Life in Fukuoka "Nepali"

【मरीन वर्ल्ड उमी नो नाखामिचीमा डल्फिनको बच्चा जन्मियो!】

फुकुओका शहरको हिगासी वार्डमा रहेको एक्वेरियम "मरीन वर्ल्ड उमी नो नाखामिची" मा अक्टोबर महिनामा डल्फिनको बच्चा जन्मिएको छ।
जन्मिएको बन्डो डल्फिनको भाले बच्चा हो, जुन अक्टोबर २७ मा जन्मिएको हो, र यसको लम्बाई करिब १ मिटर छ।सामान्यतया, डल्फिनको बच्चा जन्मिन २ घण्टा भन्दा बढी समय लागेमा बच्चाको जीवित रहने सम्भावना कम हुन्छ भन्ने भनाइ छ। तर यो पटकको डल्फिनको जन्मलाई करिब साढे ३ घण्टा लागे पनि आमा र बच्चा दुवै स्वस्थ छन् र राम्रोसँग हुर्किरहेका छन्।

डल्फिन हेरचाह गर्ने व्यक्तिका अनुसार, "बच्चाको शरीर राम्रोसँग विकसित भएको देखिन्छ र पौडनमा पनि एकदम सिपालु छ। चम्किलो र ठूलो आँखा बच्चा डल्फिनको विशेष आकर्षण हो। नयाँ डल्फिनले सबैलाई खुशी बनाउने नाम पाओस् र सबैको मन जितोस्।"

बच्चाको नाम आगन्तुकहरूको भोटबाट चयन गरिनेछ, त्यसैले मरीन वर्ल्ड जानु भयो भने भोट गर्न नबिर्सनुस्।

यस बाहेक, "मरीन वर्ल्ड उमी नो नाखामिची" मा विभिन्न रमाइला कार्यक्रमहरू पनि नियमित रूपमा आयोजना गरिन्छ। नयाँ क्षेत्र "खाइज्यु आइल्याण्ड" मा आज़ारासीको रमाइलो हाउभाउ र आवाज नजिकैबाट हेर्न पाइने स्टेज प्रदर्शन र डल्फिन तथा आज़ारासीलाई खुवाउने अनुभवले धेरैलाई आकर्षित गरिरहेको छ।

थप जानकारी र कार्यक्रमहरूका विवरणका लागि वेबसाइटमा हेर्नुहोस्।

 🔎https://marine-world.jp/news/post-6963/

【फुकुओका शहर/ फुकुओका सिटी इन्टरनेशनल फाउण्डेसनको सूचना】

 “विश्व मानव अधिकार दिवस र मानव अधिकार सप्ताहबारे”

"मानव अधिकार" भन्नाले हरेक व्यक्तिले जन्मदेखि नै पाउने "मानिसले मानिसजस्तै बाँच्न पाउने अधिकार" लाई जनाउँछ। डिसेम्बर १० तारिकलाई "विश्व मानव अधिकार दिवस" भनिन्छ, र यो दिन जापान मात्र नभई विश्वभर मानव अधिकारको महत्त्वबारे सोच्ने अवसरका रूपमा मनाइन्छ। डिसेम्बर ४ देखि १० सम्मको अवधिलाई "मानव अधिकार सप्ताह" मानिन्छ, र फुकुओका शहरले यसलाई "मानव अधिकार सम्मान सप्ताह" का रूपमा मनाउँदै, सबैको अधिकारको सम्मान हुने र भेदभावबाट मुक्त, बस्न योग्य शहर बनाउने लक्ष्य लिएको छ।

आफू मात्र होइन, अरू व्यक्तिहरू पनि बिशेष र महत्त्वपूर्ण छन् भन्ने कुरा अनुभूति दिने यो महत्त्वपूर्ण सप्ताह हो। SDGs(सस्टेनेबल डेभलपमेन्ट गोल्स) को "कसैलाई पनि पछाडि नछोड्ने" समाज निर्माण गर्न, महिला, बालबालिका, ज्येष्ठ नागरिक, विदेशी, र शारीरिक रूपमा असक्षम व्यक्तिहरूका विरुद्ध हुने भेदभाव र पूर्वाग्रहलाई हटाउनु आवश्यक छ। एक अर्काको अधिकारको सम्मान गर्न हामी सबैको भूमिका महत्त्वपूर्ण छ।

शहर प्रशासनको डिसेम्बर १ को अंकमा, "फुकुओका शहरमा सक्रिय विदेशीहरू र बहुसांस्कृतिक सहकार्य" भन्ने विषय समेटिएको छ। यसमा फुकुओका शहरमा योगदान दिइरहेका विदेशीहरू र स्थानीय बासिन्दासँगको सहकार्य सम्बन्धी गतिविधिहरूको परिचय दिइएको छ। अवश्य हेर्नु होला।

हामीहरु सबैजनाले "दयालु हृदय" र " अमूल्य जीवन" बारे फेरि एक पटक सोच्ने प्रयास गरौँ।

डिसेम्बर १० तारिक, नाराया सामुदायिक केन्द्रमा “शिशु तथा बालबालिका अन्तरक्रिया कक्षा” सम्बन्धी सूचना

तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ।

डिसेम्बर महिनामा यो कार्यक्रम१० तारिक मंगलबारहुनेछ। समय बिहान१०:३० देखि ११:३० सम्महो। कार्यक्रमको मुख्य विषय "क्रिसमस उत्सव"रहेको छ। यसमा, कथा पुस्तकको वाचन, गीत गाउँदै रमाइलो गर्ने, र स्टिकर जस्ता सामग्रीले खेल्ने गतिविधिहरू समावेश छन्। सबै मिलेर रमाइलो वातावरणमा समय बिताऔं।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनकोहोमपेज वा फेसबुकमा हेर्नुहोस्।

【Christmas Advent】

यस वर्ष पनि फुकुओकाको जाडो मौसमलाई रंगिन बनाउने "Christmas Advent"शुरु भएको छ। क्रिसमसको दिनसम्म "पाँच इन्द्रियहरूलाई गुन्जाउने क्रिसमस" भन्ने विषयमा, फुकुओकाको शहर पैदल घुम्न रमाइलो र अनुभव गर्न रमाइलो क्रिसमसको माहोल बनाइएको छ। यहाँका झिलिमिली सजावटहरू हेर्दै हिँड्न सक्नुहुन्छ, "फुकुओका क्लासिक संगीत महोत्सव" मा सहभागी हुन सक्नुहुन्छ। त्यस्तै,स्वादिलो खाना र कलाका रमाइला प्रदर्शनीहरूको मनोरञ्जन लिन सक्नुहुन्छ।

मुख्य स्थानहरूमा, फुकुओका एयरपोर्ट,JR हाकाता स्टेशन अगाडिको चोक, किहिन्खान् अगाडिको चोक, तेंन्जिन सेन्ट्रल पार्क, फुकुओका सिटी हलको पश्चिमपट्टि रहेको चोक, र फुकुओका डाइम्यो गार्डेन सिटी पर्दछन्। यहाँ हाकातादेखि नाकासु हुँदै तेंन्जिनसम्म झिलिमिली बत्तीहरू र क्रिसमस मार्केट राखिएको छ।

प्रत्येक स्थानमा बत्तीका आकर्षक सजावट र काठका साना बुथहरू राखिएका छन्, जहाँ तातो वाइन, तातो चकलेट, ससेज र युरोपबाट ल्याइएका क्रिसमस सजावटका सामानहरू पाइन्छन्। यसरी फुकुओकामै बसेर युरोपको वास्तविक क्रिसमसको माहोल अनुभव गर्न सक्नुहुन्छ। यो शहरकै बिचमा आयोजना हुने भएकाले, किनमेलको बिचमा पनि सजिलै जान सक्नुहुन्छ। 

त्यसैगरी, प्रत्येक घण्टामा एक पटक हुने संगीत मञ्च, र केही स्थानहरूमा हुने कार्यशालाहरूलेसबै उमेरका मानिसहरूलाई रमाइलो गर्ने मौका दिन्छ। हरेक वर्ष छिट्टै बिक्ने विशेष मग कप किन्न चाहनुहुन्छ भने, छिट्टै जानुहोस्। फुकुओकामा क्रिसमसको आनन्द लिनुहोस्।

【फुकुओका सिटी इन्टरनेशनल फाउण्डेसनको सूचना】

“नोभेम्बर २६ तारिक, नाराया सामुदायिक केन्द्रमा शिशु तथा बालबालिका अन्तरक्रिया कक्षा” सम्बन्धी सूचना

तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, हरेक महिनाको चौथो मंगलबार, आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ।

नोभेम्बरमा यो कार्यक्रम २६ तारिकमा हुनेछ। 

समय बिहान १०:३० देखि ११:३० सम्म हो। 

यसपटकको कार्यक्रमको विषय "आइकुरु डेमाए" हो।

केन्द्रीय बालबालिका केन्द्र "आइकुरु" नाराया सार्वजनिक हलमा आउनेछ। विभिन्न खेलकुद तथा कथा किताबहरू सुनेर अभिभावक र बालबालिकाहरुले सँगै रमाइलो समय बिताउन सक्नुहुन्छ।
साथै, अभिभावकहरू बीचमा पनि कुराकानी र अन्तरक्रिया गर्ने अवसर हुनेछ।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनकोहोमपेज वा फेसबुकमा हेर्नुहोस्।

“विदेशीहरुका लागि आप्रवासन, आवास र राष्ट्रियता सम्बन्धि परामर्श”

आवासको स्थिति र आवास अवधिको बारेमा, केही कुरा नबुझ्नु भएको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ। 

हरेक महिनाकोदोस्रो आइतबारको दिउँसो१ बजेदेखि ४ बजेसम्म, प्रसाशनिक वकिलद्वारा तपाईंहरुको प्रश्न र परामर्शको उचित सल्लाह दिनुहुन्छ।परामर्शका लागि इच्छुक महानुभावहरुले दिउँसो ३:३० सम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्श लिन चाहनुहुने महानुभावहरुले, २ हप्ता अगाडि सम्ममा सम्पर्क गर्नुहोला।

जुनसुकै परामर्श पनि गोपनीयता कडा पालन गर्ने भएकोले ढुक्क भएर परामर्श लिनुहोस्।

बिस्तृत जानकारीका लागि, फोन नम्बर, ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान ९ बजेदेखि बेलुका ५:३० बजेसम्म कल स्वीकार गरिन्छ।

【आँखा सुरक्षा दिवस】

अक्टोबर १० तारिकलाई "आँखा सुरक्षा दिवस" भनेर मनाइन्छ, जुन दिन आँखा जोगाउन र स्वास्थ्यमा ध्यान दिनुपर्छ भन्ने सन्देश दिन्छ।

आजकल धेरै मानिसहरू हरेक दिन स्मार्टफोन, कम्प्युटर, र ट्याब्लेट प्रयोग गर्छन्। तर, लामो समयसम्म यी उपकरणहरूको प्रयोगले आँखामा चाप पर्न सक्छ, जसले गर्दा दृष्टि कमजोर हुनुका साथै काँध दुख्ने, टाउको दुख्ने, वा वाकवाकी लाग्ने जस्ता समस्याहरु पनि देखा पर्न सक्छन्। अहिलेको जमानामा काम वा अध्ययनको लागि यी उपकरणहरूको प्रयोग आवश्यक हुन्छ, तर प्रयोग गर्दा आँखाको हेरचाह गर्ने कुरा बिर्सनु हुँदैन।

लामो समयसम्म काम गर्दा ध्यान दिनुपर्ने कुराहरू:

• ढाड सिधा राखेर, आँखा र उपकरणबीचको दूरी ३० सेन्टिमिटरभन्दा टाढा राख्नुहोस्।

• टेबल र कुर्सीको उचाइ, बत्ती, र प्रकाशको व्यवस्थालाई ठीक गर्नुहोस्, र प्रत्येक १ घण्टामा १०-१५ मिनेट आँखा आराम दिनुहोस्।

• नियमित रूपमा आँखा झिम्क्याएर आँखा भिजाइराख्नुहोस्।

• कहिलेकाहीँ टाढा हेर्नुहोस् वा हरियाली र प्रकृतिमा ध्यान दिनुहोस्।

• थकान महसुस हुँदा न्यानो तोलिया प्रयोग गरेर आँखालाई आराम दिनुहोस्।

• यदि तपाईले चस्मा वा कन्ट्याक्ट लेन्स प्रयोग गर्नुहुन्छ भने, बेला–बेला जाँच गरी सही नम्बरको प्रयोग गर्नुहोस्।

• सूर्यको किरणले पनि आँखा डढाउँछ, त्यसैले सनग्लास लगाएर सुरक्षाका उपायहरू अपनाउनुहोस्।

• पर्याप्त निद्रा र पोषण पनि आँखा स्वास्थ्यको लागि महत्त्वपूर्ण छ।

दैनिक जीवनमा आँखा स्वस्थ राख्न यी उपायहरू अनुसरण गर्न प्रयास गरौं।

【फुकुओका शहर／फुकुओका सिटी इन्टरनेशनल फाउण्डेसनको सूचना】

"Environmental Festival Fukuoka 2024 को परिचय"

यो हप्ता, अक्टोबर २६ (शनिबार) र २७ (आइतबार) गरि दुई दिनको लागि, फुकुओका सिटी हलको पश्चिमपट्टि रहेको फुरेआई हिरोबा र सोलारिया प्लाजा १ तलामा आयोजना हुन गईरहेको कार्यक्रम "Environmental Festival Fukuoka 2024" को बारेमा जानकारी छ।

कार्यक्रम बिहान १० बजे देखि साँझ ४ बजे सम्म हुनेछ। प्रवेश निःशुल्क छ।

फुकुओका सिटी हलको पश्चिमपट्टि रहेको फुरेआई हिरोबामा, स्वादिष्ट र रमाइलो किचन कारहरू हुनेछन्! पर्यावरणमैत्री खाद्यान्न सामग्रीहरु प्रयोग गरेर बनाईएको किमा करि र मिठाईहरू उपलब्ध हुनेछन्।साथै, फुकुओकाको बास्केटबल टोली "राइजिंग जेफर" को सहयोगमा, जल्ने फोहोर, नजल्ने फोहोर तथा प्लास्टिक बोतलहरू जस्तै देखिने बललाई हानेर सही ठाउँमा फ्याँक्ने खेलमार्फत, फोहोर छुट्याउने तरिका सिक्न सक्नुहुन्छ। 

हलिवुड चलचित्रमा देखिने "डेलोरियन" कार पनि प्रदर्शन गरिनेछ। यो कारभित्र बसेर फोटो खिच्न सकिन्छ। साथै, त्यहाँफ्री मार्केट पनि हुनेछ।

सोलारिया जेफरमा, स्कुल र कलेज विद्यार्थीहरूले पृथ्वी बचाउन नायक बन्ने उद्देश्यले क्विज खेल्नेछन्, जहाँ रमाइलो तरिकाले वातावरणको बारेमा सिक्न सकिन्छ। "फुकुओकाको फोहोरबाट बनेको कला प्रदर्शनी" मा तपाईको दैनिकीलाई कलाको माध्यमबाट देखाइनेछ। त्यहाँ स्टाइलिश र पर्यावरणमैत्री सामानहरूको बिक्री पनि गरिनेछ।

बालबालिकादेखि वयस्कहरूसम्मले रमाइलो गर्दै वातावरणको बारेमा धेरै कुरा सिक्न सक्ने विभिन्न गतिविधिहरू हुनेछन्। " Environmental Festival Fukuoka 2024" मा सहभागी भई नजिकको इको-फ्रेन्डली कुराहरूको अनुभव गरौं र रमाइलो गरौं!

“अक्टोबर २२ तारिक, नाराया सामुदायिक केन्द्रमा शिशु तथा बालबालिका अन्तरक्रिया कक्षा” सम्बन्धी सूचना

तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, हरेक महिनाको चौथो मंगलबार, आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ।

अक्टोबरमा यो कक्षा २२ तारिकमा सञ्चालन हुनेछ।

समय बिहान १०:३० देखि ११:३० सम्म हो।

अक्टोबर महिनाको विषयवस्तु "अभिभावक-बच्चा उद्धार तालिम" हो। बच्चाहरूको आकस्मिक घटनाको लागि तयारी गर्न, फुकुओका सिटी विपद् व्यवस्थापन केन्द्रका कर्मचारीहरूबाट जीवनरक्षक प्राथमिक उपचार विधिहरू सिक्न सक्नुहुन्छ।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनकोहोमपेज वा फेसबुकमा हेर्नुहोस्।

【NAKASU JAZZ】

फुकुओकाको म्युजिक मन्थ। यो एक महिना फुकुओका शहर संगीतले भरिपूर्ण हुनेछ।सेप्टेम्बरको दोस्रो हप्ताको शनिबार र आइतबार, अर्थात् १४ र १५ तारिकमा, फुकुओका शहरहाकाता वार्डको नाकासुमा, निःशुल्क JAZZ फेस्टिवल, " NAKASUJAZZ" को आयोजना हुन गईरहेको छ। 

दुईदिनकोयसफेस्टिवलमा, नाकासुकोसडकहरूमास्टेजहरूठडिएकाअनिरोमान्चककलाकारहरूकोप्रत्यक्षप्रदर्शनहरुलेसडकहरूभरिएकादेख्नसक्नुहुन्छ। ज्याज प्रेमीहरू लगायत ज्याज थाहा नभएकाहरुले पनि यसको मनोरञ्जन लिन सक्नुहुन्छ।

स्ट्यान्डर्डदेखि लिएर नवीनतम JAZZ नम्बरसम्मका विविधता प्रत्यक्ष हेर्न पाउँदा जोश र उत्साहले प्रभावित  हुनु हुनेछ। त्यसमाथि सबै स्टेजहरु नि:शुल्क हेर्न पाउने भएकोले यो अवसरलाई पक्कै पनि नछुटाउनु होला!

यस वर्ष १६ औं पटक आयोजित यस कार्यक्रम, स्थानीय बासिन्दाहरू र JAZZ प्रेमीहरूको स्वयंसेवक सहयोगले सम्भव भएको हो। यो संगीत महोत्सव प्रेम र जोशले भरिपूर्ण विशेष कार्यक्रम हो। "नाकासुमा JAZZ फिट हुन्छ" भन्ने स्लोगनलाई, एकपटक अनुभव गरेर हेर्नुभए कसो होला!

【फुकुओका सिटी इन्टरनेशनल फाउण्डेसनको सूचना】

सेप्टेम्बर २४ तारिक, नाराया सामुदायिक केन्द्रमा शिशु तथा बालबालिका अन्तरक्रिया कक्षा” सम्बन्धी सूचना

तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, हरेक महिनाको चौथो मंगलबार, आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ। 

सेप्टेम्बरमा यो कक्षा २४ तारिकमा सञ्चालन हुनेछ।

समय बिहान १०:३० देखि ११:३० सम्म हो।

सेप्टेम्बर महिनाको कार्यक्रमको विषय हो, "बाल पालन सहयोग कन्सर्ट (रिलाक्सेशन हार्प र गिटार)" । संगीत सुन्दै, आमाबुबा र बच्चाहरूले आरामदायी समय बिताउन सक्छन्।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनको होमपेज वा फेसबुकमा हेर्नुहोस्।

 कानूनीपरामर्शरमानसिकपरामर्शअर्थात्व्यक्तिगतपरामर्शकोपरिचय

 फुकुओका सिटी इन्टरनेशनल सेन्टरमा रहेको फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क “कानूनी परामर्श” र “मानसिक परामर्श अर्थात् व्यक्तिगत परामर्श” प्रदान गर्दैआईरहेको छ।

 “कानूनी परामर्श”, हरेक महिनाको पहिलो शनिबार, बिहान १०:३० देखि दिउँसो १:३० बजेसम्म र 

तेस्रो बुधबारको दिउँसो १:०० बजेदेखि ४:०० बजेसम्म, प्रदान गरिंदै आइरहेको छ।परामर्श अवधि ४५ मिनेट। 

बुकिंगको आधारमा Fukuoka Bar Association को प्रसाशनिक वकिलद्वारा निःशुल्क परामर्श प्राप्त गर्न सक्नुहुन्छ।भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोला।

मानसिक परामर्श अर्थात् व्यक्तिगत परामर्श, हरेक हप्ताको सोमबार, मंगलबार, र विहिबार, जापानी क्लिनिकल मनोवैज्ञानिकहरुद्वारा, अंग्रेजी र जापानी भाषामा परामर्श प्रदान गरिंदै आइरहेको छ। चाहनुहुने महानुभावहरुले बुकिंग गर्नुहोला।

जुनसुकै परामर्श पनि, गोपनीयता कडा पालन गर्ने भएकोले ढुक्क भएर परामर्श लिनुहोस्।

सम्पर्क काउन्टर खुल्ने समय, सोमबारदेखि शुक्रबार, बिहान ९ बजेदेखि बेलुका ५:३० बजेसम्म हो। 

फोन नम्बर ०१२०-६६-१७९९ हो।

【ISLA DE SALSA】

यस वर्ष २५ औं वार्षिकमा टेकेको छ, आउटडोर वर्ल्ड बीट एण्ड डान्स फेस्टिवल【ISLA DE SALSA】। 

अगस्ट ३१ र सेप्टेम्बर १ गरि दुई दिनको यो फेस्टिवल,नोकोनोशिमा क्याम्पमुरामा आयोजना हुन गईरहेको छ। जापानको प्रख्यात साल्सा ब्यान्ड "Orquesta De La Luz" लगायत, देशभित्र र विदेशका उत्कृष्ट स्तरका संगीतकार र नृत्य कलाकारहरुको उपस्थिति हुनेछन्। दर्शकहरु सबै एकसाथ, तालमा ताल मिलाएर नाच्ने र रमाइलो गर्ने यस फेस्टिवलमा, अन्य आकर्षणहरु जस्तै, समुद्र किनारमा आराम गरेर घाम ताप्ने, BBQ र स्वादिष्ट परिकारहरुको स्वाद लिने आदि सबै उमेरकाले आफ्नै तरिकाले रमाइलो गर्न सक्ने कार्यक्रम हो। क्यारेबियन समुद्रको भ्रमण जस्तो अनुभव गराउने यस बिशेष वातावरणमा, साल्साको मजा लिएर हेर्ने होइन त!

【फुकुओका सिटी इन्टरनेशनल फाउण्डेसनको सूचना】

“अगस्ट २७ तारिक, नाराया सामुदायिक केन्द्रमा शिशु तथा बालबालिका अन्तरक्रिया कक्षा” सम्बन्धी सूचना

 तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, हरेक महिनाको चौथो मंगलबार, आमाबुबा र बच्चाहरुले रमाइलो समय बिताउन सक्ने शिशु तथा बालबालिका अन्तरक्रिया कक्षा, जसलाई "याराना हिरोबा" पनि भनिन्छ, सञ्चालन भइरहेको छ। 

अगस्टमा यो कक्षा २७ तारिखमा सञ्चालन हुनेछ।

समय बिहान १०:३० देखि ११:३० सम्म हो।

अगस्ट महिनाको कार्यक्रमको विषय "अंग्रेजीमा कथा वाचन र फ्री स्पेस" हो। आमाबुबा र बच्चाहरुले अंग्रेजी प्रयोग गरेर चित्रकथा रमाइलो गर्न सक्छन् र अंग्रेजी गीत तथा हातले खेल्ने खेलहरुमा पनि सँगै भाग लिन सक्छन्।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनको होमपेज वा फेसबुकमा हेर्नुहोस्।

“विदेशीहरुका लागि आप्रवासन, आवास र राष्ट्रियता सम्बन्धि परामर्श”

आवासको स्थिति र आवास अवधिको बारेमा, केही कुरा नबुझ्नु भएको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ। 

हरेक महिनाकोदोस्रो आइतबारको दिउँसो१ बजेदेखि ४ बजेसम्म, प्रसाशनिक वकिलद्वारा तपाईंहरुको प्रश्न र परामर्शको उचित सल्लाह दिनुहुन्छ।परामर्शका लागि इच्छुक महानुभावहरुले दिउँसो ३:३० सम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्श लिन चाहनुहुने महानुभावहरुले, २ हप्ता अगाडि सम्ममा सम्पर्क गर्नुहोला।

जुनसुकै परामर्श पनि गोपनीयता कडा पालन गर्ने भएकोले ढुक्क भएर परामर्श लिनुहोस्।

बिस्तृत जानकारीका लागि, फोन नम्बर, ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान ९ बजेदेखि बेलुका ५:३० बजेसम्म कल स्वीकार गरिन्छ।

【भ्यालेन्टाईन डे अर्थात् प्रेम दिवस】

फेब्रुअरी १४ तारिक भनेपछि भ्यालेन्टाईन डे अर्थात् प्रेम दिवस! हरेक देशमा विभिन्न संस्कृतिहरू हुन्छन् भने फुकुओकामा विगत केही वर्षहरूमा लोकप्रिय बन्दै गएको एक हो, ''फ्लावर भ्यालेन्टाइन'', जसमा आफ्ना प्रियजनहरूप्रति कृतज्ञता व्यक्त गर्न फूलहरु दिने गरिन्छ । 

फुकुओका प्रिफेक्चरले वास्तवमा गुलाफ, कार्नेशन र जरबेराजस्ता धेरै फूलहरू फलाउँछ। तपाईंहरुले फुकुओका शहरमा फूलहरु फुलाएर राखेको ठाउँहरुमा ''हितोरी हितोहाना'' वा ''FLOWER CITY FUKUOKA '' भनि लेखिएको देख्नु पनि भएको होला।

फुकुओका शहरले ''प्रति व्यक्ति एउटा फूल'' अभियानलाई प्रवर्द्धन गरिरहेको छ, जसमा प्रत्येक नागरिक, कम्पनी र सरकारी कर्मचारीहरुले फुकुओका शहरभरिका पार्क, फुटपाथ, अफिस, घर आदि सम्भावित ठाउँहरुमा फूलहरू रोप्ने, फूल र हरियाली क्षेत्र बढाएर फूलको शहर फुकुओका बनाउने उद्देश्य राखेको छ।

भ्यालेन्टाइन सप्ताहमा, फुकुओका शहरका विभिन्न स्थानहरूमा फूल प्रदर्शनीहरु हुनेछन्, हाकाता स्टेशनमा फूलहरू वितरण गरिनेछ र सिंगो शहर नै फूल र प्रेमले भरिनेछ।

तपाईहरु पनि आफ्ना प्रियजनहरूसँग रमाइलो भ्यालेन्टाइन डे मनाउनुहोला ♪♪♪

【फुकुओका शहरको सूचना】

Fukuoka City Childcare Exchange Salon सम्बन्धि

तपाईहरुलाई Fukuoka City Childcare Exchange Salon को बारेमा थाहा छ? Childcare Exchange Salon भन्नाले स्थानीय सामुदायिक केन्द्रहरुमा, ० वर्षदेखि ६ वर्षसम्मका बालबालिकाहरुले आफ्नो आमाबुबासँग स्वतन्त्र रूपमा समय बिताउन सकिने थलो हो। आमाबुबा र बच्चाहरू एकअर्कासँग खेलेर रिफ्रेस हुन पाउँछन्। यो निःशुल्क सेवा हो। बाल हेरचाह सहयोगीहरूले, ध्यानपूर्वक हेरी दिने तथा अभिभावक र बच्चाहरूबीच अन्तरक्रिया गर्नमा सहयोग पनि गर्छन्। 

यस पटक, हाकाता वार्डमा रहेको नाराया सामुदायिक केन्द्रको Childcare Exchange Salon को कार्यक्रम बारे जानकारी दिनेछु। फेब्रुअरी १३, मङ्गलबार बिहान १०:३० देखि ११:३०सम्म, हातको छाप र पैतालाको छापको स्टाम्प बनाउने तथा जापानी र अंग्रेजीमा चित्र पुस्तकहरू पढाएर सुनाउने कार्यक्रमहरु रहेका छन्। तपाईंहरु पनि आफ्नो बच्चाको हातको छाप र पैतालाको छापलाई सम्झनाको रूपमा राख्न चाहनुहुन्छ कि?  त्यहाँ जानुहुँदा, फोहोर भए पनि केही फरक नपर्ने लुगा लगाउनुहोस्। जापानी भाषा बोल्न नजाने पनि ठिक छ।

फुकुओका शहरमा बस्नु हुने जो कोहि अभिभावक-बालबालिकाहरुले भाग लिन सक्छन्। आवेदन दिने तरिका लगायत बिस्तृत जानकारीको लागि, कृपया फुकुओका सिटी इन्टरनेशनल फाउण्डेसन को वेबसाइट वा फोन नम्बर ०९२-२६२-१७४४ मा सम्पर्क राख्नु होला। 

सोमबारदेखि शुक्रबारसम्म ९:०० देखि १८:०० सम्म कल स्वीकार गरिन्छ।

अवश्य पनि तपाईंहरु बस्ने ठाउँ नजिकै Childcare Exchange Salon हुनुपर्छ।

कृपया फुकुओका सिटीको होमपेजमा हेर्नुहोस्!

"LINE कल प्रयोग गरेर परामर्श गर्न सकिन्छ!"  

फाउण्डेसनको LINE आधिकारिक Account मा, LINE कल मार्फत्, जीवनयापन सम्बन्धि परामर्श तथा निःशुल्क विशेष परामर्शको बुकिंग आदिका लागि सम्पर्क गर्न सक्नुहुन्छ। टेलिफोन अनुवाद सेवाको प्रयोग गरेर २२ वटा भाषाहरूमा परामर्श लिन सक्नुहुन्छ। 

साथै, फाउण्डेसनको कार्यक्रमहरुको जानकारी तथा बिदेशी नागरिकहरुप्रति लक्षित जानकारीहरु पनि लिन सकिने भएकोले, अवश्य पनि Friend add गर्नुहोला।

तर chat मार्फत् परामर्श सेवा उपलब्ध छैन। chat मार्फत् परामर्श लिन चाहनु हुने महानुभावहरुले "फुकुओका सिटी इन्टरनेशनल फाउण्डेसन"को होमपेजमा रहेको सोधपुछ फारम प्रयोग गर्नुहोला।

【सेप्टेम्बर ३० - अन्तर्राष्ट्रिय अनुवाद दिवस】

यो हप्ताको शनिबार, सेप्टेम्बर ३०, "अन्तर्राष्ट्रिय अनुवाद दिवस" को रूपमा चिनिन्छ।

एक भाषाबाट अर्को भाषामा अनुवाद गर्न व्यावसायिकता, उचित व्याख्या र शब्दावलीको प्रयोग हुनु आवश्यक छ । अन्तर्राष्ट्रिय समुदायलाई एकतावद्ध गर्न, संवाद तथा छलफललाई सहजीकरण गर्न, विकास तथा विश्व शान्ति र सुरक्षा प्रवद्र्धन गर्न भाषा अनुवादक तथा भाषाविज्ञको महत्वपूर्ण योगदान हुने भएकाले उनीहरुको सम्मानमा दिवस मनाउन थालिएको हो ।

जापानको जीवनयापनमा भाषाको अनुवाद गरेर सहज महसुस गर्नुहुनेहरु धेरै हुनुहुन्छ होला। आजकल, सजिलो र सुविधाजनक निशुल्क मोबाइल अनुवाद app हरू थुप्रै छन्। म पनि दैनिक रुपमा भाषा अनुवादको लागि मोबाइल app हरु चलाउने गर्छु। तपाईहरु पनि फुकुओकाको जानकारीहरुका लागि, जापानिजहरूसँग अन्तरक्रिया गर्न आदि बिभिन्न अवसरमा अनुवाद app प्रयोग गरि फुकुओकाको जीवनयापन आनन्दमयी बनाऔं।

【ओमुचु तो आन्सिन् तेइकिबिन्】

 फुकुओका शहरमा, ० देखि २ वर्षसम्मका बालबालिकाहरु हुर्काउने परिवारहरुका लागि おむつと安心定期便 (ओमुचु तो आन्सिन् तेइकिबिन्) नामक नयाँ सेवा सुरु गरिएको छ। यो सेवाले बाल हेरचाहका लागि डायपर जस्ता अन्य आवश्यक सामानहरु नियमित रुपमा प्रदान गर्दछ।

फुकुओका शहरमा बाल हेरचाह-सम्बन्धित सुविधाहरू र सेवाहरू प्रयोग गर्नुभयो भने, एउटा इलेक्ट्रोनिक स्ट्याम्प प्राप्त गर्नुहुनेछ, जसबाट डायपर, बेबी वाइप, बेबी फूड, पाउडर दूध र बेबी क्रिमहरु आदि जस्ता लगभग २०० प्रकारका सामानहरुबाट हरेक महिना २,००० येन मूल्य बराबरको सामानहरू साट्न सक्नुहुन्छ।

इलेक्ट्रोनिक स्ट्याम्पहरू प्राप्त गर्न, यस सेवाको लागि दर्ता गर्न आवश्यक छ।

यस सेवाको लागि योग्य घरपरिवारहरूलाई उपयोग निर्देशनहरू पठाइएको हुनाले कृपया सम्बन्धित वेबसाइटमा यस सेवाको प्रयोगको लागि दर्ता गर्नुहोस्।

शिशु स्याहारमा बच्चा राख्नु भएका परिवारहरुले इलेक्ट्रोनिक स्ट्याम्पहरू त्यहि नै प्राप्त गर्न सक्नुहुन्छ। त्यस्तै, कोदोमो प्लाजा र बाल हेरचाह एक्सचेन्ज सैलून जस्ता ठाउँहरूमा इलेक्ट्रोनिक स्ट्याम्पहरू प्राप्त गर्न सक्नुहुन्छ। अवश्य पनि यस सेवाको प्रयोग गर्नुहोस्!

थप विवरणहरूको लागि, कृपया "おむつと安心定期便 (ओमुचु तो आन्सिन् तेइकिबिन्)" भनि खोज्नुहोस्। नेपाली लगायत अंग्रेजी, चाइनिज, कोरियाली, र भियतनामी भाषाहरुमा जानकारीहरु राखिएका छन्!

【फ्रिजको सरसफाई गर्ने गर्नु भएको छ?】

जुन महिना अत्याधिक वर्षा हुने चुयु अर्थात् वर्षायामको मौसम होI त्यसपछि गर्मी मौसम शुरु हुन्छI यसपछिको समयमा बिशेष गरि ध्यान दिनु पर्ने भनेको खाद्य विषाक्तता हो।

फ्रिजभित्र पनि राम्ररी सफा गर्ने र म्याद सकिएको खाद्य सामग्रीहरु छ छैन जाँच गर्ने गरौं।

साथै, भान्छामा काट्न प्रयोग गर्ने बोर्ड, स्पन्ज, पानीको प्रयोग हुने ठाउँ वरिपरि जस्तै कि, हात धुने ठाउँ वा भाँडा माझ्ने ठाउँ आदि जस्तोमा, विशेष गरी यस समयमा कीटाणुरहित गर्नमा बढी ध्यान दिनु राम्रो होला।

हल्का अल्कालीक बेकिंग सोडाले भिजाएको कपडाले फ्रिजको भित्री भाग पुछ्ने, वा भान्छा सफा गर्न प्रयोग हुने अल्कोहल स्प्रेबाट पनि किटाणु हटाउन सकिन्छ। साथै, स्पन्ज र काट्ने बोर्डलाई हल्का ब्लीचमा भिजाएर वा ९० डिग्री सेल्सियसमा उम्लेको पानीले पनि किटाणु मार्न प्रभावकारी हुन्छ।

【फुकुओका शहरको सूचना】

बाल भत्ता सम्बन्धि

फुकुओका शहरमा, जुनियर हाईस्कूलसम्मका बच्चाहरुलाई हुर्काउँदै गरेको व्यक्तिहरुलाई बाल भत्ता प्रदान गरिंदै आइरहेको छ।

भत्ता रकम, बच्चाको उमेर वा तपाईंको आम्दानी अनुसार प्रति बालक, महिनाको ५,००० देखि १५,००० येन हो।

४ महिनाको एकमुष्ठ रकम; जुन, अक्टोबर र फेब्रुअरी महिनाहरूमा भुक्तानी गरिनेछ।

यस बाल भत्ता प्रणाली अन्तर्गत, अक्टोबरदखि भुक्तानी गरिने भत्ता रकममा आंशिक परिवर्तन भएको छ।

लाभको लागि आयको सीमा तोकिएको छ र आयको आधारमा भत्ता भुक्तान नहुन पनि सक्छ।

यस अतिरिक्त, वर्षको एकपटक बुझाउनु पर्ने वर्तमान स्थिति रिपोर्ट (गेन्क्योउ तोदोके) पेश गर्न नपर्ने भएको छ।

यद्यपि, विबाह गर्नु हुने वा श्रीमान्/श्रीमतीबाट सम्बन्ध विच्छेद गर्नु हुने महानुभावहरुले परिवर्तन सम्बन्धि सूचना दिन भने आवश्यक छ।

लाभार्थीहरूलाई, मे १० मा बाल भत्ता प्रणालीमा भएको परिवर्तनको बारेमा सूचना पठाएका छौँ। कृपया जाँच गर्नुहोला।

कर सम्बन्धि

जनवरी १ देखि फुकुओकामा बस्दै आउनुभएको व्यक्तिको यदि अघिल्लो वर्षको आय १० लाख नाघेको भएमा फुकुओका प्रान्तको कर तिर्नु पर्ने हुन सक्दछ।

जुन १५ तिर कर तिर्न सूचना आउन सक्ने भएकोले अवश्य पनि खामभित्र हेर्नुहोला। तिर्नुपर्ने म्याद र शुल्क लेखिएको हुन्छ।

कोन्भिनी, बैंक वा हुलाक मार्फत तिर्नुहोला।

शहरी कर तिर्नु भएन भने, तपाईंको निवास कार्डको नविकरण गर्नमा समस्या पर्नुका साथै तपाईंको सम्पत्ति फुकुओका शहरले जपत गर्ने सम्भावना हुन सक्दछ।

नबुझेको कुरा भएमा वा कर तिर्न गाह्रो भएमा, वार्ड अफिसको काउन्टरमा परामर्श लिनु होला।

१८ वटा भाषाहरुमा, फोनमार्फत् परामर्श लिन सक्नुहुन्छ।

फोन नम्बर, ०९२-७५३-६११३ हो।

यो नम्बरबाट, शुरुमा दोभाषे सेन्टरमा फोन लाग्छ, त्यसपछि वार्ड अफिसमा सम्पर्क हुनेछ।

तपाईंले कुरा गर्ने भाषा, बस्ने वार्ड अनि करबारे तपाईंले बुझ्न चाहेको कुरा भन्नुहोला।

【आजिसाई】

वर्षायामको प्रतिनिधित्व गर्ने फूल, आजिसाई; अंग्रेजीमा हाइड्रेंजिया भनिन्छ, नेपालीमा चै के भन्छ थाहा भएन। यो फूल, घमाइलो दिनमा मात्र होइन, वर्षामा फूल फक्क्रेको दृश्य पनि राम्रो र सुन्दर हुन्छ।

आजकल पश्चिमी हाइड्रेंजिया र गाकु हाइड्रेंजिया दुबै विविध प्रकार, आकार र रंगहरूमा पाईन्छन्।

हाइड्रेंजिया हुर्काउने तरिका सरल छ, तर अर्को वर्ष पनि फूलहरू फूलाउनका लागि भने विशेष कटाईको आवश्यक पर्छ। एक पटक रोपेपछि, लामो समयसम्म आनन्द लिन सकिने लामो समय बाँच्ने यो बोट, प्रत्येक वर्ष फूलहरूको संख्या बढ्दै गएर शानदार बोट बन्दछ।

फुकुओका शहरमा पनि, Uminonakamichi Seaside Park, Hakozaki Shrine, Maizuru Park, Fukuoka City Botanical Garden आदि स्थानहरुमा यस समयमा सुन्दर हाइड्रेंजियाहरू देख्न सक्नुहुन्छ।

【ट्यूटर प्रोग्रामको परिचय】

नर्सरी वा स्कूलको पत्रहरू आदि जापानी भाषामा भई, बिषयवस्तु बुझ्न समस्या भईरहेका विदेशीहरूको सहयोग गर्ने "ट्यूटर प्रोग्राम" को परिचय दिनेछु।

फाउण्डेसनमा रजिस्टर भएका स्वयंसेवकहरु प्रत्यक्ष वान् टु वान् ट्यूटर बन्न सक्नुहुन्छ, र अनलाइनमा नर्सरी वा स्कूलको ह्यान्डआउट वा पत्र, त्यस्तै वार्ड अफिसबाट आएको हुलाकपत्र आदिको सरल अनुवादका लागि अनुरोध र दैनिक जीवन सम्बन्धि सल्लाह माग्न सक्नुहुन्छ।

ट्यूटरसँग अनलाइन कुराकानी गर्न सक्ने, फुकुओका शहरमा बस्नु हुने विदेशी महानुभावहरु, जो कोहीले पनि यसको प्रयोग गर्न सक्नुहुन्छ।

सामान्यतयाः, प्रयोग शुल्क प्रति महिना ५०० येन जति लाग्छ, तर यस वर्ष नोभेम्बरसम्म निःशुल्क हो।

प्रयोग गर्ने तरिका आदि बिस्तृत जानकारीका लागि, कृपया फुकुओका सिटी इन्टरनेशनल फाउण्डेसनको होमपेजमा हेर्नुहोला वा फोन मार्फत् सम्पर्क गर्नुहोला। फोन नम्बर ०९२-२६२-१७९९।

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI अवश्य सम्पर्क गर्नुहोलाI

【कानूनी परामर्श र मानसिक परामर्श अर्थात् व्यक्तिगत परामर्शको परिचय】

फुकुओकामा बस्दै गरेका विदेशीहरूका लागि “कानूनी परामर्श” र “मानसिक परामर्श अर्थात् व्यक्तिगत परामर्श” को जानकारी रहेको छ I

“कानूनी परामर्श”, हरेक महिनाको पहिलो शनिबार, बिहान १०:३० देखि दिउँसो १:३० बजेसम्म र, तेस्रो बुधबारको दिउँसो १ बजे देखि ४ बजेसम्म, परामर्श अवधि ४५ मिनेट, वकिलद्वारा निःशुल्क परामर्श प्राप्त गर्न सक्नुहुन्छI

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोलाI

मानसिक परामर्श अर्थात् व्यक्तिगत परामर्श, हरेक हप्ताको सोमबार, मंगलबार, र विहिबार, क्लिनिकल मनोवैज्ञानिकहरुद्वारा, अंग्रेजी वा जापानी भाषामा प्रदान गरिंदै आइरहेको छ।

जुनसुकै परामर्श पनि, गोपनीयता कडा पालन गर्ने भएकाले ढुक्क भएर परामर्श लिनुहोस्I

बुकिंग वा विस्तृत जानकारीका लागि, फोन नम्बर ०९२-२६२-१७९९ मा सम्पर्क गर्नुहोलाI

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI

【FM दिवस】

जुन १३ "FM दिवस" थियो। F अल्फावेटको छैठौं र M तेर्हऔं बाट आएको हो। तर कहिले, कसले र कुन उद्देश्यका लागि बनाएको थाहा छैन।

Frequency Modulation को संक्षिप्त FM हो भने, Amplitude Modulation को संक्षिप्त AM हो।

तपाईंहरुमध्ये कोही रेडियो सुन्दै काम गरिरहनु भएको हुनुहुन्छ होला।

हालसालै, स्मार्टफोन र कम्पुटरबाट रेडियो सुन्न सम्भव भएको छ, तर "FM" र "AM" बीच के भिन्नता छ होला त? सबैभन्दा ठूलो भिन्नता भनेको ध्वनि हो।

"AM" को मामलामा, आयाम परिवर्तन गर्ने भएकोले, यदि आयाम कम भएको बेलामा ध्वनि छिर्यो भने, सहि संकेतको रूपमा पहिचान हुन पाउँदैन। यसको विपरित, "FM" को मामलामा, त्यस्तो कुनै समस्या छैन।

श्रव्यताको मामलामा, "AM" भन्दा "FM" उत्तम छ।

यसको विपरित, "FM" केवल एक सीमित दायरामा प्राप्त गर्न सकिन्छ, तर "AM" विस्तृत दायरामा प्राप्त गर्न सकिन्छ।

संगीत र कुराकानीको मनोरञ्जन दिने रेडियो, अभूतपूर्व छ।

【बाल भत्ताको वर्तमान स्थिति प्रतिवेदन सम्बन्धि】

जुनियर हाईस्कूलसम्मका बच्चाहरुलाई हुर्काउँदै गरेको व्यक्तिहरुलाई बाल भत्ता प्रदान गरिंदै आइरहेको छI

भत्ता रकम, बच्चाको उमेर वा तपाईंको आम्दानी अनुसार प्रति बालक महिनाको ५,००० देखि १५,००० येन होI

४ महिनाको एकमुष्ठ रकम; जुन, अक्टोबर र फेब्रुअरी महिनाहरूमा भुक्तानी गरिनेछI

बाल भत्ता प्राप्त गर्नको लागि तपाईंले हरेक वर्ष वर्तमान स्थिति प्रतिवेदन (गेन्क्योउ तोदोके) बुझाउनु आवश्यक छI

जुन महिनाको शुरुतिर, फुकुओका शहरबाट सम्बन्धित व्यक्तिलाई वर्तमान स्थिति प्रतिवेदनको कागजपत्र पठाईएको छI

कृपया आवश्यक जानकारीहरु भरेर, जुनको ३० तारिखभित्र पुग्ने गरी हुलाक मार्फत पठाउनु होलाI

साथै, माई नम्बर कार्ड प्रयोग गरि अनलाइनबाट पनि आवेदन दिन सक्नुहुन्छI

यदि तपाईंले यो रिपोर्ट बुझाउनु भएन वा पूर्ण विवरण पेश गर्नु भएन भने, तपाईंले यो भत्ता पाउनुहुन्नI त्यसैले कृपया ध्यान दिनुहोलाI

【कर सम्बन्धि】

जनवरी १ देखि फुकुओकामा बस्दै आउनुभएको व्यक्तिको, यदि अघिल्लो वर्षको आय १०लाख नाघेको भए, फुकुओका प्रान्तको कर तिर्नु पर्ने हुन सक्दछ।

कम्पनिमा काम गर्नेहरुको तलबबाट कटाईन्छ।

कम्पनिमा काम नगर्नेहरुलाई, जुन १५ तिर कर तिर्न सूचना आउन सक्ने भएकोले अवश्य पनि खामभित्र हेर्नुहोला। तिर्नुपर्ने म्याद र शुल्क लेखिएको हुन्छ।

कोन्भिनी, बैंक वा हुलाक मार्फत तिर्नुहोला।

शहरी कर तिर्नु भएन भने, तपाईंको निवास कार्डको नविकरण गर्नमा समस्या पर्नुका साथै तपाईंको सम्पत्ति फुकुओका शहरले जपत गर्ने सम्भावना पनि हुन्छ।

नबुझेको कुरा भएमा वा कर तिर्न गाह्रो भएमा, वार्ड अफिसको काउन्टरमा परामर्श लिनु होला।

१८ वटा भाषाहरुमा, फोनमार्फत् परामर्श लिन सक्नुहुन्छ।

फोन नम्बर, ०९२-७५३-६११३

यो नम्बरबाट, शुरुमा दोभाषे सेन्टरमा फोन लाग्छ, त्यसपछि वार्ड अफिसमा सम्पर्क हुनेछ।

तपाईंले कुरा गर्ने भाषा, बस्ने वार्ड अनि करबारे तपाईंले बुझ्न चाहेको कुरा भन्नुहोला।