Life in Fukuoka "Nepali"

【खेलकूद खेल्नुहुन्छ?】

तपाईंहरु हरेक दिन खेलकूद खेल्नुहुन्छ?

रिमोट वोर्कको बृद्धिको कारण, दिनभरि कोठामा बस्ने महानुभावहरु पनि हुनुहुन्छ होला।

लामो समय कुर्सीमा बस्नाले मांशपेसीको स्तर खस्कँदै गई शरीर दुखेर आउने हुनाले, समय छुट्टाएर, शरीर तन्काउने आदि जस्ता प्रयास गरी हेर्नु राम्रो हुन्छ।

लिफ्टको सट्टा भर्याङको प्रयोग गर्ने, काममा जाँदा हिड्ने आदि जस्ता सानो विचारले पनि शारीरिक ब्यायाममा मद्दत पुग्छ।

बरु, साँझमा हिँड्न वा दौडन बाहिर जानुहुँदा, कार, मोटरसाइकल र साइकलदेखि सावधान रहनुहोस्।

आफूले वरपरको हेर्न गाह्रो हुँदा, तपाईंको वरपरकाले पनि तपाईंको उपस्थिति बुझ्न गाह्रो हुन्छ, जसले गर्दा ट्राफिक दुर्घटना आदिमा पर्न सक्ने जोखिम बढ्छ। विशेष गरी यस मौसममा, सूर्य चाँडै अस्ताएर साँझ चाँडै अँध्यारो हुने भएकोले, थप सावधान रहनु आवश्यक छ।

त्यसैले, चम्किलो रङको लुगा लगाउने, प्रकाश प्रतिबिम्बित गर्ने सामग्री (रिफ्लेक्टिभ सामग्री) वा LED लाइट आदिको प्रयोग गर्नु राम्रो हुन्छ।

【फुकुओका शहरको सूचना】

Myojo Waraku 2022 को बारेमा

अक्टोबर १२ (बुधवार) देखि अक्टोबर १५ (शनिबार) सम्म फुकुओका शहरमा आयोजना हुने कार्यक्रम,

"Myojo Waraku 2022" को बारे जानकारी छ!

Myojo Waraku, प्रविधि र रचनात्मक कार्यहरुमा संलग्न व्यक्तिहरू भेला हुने फेस्टिवलको रुपमा, २०११ मा शुरु भएको थियो।

यो, सामान्यतया भेटघाट नहुने विभिन्न विधाका व्यक्तिहरू, उमेर वा पदको अन्तर नगरी अन्तरक्रिया गरेर,

नयाँ चीज र कुराहरूको सिर्जना गर्ने इभेन्ट हो।

यस वर्षको कार्यक्रमको विषयवस्तु रहेको छ, "GENTEN" , अर्थात् शरुवाती बिन्दु ।

सन् २०१२ को Myojo Waraku मा, फुकुओका शहरले स्टार्टअपहरूलाई समर्थन गर्न शुरु गरेको, "स्टार्टअप सिटी फुकुओका" को घोषणा गरेकोबाट १० औं वार्षिकोत्सवको स्मरणमा, विभिन्न दृष्टिकोणबाट शुरुवाती बिन्दुलाई पछाडी फर्केर हर्ने हेतुले Talk session पनि आयोजना गरिनेछ।

"स्टार्टअप सिटी फुकुओका" घोषणाको १० औं वार्षिकोत्सव मनाउने Talk session मा, हालसम्मको फुकुओका शहरको स्टार्टअप दृश्यको १० वर्षलाई पछाडी फर्केर हेर्दै, इकोसिस्टमको विकासलाई मनन गर्दै, आउँदो भविष्यको बारेमा कुराकानी गरिनेछ।

थप रूपमा, कला र रचनात्मक विषयवस्तुको कार्यक्रमहरू र शिविरहरूमा वर्कशप आदि विभिन्न सामग्रीहरू प्रस्तुत गर्ने योजना पनि रहेको छ।

कार्यक्रमको बिस्तृत जानकारीको लागि, "MYOJOWARAKU2022" भनि खोजेर, आधिकारिक होमपेजमा हेर्नुहोला।

https://myojowaraku.net/

【खानाको पारखीहरुको दिवस】

सेप्टेम्बर १४ "खानाको पारखीहरुको दिवस हो"। जापानी भाषामा Kui-shin-bou no hi भनिन्छ।

Kui-shin-bou को अर्थ तपाईहरुलाई थाहा छ? Kui-shin-bou भन्नाले खान मन पराउने व्यक्ति वा अर्को शब्दमा भन्ने हो भने खानाको पारखीलाई जनाउँछ।

विश्वभरका खानाका पारखीहरुका लागि विभिन्न किसिमका खानाहरुलाई प्रस्ततु गर्ने पत्रिका "Dancyu" प्रकाशन गर्ने कम्पनि President Inc. खोलिएको थियो।

खानालाई थप स्वादिष्ट र रमाइलो बनाउने सँगसँगै उत्पादक र शेफ आदि व्यक्तिहरूलाई कृतज्ञता दर्शाउन नबिर्सने उद्देश्यले, यो २०२१ मा दर्ता गरिएको थियो।

फुकुओका शहरमा धेरै किसिमका स्वादिष्ट परिकार र खाद्य सामग्रीहरू पाईन्छन्। यहाँ जापानी मात्र नभई, नेपाली र विदेशी रेष्टुरेन्टहरु पनि बढेको देखिन्छ। तपाईंहरु पनि जापानी र बिभिन्न देशका खानाहरुको आनन्द लिनुका साथै कहिलेकाहिँ, नेपालको सम्झना आउँदा, आफ्नो बाल्यकालमा खानु भएको खाना पकाएर खानु हुँदा कसो होला?

【फुकुओका शहरको सूचना】

नयाँ कोरोना भाइरस विरुद्धको खोपको सूचना

फुकुओका शहरमा नयाँ कोरोना भाइरस विरुद्धको खोपका लागि ईच्छुक सम्पूर्ण व्यक्तिहरुले ढुक्क भएर खोप लगाउन सुनिश्चितका लागि काम भईरहेको छ।

हाल, तेस्रो पटक र चौंथो पटकको खोप लिनका लागि खोप कुपन हुलाक मार्फत् पठाईएको छ।

यी दुबै, दोस्रो पटक वा तेस्रो पटकको खोप लिनुभएको ५ महिना पूरा हुने समयतिर खोप कुपन हुलाक मार्फत् पठाउने गरिएको छ।

चौथो पटकको खोपका लागि लक्षित बर्गमा, ३ पटक खोप लगाई सक्नुभएका, ६० वर्ष वा सोभन्दा माथिका र १८ देखि ५९ वर्ष उमेर पुगेकाहरु मध्ये, अन्तर्निहित रोग भएका महानुभावहरु, चिकित्साकर्मीहरू, तथा वृद्ध र असक्त व्यक्तिहरूको हेरचाह सम्बन्धित काम गर्नुहुने कर्मचारीहरु पर्दछन्।

खोप कुपन पाउनुभएपछि, बुकिंग साइट वा खोप सेन्टरमा बुकिंग गर्न सकिने हुनाले, कृपया खोप कुपन नपाउन्जेल प्रतिक्षा गर्नुहोला।

खोप कुपन पाउनु भएन भने, कल सेन्टरमा फोन गर्नुहोला।

अन्तर्निहित रोग भएका व्यक्तिहरूका लागि पनि दर्ता स्वीकार गर्छौं।

५ देखि ११ वर्षका बालबालिकाहरुलाई पनि खोप दिईरहेको छ।

विदेशबाट फुकुओका शहरमा आउनुभएका महानुभावहरुले यदि खोप लगाउन चाहनुहुन्छ भने,

खोप कुपन जारीको लागी निबेदन दिन आवश्यक छ।

फुकुओका शहरमा खोप सम्बन्धि परामर्श, बुकिंग र खोप कुपन जारीको बारेमा बुझ्न सम्पर्क गर्न सकिने कल सेन्टरको फोन नम्बर रहेको छ, ०९२-२६०-८४०५ ।

हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

नेपाली, अंग्रेजी, चाइनिज, कोरियाली, भियतनामी आदि ७ वटा विदेशी भाषाहरूमा यो सेवा उपलब्ध छ।

Fukuoka Prize को बारेमा

फुकुओका शहरले एशियाली शैक्षिक अनुसन्धान, कला र संस्कृतिमा उल्लेखनिय योगदान पुर्‍याउने व्यक्तिहरुलाई Fukuoka Prize ले सम्मान गर्दै आईरहेको छ। यस वर्षको ३२औँ Fukuoka Prize का विजेताहरुमा,

The Grand Prize को विजेतामा, ताइको ड्रमर Eitetsu Hayashi,

The Academic Prize मा, कला र इतिहासविद Timon Screech र

The Arts and Culture Prize मा, कलाकार Shahzia Sikander छनोट भएकी छन्।

सेप्टेम्बरमा, यी तीन सम्मान्नित विजेताहरू फुकुओकामा भेला हुनेछन्, र प्रत्येकको Public lecture आयोजना हुनेछ। विशेष गरी, The grand prize बिजेता Eitetsu Hayashi को Public lecture मा, उहाँको उत्कृष्ट ताइको प्रदर्शनीलाई निःशुल्क रूपमा कदर गर्न सक्ने उल्लेखनीय कार्यक्रमको रुपमा रहेको छ। यस बाहेकका Public lecture हरूमा पनि, Edo कला र समकालीन कलासँग नजिक हुन पाउने विशेष अवसरको रुपमा रहेका छन्।

सबैमा निःशुल्क सहभागी हुनसक्नुहुन्छ साथै, पछि अनलाइनमा पनि हेर्न सक्नुहुन्छ। हेर्नका लागि कृपया अनलाईनमा साइन अप गर्नुहोला।

कार्यक्रमको बिस्तृत जानकारीका लागि, कृपया "Fukuoka Prize" भनि खोजी, Fukuoka Prize को आधिकारिक होमपेजमा हेर्नुहोला।

https://fukuoka-prize.org/en/

【एकिबेन वार्षिकोत्सव】

विभिन्न वार्षिकोत्सवहरू हुने जापानमा, जुलाई १६ को दिन "एकिबेन वार्षिकोत्सव" हो।

"एकिबेन" भन्नाले स्टेशनमा बेचिराख्ने बेन्टो बक्स हो। जुन रेल यात्राको लागि अपरिहार्य मानिन्छ।

सन् १८८५ जुलाई १६ मा, हालको JR तोहोकु होन्सेन्मा रहेको उचुनोमियामा जापानको पहिलो एकिबेन बेचिएको थियो। स्थानीय होटेलले ओनिगिरी दुईवटा र खादेको मूलाको अचार राखेर बाँसको बोक्रामा बेरेर, हालको मूल्य करिब १००० येन जतिमा बेचेको भनिन्छ।

त्यस पश्यात्, एकिबेन जापानभर फैलियो।

यहाँ फुकुओकामा, ओरिओ स्टेशनमा रहेको "काशिवा-मेशी" प्रसिद्ध छ।

पक्कै पनि, हाकाटा स्टेशनमा पनि विभिन्न किसिमका एकिबेनहरु बिक्रीमा राखिएका छन्। तपाईंहरु पनि रेलबाट यात्रा गर्नुहुँदा, एकिबेन र ओच्याको साथमा जाँदा कसो होला? दृश्यको आनन्द लिंदै खाने एकिबेनको मज्जा नै बेग्लै छ।

बरु, रेलभित्र खाईसक्नु भएपछि एकिबेनको फोहोरलाई लैजाने गर्नुहोस्। फोहोरलाई रेलभित्र छोड्न नहुने भएकोले यसप्रति ध्यान दिनुहोस्!

【फुकुओका शहरको सूचना】

स्टर सिटीको वार्षिकोत्सव बारेमा

〇फुकुओका शहर, हाल आठ वटा शहरहरुसँग सिस्टर सिटीको सम्बन्ध रहेको छ। प्रत्येक शहरको आ-आफ्नो विशेषताहरु एकआपसमा आदानप्रदान गरिंदै आइरहेको छ।

यस वर्ष संयुक्त राज्य अमेरिकाको Auckland शहरसँग सिस्टर सिटी सम्झौता भएको ६०औं वार्षिकोत्सव हो भने, फ्रान्सको Bordeaux शहरसँगको ४० औं वार्षिकोत्सव हो।

वार्षिकोत्सवको अवसरमा, दुबै शहरहरूमा PR कार्यक्रमहरू आयोजना गर्ने, र परिचित प्रतिनिधिहरू पठाउने गरिन्छ।

कार्यक्रमको विवरण वा प्रत्येक सिस्टर सिटीसँगको आदानप्रदान गतिविधिहरू सम्बन्धि जानकारीहरुका लागि, [fukuoka8] भनि खोजेर,  फुकुओका सिटी सिस्टर सिटी कमिटी (Fukuoka City Sister City Committee)को होमपेजमा हेर्नुहोस्।

Asian-Pacific City Summit को बारेमा

Asian-Pacific City Summit जुलाईमा आयोजना हुन गईरहेको छ।

यस शिखर सम्मेलनमा, हामी सबैले आफ्नो वरपर देखिरहेको र भोगीरहेको शहरी समस्याहरू र तिनका समाधानहरूको बारे, एशिया-प्रशान्त क्षेत्रका शहरहरुका प्रतिनिधिहरूसँग अनलाइन मार्फत् छलफल गरिन्छ।

यस पटकको विषय रहेको छ, " New Values – New Cities नयाँ मूल्यमान्यताहरु - नयाँ शहरहरू"।

कोरोनाका कारण देखापरेका शहरी समस्याहरू एकआपसमा विचार बिमर्श गर्दै नयाँ मूल्यमान्यताहरुका साथ नयाँ शहरी विकासको बारेमा छलफल गरिनेछ।

सहभागिताको लागि दर्ता गरेर जो कोहीले पनि प्रशारण हेर्न सक्नुहुन्छ।

विवरणको लागि, [APCS13th] भनि खोजेर, "१३ औं Asian-Pacific City Summit" को विशेष साइट

हेर्नुहोस्।

【मूला】

डिसेम्बरदेखि फेब्रुअरीसम्म स्वादिष्ट हुने तरकारी हो, मूला।

पात र जरा पौष्टिक तत्वले भरिपूर्ण भई, पकाएर खाए पनि काँचै खाए पनि  मूला स्वादिष्ट हुन्छ।

मूला जापानभर उत्पादन गरिन्छ, तर फुकुओका शहरमा चाहिं, सावारा वार्डको हारा, निशी वार्डको कानाटाके र किताजाकीमा उत्पादन गरिंदै आएको देखिन्छ।

मूला किन्दा, जराको भाग धेरै भई भारीपन भएको, सेतो र पोष्ट देखिने मूला छान्ने गरौं।

पातहरू भएको मूला भएमा, ताजा हरियो र नओइलाएको उत्तम हुन्छ, तर यदि पातहरू काटिएका छन् भने, काटिएको भाग ताजा भएकोवाला छान्नेगरौं।

पातहरु भएको मूला किन्नुभएको खण्डमा, यसलाई तुरुन्तै काटेर छुट्टै भण्डार गर्नुहोस्। राम्रोसँग  प्लास्टिक र्यापले बेरेर, जाडोमा चिसो र अँध्यारो ठाउँमा राख्नुहोस्, र अन्य मौसमहरूमा फ्रिजको तरकारी डिब्बामा राख्नुहोस्।

पातहरूलाई तातो पानीमा उमालेर, साना भागहरूमा विभाजन गरि फ्रीजरमा भण्डारण गर्नु भयो भने, खाना बनाउँदा यसलाई थप स्वादको रूपमा प्रयोग गर्न सजिलो  हुन्छ।

जराको भागमा भिटामिन C र पाचन इन्जाइम एमाइलेज हुन्छ, यसका साथै, पिसेको मूलाले पाचन शक्तिलाई बढाउँछ। पातको भागमा कैरोटिन, क्याल्सियम र फाइबरको मात्रा प्रशस्त हुन्छ। यसलाई मिसो सूपमा हालेर वा चिरिमेन्ज्याको अर्थात् सुक्खा सानो माछा हालेर हल्का भुटेर खान पनि स्वादिलो हुन्छ।

【नोरोभाइरसदेखि सावधान!】

जाडोमा, नोरोभाइरसको कारण वान्ता हुने, पखाला हुने, पेट दुख्ने र बान्ता आउला जस्तो हुने  समस्या बढी हुने गर्छ।

यो भाइरस शक्तिशाली हुन्छ र थोरै मात्रामा शरीरमा प्रवेश गरे पनि संक्रमित हुन्छ।

भाइरस हात वा खानाद्वारा शरीरमा प्रवेश भई, यसले पखाला, वाकवाकी, बान्ता र ज्वरो निम्त्याउँछ।

संक्रमित व्यक्तिको बान्ता वा पखालाको कारण हावामा भएको भाइरस, सास लिंदा संक्रमित हुने वा संक्रमित व्यक्तिले पकाएको खाना खाएर पनि सर्न सक्दछ।

साथै, भाइरस भएको oysters आदि जस्ता bivalves नतताईकन खाँदा पनि भाइरस सर्न सक्दछ।

धेरै मात्रामा बान्ता र पखालाबाट डिहाईड्रेसन हुन सक्छ।

तुरुन्तै चिकित्सकलाई देखाउने गरौं।

यो सामान्यतयाः २, ३ दिनमा निको हुन्छ, तर लक्षणहरू हराए पनि १ हप्तादेखि १ महिनासम्म, भाइरस दिसामा निस्कन्छ, र यो अन्य व्यक्तिहरूलाई संक्रमित गराउने कारण बन्ने भएकोले यसप्रति सजक रहौं।

संक्रमणलाई बढ्न नदिन, निम्न रोकथामका बिधिहरू अपनाऔं।

खाना पकाउनु अघि, खाना खानु अघि, शौचालय पछि, आदि साबुनले राम्ररी हात धुने गरौं।

खाना पकाउने भाँडाहरू हरेक पटक प्रयोग गरेपछि राम्रोसँग धोएर उमालेको पानी वा क्लोरीन ब्लीचले कीटाणुरहित पार्ने गरौं।

अल्कोहल युक्त किटनाशक भने नोरोभाइरस विरुद्ध कम प्रभावकारी हुन्छ।

नोरोभाइरस ८५℃ देखि ९०℃ तापक्रममा ९० सेकेन्ड वा सो भन्दा बढि ततायो भने मर्छ।

खानेकुरालाई पर्याप्त मात्रामा तताउने गरौं। काँचो खाने तरकारी र फलफूल राम्रोसँग धोएर प्रयोग गरौं।

शरीर सन्चो नभएको बेला खाना नपकाउनु राम्रो हुन्छ।

【अंग्रेजी भाषामा मनोरञ्जन लिन सकिने ‘फुकुओका दरवार भग्नावशेषको पैदल यात्रा’ सम्बन्धि】

〇भाषा स्वयंसेवकहरूले अंग्रेजीमा फुकुओका दरवारको भग्नावशेषमा मार्गदर्शन गराउने पैदल यात्रा सम्बन्धि जानकारी रहेको छ।

फेब्रुअरीको हरेक शनिबार १०:३० देखि १२:०० बजेसम्म, सहभागिता शुल्क १०० येन हो।

प्रत्येक हप्ता प्रथम  १० जना आवेदकहरुसम्मलाई  लिन्छौं, र सहभागिताको इच्छित मिति भन्दा एक हप्ता अघि सम्म आवेदन दिन सक्नुहुन्छ।

थप जानकारीको लागि, फोन नम्बर ०९२-७३३-५०५० मा सम्पर्क गर्नुहोस्।

कृपया फुकुओका पर्यटन कन्भेन्सन ब्यूरोमा सम्पर्क गर्नुहोस्।

के तपाईं पनि गाइडसँग फुकुओकाको इतिहास पुन: पत्ता लगाउन चाहनुहुन्न त?

चाहनुहुन्छ भने, लोकप्रिय यस भ्रमणमा सहभागिताको लागि छिटोभन्दा छिटो आवेदन दिनुहोला है!

【टेलिफोन स्थापना दिवस】

डिसेम्बर १६ "टेलिफोन स्थापना दिवस" हो। सन् १८९० मा आजकै दिन जापानमा पहिलो टेलिफोन सेवा शुरु गरिएको थियो।

आजकल, टेलिफोन सेवा जापानभरि र संसारको कुनै पनि ठाउँमा कल गर्नको लागि सुविधाजनक छ, तर प्रारम्भमा टेलिफोन सेवा टोकियो र योकोहामामा मात्रै थियो। यसबाहेक, ग्राहक संख्या पनि लगभग २०० घरधुरी जति, एकदम कम थियो भनिन्छ।

धेरै पहिलेका दिनहरूमा, कल गर्न, टेलिफोन एक्सचेन्ज स्टेशन मार्फत टेलिफोन अपरेटरले कल लाइनमा सम्पर्क गराईदिने एनालग प्रणाली थियो।

कल गर्ने व्यक्तिले पहिले अपरेटरलाई आफूले कुरा गर्न चाहेको व्यक्तिको नम्बर भनेर, त्यसपछि फोन काटेर कलको लागि पर्खिनु पर्थ्यो।

त्यसयता १३० वर्षभन्दा बढी समय बितिसकेको छ र अहिले एउटा अर्कै टेलिफोनको युग बनिसकेको छ।

फोनमा कुरा गर्नुको अतिरिक्त, इन्टरनेट मार्फत संसारसँग जोड्न सक्नुहुन्छ।

यहाँ टेलिफोन सम्बन्धित केही रोचक जानकारीहरू छन्।

टेलिफोनको फ्रिक्वेन्सी ०.३-३.४Khz हो, जुन मानिसहरूले राम्रोसँग आवाज सुन्न सक्ने दायरा हो।

अर्को शब्दमा, फोनमा अन्य फ्रिक्वेन्सीको आवाज सुन्न सकिँदैन।

उदाहरणका लागि, सिकाडा, सुजुमुशी, क्रिकेट जस्ता किराहरुको आवाज, त्यस्तै विन्ड चाइमको ध्वनि उच्च फ्रिक्वेन्सीमा हुने भएकोले सुन्न सकिन्दैन।

यस पटक फुकुओका सिटी इन्टरनेशनल फाउण्डेसनको सूचना रहेको छ।

【‘अन्तर्राष्ट्रिय विद्यार्थीहरुको लागि आवास- परिवारिक कोठा’ सम्बन्धि आवेदन जानकारी】

फुकुओका शहर क्षेत्र भित्रको विश्वविद्यालय र स्नातकमा भर्ना भएका अन्तर्राष्ट्रिय विद्यार्थीहरुका लागी, अन्तर्राष्ट्रिय विद्यार्थी परिवारिक कोठामा सर्न चाहानेहरुको आवेदन लिईदैछौं।

सर्नको लागी विद्यार्थीको योग्यता, फुकुओका सिटी इन्टरनेशनल फाउण्डेसनको गतिविधिहरुमा सक्रिय रूपमा भाग लिन सक्ने र सहयोग गर्न सक्ने हुनुपर्छ। बस्न पाउने अवधि, बसेको मितिबाट २ बर्ष हो। यस पटकको आवेदनमा, एक्लै बस्न पनि सम्भव छ।

आवेदनको निर्देशनहरु आदि अधिक जानकारीको लागी, कृपया "फुकुओका सिटी इन्टरनेशनल फाउण्डेसन" को होमपेजमा हेर्न वा ईमेल (dorm@fcif.or.jp) मा सम्पर्क गर्नुहोला।

【‘आउनुहोस्, हेर्नुहोस् र आनन्द लिनुहोस् थाइल्याण्डको आकर्षणहरु’ - मा सहभागी हुनुहुन्न?】

जनवरी ८, शनिबारमा आयोजित हुन गई रहेको "आउनुहोस्, हेर्नुहोस् र आनन्द लिनुहोस् थाइल्याण्डको आकर्षणहरु" कार्यक्रममा, फुकुओकामा अध्ययन गरिरहेका थाई विद्यार्थीहरूबाट यात्रामा प्रयोग हुने थाई भाषा सिक्न तथा थाईल्याण्डको पर्यटन बोर्ड फुकुओका कार्यालयको व्यक्तिद्वारा थाइल्याण्डको आकर्षणहरुको बारेमा सुनेर, थाइल्याण्डको यात्रा गरेको महसुस गर्न सक्नुहुन्छ।

स्वतन्त्र रूपले यात्रा गर्न सक्ने समयको लागि तयारी गरि हेर्दा कसो होला?

सहभागी हुन अग्रिम आवेदन आवश्यक छ।

आवेदन तरिका जस्ता विवरणहरूको लागि कृपया "फुकुओका सिटी इन्टरनेशनल फाउण्डेसन" को होमपेजमा हेर्नुहोस्।

थाइल्याण्ड मन पराउने वा कुनै दिन थाइल्याण्ड जान चाहनुहुने महानुभावहरु, पक्कै पनि सहभागी हुनुहोला!

【फुकुओका सिटी इन्टरनेशनल फाउण्डेसनको वर्षको समाप्ति र नयाँ वर्षको बिदाको सूचना】

फुकुओका सिटी इन्टरनेशनल फाउण्डेसन, डिसेम्बर २९ बुधबारदेखि जनवरी ३ सोमबारसम्म ६ दिनको लागि बन्द रहनेछ। नयाँ वर्ष जनवरी ४ मंगलबार ८:४५ देखि खुल्नेछI

अग्रिम बुकिंगद्वारा गरिने विदेशीहरूका लागि नि:शुल्क कानुनी परामर्श, जनवरी १ शनिबार बन्द रहनेछ। अर्को आयोजना जनवरी १९, बुधवार हुनेछ।

अग्रिम बुकिंग बिना प्रयोग गर्न सकिने प्रसाशनिक वकिलद्वारासँगको परामर्श, जनवरी ९ आईतबार आयोजना हुनेछI

विस्तृत जानकारीका लागि, फोन नम्बर ०९२-२६२-१७९९I यस अतिरिक्त, फुकुओका सिटी इन्टरनेशनल फाउण्डेसनको वेबसाइटमा हेर्नुहोलाI

फुकुओकामा बस्नु हुने सबै विदेशीहरुको आरामदायी जीवनयापनका लागि, मुख्य संवाहकको रुपमा, बिभिन्न जानकारी तथा सहयोग प्रदान गर्दै जान चाहान्छौँI

【किन्मोकुसेई】

सुन्तला रंगको हाँगामा फुल्ने सानो फूल, किन्मोकुसेई। अंग्रेजीमा ओस्मन्थस भनिन्छ भने नेपालीमा चाहि के भनिन्छ थाहा भएन। तपाईंहरुलाई थाहा भएमा पक्कै पनि भन्नु होला। यो फूल हिड्दै टाढाबाट हेर्नु भए पनि यसको मिठो सुगन्ध हावामा फैलिएको पाउनुहुन्छ। यो फूल शरद ऋतुको आभास दिलाउने फूलहरुमध्ये एक हो।

विगतमा जापानमा प्रायःजसो किन्मोकुसेईको कडा सुगन्धको कारण दुर्गन्ध हटाउने हेतुले पम्पिंग शौचालयको नजिक रोप्ने गरिन्थ्यो, अनि टोइलेट डिओडोरेंटको रुपमा पनि यो फूललाई लिईन्थ्यो। यस कारण, परिपक्व पिढीमाझ यस फूलप्रति त्यति राम्रो छवि छैन। 

अर्कोतर्फ, युवा पिढी जसलाई यस्तो याद छैन, उनीहरुले किन्मोकुसेई फूल मनपराउँछन्। 

किन्मोकुसेईको उत्पति स्थान- चीनमा, यसलाई खाद्य पदार्थको रुपमा पनि प्रयोग गर्ने, Sugar pickled वा liqueur बनाएर राख्ने गरिन्छ। त्यस्तै, सुन्दरी भनेर चिनिने योउकिहि पनि किन्मोकुसेईबाट बनेको रक्सि पिउने गर्थिन् रे।

【फुकुओका सिटी इन्टरनेशनल फाउण्डेसनको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

【”विदेशीहरूका लागि जापानी भाषामा वक्तित्व प्रतियोगिता” सुन्न जानुहुन्न?】

अक्टोबर १६ मा आयोजना हुने "विदेशीहरूका लागि जापानी भाषामा वक्तित्व प्रतियोगिता” मा फुकुओका महानगर क्षेत्रमा रहेका जापानी भाषा कक्षाका विद्यार्थी र जापानी भाषा स्कूलका विद्यार्थीहरूले, फुकुओकामा बसेर महसुस गरेको कुरा वा भविष्यको सपना आदि, स्वतन्त्र रुपले कुनै विषयवस्तुमा जापानी भाषामा वक्तव्य दिनेछन्। प्रतियोगीहरुको दैनिक अध्यनको प्रतिफल सुन्न, कार्यक्रम स्थल वा अनलाईनमा अवश्य आउनुहोला।

सहभागीताको लागि बुकिंग वा रेकर्ड गरिएको फिल्म हेर्नको लागि, फुकुओका सिटी इन्टरनेशनल फाउण्डेसनको होमपेजमा हेर्नुहोला।

【"अन्तर्राष्ट्रिय विद्यार्थी छात्रावास परिवार कोठा" मा बस्नको लागि आवेदन जानकारी】

फुकुओका शहर क्षेत्र भित्रको विश्वविद्यालय र स्नातकमा भर्ना भएका अन्तर्राष्ट्रिय विद्यार्थीहरुका लागी, अन्तर्राष्ट्रिय विद्यार्थी छात्रावासको परिवारिक कोठामा सर्न चाहानेहरुको आवेदन लिईंदैछ।

सर्नको लागी विद्यार्थीको योग्यता, फुकुओका सिटी इन्टरनेशनल फाउण्डेसनको गतिविधिहरुमा सक्रिय रूपमा भाग लिन सक्ने र सहयोग गर्न सक्ने हुनुपर्छ।

बस्न पाउने अवधि, बसेको मितिबाट २ बर्ष हो। यस पटकको आवेदनमा, एक्लै बस्न पनि सम्भव छ।

आवेदनको निर्देशनहरु आदि अधिक जानकारीको लागी, कृपया "फुकुओका सिटी इन्टरनेशनल फाउण्डेसन" को होमपेजमा हेर्न वा ईमेल (dorm@fcif.or.jp) मा सम्पर्क गर्नुहोला।

【Mail Magazine को परिचय】

“Fukuoka City International Foundation Mail Magazine” भन्नाले, फुकुओकाको अन्तर्राष्ट्रिय अन्तर्क्रिया, अन्तर्राष्ट्रिय सहयोगको बारेमा, हरेक महिना अंग्रेजी र जापानी भाषामा समाचार दिने Mail Magazine हो।

वेबसाइटबाट सजिलै यस सेवाको लागि आवेदन दिन सक्ने भएकोले, कृपया "fcif" भनि खोजेर प्रयोग गर्नुहोला।

फुकुओका सिटी इन्टरनेशनल फाउण्डेसनको सुचना सम्बन्धित विस्तृत जानकारीका लागि फोन नम्बर ०९२-२६२-१७९९ मा सम्पर्क गर्नुहोलाI

सोमबारदेखि शुक्रबार, बिहान ८：४५ देखि बेलुका १८：०० बजेसम्म काउन्टर खुल्ला रहनेछI

【Winter Solstice】 को परिचय

डिसेम्बर २१, “नीज्युउसिसेक्की” भन्ने पुरानो क्यालेन्डरमध्ये एक, “तोउजी” अर्थात् Winter Solstice हो I Winter Solstice, वर्षको सबैभन्दा छोटो दिन होI

जापानमा Winter Solstice को दिन,  ओफुरोमा युजु अर्थात् Citron लाई राखेर, “युजुयु तातो पानी” मा बस्ने, फर्सी खाने चलन छ।

भनिन्छ, युजुयुले रक्त संचारमा सुधार गर्ने, शरीरलाई न्यानो पार्ने, र चिसो हुनबाट बचाउने काम गर्दछI

साथै, फर्सीले छाला र श्लेष्म झिल्ली (mucous membranes)लाई सशक्त बनाउने, संक्रामक रोगहरूको प्रतिरोध क्षमता सुधार गर्ने भएकोले, Winter Solstice मा फर्सी खायो भने चिसो लाग्दैन भन्ने भनाई जापानमा लामो समयदेखि रही आएको छ।

कोरोना भाइरस र इन्फ्लूएन्जालाई हराउन, उचित पोषण लिई, वर्षको अन्त्य पार गरौँI

【फाउन्डेशन परामर्श काउण्टर】

Fukuoka City Consultation Support Center for Foreign Residents मा, आवास सम्बन्धी प्रकिया, रोजगार, चिकित्सा, कल्याण, प्रसुति, शिशु स्याहार, र बाल शिक्षा जस्ता जनजीवन सम्बन्धित बिषयमा परामर्शका लागि, उपयुक्त सम्पर्क तथा अन्य जानकारीहरु प्रदान गर्दै आईरहेको छ। फोन नम्बर, ०९२-२६२-१७९९, फेरि एकपटक, ०९२-२६२-१७९९ I

सम्पर्क समय ८:४५ देखि ६:०० बजेसम्मI शनिवार, आइतवार, सार्वजनिक बिदा, वर्षको अन्त्य र नयाँ वर्षको दिन बिदा हुन्छ।

परामर्श सेवा १९ भाषाहरूमा प्रदान गरिन्छI

【क्रिसमस मार्केट】

फुकुओका क्रिसमस मार्केट, हरेक वर्ष नोभेम्बरदेखि डिसेम्बरको क्रिसमसको दिनसम्म, हाकाता र तेन्जिनमा एकै साथ आयोजना भइरहेको फुकुओका शहरको हिउँदको एक परम्परा हो।

जापानको एकमध्ये सबैभन्दा ठूलो यस क्रिसमस मार्केटमा, खुला परिसरमा धेरै स्टलहरू पंक्तिबद्ध राखिएका हुन्छन्, जहाँ क्रिसमसको झिलिमिली बत्ती वा सजावटका साथसाथै, तातो वाइन, तातो चकलेट आदि जस्ता न्यानो पेय र स्वादिष्ट खानाको मजा लिने महोत्सव हो।

यस वर्ष, “Hakata Ekimae Hiroba”, “Fukuoka Shiyakushomae Fureai Hiroba”, “EL Gala Passage Hiroba" र “IMS Square”, गरि चार स्थानहरुमा.आयोजना गरिनेछन्I

【कोरोना भाइरस संक्रमण रोकथामका लागि अनुरोध】

आजकल, कोरोनाभाइरस संक्रमण बिरूद्ध कदम चाले पछि, मानिसहरुको सम्पर्कमा आउने गतिबिधि अलि बढेर आएको छ, तर अबबाट क्रिसमस, नयाँ वर्ष पूर्वसंध्या, र नयाँ वर्ष जस्ता मौसमी कार्यक्रमहरूमा भेला हुने अवसरहरू बढ्नेछन्। मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI प्रत्येक व्यक्तिले, आधारभूत संक्रमण रोकथामका उपायहरू अपनाउन हुन विनम्र अनुरोध गर्दछौंI

【शिचिगोसान्  को परिचय】

नोभेम्बर १५ लाई “शिचिगोसान्” भनिन्छI जापानमा जन्मेका जो कोहीले पनि अनुभव लिने, पहिलेदेखि चलिआएको परम्परा “शिचिगोसान्”को आज केही कुरा गर्नेछुI

शिचिगोसान्, हुर्किंदै गरेका ७, ५, र ३ वर्ष उमेरका बच्चाहरूको लागि मनाउने उत्सव होI

सुन्दर पहिरन लगाई, मन्दिर वा उजीगामीमा प्राथर्ना गरेर, त्यस उमेरसम्म सुरक्षित रूपमा हुर्केकोमा धन्यवाद दिई, भविष्यमा खुशी र दीर्घायुको लागी प्रार्थना गर्दछन्I

आजकल, केटी बच्चाहरूको ३ र ७ बर्षको उमेर गरि दुई पटक, केटा बच्चाहरूको ५ बर्षको उमेरमा एक पटक गर्ने प्राय जसो चलन छ , तर केही स्थानहरुमा, तिनीहरूको वास्तविक उमेर नभई, १ वर्ष कम उमेरमा मनाउने पनि गर्दछन्। प्राथर्नाका लागि, मुख्य दिन नोभेम्बर १५ हो, तर नोभेम्बरको पहिलो हप्तादेखि मध्यसम्म जानेहरुको घुइँचो हुने, र यस समयमा मन्दिरहरूमा सुन्दर किमोनो लगाएका बच्चाहरु देख्न सक्नुहुन्छI यदि देख्नुभए, मुस्कान सहित “ओमेदेतोउ” भनिदिनु होला हैI

【Fukuoka Asian Culture Prize विशेष साइटको बारेमा】

एशियामा, विविध जातजाति, भाषा, र संस्कृतिका मानिसहरु एक आपसमा मिलेर बस्ने र विचारहरु आदानप्रदान गर्दछन्।

सन् १९९० मा स्थापना गरिएको “Fukuoka Asian Culture Prize” ले एशियाली शैक्षिक अनुसन्धान, कला र संस्कृतिमा उल्लेखनिय योगदान पुर्याउने व्यक्तिहरुको सम्मानमा, एशियाली संस्कृति विश्वभर चिनाउँदै आईरहेको छI

यस वर्षको कार्यक्रम, नयाँ कोरोना भाइरसको कारण रद्द गरिएको थियो, तर ३० वर्षको ईतिहासलाई फर्केर अवलोकन गर्न विशेष साइट बनाईएको छI

यस साइटमा भूतपूर्व पुरस्कार विजेताहरूद्वारा सन्देश र विगतका कार्यक्रमहरूका भिडियोहरू राखिएका छन्।

पुरस्कार विजेताको वक्तब्य, परम्परागत एशियाली बाजाहरुको प्रदर्शनी, बुतोउको प्रदर्शनी, पुरस्कार विजेता र विद्यार्थीहरुबीचको अन्तर्क्रिया आदि प्रस्तुत गरिएका छन्I

“Fukuoka Asian Culture Prize” भनि खोजि, यहाँ मात्र हेर्न पाईने विशेष भिडियोहरुको आनन्द लिनुहोलाI

【Fukuoka City Museum स्थापनाको ३०औं वार्षिकोत्सव प्रदर्शनीको बारेमा】

Fukuoka City Museum, यस वर्ष ३०औं वर्षमा प्रवेश गरेको छI

नोभेम्बर २९ आइतवारसम्म, स्थापनाको ३०औं वार्षिकोत्सव प्रदर्शनी "फुकुओका नो मेईहोउ" मा, संग्राहलयको संग्रहबाट राष्ट्रिय सम्पदा र महत्वपूर्ण सांस्कृतिक सम्पदा आदि प्रदर्शन भईरहेको छ।

मुख्य आकर्षण भनेको, दुई तरवारहरु हुन्।

“Heshikiri-hasebe”र “Nikko-ichimonji”, दुई राष्ट्रिय सम्पदा एकैसाथ सार्वजनिक गरिनेछ। कवच आदि पनि एकैसाथ प्रदर्शनीमा राखिनेछ। यस अतिरिक्त, परम्परागत शिल्पहरू जस्तै हाकाता पुतली, हाकाता पर्वको इतिहाससँग सम्बन्धित चित्रकला र पुरानो तस्बिरहरू, महत्वपूर्ण सांस्कृतिक सम्पत्तीको रुपमा रहँदै आएको ब्योउबु अर्थात् Folding screen आदि जस्ता कला र शिल्पहरू अवलोकनका लागि राखिएका छन्I शुल्क ७०० येन हो, माध्यमिक विद्यार्थीभन्दा मूनिका लागि निःशुल्क होI

यस शरद ऋतुमा, Fukuoka City Museumमा "फुकुओका नो मेईहोउ" हेर्न जानुहोलाI

यसका साथै,  Fukuoka City Museum को होमपेजमा, सिफारिशमा आएका ७वटा उत्कृष्ट, 3D दृश्यहरू सार्वजनिक गरिएका छन्I

माथि, तल, बाँया वा दाँया आफूले मनपरेको जुनसुकै ठाउँबाट हेर्न मिल्ने, जूम इन गरि नजिकबाट नियालेर हेर्न मिल्ने, घरमै पनि मनोरञ्जन लिन सकिने 3D म्यूजियम हेरी अवश्य मनोरञ्जन लिनुहोलाI

【रित्तोउ” को परिचय】

आजको कार्यक्रममा, निज्युउ सिसेक्की भन्ने कोयोमीको एउटा, “रित्तोउ” को परिचय दिनेछुI रित्तोउ  भन्नाले, “हिउँदको शुरुवात” होI

यो दिन, हरेक वर्ष, नोभेम्बर ७ या त ८ तारिक तिर पर्छ भने, यो वर्ष चाहिं, नोभेम्बर ७ शनिबारमा परेको छI

चिसो उत्तरी हावा चल्न शुरु भई, अबबाट हिउँदको जस्तै जाडो भएर आउँछ भन्ने, क्यालेन्डरमा हिउँद ऋतुको यो एक किसिमको सन्देश पनि होI

साथै, आगो प्रयोग गर्न शुरू गर्ने समय भएकोले, मन्दिरहरुमा चिन्कासाई आयोजना गरिन्छ।

फुकुओका शहरमा, निशी वार्डको "आटागो जिन्ज्या", आगो निभाउने र आगो रोकथामको देवताको रूपमा प्रख्यात छI यस वर्ष, नोभेम्बर १ मा चिन्कासाई आयोजना सम्पन्न भयो।

फुकुओकामा आगलागी रोक्नको लागि आयोजित गरिने, यो परम्परादेखि चलिआएको रितिरिवाज होI

घरमा पनि आगोबाट सावधान रहनुहोस्। आगो चलाउँदा ध्यान दिनुहोस्।

अनि, पूर्ण रुपमा हिउँद आउनु अघि नै, पक्कै पनि हिउँदको लागि तयार गरि राखौंI

【जापानी बगैचा・शरद पात】

फुकुओका शहरमा धेरै जापानी बगैंचाहरु छन्।

युउसेन्तेइ कोउयेन, स्योउफुउयेन, राकुसुइयेन, ओहोरी कोउयेन र निहोन्तेइयेन, जस्ता जापानी बगैंचाहरु शहरको केन्द्रमा भएकाले सजिलै जान सक्नुहुन्छ।

जापानी बगैचामा, सीमित स्थानमा पनि चारै ऋतुहरुको दृश्यको आनन्द लिन सक्नुहुन्छ।

शुल्क तिरेर माच्च्याको स्वाद लिने सुबिधाको साथै, यस ऋतुमा,बगैंचा हेरी आनन्दमय समय बिताउने र रुखहरुका रंगिन पातहरुको मनोरञ्जन लिने अत्यन्तै राम्रो मौसम होI

फुकुओका शहरमा, शरद पातको अवलोकनका लागि अरु पनि लोकप्रिय धेरै ठाउँहरु छन्।

फुकुओका सिटि म्युजियमको वरिपरि, आबुरायामा नागरिक वन, मोमीजी हाचीमान्गुउ आदि, नोभेम्बरदेखि डिसेम्बरतिर शरद पातको अवलोकनका लागि उत्तम समय होI

कोरोना भाइरस संक्रमणको बिरूद्ध कदम चाल्न नबिर्सीकन, फुकुओकाको शरद ऋतुको आनन्द लिनुहोला।

【Go To Eat Campaign】

आजकल बाहिर खाने सम्भावना अलि अलि गरि बढेर आएको जस्तो लाग्छ, तापनि सबथोक कोरोना भाइरस संक्रमणको बिरूद्ध कदम चालेर मात्र आनन्द लिने गरौँ।

बाहिर खान जाँदा, "संक्रमण रोकथाम प्रमाणित स्टीकर" टाँसिएको छ छैन हेरी पसल छनौट गर्ने, गाईडको रूपमा प्रयोग गर्नु राम्रो उपाय हुन सक्छ।

"संक्रमण रोकथाम प्रमाणित स्टीकर" भन्नाले, कोरोना भाइरस संक्रमणको रोकथामका उपायहरू लागू गर्दै आएको पसल वा सेवालाई दर्शाउने स्टिकर हो।

यसका साथै, अक्टुबरदेखि शुरु भएको "Go to Eat Campaign" प्रयोग गरेर विशेष छुट मूल्यमा बाहिर खान सक्नुहुन्छ!

प्रयोग गर्ने तरिका र तोकिएका पसलहरुको बारेमा जान्न, कृपया ईन्टरनेटमा, "Go to Eat Campaign" टाईप गरि खोज्नु होलाI

【भोक लाग्ने शरद ऋतु】

अब, अक्टुबरको मध्यमा, धानको फसल समाप्त भई, शरदका तरकारीहरूको फसल हुने शुरु भएको छ। यस समयमा तातो खाना खान पनि मन परेर आउँछ।

अन्न, चामल र सखरखंड लगायत बिभिन्न थरिका फलफूलहरू जस्तै, नाशपाती, अंगुर र चेस्टनट जस्ता, शरद मौसममा पाईने धेरै खानेकुरा छन्। जापानको चार मुख्य ऋतुहरुमध्ये, यो शरद ऋतु एउटा रमणीय मौसम हो।

के तपाईंलाई थाहा छ, जापानमा शरद ऋतुलाई “स्योकुयोकु नो आकी”(しょくよくのあき) अर्थात् "भोक लाग्ने शरद ऋतु" पनि भनिन्छ।

किन हामीलाई शरद ऋतुमा बेसी भोक लाग्छ त?

भनिन्छ कि, गर्मीको कारण हराएको भोक पुर्न जागेर आउने र त्यस्तै बजारमा पनि धेरै स्वादिष्ट मौसमी खानेकुराहरु पाईने भएकोले शरदमा धेरै भोक लाग्छ, तर हालसालैको वैज्ञानिक अध्यन अनुसार, Basal Metabolic Rate अर्थात् शरीरलाई आराम अवस्थामा आवश्यक क्यालोरीको मात्रामा वृद्धि हुनु यसको प्रमुख कारण मानिन्छ।

जापानमा शरद मौसमको तरकारीहरुमा मुख्यतयाः, आलु, गाजर, शिईताके, गोबोउ, र सखरखंड हुन्। यस पालीको शरद ऋतुमा, यी तरकारीहरु प्रयोग गरेर, तात्-तातो परिकार बनाएर खाएर हेरौं न है।

【घुमघामको जानकारी [Uminonakamichi Seaside Park मा फूल महोत्सव(९/१९～११/३)]】

आज, मैले शरद छुट्टीको लागि रमाईलो घुमघामको जानकारी लिएर आएकी छु।

हाल, फुकुओका शहरको हिगाशी वार्डमा रहेको "Uminonakamichi Seaside Park" मा, नोभेम्बर ३ मंगलबारसम्म, “Uminaka Hana Matsuri 2020" अर्थात् फूल महोत्सव आयोजना भईरहेको छ।

यस शरद ऋतुमा, पातहरू चम्किलो रातो हुने, कोकिआ फूल, एकदमै आकर्षक देखिन्छ। तपाईंले यहाँ लगभग २०,००० जतिको कोकिआ फूलको विशाल बगैचा हेर्न सक्नुहुन्छ।

यस अतिरिक्त, शरद ऋतुका फूलहरू जस्तै Cock's comb र Cosmos फूलहरुको आनन्द लिनुका साथै,  

विशेष गरी सप्ताहन्तमा, स-परिवार रमाइलो गर्न सकिने विभिन्न कार्यक्रमहरू पनि आयोजना भईरहेको छ।

साथै, अक्टोबर १७ देखि नोभेम्बर १ सम्मको शनिबारमा, “Uminaka Asian Festival" पनि आयोजना भईरहेको छ।

थप जानकारीको लागि, https://uminaka-park.jp/ मा हेर्नुहोला।

अक्टोबर १८ आईतबार, पार्कभित्र प्रवेश निशुल्क रहेको छ।

घरबाट बाहिर निस्कनु हुँदा, नयाँ कोरोना भाइरस संक्रमणको प्रसार रोक्न; मास्क लगाउने, खोक्दा शिष्टाचारपूर्वक खोक्ने, आदि नयाँ जीवनशैली मनमा राख्दै, रमाईलो गर्नुहोला।