Life in Fukuoka "Nepali"

【गोखाकु किगान्】

परीक्षाको मौसम चलिरहदा, यस साता अन्त्यमा परीक्षा दिने विद्यार्थीहरू धेरै हुनुहुन्छ होला। जापानमा, परीक्षा र चयन प्रक्रिया जस्ता चुनौतीहरूको सामना गर्दा, विद्यार्थीहरूले राम्रो नतिजा प्राप्त गर्न र लक्ष्य पूरा गर्न 【गोखाकु किगान्】अर्थात् परीक्षामा सफलताको लागि प्रार्थना गर्ने परम्परा छ। यसका लागि, मन्दिरमा गएर भगवानसँग सफलताको लागी प्रार्थना गर्ने र मेहनेत गर्छु भनी संकल्प लिने गरिन्छ।

फुकुओका सिटीको हिगासी वार्डमा रहेको 【हाकोजाकिगू】 जापानका तीन प्रमुख मन्दिरहरूमध्ये एक हो। यस मन्दिरलाई “संकट हटाउने र विजयको देवता” को रूपमा पनि चिनिन्छ र यहाँ परीक्षा सिजनमा धेरै विद्यार्थीहरू सफलताको लागि प्रार्थना गर्न जान्छन्। त्यस्तै, तेंन्जिन क्षेत्रमा स्थित【सुइक्यो-तेन्मान्गू)】 मन्दिरमा पनि शिक्षाको देवता पूजा गरिन्छ र यहाँ पनि धेरै विद्यार्थीहरू सफलताको लागी प्रार्थना गर्न जान्छन्।

प्रार्थना गर्दा, आफ्नो नाम, ठेगाना, प्रार्थना गर्ने बिषय, इच्छाएको विद्यालय र परीक्षाको नाम बताउनुपर्छ। प्रार्थना गरेपछि, ताबीज किनेर राख्न वा 【एमा】 भनिने काठको पाटीमा आफ्नो इच्छा लेखेर मन्दिरमा चढाउनु पनि प्रभावकारी मानिन्छ। परीक्षा सकिएपछि, ताबीज मन्दिरमा फर्काउन र परीक्षा उत्तीर्ण भएमा, मन्दिरमा गएर भगवानलाई धन्यवाद दिनु पर्छ।

परीक्षार्थी मात्रै होइन, आफ्ना परिवार, साथीहरू र अन्य प्रियजनहरूको लागि पनि प्रार्थना गर्नु प्रभावकारी मानिन्छ। यस वर्ष पनि धेरै विद्यार्थीहरूको परिश्रम रंग ल्याओस्। परीक्षा दिने सबै विद्यार्थीहरूलाई शुभकामना!

【फुकुओका शहरको सूचना】

तोच्योजी सेचुबुन् ताइसाइ- अन्तर्राष्ट्रिय विद्यार्थीहरूको लागि मामेमाकी कार्यक्रम

सेचुबुन्, वर्षमा एकपटक मनाईन्छ, जसमा खराब चीजहरू जस्तै बिरामी र प्रकोप आदिबाट बच्न, र सुस्वास्थ्यका साथ बाँच्नका लागि प्रार्थना गर्ने गरिन्छ। जापानमा प्राचीन कालदेखि नै ‘मामेमाकी’ को चलन रही आएको छ, जसमा प्रकोप निम्त्याउने राक्षसहरूलाई भगाउन सेतो भटमास फ्याँक्ने गरिन्छ। "भाग्य भित्र! राक्षसहरू बाहिर!" भन्दै सेतो भटमास फ्याँक्दै, दुष्ट आत्माहरूबाट जोगिन प्रार्थना गर्छन्।

सेचुबुन् ताइसाइ, हरेक वर्ष फेब्रुअरी ३ मा हाकाटा वार्डको तोच्योजी मन्दिरमा आयोजना गरिन्छ। हरेक वर्ष धेरै दर्शनार्थीहरुको भीड लाग्छ। सात भाग्यका देवताहरु, ओताफुकु, आखाओनी, र आओ ओनी यस महोत्सवमा देखा पर्ने हुनाले अत्यन्तै रोमाञ्चक हुन्छ।

यसका साथै, जनवरी २४ (शुक्रबार) मा, सेचुबुन् महोत्सवको प्रचारको लागि, फुकुओकामा बसोबास गर्ने अन्तर्राष्ट्रिय विद्यार्थीहरूले भाग्यका देवताहरु तथा राक्षसहरूको रूपमा पोशाक लगाएर, फुकुओका सिटी हलमा भटमास फ्याँक्ने कार्यक्रममा सहभागी हुन्छन्। विद्यार्थीहरूले ओनीको रूपमा गर्ने प्रदर्शन मामेमाकीको मुख्य आकर्षण हुनेछ।

जापानी परम्परागत सेचुबुन् महोत्सव हेर्न चाहनुहुन्छ भने, फेब्रुअरी ३ को "सेचुबुन् महोत्सव" तथा जनवरी २४ को "मामेमाकी" सम्बन्धी विस्तृत जानकारीको लागि, कृपया अग्रिम रूपमाफुकुओका शहरवातोच्योजीको आधिकारिक वेबसाइटबाट जानकारी प्राप्त गर्नुहोस्।

मामेमाकीको अनुभव लिँदै जापानी संस्कृतिलाई नजिकबाट बुझ्ने र आफ्नो जीवनमा भाग्य ल्याउने एउटा राम्रो अवसर हुन सक्छ!

【हाताचि नो चुदोई" अर्थात् वयस्क दिवस】

फुकुओका शहरमा २० वर्ष उमेरका व्यक्तिहरूका लागि, रेइवा ७ को जनवरी १३, का दिन, जुन अर्को हप्ता सोमबार सार्वजनिक बिदाको दिन पर्छ, हाकाटा वार्डस्थित मरीनमेस्से फुकुओकामा "हाताचि नो चुदोई" अर्थात् वयस्क दिवसको स्मृति कार्यक्रम आयोजना गरिनेछ।
वयस्क दिवस भनेको नयाँ वयस्कहरूले एक जिम्मेवार व्यक्तिको रूपमा पहिलो कदम चाल्ने दिन हो। यो २० वर्ष पुगेको खुशीयाली मनाउने दिन हो, र जापानमा यो सार्वजनिक बिदाको रूपमा मनाइन्छ।
कार्यक्रममा, नगरप्रमुखको बधाई सन्देश, आयोजन समिति द्वारा तयार पारिएका रोचक योजनाहरू, र फुकुओका संग सम्बन्ध भएका प्रख्यात व्यक्तिहरूका भिडियो सन्देशहरू समावेश गरिएका छन्।
त्यसैगरी, कार्यक्रम स्थलको बाहिर, पुराना साथीहरू र सहपाठीहरूसँग पुनर्मिलन गर्ने र तस्वीर खिच्ने नयाँ वयस्कहरूको उत्साहपूर्ण दृश्यहरू देख्न सकिन्छ, जसले निकै रमाइलो वातावरण सिर्जना गर्छ।
यो दिन परम्परागत रूपमा औपचारिक पोशाक लगाएर सहभागी हुने चलन छ। धेरैजसोले जापानी परम्परागत पहिरनजस्तै किमोनो वा हाकामा लगाउँछन्। कोहीले आफ्नो परिवारबाट पुस्तौँदेखिको अमूल्य किमोनो, कोहीले नयाँ सुट, र कोहीले विशेष मौलिक डिजाईनको पहिरन लगाउँछन्। उनीहरू बिहानैदेखि तयार भएर सजिन्छन्।
यस दिनको सम्झनालाई स्थायी बनाउन फोटो स्टुडियोमा फोटो खिच्ने, परिवारसँग विशेष खानाको मजा लिने, र पुराना साथीहरूसँग पुनर्मिलन कार्यक्रममा सहभागी हुने चलन पनि छ। यो आफ्ना अभिभावक र आफूलाई हुर्काउनेहरूप्रति कृतज्ञता व्यक्त गर्ने महत्वपूर्ण दिन पनि हो।
यस वर्ष २० वर्ष पुग्न लागेका सबैलाई र उहाँहरूको परिवारलाई यो विशेष दिन खुसीमय रहोस्! धेरै धेरै बधाई!

【फुकुओका सिटी इन्टरनेशनल फाउण्डेसनको सूचना】

"संयुक्त राष्ट्रका कर्मचारीसँग मिलेर सहर निर्माण गरौँ!" सहभागीताको लागि आवेदन खुला

फुकुओका सिटी इन्टरनेशनल फाउण्डेसनले UN-Habitat Fukuoka Headquarter का कर्मचारीलाई प्रशिक्षकको रूपमा आमन्त्रण गरी सहर निर्माण सम्बन्धी कार्यशाला आयोजना गर्ने भएको छ।

यस कार्यशालामा सहभागी हुन चाहने व्यक्तिहरूको उमेर सीमा कक्षा ४ देखि कक्षा ९ सम्मका प्राथमिक विद्यालयदेखि माध्यमिक विद्यालयका विद्यार्थीहरु हुन्।
कार्यक्रम, जनवरी १९, आइतवार; १०:०० बजे देखि ११:३०बजे सम्म आयोजना हुनेछ। कार्यक्रम स्थल ACROS Fukuoka को सभा कक्ष हो।

UN-Habitat Fukuoka Headquarter, क्यूसु क्षेत्रको एक मात्र संयुक्त राष्ट्रको संस्था हो, जसले "मानव बसोबास" सम्बन्धी विभिन्न परियोजनाहरू सञ्चालन गर्छ।

कार्यशालामा सहभागीहरू आफूलाई Habitat गाउँका बासिन्दाको रुपमा सोची, भारी वर्षाबाट धेरै क्षति भएको गाउँको पुन:निर्माणको लागि सबैजना मिलेर योजना बनाउनेछन्।

कार्यशाला सरल जापानी भाषामा सञ्चालन हुने भएकोले विदेशी मूलका बालबालिकाहरू पनि सहज रूपमा सहभागी हुन सक्छन्।
संयुक्त राष्ट्रका विश्वव्यापी गतिविधिहरूमा रुचि राख्नुहुने सबैलाई सहभागिताको लागि स्वागत छ।

सहभागिता निःशुल्क छ, तर अग्रिम बुकिंग अनिवार्य छ।
बुकिंग प्रक्रिया र अन्य जानकारीको लागि फुकुओका सिटी इन्टरनेशनल फाउण्डेसनको वेबसाइट वा फेसबुक पेज हेर्नुहोस्।
फाउन्डेसनको वेबसाइट『www.fcif.or.jp』।

‘विदेशीहरुका लागि आप्रवासन, आवास र राष्ट्रियता सम्बन्धि परामर्श’

आवासको स्थिति र आवास अवधिको बारेमा, केही कुरा नबुझ्नु भएको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ। 

हरेक महिनाकोदोस्रो आइतबारको दिउँसो१ बजेदेखि ४ बजेसम्म, प्रसाशनिक वकिलद्वारा तपाईंहरुको प्रश्न र परामर्शको उचित सल्लाह दिनुहुन्छ।परामर्शका लागि इच्छुक महानुभावहरुले दिउँसो ३:३० सम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्शका लागि, १ हप्ता अगाडि सम्पर्क गर्नुहोला।

गोपनीयता कडा पालना गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन नम्बर ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान ९ बजेदेखि बेलुका ५:३० बजेसम्म कल स्वीकार गरिन्छ।

【Pokemon GO Wild Area: फुकुओका】

तपाईंहरू सबैलाई 【पोकेमोन GO】 को बारेमा थाहा छ?
यो स्मार्टफोनका लागि बनेको एउटा गेम हो, जसमा तपाईंले आफ्नो स्मार्टफोनको स्क्रिनमा देखिने पोकेमोनहरूलाई समात्न र लडाइँ गराउन सक्नुहुन्छ। यो खेल जापान र विदेशमा धेरै लोकप्रिय छ, र १ अर्ब भन्दा बढी पटक डाउनलोड गरिएको छ। यो संसारभरका ठाउँहरूमा इभेन्टहरू आयोजना हुने हदसम्म लोकप्रिय छ।
त्यही 【पोकेमोन GO】 को क्युशूमा पहिलो पटक आयोजना हुन गईरहेको इभेन्ट "Pokemon GO Wild Area: फुकुओका" यस वर्ष नोभेम्बर १६ (शनिबार) र १७ (आइतबार) का दुई दिन फुकुओका सहरमा आयोजना हुन गईरहेको छ।

कार्यक्रमको मुख्य स्थल माइजुरु पार्क हो तर शहरका विभिन्न स्थानहरुमा पोकेमोनका लोकप्रिय पात्रहरू देखिनेछन्। पार्कभित्र दुर्लभ पोकेमोनसँग भेट हुन सक्छ, साथै सहरभरका १० वटा आधिकारिक पर्यटकीय स्थलहरूमा भ्रमण गर्दै पोकेमोन समात्न सक्नुहुन्छ। यसले पोकेमोन र फुकुओका सहर दुवैको आकर्षण पत्ता लगाउने रमाइलो अवसर प्रदान गर्नेछ।

यस इभेन्टमा सहभागी हुन टिकट आवश्यक छ।
विस्तृत जानकारीका लागि, कृपया 【पोकेमोन GO फुकुओका】 भनेर खोज्नुहोस्।

【फुकुओका शहर/ फुकुओका सिटी इन्टरनेशनल फाउण्डेसनको सूचना】

"निहोन्गो स्याबेरी बा (にほんごしゃべり場　)In　Tenjin को परिचय"

जापानीहरूसँग "जापानी भाषा" मा कुराकानी गरेर रमाइलो गर्न चाहनुहुन्छ?

विदेशी र जापानीहरूबीच कुराकानी गर्न सकिने रमाइलो कार्यक्रम आयोजना हुँदैछ। नोभेम्बर २३ मा, दिउँसो २ बजेदेखि ४ बजेसम्म, च्युओउ वार्ड, तेन्जिनस्थित ACROS Fukuoka मा आयोजना हुनेछ।

कार्यक्रममा, विदेशी र जापानी सहभागीहरूले एकअर्कासँग आमने-सामने भएर दुईवटा घेरा बनाउनेछन्। हरेक १ -१ मिनेटमा, विभिन्न विषयमा एक-एकजनासँग कुरा गर्नेछन्, त्यसपछि सीट परिवर्तन गरेर अर्को व्यक्तिसँग कुराकानी गर्नेछन्।

यस कार्यक्रमलाई संस्कृति विभागका क्षेत्रीय जापानी शिक्षा सल्लाहकार, शिनतारो फुकाएले सञ्चालन गर्नेछन्। सहभागीहरूले पालैपालो नयाँ व्यक्तिहरूसँग कुरा गर्ने अवसर पाउनेछन्।

सहभागिता निःशुल्क छ, तर अग्रिम दर्ता गर्न आवश्यक छ। सहभागी संख्या ३० जनामा सीमित छ, र पहिलो ३० जनाले मौका पाउनेछन्। आवेदनका लागि "にほんごしゃべり場 In Tenjin" भनेर खोज्नुहोस्।

कुराकानी गर्दै रमाइलो गर्नुहोस् र सीमापारीका नयाँ सम्बन्धहरू बनाउनुहोस्!

यो फुकुओका सिटी इन्टरनेशनल फाउण्डेसनको सूचना थियो।

 फुकुओका किबो च्युउ गाक्को सेइतोबोस्यु

"फुकुओका किबो च्युउ गाक्को" भन्ने स्कूलको बारेमा सुन्नुभएको छ?
यो स्कूल फुकुओका सिटीले स्थापना गरेको सरकारी रात्रीकालिन जुनियर हाई स्कूल हो, जसले विभिन्न कारणले अनिवार्य शिक्षा प्राप्त गर्न नसकेका वा स्कूल जान नसकेका व्यक्तिहरूको लागि अध्ययनको अवसर दिन्छ। यहाँ जुनसुकै देशको नागरिक पनि भर्ना हुन सक्नुहुन्छ।

यो स्कूलले दिउँसोको जुनियर हाईस्कुलमा भए जसरी ९ वटा बिषयहरु पढाउँछ। जापानी भाषामा कठिनाइ भएका व्यक्तिहरूले जापानी भाषामा मार्गदर्शन पनि पाउन सक्छन्। पढाई पूरा भएपछि, जुनियर हाईस्कुल स्नातकको प्रमाणपत्र प्राप्त हुन्छ।

कक्षाहरू सोमबारदेखि शुक्रबार साँझ ५:५० बजेदेखि राति ९:९:१५  बजे सम्म हुन्छ।
यो स्कूल सावारा वार्डकोमोमोचीमा स्थित छ। कक्षाको शुल्क र पाठ्यपुस्तकको मूल्य कुनै पनि लाग्दैन।

विस्तृत जानकारीको लागि, १० नोभेम्बरका दिन २ बजे स्कूलको जानकारी सत्र आयोजना हुन गईरहेको छ।
फोन वा अनलाइन मार्फत्, कृपया ११ नोभेम्बर ६ सम्ममा आवेदन दिनुहोला। 

फोन नम्बर: ०९२－४००－०७५१ ।

सोमबारदेखि शुक्रबार, दिउँसो २ बजेदेखि ९:१५ बजे सम्म कल स्वीकार गरिन्छ।

अनलाइनमा "फुकुओका किबो च्युउ गाक्को सेइतोबोस्यु" भनेर खोज्नुहोला।

सोधपुछ तथा परामर्शको लागि, वेबसाइटमा दिइएको इमेल ठेगानाबाट तपाईंको भाषा प्रयोग गरेर सहजै सम्पर्क गर्न सक्नुहुन्छ।

HP https://sites.google.com/fuku-c.ed.jp/fukuokakibou/admissions/info

【नाकासु महोत्सव】

क्युसु क्षेत्रको सबैभन्दा ठूलो मनोरञ्जन क्षेत्र, नाकासुमा आयोजना हुने रंगीन उत्सव 【नाकासु महोत्सव】 बारे थाहा छ? यो महोत्सव नाकासुमा आउने पाहुनाहरूलाई १ वर्षभरि दिएको साथ र समर्थनको लागि धन्यवाद दिन मनाइन्छ।

यस वर्ष, महोत्सव अक्टोबर २५ र २६, अर्को हप्ता शुक्रबार र शनिबार राति आयोजना हुन गईरहेको छ।

नाकासु ओडोरी सडक पैदलयात्रीहरूको लागि खुला गरिनेछ, जहाँ करिब ६० वटा रेस्टुरेन्टहरुको गाडी हुनेछन्। यस महोत्सवको मुख्य आकर्षण भनेको ५०० जना महिलाहरूले "मिकोशी" (धार्मिक खत) उठाएर नाकासुमा परेड गर्ने "नाकासु कुनिहिरो ओन्ना मिकोशी" हो। त्यस्तै, रंगीचंगी उज्याला पहिरन लगाएका "ओइरान्" (पारम्परिक जापानी दरबारका महिला) हरूले बिस्तारै शहरभरि गरिने परेड "ओइरान् डोच्यु" पनि हो। यी दृश्यहरू यस महोत्सवमा मात्र हेर्न पाइन्छ।

त्यसका साथै, शो र लाइभ स्टेज कार्यक्रमहरूको पनि मनोरञ्जन लिन सक्नुहुन्छ।

वर्षमा एक पटक मात्र देख्न पाइने नाकासुको रातको रमाइलोमा सहभागी भएर हेर्दा कसो होला।

【फुकुओका सिटी इन्टरनेशनल फाउण्डेसनको सूचना】

"निहोन्गो स्याबेरी बा (にほんごしゃべり場　)In　Tenjin को परिचय"

जापानी व्यक्तिहरूसँग "जापानी भाषा" मा कुराकानी गरेर रमाइलो गर्न चाहनुहुन्छ?

विदेशी र जापानीहरूबीच कुराकानी गर्न सकिने रमाइलो कार्यक्रम आयोजना हुँदैछ। कार्यक्रम नोभेम्बर २३ मा, दिउँसो २ बजेदेखि ४ बजेसम्म, च्युओउ वार्ड, तेन्जिनस्थित ACROS Fukuoka मा हुनेछ।

कार्यक्रममा, विदेशी र जापानी सहभागीहरूले एकअर्कासँग आमने-सामने भएर दुईवटा घेरा बनाउनेछन्। हरेक १ मिनेटमा, विभिन्न विषयमा एक-एकजनासँग कुरा गर्नेछन्, त्यसपछि सीट परिवर्तन गरेर अर्को व्यक्तिसँग कुराकानी गर्नेछन्।

यस कार्यक्रमलाई संस्कृति विभागका क्षेत्रीय जापानी शिक्षा सल्लाहकार, शिनतारो फुकाएले सञ्चालन गर्नेछन्। सहभागीहरूले पालैपालो नयाँ व्यक्तिहरूसँग कुरा गर्ने अवसर पाउनेछन्।

सहभागिता निःशुल्क छ, तर अग्रिम आवेदन आवश्यक छ। सहभागी संख्या ३० जनामा सीमित छ, र पहिलो ३० जनाले मौका पाउनेछन्। आवेदनका लागि "にほんごしゃべり場 In Tenjin" भनेर खोज्नुहोस्।

कुराकानी गर्दै रमाइलो गर्नुहोस् र सीमापारीका नयाँ सम्बन्धहरू बनाउनुहोस्!

"२२औं पटकको विदेशीहरूका लागि जापानी भाषामा वक्तित्व प्रतियोगिता" सुन्न जानुहुन्न?

अक्टोबर २७ आइतबार दिउँसो १२:३० बजे देखि "२२ औं पटकको विदेशीहरूका लागि जापानी भाषामा वक्तित्व प्रतियोगिता” आयोजना हुन गईरहेको छ। यस प्रतियोगितामा, फुकुओका सहर क्षेत्रमा रहेका कक्षाहरू वा स्कूलहरूमा जापानी भाषा सिकिरहेका विदेशीहरू र सीपमूलक तालिम विद्यार्थीहरूले फुकुओकामा बस्दा अनुभव गरेका कुराहरू वा आफ्नो भविष्यका सपना जस्ता विभिन्न विषयहरूमा जापानी भाषामा वक्तव्य दिनेछन्।

कार्यक्रम स्थल फुकुओका सहरको चुओ वार्ड रोप्पोनमाचुमा रहेको फुकुओका सिटी साइन्स म्युजियमको साइन्स हलमा हुनेछ। प्रवेश शुल्क निःशुल्क छ, र आउने व्यक्तिहरूलाई कुनै अग्रिम बुकिङको आवश्यकता छैन।

प्रतियोगीहरूले दैनिक रुपमा सिकेका कुराहरूको उपलब्धि अवश्य आउनुहोला!

अधिक जानकारीको लागि, सार्वजनिक हित समावेशी फुकुओका सिटी इन्टरनेशनल फाउण्डेसन, जापानी भाषामा वक्तित्व प्रतियोगिता कार्यान्वयन समितिको फोन नम्बर (०९२-२६२-१७४४) मा सम्पर्क गर्नुहोस्।

【आँखा सुरक्षा दिवस】

अक्टोबर १० तारिकलाई "आँखा सुरक्षा दिवस" भनेर मनाइन्छ, जुन दिन आँखा जोगाउन र स्वास्थ्यमा ध्यान दिनुपर्छ भन्ने सन्देश दिन्छ।

आजकल धेरै मानिसहरू हरेक दिन स्मार्टफोन, कम्प्युटर, र ट्याब्लेट प्रयोग गर्छन्। तर, लामो समयसम्म यी उपकरणहरूको प्रयोगले आँखामा चाप पर्न सक्छ, जसले गर्दा दृष्टि कमजोर हुनुका साथै काँध दुख्ने, टाउको दुख्ने, वा वाकवाकी लाग्ने जस्ता समस्याहरु पनि देखा पर्न सक्छन्। अहिलेको जमानामा काम वा अध्ययनको लागि यी उपकरणहरूको प्रयोग आवश्यक हुन्छ, तर प्रयोग गर्दा आँखाको हेरचाह गर्ने कुरा बिर्सनु हुँदैन।

लामो समयसम्म काम गर्दा ध्यान दिनुपर्ने कुराहरू:

• ढाड सिधा राखेर, आँखा र उपकरणबीचको दूरी ३० सेन्टिमिटरभन्दा टाढा राख्नुहोस्।

• टेबल र कुर्सीको उचाइ, बत्ती, र प्रकाशको व्यवस्थालाई ठीक गर्नुहोस्, र प्रत्येक १ घण्टामा १०-१५ मिनेट आँखा आराम दिनुहोस्।

• नियमित रूपमा आँखा झिम्क्याएर आँखा भिजाइराख्नुहोस्।

• कहिलेकाहीँ टाढा हेर्नुहोस् वा हरियाली र प्रकृतिमा ध्यान दिनुहोस्।

• थकान महसुस हुँदा न्यानो तोलिया प्रयोग गरेर आँखालाई आराम दिनुहोस्।

• यदि तपाईले चस्मा वा कन्ट्याक्ट लेन्स प्रयोग गर्नुहुन्छ भने, बेला–बेला जाँच गरी सही नम्बरको प्रयोग गर्नुहोस्।

• सूर्यको किरणले पनि आँखा डढाउँछ, त्यसैले सनग्लास लगाएर सुरक्षाका उपायहरू अपनाउनुहोस्।

• पर्याप्त निद्रा र पोषण पनि आँखा स्वास्थ्यको लागि महत्त्वपूर्ण छ।

दैनिक जीवनमा आँखा स्वस्थ राख्न यी उपायहरू अनुसरण गर्न प्रयास गरौं।

【फुकुओका शहर／फुकुओका सिटी इन्टरनेशनल फाउण्डेसनको सूचना】

"Environmental Festival Fukuoka 2024 को परिचय"

यो हप्ता, अक्टोबर २६ (शनिबार) र २७ (आइतबार) गरि दुई दिनको लागि, फुकुओका सिटी हलको पश्चिमपट्टि रहेको फुरेआई हिरोबा र सोलारिया प्लाजा १ तलामा आयोजना हुन गईरहेको कार्यक्रम "Environmental Festival Fukuoka 2024" को बारेमा जानकारी छ।

कार्यक्रम बिहान १० बजे देखि साँझ ४ बजे सम्म हुनेछ। प्रवेश निःशुल्क छ।

फुकुओका सिटी हलको पश्चिमपट्टि रहेको फुरेआई हिरोबामा, स्वादिष्ट र रमाइलो किचन कारहरू हुनेछन्! पर्यावरणमैत्री खाद्यान्न सामग्रीहरु प्रयोग गरेर बनाईएको किमा करि र मिठाईहरू उपलब्ध हुनेछन्।साथै, फुकुओकाको बास्केटबल टोली "राइजिंग जेफर" को सहयोगमा, जल्ने फोहोर, नजल्ने फोहोर तथा प्लास्टिक बोतलहरू जस्तै देखिने बललाई हानेर सही ठाउँमा फ्याँक्ने खेलमार्फत, फोहोर छुट्याउने तरिका सिक्न सक्नुहुन्छ। 

हलिवुड चलचित्रमा देखिने "डेलोरियन" कार पनि प्रदर्शन गरिनेछ। यो कारभित्र बसेर फोटो खिच्न सकिन्छ। साथै, त्यहाँफ्री मार्केट पनि हुनेछ।

सोलारिया जेफरमा, स्कुल र कलेज विद्यार्थीहरूले पृथ्वी बचाउन नायक बन्ने उद्देश्यले क्विज खेल्नेछन्, जहाँ रमाइलो तरिकाले वातावरणको बारेमा सिक्न सकिन्छ। "फुकुओकाको फोहोरबाट बनेको कला प्रदर्शनी" मा तपाईको दैनिकीलाई कलाको माध्यमबाट देखाइनेछ। त्यहाँ स्टाइलिश र पर्यावरणमैत्री सामानहरूको बिक्री पनि गरिनेछ।

बालबालिकादेखि वयस्कहरूसम्मले रमाइलो गर्दै वातावरणको बारेमा धेरै कुरा सिक्न सक्ने विभिन्न गतिविधिहरू हुनेछन्। " Environmental Festival Fukuoka 2024" मा सहभागी भई नजिकको इको-फ्रेन्डली कुराहरूको अनुभव गरौं र रमाइलो गरौं!

“अक्टोबर २२ तारिक, नाराया सामुदायिक केन्द्रमा शिशु तथा बालबालिका अन्तरक्रिया कक्षा” सम्बन्धी सूचना

तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, हरेक महिनाको चौथो मंगलबार, आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ।

अक्टोबरमा यो कक्षा २२ तारिकमा सञ्चालन हुनेछ।

समय बिहान १०:३० देखि ११:३० सम्म हो।

अक्टोबर महिनाको विषयवस्तु "अभिभावक-बच्चा उद्धार तालिम" हो। बच्चाहरूको आकस्मिक घटनाको लागि तयारी गर्न, फुकुओका सिटी विपद् व्यवस्थापन केन्द्रका कर्मचारीहरूबाट जीवनरक्षक प्राथमिक उपचार विधिहरू सिक्न सक्नुहुन्छ।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनकोहोमपेज वा फेसबुकमा हेर्नुहोस्।

【शरद ऋतुको स्वाद】

गर्मी कम हुँदै, शरद ऋतुको स्वादहरू अझै मिठो हुँदै आएको यो मौसममा, यो हप्ता, मौसमी स्वादिष्ट तरकारीहरूको जानकारी लिएर आएकी छु।

शरद ऋतुको मुख्य परिकारहरू जस्तै " सखरखण्ड", "फर्सी", "चेसनट", जुन वर्षभरि खान पाइन्छ, तर यो समयमा पाक्ने हुँदा, यसको मिठास र स्वाद अझ बढ्छ। हल्का भुटेर वाटेम्पुरा गरेर, भात, सीच्यु, उमालेर वा बेक गरेर विभिन्न परिकारमा मजा लिन सकिन्छ। 

यस बाहेक, "रेन्कोन" र "गोबो" जस्ता जराहरू हल्का भुटेर वाटेम्पुरा वा चिप्स बनाएर पनि स्वादिष्ट हुन्छ। पिसेको मासु वा अन्य मासुका परिकारसँग पनि राम्रो जम्छ।

अनि, महँगो भए तापनि , यो समय मात्रै पाइने "माचुटाके" च्याउ, जसको सुगन्ध र स्वादको मजा ग्रिल गरिएको भात, ताकिकोमी भातवा माटोको भाँडोमा भापिएको भात बनाएर लिन सकिन्छ।

माछामा, नुन मात्र हालेर ग्रिल गर्दा उत्कृष्ट "सान्मा", बोसो भएको "साबा", "शरदकालीन साल्मोन", काँचो वा ताताकिमा स्वादिलो "मोदोरी खाचुओ", अनि सजिलै पकाउन मिल्ने "मादाई" सबै शरद ऋतुमा विशेष स्वादका पाइन्छन्। पक्कै पनि ताजा मौसमी माछाको स्वाद लिनुहोस्।

फलहरूमा, "नास्पाती", "अङ्गुर", "हलुवाबेद", र "स्याउ" छन्। त्यसलाई त्यस्तै खानु मात्र होइन, सलाद वा जाम बनाएर पनि मजा लिन सकिन्छ। यो समयमा मात्रै पाइने मिठाईहरू पनि थरिथरिका छन्।

शरद ऋतुमा स्वादिष्ट परिकारहरू प्रशस्तै पाइन्छन्! मौसमी खानेकुरा पोषक तत्वले भरिएको हुने भएकोले,  शरद ऋतुका स्वादहरूको भरपुर आनन्द लिनुहोस्!

【फुकुओका शहरको सूचना】

The Creators 2024

रचनात्मक रमनोरञ्जन अनुभव गर्न सकिने कार्यक्रम "The Creators 2024"को सूचना छ।

यस वर्ष पनि नवीनतम मनोरञ्जनका बिषयवस्तुहरू र प्रविधिको उपयोग गरिएको सामग्रीहरू प्रस्तुत गर्ने योजना रहेको छ।

यस वर्षको कार्यक्रम दुई हप्ता, अक्टोबर ५ (शनिवार) र ६ (आइतवार), साथै १२ (शनिवार) र १३ (आइतवार) मा आयोजना हुनेछ। पहिले दुई दिनमा मात्र अनुभव गर्न नसकिएका विविध सामग्रीहरूलाई यस पटक विस्तारमा, आरामसँग अनुभव गर्न सक्नुहुन्छ।

पहिलो हप्ताको अक्टोबर ५ (शनिवार) र ६ (आइतवार) मा, ध्वनि र दृश्यको माध्यमबाट अनौठो अनुभव प्रदान गर्ने लोकप्रिय इभेन्ट "खेल्न सकिने! डिजिटल आर्ट प्रदर्शनी", साथै प्रोग्रामिङ र हस्तकलाको कार्यशाला, र फुकुओकाको क्रिएटिभ कम्पनीले विकास गरेको 3D नृत्य सिर्जना गर्ने AI सेवा "सबैभन्दा शक्तिशाली AI डान्सर" को प्रयोग गरेर AI डान्स शो Fukuoka City Science Museum मा आयोजना हुनेछ।

दोस्रो हप्ताको अक्टोबर १२ (शनिवार) र १३ (आइतवार) मा, विशाल लाइटिंग र स्क्रीनमार्फत प्रदर्शन गरिएको स्टेजमा क्रिएटरहरू र कलाकारहरूको लाइभ, साथै eSports का प्रो खेलाडीहरू र विद्यार्थीहरूबीचको बटल स्टेज, "इमर्सिभ" विषयको अन्तर्गतका अनुभवात्मक बूथहरू, र VR अनुभव गर्न सकिने ट्रक जस्ता विविध सामग्रीहरू फुकुओका सिटी हल पश्चिमी क्षेत्रमा रहेको फुरेआइ हिरोबामा आयोजना हुनेछ।

त्यस बाहेक, फुकुओकाको नगरपालिकाको पहिलो तल्लाको लबीमा, लोकप्रिय मंगा 【ओसिनोको】 को संसारलाई अनुभव गर्न सकिने नयाँ इमर्सिभ स्पेस "मंगा डाइभ" को स्याटेलाइट स्थल पनि राखिएको छ। Fukuoka Asian Art Museum मा भने, लोकप्रिय फिल्म "समर वार्स"को प्रर्दशन र फिल्म निर्माणको अनुभव प्रदान गर्ने कार्यशाला जस्ता कार्यक्रमहरू पनि आयोजना गरिनेछन्। यी सबै स्थलहरूको प्रवेश निःशुल्क हुनेछ।

"क्रिएटिभ सहर फुकुओका" मा नयाँ संस्कृतिको र प्रविधिको सम्पर्कमा आउँदै, चार दिनको उत्कृष्ट मनोरञ्जन र नवीनतम प्रविधिको अनुभव लिनुहोस्!

【MUSIC CITY TENJIN 2024】

सेप्टेम्बर महिनालाई फुकुओकामा "म्यूजिक मन्थ" को रूपमा मनाइन्छ। सेप्टेम्बरभरि फुकुओका संगीतले भरिन्छ।

यस हप्ताको अन्त्यमा आयोजना हुने कार्यक्रम हो, 【MUSIC CITY TENJIN 2024】

। यो क्यूसुको सबैभन्दा ठूलो संगीत लाइभ इभेन्टहरुमध्ये एक हो। तेंन्जिनको विभिन्न स्थानहरूमा विशेष स्टेजहरूठडिएका हुन्छन् जसले गर्दा फुकुओका तेंन्जिन क्षेत्रलाई पूरै एक उत्सव स्थलमा परिवर्तन गर्दछ। 

यस वर्ष २०औं वार्षिकोत्सव मनाइँदैछ, र संगीतको माध्यमबाट जोडिऔंभन्ने नाराका साथ मुख्य स्थल फुकुओका सिटी हलको पश्चिम तर्फ २८ र २९ तारिक शनिबार र आइतवारमा रहेको फुरेआई हिरोबा हुनेछ। साथै विशेष स्टेजहरू सोरारिया प्लाजा र फुकुओका मिचुकोशी लायन हिरोबामा २ दिनमा ३० भन्दा बढीनिःशुल्कसंगीत लाइभ प्रदर्शनहरू हुनेछन्। 

भव्य कलाकारहरूको लाइनअपको जानकारीको लागि 【MUSIC CITY TENJIN】

को आधिकारिक वेबसाइट र सामाजिक सञ्जालमा हेर्नुहोस्।

यसका साथै, संगीत कार्यक्रम 【TENJIN SHOWTIME】 पनि आयोजना हुनेछ। यो कार्यक्रममा तेन्जिन क्षेत्रका ८ स्थानहरुमा ३५ समूहका कलाकारहरूको ७० स्टेज कार्यक्रमहरु समावेश छन्। क्लासिकलदेखि, रक, जाज, गोस्पेल, पपसम्मका विभिन्न शैलीका आकर्षक संगीतहरुको प्रस्तुत हुनेछन्।

पूरै तेन्जिन संगीतले झुमिरहेको यस विशेष समयमा, केवल यस समयमा मात्र अनुभव गर्न सकिने तेन्जिनको पक्कै पनि आनन्द लिनुहोस्।

【& SAKE FUKUOKA】

 अर्को जानकारी छ, यस सप्ताहन्तमा आयोजना हुन गईरहेको अर्को कार्यक्रमको बारेमा।

फुकुओका इन्टरनेशनल सेन्टरमा शनिबार र आइतवार २८ र २९ तारिखमा फुकुओका प्रिफेक्चरका साके ब्रुअरीहरू र फुकुओकालाई प्रतिनिधित्व गर्ने रेस्टुरेन्टहरू एकसाथ ल्याउँदै एउटा ठूलो कार्यक्रम [&SAKE FUKUOKA 2024] आयोजना हुन गईरहेको छ।

यो कार्यक्रम केवल मदिरा र भोजनको आनन्द लिने मात्र होइन, फुकुओकाको मदिराको माध्यमबाट खाना, संगीत, वातावरण, समय, र मानिसहरूसँगको भेटघाटको अद्भुततालाई अनुभव गर्न सकिने अवसर हो। फुकुओकाका ४३ वटा मदिरा कारखानाका वस्तुहरू यसमा समावेश छन्। साथै, केवल मदिरा मात्र होइन, रिजर्भ गर्न गाह्रो हुने लोकप्रिय रेस्टुरेन्टहरूको विशेष मेनुहरू पनि प्रस्तुत हुनेछन्।

फुकुओका प्रान्त जापानको प्रमुख मदिरा उत्पादन गर्ने क्षेत्रहरुमध्ये एक हो। फुकुओका प्रीफेक्चर भित्र धेरै ब्रुअरीहरू छन्। यहाँ मदिरा बनाउनको लागि स्थानीय चामल जस्तै "यामादा निशिकी" र "युमे इक्कोन" जस्ता सामग्रीहरूको प्रयोग प्रचलित छ। फुकुओकाको उत्कृष्ट मदिरा चाख्नको लागि अवश्य जानुहोस्।

【अंगूर बजार】

अहिलेको मौसमी फल भनेको "अंगुर"। फुकुओकामा पनि स्वादिष्ट अंगुर खान पाइन्छ। के तपाईंहरुलाई थाहा छ, फुकुओका सिटीकोनिशि वार्डमा रहेको खानाताके क्षेत्र, स्वादिष्ट अंगुर उत्पादन हुने क्षेत्र हो। प्रकृतिले घेरिएको माटो, अंगुर खेतीका लागि उपयुक्त हुने भएकोले यहाँ करिब ५० वर्षदेखि यसको खेती गरिँदै आएको छ।

यस वर्ष पनि मीठो र स्वादिष्ट "अंगुर" सिधै उत्पादन क्षेत्रबाट बिक्री गर्न सुरु भएको छ। "खानाताके नो सातो पार्क" भित्र, "CO_YARD KANATAKE" मा, सेप्टेम्बरको मध्यसम्म मात्र फसलको अवधिमा बिक्री गरिन्छ। हरेक बिहान ९ बजेबाट, सो दिन टिपेका रसिला "अंगुरहरु" विभिन्न जात र ब्रान्डमा पङ्क्तिबद्ध राखेका हुन्छन्। शाइन मस्कट पनि उपलब्ध छ। दिउँसो पनि बिक्री गरिन्छ, तर एक पटक बिक्री सकिएपछि, बजार बन्द हुन्छ, त्यसैले त्यहाँ चाँडै पुग्नु राम्रो हुन्छ।

मौसमी फलबाट पौष्टिकता प्राप्त गरेर, बाँकी गर्मीलाई पनि सहजै पार गरौं!

【Cinema Night Fukuoka】

अब अर्को जानकारी छ, "Cinema Night Fukuoka" को बारेमा। 

फुकुओका सिटीको निशि वार्ड उमी नो नाखामिचीमा रहेको रिसोर्ट होटल "The Luigans Spa & Resort" मा आयोजना हुने आउटडोर चलचित्र हेर्ने कार्यक्रम हो।

गर्मी मौसममा, समुद्र किनारको नजिक रातको हावाको मज्जा लिंदै, ठूलो स्क्रिनको अगाडि लेजर शीट ओछ्याएर आरामसाथ चलचित्र हेर्न सकिने यो कार्यक्रम, लोकप्रिय बन्दै आएको छ।

यो कार्यक्रम सेप्टेम्बरसम्म हरेक बुधवार र शनिबार राति आयोजना हुन्छ। प्रवेश तथा चलचित्र हेर्न निःशुल्क हो! चलचित्रहरूमा, नयाँ फिल्महरूदेखि लिएर सदाबहार क्लासिकहरू, र बच्चाहरूको लागि एनिमेटेड फिल्महरू समेत समावेश छन्।

साथै, कार्यक्रम स्थलमा किचन कारहरू पनि हुन्छन्, त्यसैले पेय पदार्थ र खानाका साथ चलचित्रको मजा लिन सक्नुहुन्छ।

समुद्र किनारको घाँसे मैदानमा सूर्यास्त हेर्दै कार्यक्रम सुरु हुन्छ, र रातको आकाशमुनि आरामसँग चलचित्र हेर्न सक्नुहुन्छ। यदि समय ठ्याक्कै मिल्यो भने, आतिशबाजी पनि देख्न सक्नुहुन्छ♪

जान ईच्छुक महानुभावहरुले, आधिकारिक वेबसाइटमा गएर प्रदर्शन हुने चलचित्रहरूको जानकारी लिई, बुकिङ गर्नुहोस्।

गर्मीको रातको लागि उपयुक्त मानिने यस कार्यक्रमको अनुभव लिएर हेर्दा कसो होला♪

【फुकुओका सिटी चिडियाखानामा हात्ती आइपुगेको छ!】

फुकुओका सिटी चिडियाखानामा चारवटा हात्तीहरु, हालै म्यानमारबाट आएका छन्! ती चारमध्ये एउटा भाले र तीनवटा पोथीहरु छन्। उनीहरूलाई तीन महिना जति नयाँ वातावरणमा अनुकूलन गरिनेछ, त्यसपछि उनीहरूलाई यस शरद ऋतुमा सर्वसाधारणका लागि प्रदर्शन गरिने योजना रहेको छ। अहिले ती चारै हात्तीहरू स्वस्थ छन् र कुनै स्वास्थ्य समस्या छैन। चिडियाखानामा नयाँ हात्तीहरूको तस्बिर र भिडियो पनि हेर्न सकिन्छ। साथै, अगस्त ८ सम्ममा, ती चार हात्तीहरूको नामको लागि सुझाव पनि मागिएको छ।

अहिले, गर्मी मौसमको विशेष कार्यक्रम "रातको चिडियाखाना" पनि ९ सेप्टेम्बरसम्म प्रत्येक शनिवार आयोजना भइरहेको छ। यस कार्यक्रमको क्रममा, रातमा सक्रिय हुने जनावरहरूको व्यवहार र उनीहरूको खाना खुवाउने समयको अवलोकन गर्न सक्नुहुन्छ। यो विशेष अनुभवलाई मिस नगर्नुहोस् र गर्मीको समयमा मात्र खुला हुने, यस कार्यक्रमको मजा लिन फुकुओका सिटी चिडियाखानामा घुम्न जानुहोस्!

【फुकुओका शहरको सूचना】

मापसे ड्राइभिंग उन्मूलनको बारेमा

२००६ अगस्त २५ मा, हिगासी वार्डको "उमि नो नाखा मिची ओहाशी" मा, मापसे गरि सवारी चलाउँदा, तीन जना बच्चाहरुको ज्यान जाने गरि दुर्घटना भएको यस वर्षबाट १८ वर्ष पुग्यो। फुकुओका सिटीले यस दुर्घटनालाई मध्यनजर गरि, मद्यपान गरेर सवारी चलाउने कार्यलाई अन्त्य गर्नका लागि विभिन्न पहलहरू गर्दै आएको छ।

मदिरा सेवन गरि गाडी चलाउनु अपराध हो। 

मदिराको सेवन गरेपछि कार, मोपेड, वा साइकल नचलाउनुहोस्।

मदिराको सेवन गरेको व्यक्तिलाई कार भाँडामा दिने वा गाडी चलाउने व्यक्तिलाई रक्सी पिउन प्रोत्साहन नगर्नुहोस्। साथै, सवारी चालकले मदिराको सेवन गरेको थाहा पाउँदा, त्यस कारमा नचढ्नुहोस्।

मदिरा सेवन गरि गाडी चलाउँदा, ध्यान र निर्णय गर्ने क्षमता कम हुन्छ। यसले गर्दा खतराको आभास ढिलो हुने,अत्यधिक गति गर्ने जस्ता कार्यहरू हुन सक्छ, जसले गर्दा सडक दुर्घटनाको सम्भावना बढ्छ।

साथै, निम्न किसिमको गाडीहरुलाई हेरेरचालकले मदिरा सेवन गरि चलाएको थाहा हुन सक्छ। यदि यस्तो देख्नु भएमा, कृपया ११० नम्बरमा सम्पर्क गर्नुहोस्।

• ट्राफिक लाइटमा स्टप लाइनभन्दा निकै अघि गाडी रोकिन्दा 

• ट्राफिक लाइट हरियो बले पनि, गाडी नचलाउँदा 

• अनियन्त्रित रुपले गाडी गुड्दा

• गाडीको गति अचानक बढ्ने-घट्ने भई रहँदा

"मदिरा सेवन गरि सवारी नचलाऔं, चलाउन नदिऔं, यस्तो काम गर्नेलाई माफी नदिऔं र देखेपछि बेवास्ता नगरौँ"  भन्ने दृढ इच्छाशक्ति प्रत्येक व्यक्तिमा हुनु आवश्यक छ। 

हामी सबै मिलेर मदिरा सेवन गरेर गाडी चलाउने कार्यलाई पूर्ण रूपमा अन्त्य गरौँ!

 Fukuoka Prize को बारेमा

 फुकुओका शहरले एशियाली शैक्षिक अनुसन्धान, कला र संस्कृतिमा उल्लेखनिय योगदान पुर्‍याउनेव्यक्तिहरुलाई Fukuoka Prize ले सम्मान गर्दै आईरहेको छ। 

यस वर्षको ३४औँ Fukuoka Prize का विजेताहरुमा,

The Grand Prize कोविजेतामा, मिडिया आर्टको क्षेत्रमा सक्रिय हुनुहुने मानाबे डाइतो 

The Academic Prize मा, इतिहासविद् सुनील अमृत

The Arts and Culture Prize मा, कलाकार किमसुजा छनोट भएका छन्।

पुरस्कार समारोह सेप्टेम्बर २६ (बिहीबार) र त्यसपछि सेप्टेम्बर २७ (शुक्रबार) र २८ (शनिबार) मा नागरिक मञ्चको आयोजना हुनेछन्।

२७  (शुक्रबार) The Grand Prize विजेता मानाबे डाइतोको लेक्चर, २८ (शनिबार) दिउँसो, The Academic Prize प्राप्त गर्ने सुनिल अमृत, र साँझमा The Arts and Culture Prize विजेता किम सुजाको लेक्चर हुनेछन्।

सबैमा निःशुल्क सहभागी हुनसक्नुहुन्छ।

आवेदन दिनका लागि, "福岡アジア文化賞" वा "Fukuoka Prize" भनि खोजी, आधिकारिक होमपेजमा

हेर्नुहोला।

आवेदनको अन्तिम मिति सेप्टेम्बर ५ (बिहिबार) सम्म। पुरस्कार समारोह वा नागरिक फोरम जुन कार्यक्रम भए पनि दुई दिन अघि आवेदन दिन आवश्यक छ।

【दोयोनो उसिनो हि】

जापानमा "दोयोनो उसिनो हि" भनेर चिनिने "मौसमको परिवर्तनको दिन" मा उनागी खाने परम्परा छ।

वर्षाको मौसमको अन्त्य पछि चरम गर्मीको मौसम सुरु हुने यस समयमा, शरीरको हेरचाह गर्न र शारीरिक शक्ति बढाउनका लागि, उनागी उत्तम मानिन्छ। यसले थकान हटाउने र भोक बढाउने प्रभावकारी काम गर्छ। यसलाई खाने सबैभन्दा सामान्य तरिका भनेको सोया सस र चिनी मिसाइएको तारे हालेर पोल्नु वा यसलाई सोझै कोइलामा पोलेर ''शिरायाकी'' गरेर खानु हो।

उनागीबाहेक, उसिनो हिको दिनमा "उ(う)" अक्षरले सुरु हुने खानेकुराहरु खानु पनि शुभ मानिन्छ, जस्तै "उडोन", "उमेबोशी", "उरी" (काँक्रो, खरबूजा) आदि । यस वर्ष, जुलाई २४ र अगस्ट ५ मा ''दोयोनो उसिनो हि'' पर्छ।

गर्मीको यस मौसममा पौष्टिक र स्वादिष्ट खानेकुरा खाएर, स्वस्थ र तन्दुरुस्त रहौं!

【फुकुओका शहरको सूचना】

“Fukuoka City Official Tourist Guide” सम्बन्धि

यसपटक “Fukuoka City Official Tourist Guide” सम्बन्धि जानकारी रहेको छ।

यस वेबसाइटमा, पर्यटकीय सुविधाहरू, कार्यक्रमहरू, पर्यटकीय स्थलहरू, स्वादिष्ट खाना आदि जस्ता जानकारीहरु ४ वटा भाषाहरू (अंग्रेजी, कोरियाली, परम्परागत चाइनिज, र सरलीकृत चाइनिज) मा बुझ्न सजिलो हुने गरि प्रदान गदै आईरहेको छ। 

स्थानीय खानेकुरा, इतिहास-संस्कृति, प्रकृति-आउटडोर आदि विषयहरुको आधारमा खोज्न सजिलो अनि, भ्रमण गर्न चाहानु भएको क्षेत्रको पर्यटकीय जानकारीहरू सजिलै प्राप्त सक्नुहुन्छ।

यो गाइड पर्यटकहरुलाई मात्र नभई, फुकुओकामा बसोबास गर्नुहुनेहरुका लागी पनि, फुकुओकाको बारेमा अझै धेरै जानेर मनोरञ्जन लिन सकिने उपयोगी जानकारीहरुले भरिपूर्ण छ।

कृपया “Fukuoka City Official Tourist Guide” मा खोजि हेर्नुहोला।

“फुकुओका सिटी चाइल्डकेयर एक्सचेन्ज समय”

अर्को, फुकुओका सिटी इन्टरनेशनल फाउण्डेसनको सूचना रहेको छ।

तपाईँहरु आफ्ना बच्चासँगै रमाइलो समय बिताउन मिल्ने ठाउँमा गएर हेर्न चाहनुहुन्छ भने, हाकाता वार्डमा रहेको नाराया सामुदायिक केन्द्रमा, महिनामा एक पटक बच्चा हुर्काउने सम्बन्धि आदानप्रदान सलोन सुरु भएको छ।

हरेक महिनाको चौथो मंगलबार, अभिभावकहरु आफ्ना बच्चाहरूसँगै रमाइलो समय बिताउन सकिने, शिशु तथा बालबालिका अन्तरक्रिया कक्षा संचालन भईरहेको छ। जुलाईमा यो कक्षा २३ तारिखमा सञ्चालन हुनेछ। समय बिहान १०:३० देखि ११:३० सम्म हो। जुलाई महिनाको विषय "अभिभावक तथा शिशु व्यायाम" हो। बाल स्याहार विशेषज्ञको उपस्थिति हुने यस दिनमा, अभिभावक र बच्चाहरूले नाचजस्ता गतिविधिहरूमा सहभागी भई रमाइलो समय बिताउन सक्छन्।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनको होमपेज वा फेसबुकमा हेर्नुहोस्।