको सरल अनुवादका लागि अनुरोध र दैनिक जीवन सम्बन्धि सल्लाह माग्न सक्नुहुन्छ।

ट्यूटरसँग अनलाइन कुराकानी गर्न सक्ने, फुकुओका शहरमा बस्नु हुने विदेशी महानुभावहरु, जो कोहीले पनि यसको प्रयोग गर्न सक्नुहुन्छ।

सामान्यतयाः, प्रयोग शुल्क प्रति महिना ५०० येन जति लाग्छ, तर यस वर्ष नोभेम्बरसम्म निःशुल्क हो।

【Japanese Chatting Event कोपरिचय】

〇 फुकुओकामा अध्ययन गरिरहनु भएका अन्तर्राष्ट्रिय विद्यार्थीहरू,

के तपाईंहरुलाई हरेक महिनाको एक पटक आयोजना हुने " Japanese Chatting Event "को बारेमा थाहा छ?

Zoom प्रयोग गरेर, विदेशी विद्यार्थीहरू र जापानी स्वयंसेवकहरू बिच प्रत्यक्ष वान् टु वान्, साथै सानो समूहहरूमा मनपर्ने विषयवस्तुहरूमा छलफल गरिन्छ । हरेक दिन, स्कूलमा सिकेको जापानी भाषा प्रयोग गर्न चाहनुहुने वा जापानीहरूसँग कुराकानी गर्न चाहनुहुने महानुभावहरु, अवश्य पनि सहभागी हुनुहोला। सहभागिता शुल्क नि:शुल्क हो।

अर्को आयोजना सेप्टेम्बर ३० मा अनलाइन मार्फत् हुनेछ।

प्रयोग गर्ने तरिका वा बुकिंग आदिको बारेमा अधिक जानकारीको लागि, कृपया फुकुओका सिटी इन्टरनेशनल फाउण्डेसनको होमपेज वा फोन नम्बर ०९२-२६२-१७९९ मा सम्पर्क राख्नुहोला।

सोमबारदेखि शुक्रबार ८:४५ देखि ६ बजेसम्म रिसेप्सनमा आएकाहरुलाई स्वीकार गरिन्छ। अवश्य सम्पर्क राख्नुहोला।

【उचिवा】

के तपाईंले कहिल्यै "उचिवा"को प्रयोग गर्नुभएको छ?

"उचिवा" भनेको काठ वा प्लास्टिकको ह्यान्डल भएको, फराकिलो गोलाकार आकारको, कागजले बनेको गर्मीमा हावाको लागि प्रयोग गर्ने वस्तु हो।

उचिवा, छैठौं शताब्दीतिर चीनबाट आएको भनिन्छ।

नारा र हेइआन् कालमा, उच्च-पदस्थ व्यक्तिहरूले यसलाई समारोह र भाग्य हेर्न, साथै घामलाई छेक्न र अनुहार ढाक्न प्रयोग गर्ने गर्थे। ईडो कालमा, यसको प्रयोग खाना पकाउन र कीराहरू समात्नलाई मात्र नभई, सजावट र विज्ञापनको रूपमा पनि प्रयोग गरेको देखिन्छ।

अहिले पनि, शहरमा कहिलेकाँही कम्पनीको लोगो भएको उचिवा वितरण गरिरहेको देख्न सकिन्छ।

यदि तपाईले उचिवा पाउनुभयो भने, पक्कै पनि यसलाई प्रयोग गरेर हेर्नुहोस्।

पर्यावरण अनुकूल उचिवा, राख्ने गर्नु भएमा, यस गर्मीमा एकदम सुविधाजनक हुन्छ।

【प्रसाशनिक वकिलद्वारा परामर्श，कानूनी परामर्श र मानसिक परामर्श अर्थात् व्यक्तिगत परामर्शको परिचय】

यस पटक, फुकुओका सिटी इन्टरनेशनल फाउण्डेसनको सूचना रहेको छ।

आवासको स्थिति र आवास अवधिको बारेमा, तपाईले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैनI

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

अर्को, फुकुओकामा बस्नु हुने विदेशीहरूका लागि “कानूनी परामर्श” र “मानसिक परामर्श अर्थात् व्यक्तिगत परामर्श” को जानकारी रहेको छ I

“कानूनी परामर्श”, हरेक महिनाको पहिलो शनिबार, बिहान १०:३० देखि दिउँसो १:३० बजेसम्म र, तेस्रो बुधबारको दिउँसो १ बजे देखि ४ बजेसम्म, परामर्श अवधि ४५ मिनेट, वकिलद्वारा निःशुल्क परामर्श प्राप्त गर्न सक्नुहुन्छI

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोलाI

मानसिक परामर्श अर्थात् व्यक्तिगत परामर्श, हरेक हप्ताको सोमबार, मंगलबार, र विहिबार, क्लिनिकल मनोवैज्ञानिकहरुद्वारा, अंग्रेजी वा जापानी भाषामा प्रदान गरिंदै आइरहेको छ।

जुनसुकै परामर्श पनि, गोपनीयता कडा पालन गर्ने भएकाले ढुक्क भएर परामर्श लिनुहोस्I

बुकिंग वा विस्तृत जानकारीका लागि, फोन नम्बर ०९२-२६२-१७९९ मा सम्पर्क गर्नुहोलाI

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI

नयाँ कोरोनाभाइरस संक्रमण रोक्नको लागि, यहाँ आउनुहुँदा सकेसम्म मास्क लगाउन र हात धुनका लागि अनुरोध गर्दछौंI

【पानीको राम्रोसँग उपयोग】

अगस्ट आउनै लाग्यो। अगस्ट, बर्षको सबैभन्दा बढी पानी प्रयोग हुने महिना हो।

हामीहरु प्राय:, पानीको असुविधा बिना प्रत्येक दिन बिताउँदै आइरहेकोले, धारा खोल्नासाथ जुन बेला पनि चाहे जति पानी आउँछ भनेर सोच्न सजिलो छ।

यद्यपि, यस पानीलाई पानीको स्रोतबाट धारासम्म सुरक्षित रूपमा पुर्याउन धेरै मानिसहरूको श्रम लागेको हुन्छ। पानी भनेको सीमित र अमूल्य स्रोत हो भन्ने कुरा राम्रोसँग बुझ्न जरुरी छ।

त्यस्तै, पानी खेर नफाली आवश्यक जति मात्र पानी उपयोग गरेर पानीको बचत गर्ने प्रयास महत्वपूर्ण छ।

जापानका शहरहरूमध्येमा, प्रति व्यक्ति कम पानी प्रयोग गर्ने शहर, वास्तवमा फुकुओका हो।

अवश्य तपाईंहरुले पनि दैनिक रुपमा पानीको प्रयोग समझदारीका साथ गर्नुहोला।

सबैभन्दा पहिले, दैनिक जीवनमा तुरून्त पानीको बचत गर्न सक्ने तरिकाहरूको परिचय दिनेछु।

१. मुख धुँदा, दाँत माझ्दा, वाशबेसिन वा कपको प्रयोग गर्नुहोस्, धारा खोली नराखौं।

२. खाना बनाउने क्रममा, पानीको बहावलाई मिलाएर, तरकारी र भाँडा पखाल्ने गरौं।

३. ओफुरोको समयमा, शावरको धारालाई बन्द गर्नुहोस्, धेरै मात्रामा तातो पानी प्रयोग नगर्नुहोस्।

सिमित स्रोतको प्रभावकारी ढंगले उपयोग गरौं।

【प्रसाशनिक वकिलद्वारा परामर्श सम्बन्धि】

आवासको स्थिति र आवास अवधिको बारेमा, तपाईले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैनI

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

गोपनीयता कडा पालन गर्ने भएकोले ढुक्क भएर परामर्श लिनुहोस्I

विस्तृत जानकारी वा बुकिंग गर्ने तरिकाका लागि, फुकुओका सिटी इन्टरनेशनल फाउण्डेसनको होमपेज तथा फोन नम्बर ०९२-२६२-१७९९ मा सम्पर्क गर्नुहोलाI

नयाँ कोरोनाभाइरस संक्रमण रोक्नको लागि, यहाँ आउनुहुँदा सकेसम्म मास्क लगाउन र हात धुनका लागि अनुरोध गर्दछौंI

【Mail Magazine को परिचय】

“Fukuoka City International Foundation Mail Magazine” भन्नाले, फुकुओकाको अन्तर्राष्ट्रिय अन्तर्क्रिया, अन्तर्राष्ट्रिय सहयोगको बारेमा, हरेक महिना अंग्रेजी र जापानी भाषामा समाचार दिने Mail Magazine हो।

वेबसाइटबाट सजिलै यस सेवाको लागि आवेदन दिन सक्ने भएकोले, कृपया "fcif" भनि खोजेर प्रयोग गर्नुहोला।

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI

【आजिसाई】

वर्षायामको प्रतिनिधित्व गर्ने फूल, आजिसाई; अंग्रेजीमा हाइड्रेंजिया भनिन्छ, नेपालीमा चै के भन्छ थाहा भएन। यो फूल, घमाइलो दिनमा मात्र होइन, वर्षामा फूल फक्क्रेको दृश्य पनि राम्रो र सुन्दर हुन्छ।

आजकल पश्चिमी हाइड्रेंजिया र गाकु हाइड्रेंजिया दुबै विविध प्रकार, आकार र रंगहरूमा पाईन्छन्।

हाइड्रेंजिया हुर्काउने तरिका सरल छ, तर अर्को वर्ष पनि फूलहरू फूलाउनका लागि भने विशेष कटाईको आवश्यक पर्छ। एक पटक रोपेपछि, लामो समयसम्म आनन्द लिन सकिने लामो समय बाँच्ने यो बोट, प्रत्येक वर्ष फूलहरूको संख्या बढ्दै गएर शानदार बोट बन्दछ।

फुकुओका शहरमा पनि, Uminonakamichi Seaside Park, Hakozaki Shrine, Maizuru Park, Fukuoka City Botanical Garden आदि स्थानहरुमा यस समयमा सुन्दर हाइड्रेंजियाहरू देख्न सक्नुहुन्छ।

【ट्यूटर प्रोग्रामको परिचय】

नर्सरी वा स्कूलको पत्रहरू आदि जापानी भाषामा भई, बिषयवस्तु बुझ्न समस्या भईरहेका विदेशीहरूको सहयोग गर्ने "ट्यूटर प्रोग्राम" को परिचय दिनेछु।

फाउण्डेसनमा रजिस्टर भएका स्वयंसेवकहरु प्रत्यक्ष वान् टु वान् ट्यूटर बन्न सक्नुहुन्छ, र अनलाइनमा नर्सरी वा स्कूलको ह्यान्डआउट वा पत्र, त्यस्तै वार्ड अफिसबाट आएको हुलाकपत्र आदिको सरल अनुवादका लागि अनुरोध र दैनिक जीवन सम्बन्धि सल्लाह माग्न सक्नुहुन्छ।

ट्यूटरसँग अनलाइन कुराकानी गर्न सक्ने, फुकुओका शहरमा बस्नु हुने विदेशी महानुभावहरु, जो कोहीले पनि यसको प्रयोग गर्न सक्नुहुन्छ।

सामान्यतयाः, प्रयोग शुल्क प्रति महिना ५०० येन जति लाग्छ, तर यस वर्ष नोभेम्बरसम्म निःशुल्क हो।

प्रयोग गर्ने तरिका आदि बिस्तृत जानकारीका लागि, कृपया फुकुओका सिटी इन्टरनेशनल फाउण्डेसनको होमपेजमा हेर्नुहोला वा फोन मार्फत् सम्पर्क गर्नुहोला। फोन नम्बर ०९२-२६२-१७९९।

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI अवश्य सम्पर्क गर्नुहोलाI

【कानूनी परामर्श र मानसिक परामर्श अर्थात् व्यक्तिगत परामर्शको परिचय】

फुकुओकामा बस्दै गरेका विदेशीहरूका लागि “कानूनी परामर्श” र “मानसिक परामर्श अर्थात् व्यक्तिगत परामर्श” को जानकारी रहेको छ I

“कानूनी परामर्श”, हरेक महिनाको पहिलो शनिबार, बिहान १०:३० देखि दिउँसो १:३० बजेसम्म र, तेस्रो बुधबारको दिउँसो १ बजे देखि ४ बजेसम्म, परामर्श अवधि ४५ मिनेट, वकिलद्वारा निःशुल्क परामर्श प्राप्त गर्न सक्नुहुन्छI

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोलाI

मानसिक परामर्श अर्थात् व्यक्तिगत परामर्श, हरेक हप्ताको सोमबार, मंगलबार, र विहिबार, क्लिनिकल मनोवैज्ञानिकहरुद्वारा, अंग्रेजी वा जापानी भाषामा प्रदान गरिंदै आइरहेको छ।

जुनसुकै परामर्श पनि, गोपनीयता कडा पालन गर्ने भएकाले ढुक्क भएर परामर्श लिनुहोस्I

बुकिंग वा विस्तृत जानकारीका लागि, फोन नम्बर ०९२-२६२-१७९९ मा सम्पर्क गर्नुहोलाI

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI

【Golden Week बिदा】

जापानमा अप्रिल महिनाको अन्तदेखि मेको शुरुवातसम्म धेरै बिदाहरू हुने अवधिलाई Golden Week भनिन्छ।

सामान्यतया Golden Week मा जापानको विभिन्न भागमा विभिन्न चाडपर्व र कार्यक्रमहरू आयोजना गरिन्छ, तर गत बर्षदेखि नयाँ कोरोनाभाइरसको प्रभावका कारण, प्रायः जसो कार्यक्रमहरू रद्द गरिएको वा कम गरिएको छ।

यस बर्ष अनलाइन कार्यक्रम र यात्राको मज्जा लिने मानिसहरू धेरै होलान्।

अप्रिल २९ (Showa दिवस) को बिदादेखि, २०२१ को Golden Week शुरु हुनेछ।

तपाईंहरु कसरी बिदा मनाउनुहुन्छ?

घरमा आराम गर्नु पनि राम्रै हुन्छ, वा नजिकको पर्यटन स्थलमा जानु कस्तो होला?

【विदेशीहरुलाई सहयोगको लागि विदेशी समर्थन स्वयंसेवक बैंक को परिचय】

फुकुओका सिटी इन्टरनेशनल फाउण्डेसनमा, अप्रिलदेखि “विदेशीहरुलाई सहयोगको लागि विदेशी समर्थन स्वयंसेवक बैंक” शुरु गर्ने भएको छ। यो, आफ्नो भाषा सीप प्रयोग गरेर, फुकुओका शहरमा बसोबास गर्ने विदेशीहरूलाई सहयोग गर्न चाहने व्यक्तिहरुले, "दोभाषे वा अनुवाद", “सहयोग आदानप्रदान”, “विपदको बेलामा विदेशीहरूलाई सहायता”, आदि जस्ता क्षेत्रहरूमा स्वयंसेवकको रूपमा दर्ता गरि, बिभिन्न परिस्थितिहरुमा सक्रिय सहभागीताको लागि हो।

हाल, यस स्वयंसेवकको लागि दर्ता गर्ने व्यक्तिहरूको खोजीमा छौं।

विशेष रूपमा, “विदेशीका लागि प्रशासनिक वकिलद्वारा परामर्श" मा दोभाषे तथा पोस्टर अनुवाद गर्न, जस्ता अन्य, जापानी नबुझ्नेहरूका लागि अनलाइन सहयोग, सार्वजनिक हलहरूमा आयोजना हुने विदेशीहरूसँगको अन्तर्राष्ट्रिय अन्तर्क्रिया, गर्मी महिनाको इभेन्टको योजना र ब्यबस्थाका लागि सहयोग, विपदको बेला दोभाषे भई सहयोग तथा प्रकोप रोकथाम अभ्यासको लागी दोभाषे र अनुवाद आदि गतिविधिहरूको योजना गरिरहेका छौं।

• फुकुओका महानगर क्षेत्रमा बसोबास गर्ने १८ बर्ष वा बढी उमेर भएको
• जापानी र विदेशी भाषामा दैनिक कुराकानी भन्दा बढी भाषा सीप भएको
• स्वयंसेवकको रूपमा काम गर्ने समय भएको व्यक्ति भएमा, राष्ट्रियताले फरक पर्दैन।

भाषा सीप को उपयोग गर्न चाहनु हुने, अन्तर्राष्ट्रिय अन्तर्क्रियामा सहयोगी बन्न चाहनु हुने सबै महानुभावहरु; तपाईंहरुको सक्रिय गतिविधिले जापानी र विदेशीहरू बीचको आपसी समझ र अन्तर्राष्ट्रिय अन्तर्क्रियालाई प्रबर्धन गरि, ढुक्क र सुरक्षित जीवनका लागि टेवा मिल्दछ।

इच्छुक हुने महानुभावहरुले, फुकुओका सिटी इन्टरनेशनल फाउण्डेसनको होमपेज हेनुहोला वा फोन मार्फत् सम्पर्क गर्नुहोला। हामी तपाईंहरुको दर्ताका लागि पर्खिरहेका छौं!

अबको सूचना, जापानी भाषा खासै नबुझ्ने, स्कूलको पत्रहरू बुझ्न समस्या भईरहेका विदेशीहरूको लागि रहेको छ!

फुकुओका सिटी इन्टरनेशनल फाउण्डेसनमा, विदेशीहरूका लागि भाषा सहयोग कार्यक्रम, "ट्यूटर प्रोग्राम" शुरु गरेको छ।  "ट्यूटर प्रोग्राम" मा, स्वयंसेवकहरु प्रत्यक्ष वान् टु वान् ट्यूटर बन्न सक्नुहुन्छ, र ट्यूटरलाई अनलाइनमा पत्रहरू आदिको सरल अनुवादका लागि अनुरोध र दैनिक जीवन सम्बन्धि सल्लाह माग्न सक्नुहुन्छ।

ट्यूटरसँग अनलाइन कुराकानी गर्न सक्ने, फुकुओका शहरमा बस्नु हुने विदेशी महानुभावहरु, जो कोहीले पनि यसको प्रयोग गर्न सक्नुहुन्छ।

बिस्तृत जानकारीका लागि, कृपया फुकुओका सिटी इन्टरनेशनल फाउण्डेसनको होमपेजमा हेर्नुहोला वा फोन मार्फत् हामीलाई सम्पर्क गर्नुहोला।

फुकुओका सिटी इन्टरनेशनल फाउण्डेसनको फोन नम्बर ०९२-२६२-१७९९ होI खुल्ने समय, सोमबारदेखि शुक्रबार, बिहान पौने ९ देखि बेलुका ६ बजेसम्मI अवश्य पनि हामीलाई सम्पर्क गर्नुहोलाI

【५०० येनको खाजा】

तपाईंहरुले फुकुओकामा One Coin Lunch अर्थात् ५00 येनमा खाजाको बारेमा सुन्नु भएको छ?

हजुर, फुकुओकामा ५०० येनमा विभिन्न थरीका खाजाहरु पाईन्छ! मलाई मन पर्ने चाहीं ईटालीयन रेस्टुरेन्ट, साईजेरिया हो। त्यहाँ बिहान ११:०० बजेदेखि दिउँसो ३:०० बजेसम्मको लागि, ५०० येनको Lunch Menu भनेर हुन्छ। अनि मेनुबाट ९ थरीका खाजाहरुमध्ये आफूलाई मनपर्ने छान्न सकिन्छ। यदि तपाईंहरु पनि रेस्टुरेन्टमा बसेर आरामले ५०० येनमा खाजा खाने विचारमा हुनुहुन्छ भने, पक्कै पनि One Coin Lunch को मज्जा लिएर हेर्नुहोस् है!

【भारी वर्षात र नयाँ कोरोनाभाईरसको संक्रमणलाई ध्यानमा राखी सावधानीपूर्वक आश्रय लिने सम्बन्धि】

जापानमा टाइफुन आउँछ। त्यसैले भारी वर्षाको बेला अपनाउनुपर्ने सावधानीहरुको बारेमा अग्रिम जानकारी राख्ने गरौँ।

फुकुओका शहरको वेबसाइटमा गएर खतरा संकेत नक्सा र प्रकोप रोकथाम सम्बन्धि जानकारी प्राप्त गर्न सक्नुहुन्छ।

‘Fukuoka Support for Foreigners’ को साइटमा खोज्नु भएमा, विदेशीहरूलाई लक्षित, विपद् रोकथाम सम्बन्धि जानकारीहरु पाउन सक्नुहुन्छI सामान्यदेखि महत्वपूर्ण जानकारीहरु संकलन गर्नुहोस्।

जीवन रक्षाको लागि, कहाँ भाग्दा उचित होला भनेर अग्रिम योजना बनाएर राखौं।

सबैभन्दा पहिले, बाढीको जोखिम नक्शा र भूक्षयको जोखिम नक्शा हेरेर, तपाईँ आफू बसोबास गर्ने ठाउँमा कतिको खतरा छ भन्ने बारे अग्रिम रूपमा जानकारी राख्नु होला।

यदि तपाईंको घर सुरक्षित क्षेत्रमा छ वा तपाईंको कोठा अपार्टमेन्टको माथिल्लो तलामा सुरक्षित छ भने,

विपद् आए पनि, घरबाट बाहिर ननिस्कनुहोस् र टिभी मार्फत ताजा जानकारी निरन्तर लिने गर्नुहोस्।

आश्रय लिन जाँदा सकेसम्म तलका सामानहरु लिएर जानुहोस्I

पानी, खाना, कपडा, सरसफाईका सामानहरु, फ्ल्यास लाइट, औषधि, मास्क र थर्मामिटर।

कम्तिमा ३ दिनको लागि पुग्ने गरि तयारी गर्नुहोस्।

यदि तपाईंले यी सामानहरुलाई झोलामा तयार गरि राख्नु भयो भने, प्रकोप आईपर्दा तुरुन्तै भाग्न सक्नुहुनेछ।

यस वर्ष, नयाँ कोरोनाभाईरसको संक्रमणलाई ध्यानमा राखी सावधानी हुनु आवश्यक छ।

कृपया आश्रय स्थलमा मास्क लगाउने, हात धुने र खोक्दा शिष्टाचारपूर्वक गर्ने गरौँ।

प्रकोप सम्बन्धि आपतकालिन जानकारीका लागि, विदेशीहरूलाई लक्षित फुकुओका शहरको आधिकारिक फेसबुक पेज, ‘Global Community Fukuoka’ वा Fukuoka City International Foundation को फेसबुक, फुकुओका शहरको विपद् रोकथाम ईमेल, LINE, विपद् रोकथाम app ‘चुनागारू प्लस’ बाट पनि सूचित गरिने हुनाले कृपया प्रयोग गरेर हेर्नुहोलाI

【विशेष तथा निश्चित अनुदान रकमको बारेमा जानकारी दिने कार्यक्रमको बारेमा】

Life in Fukuoka को विशेष एपिसोडमा ५ मिनेटमा बुझ्न सजिलो हुने गरि, ‘विशेष तथा निश्चित अनुदान रकम’ सम्बन्धि जानकारी दिने कार्यक्रम, हाल LOVE FM मा प्रसारण भईरहेको छI

नेपाली भाषामा हरेक हप्ताको विहिबार दिउँसो १:५३ बाट सुन्न सक्नुहुन्छI

LOVE FM को होमपेजबाट podcast मा गएर तपाईको मिल्ने समयमा पनि सुन्न सक्नुहुन्छI

अवश्य होमपेज हेर्नुहोलाI