Life in Fukuoka "Nepali" Vo.108

2022.04.21[Thu] 09:00

नियम तथा आचरण(ルール・マナー)

【विश्व पृथ्वी दिवस】

हरेक वर्ष अप्रिल २२ तारिख विश्व पृथ्वी दिवस हो। पृथ्वी र वातावरणको बारेमा मनन गरेर, सुन्दर प्राकृतिक वातावरणप्रति आभार व्यक्त गर्ने दिन हो।

यो विचार सन् १९६९ मा आयोजना भएको युनेस्कोको सम्मेलनबाट आएको थियो। लगत्तै अर्को वर्ष,

संयुक्त राज्य अमेरिकाको सिनेटर नेल्सनले अप्रिल २२ मा वातावरणीय मुद्दाहरूमा बहस गर्न बैठक बस्न आह्वान गर्नुभएको घटनाबाट विश्व पृथ्वी दिवस शुरु भएको थियो।

जापानमा सन् १९९० मा प्रथम पटक विश्व पृथ्वी दिवस शुरु भएदेखि, हरेक वर्ष यस दिन प्रत्येक क्षेत्रमा विश्व पृथ्वी दिवसका कार्यक्रम तथा परियोजनाहरू आयोजना हुँदै आईरहेको छ।

SDGs (दिगो विकासका लक्ष्यहरू) मा केन्द्रित भई लाग्न आवश्यक अहिलेको युगमा, दैनिक जीवनयापनमा वातावरणको लागि केहि गर्न सकिन्छ कि भनेर विचार गरि हेरौं।

उदाहरणका लागि, अनावश्यक रुपमा बत्तीहरु नबाल्ने, फोहोर कम गर्ने आदि जस्ता सरल रुपमा गर्न सकिने दैनिकी कुराहरुबाट शुरु गरि हेर्दा कस्तो होला?

 

 

【फुकुओका शहरको सूचना】

फोहर फ्याँक्ने नियम सम्बन्धी

फुकुओकामा नयाँ जीवनयापन शुरु गर्नुहुने धेरै संख्यामा हुनुहुन्छ होलाI

यसपटक, फोहर फ्याँक्ने नियम सम्बन्धी सूचना रहेको छI

 

फुकुओकामा फोहरलाई तीन किसिममा विभाजन गरी फ्याँक्ने गरिन्छ।

जल्ने फोहर, खाली सिसाको बोतल/प्लास्टिकको बोतल, अनि नजल्ने फोहर गरी ३ किसिमका हुन्छन्I

कन्भिनियन्स स्टोर वा सुपर मार्केटमा बेची राखेको, फुकुओका शहरको फोहर-फाल्ने-झोला प्रयोग गरेर फोहोर फाल्ने गर्नुहोस्।

 

जल्ने फोहरको लागि, रातो रंगको फोहर-फाल्ने-झोला होI

कच्चा फोहोर, कागज, कपडा, प्लास्टिक आदि फाल्ने बेलामा, रातो झोला प्रयोग गर्नुहोस्I

खाली क्यान र गिलास जस्तालाई, नजल्ने फोहरको रुपमा, निलो फोहर-फाल्ने-झोलामा फाल्नुहोस्I

खाली सिसाको बोतल र प्लास्टिकको बोतल फाल्नको लागि, पहेंलो रंगको फोहर-फाल्ने-झोला प्रयोग गर्नुहोस्I

 

बसोबास गर्ने ठाउँ अनुसार फाल्ने दिन तोकिएको हुन्छ। 

जल्ने फोहर हप्तामा २ पटक, खाली सिसाको बोतल/प्लास्टिकको बोतल र नजल्ने फोहर चाहिँ महिनाको १पटक संकलन हुन्छI

फोहर मध्यरात संकलन हुनेभएकोले अँध्यारो भएदेखि रातिको १२ बजे सम्ममा, फोहर फाल्ने निश्चित ठाउँमा फाल्नुहोस।

 

फुकुओका शहरको आधिकारिक LINE ID मा Friend add गरेर, तपाईंको ठेगाना राख्नु भयो भने, LINE बाट फोहोर फाल्ने दिनको बारेमा जानकारी उपलब्ध गराईन्छI

फाल्न चाहनुभएको फोहोरको नाम राख्नुभयो भने, फोहोरको किसिम पनि जान्न मिल्ने भएकोले यो एकदम उपयोगी छI

 

एउटा झोलामा नअट्ने ठूला आकारको फोहर वा भारी फोहरलाई, ठूला आकारको फोहरको रुपमा फाल्नुहोस्I

ठूला आकारको फोहरका लागि, फोन, इन्टरनेट, वा LINE द्वारा ‘फुकुओका शी सोदाई गोमी उकेचुके’ मा सम्पर्क गरेर  संकलन गराउन सक्नुहुन्छ।

कृपया शुल्क, फोहोर फाल्ने ठाउँ, मिति, इत्यादि जाँच गरेर फोहोर बाहिर राख्नुहोस्।

 

फोनमार्फत सम्पर्कका लागि, ठुलो आकारको फोहर फाल्ने सेन्टरको फोन नम्बर, ०९२-७३१-११५३ I

१८ वटा  भाषाहरुमा यो सेवा उपलब्ध छI

DJ紹介

  • Sarita
  • Sarita
  • 誕生日: 7月10日
    趣味: 音楽を聞く、旅行する

番組ページへ

リクエスト&メッセージ