Life in Fukuoka "Nepali"

【Sing! HAKATA】

फुकुओकामा सेप्टेम्बर महिनालाई म्युजिक मन्थ (संगीत महिना) भनेर चिनिन्छ, यो १ महिनासम्म फुकुओका संगीतले भरिन्छ। यस हप्ताको अन्त्यमा JR हाकाता स्टेशन अगाडि आयोजना हुन गईरहेको, नागरिक सहभागिता संगीत कार्यक्रम 

【Sing! HAKATA】को बारेमा जानकारी दिनेछु।

अघिल्लो १० वर्षदेखि आयोजना हुँदै आएको 【क्यूसु गोस्पेल फेस्टिवल इन हाकाटा】ले यस वर्ष गोस्पेलका साथमा, कोरस र आकापेला जस्ता नयाँ संगीत विधाहरू थप्दै, नयाँ स्वरूपमा 【Sing! HAKATA】प्रस्तुत हुनेछ।

कार्यक्रममा प्रसिद्ध कलाकारहरूको उपस्थिति हुनुका साथै रेडियो कार्यक्रमसँगको सहकार्यमा विशेष स्टेज हुनेछ। यस बाहेक, सर्वसाधारण सहभागीहरूको लागि गोस्पेल, कोरस, र आकापेला गरि  ३ खण्डमा प्रस्तुतिहरू हुनेछन्। जहाँ क्लासिकदेखि पपसम्मका फरक-फरक संगीत विधाहरूमा सामूहिक रूपमा गीत गाउँने आनन्दको अनुभव गर्न सकिन्छ।

यो कार्यक्रम यस हप्ताको अन्त्यमा, सेप्टेम्बर २१ र २२ तारिकका दुई दिन शनिबार र आइतबार, बिहान १० बजेदेखि राति ८ बजेसम्म, JR हाकाता स्टेशन अगाडिको मैदानमा आयोजना हुनेछ। अवश्य पनि जानुहोस् र रमाइलो गर्नुहोस्!

【फुकुओका शहरको सूचना】

क्षयरोग रोकथाम सप्ताहको बारेमा

सेप्टेम्बर २४ देखि सेप्टेम्बर ३० सम्म क्षयरोग रोकथाम सप्ताह हो।

क्षयरोग एक यस्तो रोग हो, जसमा क्षयरोग ब्याक्टेरियाको कारण मुख्यतया फोक्सोमा जलन हुन्छ।

यो एक सरुवा रोग हो।

२०२३ मा, फुकुओका शहरमा १४० नयाँ क्षयरोग बिरामीहरु पाईएका थिए।

हालैका वर्षहरूमा, जापानी भाषा शैक्षिक संस्थाहरूमा सामूहिक संक्रमणका घटनाहरू पनि पाईएका छन्।

क्षयरोगका लक्षणहरूमा खोकी, खकार, ज्वरो, खकारमा रगत, छाती दुख्ने, अस्वस्थता, राती पसिना, र तौल घट्नु आदि समावेश छन्। शुरुका लक्षणहरू रुघाको जस्तै देखिन्छन्।

"खोकी २ हप्ता भन्दा बढि रहेमा", "खकार निस्केमा", "शरीर गलेमा", "अचानक तौल घटेमा" आदि केहि लक्षणहरु देखा परेमा, तुरुन्तै चिकित्सालयमा परामर्श लिनुहोस्।

प्रारम्भिक पहिचान र उपचारले रोगलाई गम्भीर हुनबाट बचाउने मात्र नभई, परिवारका सदस्य, साथीभाई र कार्यस्थल आदिमा संक्रमण रोकथाम गर्न पनि महत्त्वपूर्ण भूमिका खेल्दछ।

क्षयरोग, सँधै संक्रमित भएको कारणले मात्र विकसित हुँदैन।

यदि शरीरको प्रतिरोधात्मक क्षमताले क्षयरोग ब्याक्टेरियालाई नियन्त्रण गर्न सकेन भने, 

यो समयसँगै वृद्धि भएर रोगको रूपमा प्रकट हुन सक्छ।

संक्रमण र रोगको विकासलाई रोक्नको लागि, पर्याप्त निद्रा, सन्तुलित आहार, नियमित रूपमा शारीरिक व्यायाम जस्ता दैनिकी स्वास्थ्य अभ्यासहरू प्रभावकारी हुन्छन्।

त्यसैगरी, यदि क्षयरोग भएको पत्ता लागे पनि, डाक्टरको निर्देशनअनुसार हरेक दिन नियमित रूपमा औषधि सेवन गर्दा यो निको हुन्छ।

फुकुओका शहरमा, Fukuoka City Medical Interpreting Call Center छ, त्यहाँ अस्पताल खोज्नको लागि फोन मार्फत सल्लाह लिन सक्नुहुन्छ।

साथै, अस्पतालमा डाक्टरसँग कुरा गर्दा वा अस्पताल तथा फार्मेसीबाट औषधि लिंदा पनि यो सेवा प्रयोग गर्न सकिन्छ। यो सेवा २४ घण्टा, हरेक दिन उपलब्ध छ। फोन नम्बर ०९२-७३३-५४२९ हो। 

यो सेवा २० भाषाहरुमा उपलब्ध भएकोले समस्या परेमा अवश्य परामर्श लिनुहोस्।

【फुकुओका बोर्डो वाइन फेस्टिवल】

हाल फुकुओका सिटी हलको पश्चिम तर्फ रहको फुरेआई हिरोबामा  " फुकुओका बोर्डो वाइन फेस्टिवल" आयोजना भइरहेको छ।

"फुकुओका बोर्डो वाइन फेस्टिवल", फुकुओका र बोर्डो बीचको मैत्रीपूर्ण सम्बन्धको ३५औं वार्षिकोत्सव मनाउन शुरु गरिएको थियो र यस वर्ष यो वाइन फेस्टिवल ७औं वर्षमा प्रवेश गरेको छ।

यस फेस्टिवलमा, १०० भन्दा बढी प्रकारका बोर्डो वाइन अनिफुकुओकाको स्वादिष्ट परिकारहरुको पनि आनन्द लिन सक्नुहुन्छ। साथै, आयोजना स्थलमा फुकुओकाका कलाकारहरूद्वारा उत्कृष्ट ओपेरा र स्टेज प्रदर्शनहरू पनि दिनुहुनेछन्। हरेक वर्ष धेरै मानिसहरू सहभागी हुने यो फेस्टिवल, वाइन प्रेमीहरूका लागि हेर्नै पर्ने इभेन्टको रुपमा रहँदै आएको छ।

कार्यक्रम संचालन अवधि,  सोमबारदेखि शुक्रबार बेलुकी ५बजेदेखि, र शनिबार तथा आइतवार दिउँसो१२ बजे देखि बेलुकी १०बजे सम्म । जुन २ (आइतबार) सम्म फेस्टिवल सञ्चालन हुनेछ । समय भए पक्कै पनि जानुहोला♪

【फुकुओका शहरको सूचना】

यासासीई निहोन्गो राजीओ कोउजा अर्थात् सरल जापानी भाषा रेडियो कोर्सको परिचय

तपाईहरुले “यासासीई निहोन्गो राजीओ कोउजा” अर्थात् सरल जापानी भाषा रेडियो कोर्स को प्रसारण सुन्नुभएको छ?

यो कार्यक्रम, जापानी भाषा राम्ररी नबुझ्ने विदेशीहरू सबैका लागि हो, र यस कार्यक्रममा “सरल जापानी भाषा”मा बिस्तारै बोलिन्छ।

विदेशीहरुले जापानमा बसोबास गर्दा थाहा पाउनु पर्ने सूचनाहरुको बारेमा जानकारी दिईनेछ।

यो कार्यक्रम प्रत्येक शुक्रवार ९:५४ बाट प्रसारण हुँदै आईरहेको छ।

बुझ्न गाह्रो भएमा, वा सुन्न छुटेको भएमा पनि ठिकै छ!

Love FM को होमपेजमा पोष्ट गरिएको स्क्रिप्टमा हेरेर Podcast मा बारम्बार सुन्न सक्नुहुन्छ।

कृपया सुनिदिनु होला।

HIV परिक्षण सप्ताहको बारेमा

जुन १ देखि जुन ७ सम्मको १ हप्ता "HIV परिक्षण सप्ताह" हो।

रेइवा ५ मा, फुकुओका शहर भित्रको चिकित्सा संस्थानहरूले दिएको नयाँ रिपोर्ट अनुसार HIV संक्रमित व्यक्तिहरु ३४ जना र एड्सका बिरामीहरू ७ जना थिए। HIV संक्रमणको रोकथाम, प्रारम्भिक पहिचान र प्रारम्भिक उपचार महत्त्वपूर्ण छ। HIV संक्रमण हुँदैमा, धेरैजसो लक्षणहरू नदेखिने भएकोले, संक्रमण छ कि छैन भनेर पत्ता लगाउन परिक्षण गर्न आवश्यक छ।

प्रत्येक वार्डको Health and Welfare Center मा, HIV परिक्षण निःशुल्क र गोप्य रूपमा गर्न सक्नुहुन्छ।

परिक्षण गर्न मिल्ने दिन तोकिएको हुनाले, कृपया जानुअघि Health and Welfare Center वा फुकुओका सिटीको होमपेज आदिबाट अग्रिम जानकारी लिनुहोला।

HIV संक्रमणको प्रारम्भिक पहिचान र उचित स्वास्थ्य सेवा र उपचार प्राप्त गर्नाले एड्स फैलिने गतिलाई ढिलाइ गर्न सक्दछ। 

त्यसैले, आफुलाई शंका लाग्ने बित्तिकै, प्रारम्भिक परिक्षण गर्ने गरौँ।

【वसन्तको राष्ट्रिय ट्राफिक सुरक्षा अभियान】

यस सातादेखि अप्रिलमा, नयाँ आर्थिक वर्षको सुरुवात भयो। यस सप्ताहन्त, ६ (शनिबार) देखि १५ (सोमबार) सम्म, ‘वसन्तको राष्ट्रिय ट्राफिक सुरक्षा अभियान’ आयोजना हुन गईरहेको छ।

・बालबालिकाहरूलाई सुरक्षित रूपमा आवतजावत गर्न सक्ने गरि सडक ट्राफिक वातावरण सुनिश्चित गर्ने र सुरक्षित तवरले बाटो काट्ने विधिहरू अभ्यास गराउने

・ पैदल यात्रुहरूलाई प्राथमिकता दिने र "सोचविचार र पारस्परिक समझदारी" मा गरिने ड्राइभिङलाई प्रोत्साहन गर्ने

・साइकल, इलेक्ट्रिक स्कुटर आदि प्रयोग गर्दा हेलमेट लगाउने र ट्राफिक नियमको पालना गर्ने 

・ मादक पदार्थ सेवन गरी सवारी चलाउने कार्यलाई रोक्ने

यी चार बुँदाहरु प्राथमिकताका साथ यस अभियान अवधिमा फुकुओका प्रिफेक्चरको प्रत्येक क्षेत्रहरुमा,  विभिन्न पहलहरू कार्यान्वयन गरिनेछन्।

अप्रिलमा, प्राथमिक विद्यालयका कक्षा १ का विद्यार्थीहरू ट्राफिक वातावरणमा भर्खरै पाईला राखेका हुन्छन्। तिनीहरूलाई सडक जोखिम बारे ज्ञानको कमी हुन्छ। थप रूपमा, बच्चाहरूको दृष्टिको क्षेत्र वयस्कहरूले सोचेको भन्दा साँघुरो हुन्छ, र तिनीहरू आफ्नो वरपरको दृश्य देख्न असमर्थ हुन्छन्। बच्चाहरु अचानक यताउता गई हाल्ने वा र सडक पेटिभन्दा बाहिर बाटोमा एक्कासी कुद्ने प्रति सजक रहनु आवश्यक छ।

धेरै नयाँ विद्यार्थीहरू, नयाँ कर्मचारीहरु वा स्कूल वा काममा जाँदा नयाँ मार्गहरू लिने व्यक्तिहरू पनि हुन्छन् होला। एक त अपरिचित मार्ग र त्यसमाथि बिहानको ब्यस्त समय हुने भएकोले दुर्घटना हुने सम्भावना हुन्छ। त्यसैले, ट्राफिक सुरक्षाको लागि हतारमा होइन,  आफ्नो सोचबूझले यात्रा गरौं।

आफ्नो समय र सोचबूझ लिएर, आज पनि सुरक्षित ढंगले बाहिर निस्कनुहोला!

【फुकुओका शहरको सूचना】

विदेशीहरूले परामर्श लिन सकिने काउन्टरको परिचय

नयाँ जीवनमा कुनै समस्या वा नबुझेको कुरा छ कि?

Fukuoka City Consultation Support Center for Foreign Residents मा, आवास सम्बन्धी प्रकिया, रोजगार, चिकित्सा, कल्याण, प्रसुति, शिशु स्याहार, र बाल शिक्षा जस्ता जनजीवन सम्बन्धि परामर्श कहाँ लिने भनेर थाहा नभएको समयमा, उपयुक्त सम्पर्क काउन्टर तथा अन्य जानकारीहरु प्रदान गर्दै आईरहेको छ।

फोन नम्बर, (०१२०-६६-१७९९) ।

सम्पर्क समय ९:०० देखि ५:३० बजेसम्म । शनिवार, आइतवार, सार्वजनिक बिदा, नयाँ वर्षको बिदाहरुमा बन्द हुन्छ।

२१ वटा विदेशी भाषाहरूमा यो सेवा उपलब्ध छ।

राष्ट्रिय स्वास्थ्य बीमा, फोहोर, कर, आदि जस्ता फुकुओका शहरका प्रक्रियाहरूको बारेमा बुझ्नु परेमा, दोभाषे सेन्टरमा कल गरेर, आफू बस्ने वार्डमा सम्पर्क गरि परामर्श लिन सक्नुहुन्छ। 

फोन नम्बर, (०९२-७५३-६११३) । 

सम्पर्क समय ९:०० देखि ५:०० बजेसम्म । शनिवार, आइतवार, सार्वजनिक बिदा, नयाँ वर्षको बिदाहरुमा बन्द हुन्छ।

१८ वटा विदेशी भाषाहरूमा यो सेवा उपलब्ध छ।

यस अतिरिक्त, चिकित्सा संस्था खोज्दा, अस्पतालमा डाक्टरसँग कुरा गर्दा, अस्पताल वा सिफारिस गरिएको फार्मेसीमा औषधि लिँदा, Fukuoka City Medical Interpreting Call Center मार्फत टेलिफोन अनुवाद हुन्छ।

विदेशीहरूबाट मात्र नभई, अस्पताल र प्रिस्क्रिप्शन फार्मेसीहरूबाट पनि टेलिफोन अनुवादको लागि अनुरोध गर्न सकिन्छ।

फोन नम्बर, (०९२-७३३-५४२९) हो।

चौबीसै घण्टा हरेक दिन लिन सकिने यो सेवा, २० वटा भाषाहरुमा उपलब्ध छ। 

【Breaking World Match 2024】

बाली ओलम्पिकमा पहिलो पटक प्रस्तुत गरिएको नृत्य खेल " Breaking" को प्रतिस्पर्धा "Breaking World Match 2024",  फेब्रुअरी २४, शनिबार फुकुओका शहरको मरीन मेस्से फुकुओकामा आयोजना हुन गईरहेको छ।

"Breaking"  दुई जनाबीच एक-अर्कामा हुने प्रतिस्पर्धा हो जसमा, सहभागीहरूले पालैपालो परिमार्जित संगीतमा एक्रोबेटिक नृत्य चालहरू प्रस्तुत गर्छन्, प्रविधि र अभिव्यक्तिको लागि प्रतिस्पर्धा गर्छन्। यस वर्षको पेरिस ओलम्पिकमा पदक जित्ने अपेक्षा बोकेका खेलाडीहरुको भावुक प्रस्तुति हेर्न सक्नुहुन्छ।

संयुक्त राज्य अमेरिका, " Breaking" को उद्गमस्थल हो भने, उच्च गुणस्तरका पुरुष र महिला खेलाडीहरुबीच एक-आपसमा प्रतिस्पर्धा देखाउने चाहिं जापान हो। पेरिसओलम्पिकमा भाग लिन पहिले नै छनोट भइसकेका खेलाडीहरूका साथै विश्व वरीयतामा उच्च स्थानमा रहेका खेलाडीहरू पनि हुनेछन्। ६ महिना पछि आयोजना हुन गईरहेकोओलम्पिकको प्रारम्भिक रुपमा रहेको यस प्रतिस्पर्धाले धेरैको ध्यान तानिरहेको छ !

【फुकुओका शहरको सूचना】

Fukuoka City Medical Interpreting Call Center

फुकुओका शहरमा, जापानी भाषामा कुराकानी गर्न कठिनाइ हुने विदेशीहरूले ढुक्क भएर चिकित्सा सेवा प्राप्त गर्न सकून् भन्ने हेतुले, चिकित्सा सम्बन्धी टेलिफोन अनुवाद सेवा, “Fukuoka City Medical Interpreting Call Center” को स्थापना गरिएको छ।

यसको प्रयोग, चिकित्सा संस्था खोज्दा, अस्पतालमा डाक्टरसँग कुरा गर्दा, अस्पताल वा सिफारिस गरिएको फार्मेसीमा औषधि लिँदा, कल सेन्टरमार्फत टेलिफोन अनुवादहुन्छ। 

विदेशीहरूबाट मात्र नभई, अस्पताल र प्रिस्क्रिप्शन फार्मेसीहरूबाट पनि टेलिफोन अनुवादको लागि अनुरोध गर्न सकिन्छ।

चौबीसै घण्टा हरेक दिन, प्रयोग गर्न सकिन्छ। फोन नम्बर, ०९२-७३३-५४२९ हो। 

सहायक भाषाहरू; अंग्रेजी, चाइनिज, कोरियाली, भियतनामी, नेपाली, थाई, तागालोग, इन्डोनेसियाली, मलय, बर्मी, खमेर, मङ्गोलियन, स्पेनिश, पोर्चुगिज, जर्मन, फ्रेन्च,इटालियन, रुसी, सिंहला र हिन्दी गरि २० वटा भाषाहरुमा यो सेवा उपलब्ध छ।

【एहोमाकी】

फेब्रुअरी ३, आउँदो शनिबार‘सेचुबुन्’पर्छ। दुष्ट आत्माहरूबाट बच्न र वर्षभरि सुस्वास्थ्यको लागि कामना गर्न, ‘ओनिवा सोतो, फुकुवा उची’, भन्दै ‘मामे अर्थात् भटमास’ फ्याँक्ने चलन छ। पछिल्ला वर्षहरूमा ‘एहोमाकी’ खाने चलन सामान्य बन्दै गएको छ। आज ‘एहोमाकी’ को बारेमा छोटो जानकारी लिएर आएकी छु। 

‘एहोमाकी’ भनेको एक प्रकारको सुशी रोल हो। रोल गर्दा राख्ने सामाग्रीहरु यस्तो नै हुनुपर्छ भन्ने कुनै नियम छैन, तर भनिन्छ कि तामागो याकी, एबी, आनागो, काँक्रो, शिताके च्याउ, खान्प्योउ र साकुरा डेन्बु गरि सात प्रकारका सामग्रीहरु राख्नु भयो भने भाग्यका लागि अति राम्रो हुन्छ।

साथै, एहोमाकीखाने केही नियमहरू छन्।

नियम १ : एक जनाले एउटा सिंगै फुतोमाकी खानुपर्छ। भनिन्छ, सुशीमा राम्रो भाग्य हुने भएकोले, यदि यसलाई काटेर वा टुक्रा गरेर खानुभयो भने राम्रो भाग्य हराउँछ रे। त्यसैले, राम्रो भाग्य प्राप्तिको लागि यसलाई सिंगै खानुपर्छ भन्ने गरिन्छ।

नियम २: यसलाई खाँदा, वर्षको लागि शुभ मानिने दिशातर्फ फर्केर खानुपर्छ। यो वर्षको लागि "पूर्व र उत्तरपूर्व" शुभ रहेको छ।

नियम ३: आफ्नो मनोकामना मनन गर्दै नबोलिकन सबै खान सकाउनु पर्छ। खाँदै कुरा गरेर आफ्नो भाग्यलाई हराउन नदिनुहोस्।

मामेमाकीको मामे सजिलै सुपरमार्केटमा किन्न पाईन्छ। समय भए, फेब्रुअरी ३ मा, तपाईहरु पनि आ-आफ्नो घरमा यस जापानी संस्कृतिको अनुभव लिएर हेर्नु भए कसो होला!

राम्रो भाग्यका साथ यस वर्षलाई राम्रो वर्ष बनाऔँ ♪

【फुकुओका शहरको सूचना】

जीवनशैलीसँग सम्बन्धित रोगहरूको रोकथाम महिना

फेब्रुअरी महिना जीवनशैलीसँग सम्बन्धित रोगहरूको रोकथाम महिना हो।

जीवनशैलीसँग सम्बन्धित रोगहरू "जीवनशैली" को कारणले हुने रोगहरू हुन्।

जीवनशैलीसँग सम्बन्धित रोगहरू जस्तै मधुमेह, उच्च रक्तचाप, र हृदयाघात आदि असन्तुलित आहार र व्यायामको कमीले गर्दा हुन्छ।

साथै, धुम्रपान, अत्याधिक मद्यपान र तनावका कारण पनि जीवनशैलीसँग सम्बन्धित रोगहरू निम्त्याउन सक्छ।

स्वस्थ जीवन जिउनका लागि दिनको तीन पटक निश्चित समयमा सन्तुलित र उचित मात्रामा खाना खानु जरुरी छ। बजारमा पाईने तयारी खानेकुरा र चिल्लो खानेकुरा जस्ता पौष्टिक तत्व कम हुने आहारलाई निरन्तरता दिँदा मोटोपना र मधुमेह जस्ता रोग लाग्न सक्छ।

राम्रोसँग चपाउँदा पाचन प्रणालीमा भार कम हुन्छ र मुखको वरपरका मांसपेशीहरू पनि बलियो हुन्छ।

कम्तिमा पनि २० मिनेटको हाराहारीमा बिस्तारै खाने गरौं।

व्यायामको कमीको कारण मांसपेशिहरु घट्नाले, शरीरलाई चाहिने उर्जामा कम हुन गई, तौल बढ्ने सम्भावना बढी हुनेछ।

मांसपेशी र शरीरलाई तन्दुरुस्त कायम राख्न व्यायाम जारी राख्ने गरौं।

व्यायाम गर्ने अवसर कम भएका व्यक्तिहरुले, बजार जाँदा हिडेर जाने, लिफ्ट तथा इस्क्यालेटरको प्रयोग नगरी सकेसम्म भर्याङको प्रयोग गर्ने आदि जस्ता दैनिक जीवनमा थोरै मात्र भए पनि मिल्ने समयमा, अहिलेको भन्दा लगभग १० मिनेट बढि व्यायाम गरौं।

निद्राले मानसिक र शारीरिक थकान हटाउन र रोग प्रतिरोधात्मक क्षमता बढाउन भूमिका खेल्छ।

रोग प्रतिरोधात्मक क्षमता कायम राख्न, निद्राको समय सुरक्षित गर्न र निद्राको गुणस्तर सुधार गर्न आवश्यक छ।

सुत्नुअघि स्मार्टफोन चलाउने, टिभी हेर्ने, क्याफिन खाने तथा अल्कोहल पिउने बानी नगरौं किनभने यसले निद्राको गुणस्तर घटाउँछ।

साथै, मनतातो पानीमा बस्ने जस्ता आफ्नै किसिमको आराम गर्ने तरिकाहरु पत्ता लगाई, तनावमुक्त जीवन बिताउने प्रयास गरौं।

यस अवसरमा, तपाईं हामी पनि आफ्नो दैनिक जीवनशैलीको बारेमा सोचेर हेर्ने होइन त?

【जेन खाचुगी】

यस साताको अन्त्यमा जापानका विश्वविद्यालयहरुमा प्रवेश परीक्षा आउँदैछ।

जापानमा ‘जेन खाचुगी’ भनिने चलन छ, जसमा राम्रो नतिजाको आशामा कर्म वा कार्यहरू गर्ने गरिन्छ, जस्तै कि, विगतमा सफलतापूर्वक सम्पन्न भएका कार्यहरू दोहोर्याउने, राम्रो भाग्य ल्याउने खानाहरू खाने आदि गरिन्छ। प्रतियोगिता वा परीक्षामा जाँदा, तोन्खाचु, ओनिगिरी, चिपचिपे खाना जस्ता खानाहरू खाएर जानुभयो भने, राम्रो सफलता मिल्छ भन्ने भनाई छ। त्यस्तै, राम्रो भाग्य ल्याउनको लागि सरसफाइ गर्ने, प्रार्थना गर्ने पनि गरिन्छ। यो पनि विश्वास गरिन्छ कि, यदि तपाईंले आफ्नो इच्छाहरू ठूलो स्वरले भन्नुभयो भने, तपाईंको इच्छाहरू पूरा हुनेछन्, शब्दमा शक्ति हुन्छ भनिन्छ, जसलाई जापानीमा 'कोतो डामा' भनिन्छ। पक्कै पनि, परिश्रम बिना इच्छाहरू पूरा हुन सक्दैन,तर तनाव कम गर्न र आफ्ना भावनाहरूलाई शान्त पार्न ‘जेन खाचुगी’ को प्रयास गर्नु प्रभावकारी पनि हुन सक्छ। 

सबै परीक्षार्थीहरू, अन्तसम्म सक्दो प्रयास गर्नुहोस्! हाम्रो अग्रिम शुभकामना!

【फुकुओका शहरको सूचना】 

नोरोभाइरसदेखि सावधान!

जाडोमानोरोभाइरसको कारण वान्ता हुने, पखाला हुने, पेट दुख्ने र बान्ता आउला जस्तो हुने समस्या बढी हुने गर्छ। 

यो भाइरस शक्तिशाली हुन्छ र थोरै मात्रामा शरीरमा प्रवेश गरे पनि संक्रमित हुन्छ।

भाइरस हात वा खानाद्वारा शरीरमा प्रवेश भई, यसले पखाला, वाकवाकी, बान्ता र ज्वरो निम्त्याउँछ।

संक्रमित व्यक्तिको बान्ता वा पखालाको कारण हावामा भएको भाइरस, सास लिंदा संक्रमित हुने वा संक्रमित व्यक्तिले पकाएको खाना खाएर पनि सर्न सक्दछ।

साथै, भाइरस भएको ओइस्टर आदि जस्ता bivalves नतताईकन खाँदा पनि भाइरस सर्न सक्दछ।

धेरै मात्रामा बान्ता र पखालाबाट डिहाईड्रेसन हुन सक्छ।

तुरुन्तै चिकित्सकलाई देखाउने गरौं। 

यो सामान्यतयाः २, ३ दिनमा निको हुन्छ, तर लक्षणहरू हराए पनि १ हप्तादेखि १ महिनासम्म, भाइरस दिसामा निस्कन्छ, र यो अन्य व्यक्तिहरूलाई संक्रमित गराउने कारण बन्ने भएकोले यसप्रति सजक रहौं।

संक्रमणलाई बढ्न नदिन, निम्न रोकथामका बिधिहरू अपनाऔं।

खाना पकाउनु अघि, खाना खानु अघि, शौचालय पछि आदिमा, अवश्य साबुन पानीले हात धुने गरौं।

खाना पकाउने भाँडाहरू हरेक पटक प्रयोग गरेपछि राम्रोसँग धोएर उमालेको पानी वा क्लोरीन ब्लीचले कीटाणुरहित पार्ने गरौं।

अल्कोहल युक्त किटनाशक भने नोरोभाइरस विरुद्ध कम प्रभावकारी हुन्छ।

नोरोभाइरस ८५℃ देखि ९०℃ तापक्रममा ९० सेकेन्ड वा सो भन्दा बढि ततायो भने मर्छ।

खानेकुरालाई पर्याप्त मात्रामा तताउने गरौं। काँचो खाने तरकारी र फलफूल राम्रोसँग धोएर प्रयोग गरौं। 

शरीर सन्चो नभएको बेला खाना नपकाउनु पनि उतिकै महत्वपूर्ण छ।

【इटोशिमा ओइस्टर हट्स】

तपाईंहरूमध्ये धेरैजना फुकुओकाको हिउँद ऋतुको परम्पराहरुमध्ये एक, ''ओइस्टर हट्स'' को प्रतीक्षा गर्दै हुनुहुन्छ भने, त्यो मौसम आई नै सक्यो! प्रत्येक वर्ष यस समयतिर, इटोशिमाका छवटा माछा मार्ने बन्दरगाहहरूमा सीमित समयका लागि प्रबन्धितघर तथा ग्रीनहाउसहरू खोल्ने गरेका छन्।

इटोशिमाको ओइस्टर हट्स विगत केही वर्षदेखि निकै प्रख्यात बन्दै आइरहेको छ! यो स्थानियहरु माझ मात्र नभई जापान र विदेशका पर्यटकहरु माझ पनि लोकप्रिय हुँदै आइरहेको छ।अनि, धेरै पटक दोहोरिने आगन्तुकहरुको संख्या हरेक वर्ष बढ्दै गईरहेको छ। ओइस्टरहरू यति पौष्टिक हुन्छन् कि तिनीहरूलाई "समुद्रको दूध" पनि भनिन्छ जून हिउँद मौसममा पाईने गर्छ। बिशेष गरि इटोशिमाका ओइस्टरहरू किफायती मूल्य, ताजा, स्वस्थकर, आकारमा ठूलो अनि स्वादिष्ट हुन्छन्।

पक्कै पनि यस जाडोमा इटोशिमाको स्वादिष्ट ओइस्टरहरूको आनन्द लिनुहोस्।

【फुकुओका शहरको सूचना】

विश्व एड्स दिवस सम्बन्धि

डिसेम्बर १ विश्व एड्स दिवस हो। हरेक वर्ष डिसेम्बर १ लाई केन्द्रित गरि, विश्वभर एड्स सम्बन्धि जनचेतना जगाउने गतिविधिहरू आयोजना गरिन्छ।

एचआईभी संक्रमण पछि, धेरै वर्षसम्म यसको प्रत्यक्ष लक्षण बिनाको अवधि जारी रहने भएकोले, एड्स नलागेसम्म रोग पत्ता नलगाएका संक्रमित व्यक्तिहरू धेरै छन् भन्ने अनुमान गरिन्छ।

HIV संक्रमणको प्रारम्भिक पहिचान र उचित स्वास्थ्य सेवा र उपचारले एड्स फैलिने गतिलाई ढिलाइ गर्न सक्दछ। त्यसैले, प्रारम्भिक परिक्षण गर्ने गरौँ। प्रत्येक वार्डको Health and Welfare Center मा, HIV परिक्षण निःशुल्क र गोप्य रूपमा गर्न सक्नुहुन्छ।परिक्षण गर्न मिल्ने दिनको निश्चित समय भएकोले, कृपया जानुअघि अग्रिम जानकारी लिनुहोला।

यसका अतिरिक्त, एड्स पीडित व्यक्तिहरूलाई बुझ्ने र समर्थन गर्ने ईच्छुकत्तालाई रातो रिबनको प्रतिकले दर्शाउँछ। रातो रिबनले, एड्सको बारेमा कुनै पूर्वाग्रह नभएको र एड्स भएकासाथ बस्नेहरूसँग भेदभाव गर्दैनौं भन्ने सन्देश दिन्छ। रातो रिबन पछि डिसेम्बर १ देखि ७ सम्म ७ दिन को लागी,Hakata Port Tower र Fukuoka Red Brick Culture Museum मा रातो रंगको बत्ति बालि उज्यालो पारिन्छ। 

विश्व एड्स दिवसको अवसरमा, एड्सको बारेमा सही ज्ञान र यसको रोकथाम उपायहरूको बारेमा सबैजनाले मनन गरेर हेरौं।

फोहरको अवैध डम्पिंग

जंगल, समुद्रीतट, नदी, सडक, पार्क आदिमा फोहर फाल्ने कार्यलाई अवैध डम्पिंग भनिन्छ।

फुकुओका शहरमा, बर्षको अन्त्यमा सरसफाईको कारण फोहरको मात्रा बढ्ने डिसेम्बरमा, “अवैध डम्पिंग रोकथाम सुदृढीकरण महिना" को रूपमा, अवैध फोहर फाल्न रोक्नका लागि गतिविधिहरू थप सुदृढ गरिन्छ।

फुकुओका शहरले पुलिसको सहयोगमा, धेरै अवैध फोहर फाल्ने स्थानहरुमा, निगरानी क्यामेरा वा चेताउनी संकेतहरू राख्ने र गस्तीहरू सञ्चालन गरिंदै आईरहेको छ।

टिभी, फ्रिज, फ्रिजर, वाशिंग मेशिन, कपडा ड्रायर, र एयर कन्डिशनरहरू घरायसी सामान प्रशोधन कानुन बमोजिम फोहर फाल्ने विधि तोकिएको छ। 

नयाँ जडान गर्ने बेलामा पुरानो इलेक्ट्रोनिक सामान दिएर पठाउनेवा त्यो इलेक्ट्रोनिक सामान खरिद गर्नुभएको पसलमा लैजाने गर्नुहोस्। 

यस बाहेकका सामानहरुसङ्कलनकालागि, आफ्नो नजिकको Yamada Denki मा लिनुहुन्छ कि भनेर सोधपुछ गर्नुहोला वा फुकुओका शहरबाट सम्बन्धन प्राप्त गरेका Rinet Japan Recycle तथा SG Moving मा सङ्कलनकालागि अनुरोध गर्नुहोस्।

रिसाइकल शुल्क, संकलन र यातायात शुल्क आवश्यक पर्छ।

साथै, कम्प्युटरको सङ्कलन लागि सम्बन्धित कम्पनि वा Rinet Japan Recycle मा अनुरोध गर्नुहोस्।

शहरमा गस्ती गर्नेहरू, पर्चाहरू, इन्टरनेट आदि मार्फत् "अनावश्यक सामानहरूकम शुल्कमा संकलन गरिदिन्छौं” भनि विज्ञापन गर्नेहरु, फुकुओका शहरको अनुमति बिना अवैध रूपमा संकलन गर्ने ठेकेदारहरु हुन्। अनुमति प्राप्त नभएका ठेकेदार मार्फत् गराउनु भयो भने, अवैध डम्पिंग वा अनुचित प्रशोधन गर्ने, अधिक शुल्क लिने जस्ता समस्याहरू निम्त्याउने हुनाले कृपया यसको प्रयोग नगर्नुहोस्।

【नयाँ चामल】

अक्टोबरमा प्रवेश गरे लगत्तै गर्मी अलि कम हुन थालेको छ। यस मौसममा, जापानमा प्रायः अन्न, चामल, फलफूल आदि सम्बन्धि अभिव्यक्तिहरु जस्तै "फसलको मौसम, "भोक लाग्ने मौसम" आदिको रूपमा व्यक्त गर्ने गरिन्छ। के तपाईंहरुले यी अभिव्यक्तिहरू पहिले सुन्नुभएको छ?

त्यसैले आज,  "नयाँ चामल (新米, shinmai)," को जानकारी छ। "नयाँ चामल" ले शरद ऋतुमा काटिएको धानलाई बुझाउँछ र सोही वर्षको डिसेम्बर ३१ सम्ममा प्रशोधन गरी प्याकेज गरिन्छ। नयाँ चामल मोटो बनावट र अति स्वादिलो हुन्छ।

फुकुओकामा स्थानीय रूपमा उब्जाइएको धानका धेरै स्वादिष्ट प्रजातिहरू छन्। फुकुओका सहरमा, विशेष गरी निशी-कु, सावारा-कु र हिगाशी-कुका प्रकृति-सम्पन्न क्षेत्रहरूमा, सुरक्षित, वातावरणमैत्री खेती अभ्यासहरूमा ध्यान केन्द्रित गर्दै धान खेती गरिंदै आईरहेको छ।

मुख्य प्रजातिहरू मध्ये क्युशुको प्रतिनिधित्व गर्ने चामल "हिनोहिकारी" हो, जुन समान आकार भई लचिलोपना भई, जुनसुकै परिकारमा पनि जम्छ। अन्य चामलहरु जस्तै, अलि गुलियो सानो बनावट भएको "युमेचुकुशी"चामल, लचिलो तर नटासिने "मिनोरिचुकुशी" चामल, र  चिसो हुँदा पनि स्वादिष्ट, ओनिगिरी र बेन्टोको लागि उपयुक्त फुकुओकाको मौलिक चामल "गेनकिचुकुशी आदि बिभिन्न किसिमका पाइन्छन्।

शरद ऋतुको स्वाद मानिने सखरखण्ड, चेस्टनट, च्याउ, आदि मिसाएर बनाइएको परिकार, "ताकीकोमी गोहान्" पनि स्वादिष्ट हुन्छ।

तपाईंहरु पनि, फुकुओकाको स्वादिष्ट चामलको भातको साथ शरद ऋतुको मजा लिनुहोस्!

【फुकुओका शहरको सूचना】

नयाँ कोरोना भाइरस विरुद्धको शरदको खोपको सूचना

फुकुओका शहरमा नयाँ कोरोना भाइरस विरुद्धको खोपका लागि ईच्छुक सम्पूर्ण व्यक्तिहरुले ढुक्क भएर खोप लगाउन सुनिश्चितका लागि काम भईरहेको छ।

वर्ष २०२३ मा पनि नयाँ कोरोना भाइरस विरुद्धको खोप निशुल्क लगाउन सक्नुहुन्छ। ईच्छुक सम्पूर्ण व्यक्तिहरुले, आजकल फैलिरहेको ओमिक्रोन भेरियन्ट (XBB.1.5) विरुद्ध प्रभावकारी खोप लिन सक्नुहुन्छ। छ महिना वा सोभन्दा माथिका सबैले ओमिक्रोन भेरियन्ट (XBB.1.5) विरुद्ध प्रभावकारी एक-डोज खोप प्राप्त गर्न सक्नुहुन्छ।

खोप कुपन पाउनुभएपछि, बुकिंग साइट वा खोप सेन्टरमा बुकिंग गर्न सकिन्छ।

पहिले प्राप्त गर्नुभएका तर प्रयोग नगरिएका खोप टिकटहरू प्रयोग गर्न सक्नुहुन्छ।

खोप कुपन हराएका वा प्राप्त नभएका महानुभावहरुले, पुन: जारीको लागि आवेदन दिन कृपया कल सेन्टरमा फोन गर्नुहोस्।

विदेशबाट फुकुओका शहरमा आउनुभएका महानुभावहरुले यदि खोप लगाउन चाहनुहुन्छ भने,

खोप कुपन जारीको लागी निबेदन दिन आवश्यक छ।

फुकुओका शहरमा खोप सम्बन्धि परामर्श, बुकिंग र खोप कुपन जारीको बारेमा बुझ्न, सम्पर्क गर्न सकिने कल सेन्टरको फोन नम्बर रहेको छ, ०९२-२६०-८४०५ ।

हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

नेपाली, अंग्रेजी, चाइनिज आदि ७ वटा विदेशी भाषाहरूमा यो सेवा उपलब्ध छ।

नागरिकहरूको लागि Asian-Pacific City Summit PR Event (आउनुहोस् ! SDGs र एशिया प्यासिफिक बारे रमाइलोसँग सिक्नुहोस्!

अक्टोबर ७ शनिबारको दिन, "Environmental Festival Fukuoka 2022" आयोजना हुन गईरहेको छ। २० औं पटकको यस वर्षको महोत्सव, सोलारिया प्लाजाको पहिलो तल्ला, फुकुओका मिचुकोशी लायन स्क्वायर, र केइगो पार्क गरि तीन स्थानहरूमा आयोजना हुनेछन्। यी मध्ये, फुकुओका मिचुकोशी लायन स्क्वायरमा, “आउनुहोस् ! SDGs र एशिया प्यासिफिक बारे रमाइलोसँग सिक्नुहोस्!” भन्ने बिषयमा, एसिया-प्रशान्त क्षेत्रका बालबालिकाहरूद्वारा बनाईएका चित्रहरूको प्रदर्शनी, अंग्रेजी समावेश क्विजहरू, डिजिटल टेक्नोलोजी प्रयोग गरेका टच-स्क्रिन खेलहरू मार्फत SDGs बारे सिक्न अनि रमाईलो गर्न सकिने कार्यक्रमहरु हुनेछन्। यस कार्यक्रममा भाग लिनको लागि कुनै अग्रिम दर्ता आवश्यक छैन।

थप विवरणहरूको लागि, कृपया " Environmental Festival Fukuoka " वा "Asian-Pacific City Summit" भनि खोजेर वेबसाइटहरूमा हेर्नुहोला।

【जापानको शरद ऋतु】

सेप्टेम्बर २३ मा जापानको छुट्टिहरू मध्ये एक , " Autumn Equinox Day " पर्छ। यसलाई "कृतज्ञता व्यक्त गर्ने र पुर्खाहरूप्रति सम्मान चढाउने" दिनको रूपमा तोकिएको छ साथै, यसलाई "दिन र रात बराबर हुने दिन" भनेर पनि चिनिन्छ। यो अनौठो छुट्टी प्रत्येक वर्ष सेप्टेम्बर २२ वा २३ तारिखमा पर्दछ, जुन सूर्यले भूमध्य रेखा पार गरेको दिनमा निर्भर गर्दछ।

यस वर्षको ‘च्युउस्युउ नो मेईगेचु’ अर्थात् ‘मध्य शरदको चन्द्रमा’, सेप्टेम्बर २९ बिहिबारमा देखा पर्नेछ। ‘च्युउस्युउ नो मेईगेचु’ भन्नाले बर्षभरिमा सबैभन्दा सुन्दर चन्द्रमा हो। जापानमा परापूर्वकालदेखि यसलाई हेर्ने परम्परा छ।

जापानमा सेप्टेम्बर महिना भन्नाले ग्रीष्म ऋतुबाट शरद ऋतुमा प्रवेश हुनु हो। गर्मी कम हुन थाल्छ, मौसम रमाइलो बन्दै आउँछ। जापानमा शरद ऋतुलाई प्रायः "फसलको मौसम" र "भोक लाग्ने मौसम" भनेर चिनिन्छ। भनिन्छ कि, गर्मीको कारण हराएको भोक पुर्न जागेर आउने र त्यस्तै बजारमा पनि धेरै स्वादिष्ट मौसमी खानेकुराहरु पाईने भएकोले शरदमा धेरै भोक लाग्छ रे।

तपाईंहरु पनि शरदको मौसमी खानाहरु तथा मौसमी फूलहरुको भरपूर आनन्द लिनुहोला!

【फुकुओका शहरको सूचना】

“क्षयरोग रोकथाम सप्ताहको बारेमा”

सेप्टेम्बर २४ देखि सेप्टेम्बर ३० सम्म क्षयरोग रोकथाम सप्ताह हो।

क्षयरोग एक यस्तो रोग हो, जसमा क्षयरोग ब्याक्टेरियाको कारण मुख्यतया फोक्सोमा जलन हुन्छ।

यो एक सरुवा रोग हो।

२०२२ मा, फुकुओका शहरमा १४३ नयाँ क्षयरोग बिरामीहरु पाईएका थिए।

क्षयरोगका लक्षणहरूमा खोकी, खकार, ज्वरो, खकारमा रगत, छाती दुख्ने, अस्वस्थता, राती पसिना, र तौल घट्नु आदि समावेश छन्। शुरुका लक्षणहरू रुघाको जस्तै देखिन्छन्।

"खोकी २ हप्ता भन्दा बढि रहेमा", "खकार निस्केमा", "शरीर गलेमा", "अचानक तौल घटेमा" आदि केहि लक्षणहरु देखा परेमा, तुरुन्तै चिकित्सालयमा परामर्श लिनुहोस्।

प्रारम्भिक पहिचान र उपचारले रोगलाई गम्भीर हुनबाट बचाउने मात्र नभई, परिवारका सदस्य, साथीभाई र कार्यस्थल आदिमा संक्रमण रोकथाम गर्न पनि महत्त्वपूर्ण भूमिका खेल्दछ। 

क्षयरोग, सँधै संक्रमित भएको कारणले मात्र विकसित हुँदैन।

यदि शरीरको प्रतिरोधात्मक क्षमताले क्षयरोग ब्याक्टेरियालाई नियन्त्रण गर्न सकेन भने,

यो समयसँगै बढ्न र विकास हुन सक्छ।

संक्रमण र रोग रोक्नको लागि पर्याप्त निद्रा, सन्तुलित आहार, मध्यम व्यायाम, आदि दैनिक स्वास्थ्य हेरचाह प्रभावकारी हुन्छ। साथै, क्षयरोग लागि हाल्यो भने पनि, डाक्टरको निर्देशन अनुसार, हरेक दिन उचित औषधी सेवन गरी यसबाट छुटकारा पाउन सक्नुहुन्छ।

फुकुओका शहरमा, Fukuoka City Medical Interpreting Call Center छ, त्यहाँ अस्पताल खोज्नको लागि फोन मार्फत सल्लाह लिन सक्नुहुन्छ।

फोन नम्बर रहेको छ, ०९२-७३३-५४२९ ।

२० भाषाहरुमा यो सेवा उपलब्ध भएकोले, अप्ठ्यारो पर्दा अवश्य पनि परामर्श लिनु होला।

【तानाबाता】

जापानमा जुलाईको ७ तारिख “तानाबाता” मनाईन्छ। 

तानाबाता जापानको एक लोकप्रिय परम्परा हो, जहाँ "तान्जाकु" भनिने कागजका रंगीन स्ट्रिपहरू बाँसका हाँगाहरूमा झुण्ड्याइन्छन्। बाल्यकालदेखि नै यो मनाउँदै आएको हुन्छ।

लोककथा अनुसार दम्पती रहेका दुई ताराहरू, कारणवश, आमानोगावा नदिद्वारा छुट्टिनु परेको र वर्षमा एक पटक यस दिनमा मात्र भेट्न अनुमति दिईएको हुन्छ। तर यस दिन पानी पर्यो भने, दुई प्रेमीहरूको भेट हुन पाउँदैन भन्ने कथन छ। तान्जाकुमा आफ्ना ईच्छाहरू लेखेर झुण्ड्याउँने गर्नाले इच्छा पूरा हुन्छ भन्ने भनाई रहेको छ।

यस दिन विभिन्न क्षेत्रहरूमा विभिन्न कार्यक्रमहरू आयोजना गरिन्छन्। फुकुओका शहरको फुकुओका टावरमा तानाबाता उत्सवको अनुभव गर्न सक्नुहुन्छ! जुलाई ७सम्म, फुकुओका टावरमा तानाबाता मात्रको विशेष इल्लुमिनेशन हुने, साथै, तान्जाकुमा आफ्ना ईच्छाहरू लेखेर झुण्ड्याउन पनि सक्नुहुन्छ। जुलाई ५देखि ७ सम्मको  ३दिनको लागि"Ennichi" नामक परम्परागत मेला पनि लाग्नेछ। पक्कै पनि उत्सबको आनन्द लिनुहोस्!

【फुकुओका शहरको सूचना】

नेच्च्युस्योउ अर्थात् लू लाग्नुबाट सावधान हुनुहोस् !

अत्याधिक गर्मीको बेला, गाह्रो ब्यायाम वा तीव्र शारीरिक क्रियाकलापका कारण शरीरले आफ्नो तापक्रम ठीकसँग नियन्त्रण गर्न सक्दैन, जसले गर्दा शरीरमा पानी र नुनको मात्रामा असन्तुलन पैदा भई नेच्च्युस्योउ अर्थात् लू लाग्छ। नेच्च्युस्योउका लक्षणहरूमा टाउको दुख्ने, चक्कर आउने, वाकवाकी लाग्ने र झाडापखाला लाग्ने जस्ता हुन्।

यस्तो बेलामा शरीरलाई चिसो पार्ने तथा नुन पानी पिउने गर्नुपर्दछ। यदि यस्तो गर्दा पनि निको नभएमा, ११९ मा फोन गरेर एम्बुलेन्स बोलाउनुहोस्। विशेष गरी, वर्षा मौसमको अन्त्य पछि उच्चतम तापक्रम बढ्दै जाने जुलाईदेखि, नेच्च्युस्योउ सम्बन्धित आपतकालीन केसहरू धेरै हुनेगरेको पाइन्छ।

यस मौसममा अत्याधिक गर्मी र आर्द्रतालाई शरीरले सामान्य रुपमा लिन नसक्ने हुनाले कृपया सावधान रहनुहोला।

नेच्च्युस्योउ, घर बाहिर मात्र नभई, घर भित्र पनि हुन सक्छ।

साथै, गर्मीमा मास्क लगाउनाले अझ धेरै गर्मीको जोखिम बढ्छ, त्यसैले सावधानी अपनाउनु आवश्यक छ। 

अब केही नेच्च्युस्योउबाट बच्ने उपायहरु बताउन गईरहेकी छु।

• तरल पदार्थ बारम्बार पिउने गर्नुहोस्। 

नियमित रूपमा जौको चियार पानी पिउने, व्यायाम गर्दा Sports drinks पिउनु पनि उपयुक्त मानिन्छ। पसिना आउँदा, नुनपानी पिएर शरीरमा पानीको मात्रा कायम राखौं।

• टोपी वा छाताको प्रयोग गरेर प्रत्यक्ष घामबाट जोगौं।

• कोठाको तापक्रम २८ डिग्री सेल्सियसभन्दा कम राख्न बुद्धिमानीपूर्वक air conditioner र फ्यानको प्रयोग गरौँ।

• Cooling sheet र Ice pillow जस्ता चिसो पार्ने सामानहरूको प्रयोग गरौं।

• सन्तुलित आहार रपर्याप्त निद्रा लिएर, स्वस्थ्य शारीरिक अवस्थालाई कायम राखौं।