Life in Fukuoka "Nepali"

【२०२२ लाई फर्केर हेर्दा, नव वर्षका लक्ष्यहरु आदि】

वर्ष २०२२ लगभग सकिनै लाग्यो। तपाईंहरुको यो वर्ष कस्तो रह्यो?

यो वर्ष मेरो लागि चाहिं अकल्पनीय भयो। औधि माया गर्ने मेरी आमासँग सदाको लागि बिछोड्नु पर्यो। अचानकको यस खबरले स-परिवार नेपाल गएर, घरपरिवार, आफन्तजन अनि साथीभाईहरुलाई भेटेर भारी मन बिसाएर कर्मभूमिमा फर्केको केही महिना मात्र भएको छ। मेरो जस्तै धेरै नेपालीहरुको परदेशी जीवन भोगाइको यो एक वास्तविक्ता हो जस्तो लाग्छ। यस वर्षले परदेशको बसाईमा कति अकल्पनीय तगाराहरुको सामना गर्नु पर्ने हुन्छ, मिलन र बिछोडले जीवनको यथार्थतालाई बुझ्न सिकाएको छ।

अब कुरा गरौं, यस वर्ष फुकुओकामा आयोजना भएका केहि नेपाली कार्यक्रमहरुको बारेमा।

यस वर्ष १० औं नेपाल फेस्टिवल फुकुओका २०२२ अगष्टमा भव्यताका साथ सम्पन्न भएको थियो। बिगत १० वर्षदेखि प्रत्येक अप्रिल महिनामा हुँदै आइरहेको यो नेपाल फेस्टिवल कोरोनाको कारण २०१९ बाट हुन सकेको थिएन। म जापान आएदेखि यस फेस्टिवलमा जाने गर्दै आएकी छु। नेपाली साथीहरु तथा मान्यजनहरुसँगको भेटघाट हुनुका साथसाथै नेपाली मन पराउने जापानी साथीहरु पनि भेटघाट हुने, नेपाली संस्कृति चिनाउने, नेपाली खानाको स्वाद चाख्ने-चखाउने आदि अवसरको रुपमा यो फेस्टिवल रहँदै आएको छ। यस वर्षको नेपाल फेस्टिवलमा लामो समयको अन्तरालमा धेरै साथीहरुसँग रमाईलो भेटघाट भयो। त्यसै गरि, २ वर्ष कोरोनाको कारण रोकिएको प्रत्यक्ष तिज कार्यक्रम यसपाली अगष्टमा तिज धमाका २०२२ पनि भव्यताका साथ सम्पन्न भएको थियो।

यस वर्ष नयाँ कोरोनाभाइरसको प्रभाव जारी भएतापनि, बिस्तारै सामान्य दैनिकी जीवनमा फर्केन थालेको छ। साथै, युक्रेनमा रूसको आक्रमणको प्रभावको कारण, शान्तिको बारेमा सोच्न बाध्य तुल्याएको छ, बिजुली र ग्यासको महशुल बढेर पैसा बचतको महत्त्व महसुस गर्ने व्यक्तिहरु पनि धेरै हुनुहुन्छ होला।

नव वर्ष २०२३ मा, अहिलेको भन्दा अझ धेरै, सबैको अनुहारमा मुस्कानका साथ बाँच्ने समाजको सृजना होस् भनि कामना गर्दछु।

हुन त, हामी नेपालीहरुको आफ्नै नव वर्ष भएकोले अंग्रेजी नव वर्षलाई खासै धुमधामका साथ मनाउने गरेको देखिन्दैन। नेपालमा खास गरि, काठमाडौंको ठमेल, दरबारमार्गका साथै ललितपुर, भक्तपुर, पोखरा र उपत्यका बाहिरका ठूला पर्यटकीय शहरहरुमा नव वर्ष ईभ कार्यक्रम आयोजना गर्ने र विविध सांस्कृतिक कार्यक्रम गरी मनाउने चलन छ। प्रायःजसो साथीहरुसँग बाहिर घुम्ने र खानपिन गर्ने अवसरको रुपमा अंग्रेजी नव वर्ष मनाउने गरेको देखिन्छ।

तपाईंहरुको नव वर्ष २०२३ को कुनै संकल्प वा योजना छ कि ?  मेरो चाहिं, आउँदो वर्षमा दैनिक रुपमा बिहान छोटो समय भए पनि शारीरिक ब्यायाम गर्ने, सकेसम्म हिड्ने, भर्याङको प्रयोग गर्ने विचार छ। 

नव वर्षमा तपाईंहरु सबैको इच्छा आकांक्षा पूरा होस् भनि कामना गर्दछु। तपाईहरु सबैलाई नव वर्ष २०२३ को हार्दिक मंगलमय शुभकामना!

【वर्षको समाप्ति र नयाँ वर्षको बिदा बिताउने तरिका】

क्रिसमस पार्टी, नयाँ वर्ष आदि जस्ता वर्षको समाप्ति र नयाँ वर्षको बिदाहरूमा, खाने र पिउने अवसरहरु धेरै हुने गर्छन्। अधिक खानाले पेटमा बोझ पर्न गई, शारीरिक अवस्था बिग्रन सक्छ अनि पेट दुख्ने सम्भावना पनि बढाउन सक्छ। विशेष गरी, मासु, कफी, मदिरा, कडा मसला, कडा कोच्या, ग्रिन चिया आदिले पेटको ग्यास्ट्रिक एसिडको स्रावलाई बढाउने भएकोले धेरै नखान प्रति सावधान रहनु आवश्यक छ।

स्वस्थ रहने उपायहरुमध्ये धेरै भनिने एक हो, "नियमित तथा पौष्टिक सन्तुलित आहार खानु"। यो पेटलाई स्वस्थ कायम राख्नको लागि मात्र नभई, शरीरको रोग प्रतिरोधात्मक क्षमता बढाउन र बिरामी हुने सम्भावना कम राख्नको लागि पनि उतिकै महत्त्वपूर्ण छ।

नयाँ वर्षको मौसम वास्तविक रूपमा कठिनपूर्ण हुन सक्छ, तर पनि, कम्तिमा घरमा बेलुकाको खानामा नाबे, उडोंन् जस्ता पचाउन सजिलो खानेकुराहरू खाने, खाना बीचको अनियमित अन्तराल नराख्ने आदि जस्ता कुराहरुमा ध्यान दिने गरौं।

स्वस्थ पेटलाई कायम राख्दै नयाँ वर्षलाई स्फूर्तिदायी बनाऔँ।

【फुकुओका शहरको सूचना】

नयाँ वर्षको बिदाहरुमा वार्ड अफिस काउण्टर अनि फोहोर फाल्ने दिन सम्बन्धि

नयाँ वर्षको बिदाहरुमा, वार्ड अफिसको काउण्टर र फोहोर फाल्ने दिन परिवर्तन हुने भएकोले कृपया ध्यान दिनुहोला।

वार्ड अफिसको काउण्टर, डिसेम्बर २९ (बिहिबार) देखि जनवरी ३(मंगलबार) सम्म बन्द रहनेछ।

नयाँ वर्षको बिदाहरुको अघिपछि वार्ड अफिसको काउण्टर भिडभाड हुने भएकोले, धेरै समय राखेर जाने गरौँ।

डिसेम्बर ३१ (शनिबार) देखि जनवरी ३ (मंगलबार) सम्म, फोहर संकलन गर्न आउँदैन।

जल्ने फोहर, डिसेम्बर ३० (शुक्रबार) सम्ममा तथा जनवरी ४ (बुधबार) पछि मात्र तोकिएको दिनमा बाहिर राख्नुहोस्।

नजल्ने फोहर तथा खाली सिसाको बोतल, प्लास्टिकको बोतल फाल्नका लागि,

जनवरी १ (आइतबार) मा संकलन हुने क्षेत्रमा डिसेम्बर २९ (बिहिबार),

जनवरी २ (सोमबार) को क्षेत्रमा डिसेम्बर ३० (शुक्रबार),

त्यस्तै, जनवरी ३ (मंगलबार) को क्षेत्रमा जनवरी ६ (शुक्रबार) को दिन फोहर फाल्नुहोस्।

यसका साथै, ठूलो आकारका फोहरको काउण्टर तथा संकलन, डिसेम्बर २९ (बिहिबार) देखि जनवरी ३ (मंगलबार) सम्म बन्द रहनेछ।

वर्षको समाप्ति र नयाँ वर्ष सुरक्षित र ढुक्क साथ बिताउनका लागि

वर्षको समाप्ति र नयाँ वर्षको बिदाहरूमा रक्सी पिउने धेरै अवसरहरू हुने गर्छन्।

“मादकपदार्थ सेवन गरि गाडि नचलाउने, चलाउन नदिने, चलाउनेलाई बिल्कुल माफी नदिने, र बेवास्ता नगर्ने” प्रति निश्चित होऔं।

रक्सी पिएर साइकल चलाउनु पनि कानूनले निषेध गरेको छ।

विशेष ध्यान दिनुपर्ने भनेको, अर्को दिन रक्सीको ह्यांगओभर हो।

अलिकति भए पनि रक्सी लागेको बाँकी छ जस्तो लागेमा, गाडि नचलाऔं।

यस अतिरिक्त, हरेक वर्षको अन्ततिर ट्राफिक दुर्घटनाहरू बढ्ने गरेको पाईएको छ।

राती बाहिर निस्कँदा, ड्राइभरले देख्न सजिलो हुने, चम्किलो लुगा वा चमकदार वस्तुको प्रयोग गरौँ।

कार चलाउँदा, चाँडै बत्तीहरू अन गरौं।

अर्को जानकारी, बाटोमा हुने लुटपाटको बारेमा।

कम ट्राफिक भएको स्थानमा, साँझदेखि मध्यरातसम्म धेरै अपराधहरू हुने गरेको, अझ, लुटेराहरु प्रायः मोपेड बाइकमा आएका घटनाहरु धेरै छन्।

खोस्नबाट जोगिन, झोला सडकको अर्को पट्टि समात्ने गरौँ।

साथै, मान्छेको संकेत वा बाइकको आवाज सुन्नुभएमा पछाडी फर्केर हेर्ने आदि जस्ता, आफ्नो वरपर ध्यान दिने गरौँ।

आफू र आफ्नो बहुमूल्य सामानहरूको ध्यान दिई, नयाँ वर्षको बिदा सुरक्षित र आनन्दपूर्वक बिताऔं।

【नोबेल पुरस्कार वितरण समारोह】

डिसेम्बर १० मा नोबेल पुरस्कार वितरण समारोह आयोजना हुन गईरहेको छ।

स्विडेनी आविष्कारक अल्फ्रेड नोबेलको ईच्छा अनुसार, यो पुरस्कार भौतिक विज्ञान, रसायन विज्ञान, फिजियोलोजी/चिकित्सा, साहित्य र शान्तिको क्षेत्रमा "मानवजातिको लागि सबैभन्दा ठूलो योगदान गर्ने व्यक्तिहरूलाई" प्रदान गरिन्छ।

पछि आएर, अर्थशास्त्र क्षेत्र पनि थपिएर अहिले छ वटा पुरस्कारहरू समाबेश छन्।

हरेक वर्ष, प्रत्येक पुरस्कार बढिमा ३ जनासम्मलाई प्रदान गरिन्छ।

विजेताहरुलाई पुरस्कार राशि, प्रमाणपत्र र मेडल प्रदान गरिन्छ ।

यस वर्षको नोबेल शान्ति पुरस्कार, लामो समयदेखि नागरिकहरूको आधारभूत मानवअधिकार र शक्तिको आलोचना गर्ने अधिकारको संरक्षणमा सक्रिय रहँदै आएका भूतपूर्व सोभियत संघका बेलारुसका मानवअधिकार कार्यकर्ता, त्यस्तै रुस र युक्रेनको मानवाधिकार संस्था मेमोरियल तथा सेन्टर फर सिभिल लिबर्टीलाई प्रदान गर्ने घोषणा गरिएको छ।

राष्ट्को आधारमा, पहिलोमा संयुक्त राज्य अमेरिका, दोस्रोमा युनाइटेड किंगडम र तेस्रोमा जर्मनी रहेका छन्।

जापान बाहेक एसियामा भारत पहिलो स्थानमा, चीन र ताइवान समान संख्यामा दोस्रो स्थानमा छन्।

यस वर्ष कस्ता व्यक्तिहरू पुरस्कृत हुन गईरहेका छन् त भन्ने कौतुहलताको बिषय बनेको छ!

【फुकुओका शहरको सूचना】

विश्व मानव अधिकार दिवस र मानव अधिकार सप्ताहको बारेमा

"मानव अधिकार" भनेको हरेक व्यक्ति जन्मेदेखि उसले "मानव जस्तो जीवन जीउन" पाउनेको अधिकार हो।

डिसेम्बर १० "विश्व मानव अधिकार दिवस" हो, जुन जापानमा मात्र होइन, विश्वको विभिन्न भागहरुमा पनि "मानव अधिकार" को बारेमा सोच्ने दिनको रुपमा रही आएको छ।

डिसेम्बर ४ देखि १० सम्म "मानव अधिकार सप्ताह" को अवसरमा, फुकुओका शहरमा पनि, मानव अधिकारको सम्मान गरि, भेदभाव रहित आरामदायी फुकुओका शहरको उद्देश्यले “मानव अधिकार सम्मान सप्ताह” आयोजना गरिंदै आईरहेको छ।

प्रत्येक व्यक्ति स्वावलम्बी छ भन्ने कुरा अनुभूति दिलाने यो महत्त्वपूर्ण सप्ताह हो।

SDGs द्वारा उल्लेख गरिए अनुसार "कोही पनि नछुटौं" समाजलाई महसुस गर्न, महिला, बालबालिका, वृद्ध, विदेशी, अशक्त, आदिको आधारमा भेदभाव र पूर्वाग्रह हटाएर, एक अर्काको मानव अधिकारको सम्मान गर्न जरुरी छ।

हामीहरु पनि "दयालु हृदय" र "स्वाभिमानी जीवन"को बारेमा फेरि एकपटक सोचेर हेर्ने होइन त?

नयाँ कोरोना भाइरस विरुद्धको खोपको सूचना

फुकुओका शहरमा नयाँ कोरोना भाइरस विरुद्धको खोपका लागि ईच्छुक सम्पूर्ण व्यक्तिहरुले ढुक्क भएर खोप लगाउन सुनिश्चितका लागि काम भईरहेको छ।

तेस्रो पटक, चौंथो पटक र पाँचौं पटकको खोप लिनेहरूका लागि Omicron strain विरुद्धको खोप लगाउने काम भईरहेको छ। Omicron strain विरुद्धको खोप प्रति व्यक्ति एक पटक लगाईने खोप हो।

पछिल्लो खोप लिएकोबाट ३ महिना कटिसकेकाहरूका लागि, खोप लिनका लागि खोप कुपन हुलाक मार्फत् पठाईएको छ।

खोप कुपन पाउनुभएपछि, बुकिंग साइट वा खोप सेन्टरमा बुकिंग गर्न सकिने हुनाले, कृपया खोप कुपन नपाउन्जेल प्रतिक्षा गर्नुहोला।

खोप कुपन हराएका महानुभावहरुले, पुन: जारीको लागि आवेदन दिन आवश्यक छ। कृपया कल सेन्टरमा फोन गर्नुहोस्।

विदेशबाट फुकुओका शहरमा आउनुभएका महानुभावहरुले यदि खोप लगाउन चाहनुहुन्छ भने,

खोप कुपन जारीको लागी निबेदन दिन आवश्यक छ।

फुकुओका शहरमा खोप सम्बन्धि परामर्श, बुकिंग र खोप कुपन जारीको बारेमा बुझ्न, सम्पर्क गर्न सकिने कल सेन्टरको फोन नम्बर रहेको छ, ०९२-२६०-८४०५ ।

हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

नेपाली, अंग्रेजी, चाइनिज, कोरियाली, भियतनामी आदि ७ वटा विदेशी भाषाहरूमा यो सेवा उपलब्ध छ।

साथै, प्रत्येक वर्ष जाडो शुरु भयो कि, इन्फ्लूएन्जाको संक्रमण देखा पर्दछ।

यस वर्ष नयाँ कोरोना भाइरससँगै दुवै रोगहरू एकै समयमा हुने सम्भावना हुन सक्छ।

यदि इन्फ्लूएन्जा लागि हालेमा, गम्भीर बिरामी हुनबाट बच्नका लागि पनि, इन्फ्लूएन्जाको खोप लगाउन सल्लाह दिन्छौं।

यसका साथै, नयाँ कोरोना भाइरस र इन्फ्लूएन्जा दुबैको खोप एकै समयमा लिन सक्नुहुन्छ।

【मौसमी तरकारी・हाकुसाई अर्थात् चाइनिज बन्दा】

जाडो बढेर आयो कि खान मन पर्ने खानाहरुमध्ये एक हो, नाबे अर्थात् Hot pot खाना। अनि नाबे खानामा हाल्ने सामग्रीहरुमा नभई नहुने, हाकुसाई अर्थात् चाइनिज बन्दा। हाकुसाईको मौसम अक्टोबरदेखि नोभेम्बरतिर हो भने हिउँद लाग्यो कि यसको पिक मौसम शुरु हुन्छ। वर्षको यस समयमा हाकुसाई नरम र अधिक स्वादिलो हुन्छ। नाबे वा उमालेर पकाउने मात्र नभई यो सलादमा पनि स्वादिष्ट हुन्छ।

के हाकुसाई पौष्टिक छ त? भन्ने कसै-कसैलाई लाग्न सक्छ, तर वास्तबमा यसमा धेरै पोटासियम हुन्छ। पोटासियमले शरीरबाट नुन निकाल्ने काम गर्छ, त्यसैले यसले उच्च रक्तचाप हुनबाट जोगाउँछ।

साथै, यसमा भिटामिन सी पनि हुने भएकोले चिसो लाग्नबाट जोगाउन पनि हाकुसाई खान सल्लाह दिइन्छ।

आफ्ना साथीभाई तथा परिवारसँग खान पनि सक्नुहुन्छ, एक जनाको लागि पुग्ने नाबे सुप पनि सुपथ मुल्यमा बजारमा किन्न पाईन्छ।

बनाउन समय नभएका वा जागर नभएकाहरूका लागि, तताए मात्र पुग्ने सरल नाबे खाना पनि किन्न पाईन्छ।

धेरै सामाग्रीहरु हालेर पकाएको नाबे खानाले, तनमनलाई न्यानो पारि दिन्छ।

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

कानूनी परामर्शको परिचय

फुकुओका सिटी इन्टरनेशनल सेन्टरमा रहेको फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि, हरेक महिना दुई पटक निःशुल्क परामर्शहरु प्रदान गर्दै आईरहेको छ।

“कानूनी परामर्श”, हरेक महिनाको पहिलो शनिबार, बिहान १०:३० बजेदेखि दिउँसो १:३० बजेसम्म र, तेस्रो बुधबारको दिउँसो १:०० बजेदेखि ४:०० बजेसम्म, परामर्श अवधि ४५ मिनेट हो।

बुकिंगको आधारमा फुकुओका बार एसोसिएसनको प्रसाशनिक वकिलद्वारा निःशुल्क परामर्श प्राप्त गर्न सक्नुहुन्छ।

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोला।

विदेशीहरुका लागि आप्रवासन, आवास र राष्ट्रियता सम्बन्धि परामर्श’ को बारेमा जानकारी

आवासको स्थिति र आवास अवधिको बारेमा, तपाईंले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो १ बजेदेखि ४ बजेसम्म, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ।

परामर्शका लागि इच्छुक महानुभावहरुले दिउँसो ३:३० बजेसम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

जुनसुकै परामर्श पनि गोपनीयता कडा पालन गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन सेवा नम्बर, ०१२०-६६-१७९९ मा सम्पर्क गर्नुहोला।

सोमबारदेखि शुक्रबार ९:०० बजेदेखि १८:०० बजेसम्म कल स्वीकार गरिन्छ।

【बसाईसराई दिवस】

अक्टोबर १३ "बसाईसराई दिवस" हो।

सन् १९६८ मा सम्राट मेइजीको क्योटोबाट टोकियोको आगमनको सम्झनामा यो दिवस सिर्जना भएको थियो।

सम्राट मेइजीको बसाईसराईमा, हजारौं मानिसहरू पनि सँगसँगै क्योटोबाट टोकियोतिर लागेका थिए र यस बीचमा, मेइजीको बासिन्दाहरुलाई पैसा र उपहारहरू बाँड्ने आदि भव्य रूपमा सम्पन्न भएको देखिन्छ। फलस्वरूप, जापानको राजधानी क्योटोबाट टोकियोमा सारिएको थियो।

यस बसाईसराईको ५० औं वार्षिकोत्सवको सम्झनामा, जापानको पहिलो एकिडेन अर्थात् रिले दौड

आयोजना गरिएको थियो। यो दौड क्योटोमा सुरु भई टोकियोमा समाप्त हुने लामो दूरीको रिले दौड थियो। यसरी सम्राट मेइजीको बसाईसराईबाट वर्तमान एकिडेन अर्थात् रिले दौडको शरुवात भएको थियो।

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

"विदेशीहरूका लागि जापानी भाषामा वक्तित्व प्रतियोगिता" सुन्न जानुहुन्न?

अक्टोबर २९ शनिबार, १ बजेदेखि "विदेशीहरूका लागि जापानी भाषामा वक्तित्व प्रतियोगिता” Fukuoka City Science Museum को Science Hall मा आयोजना हुन गईरहेको छ।

फुकुओका महानगर क्षेत्रमा रहेका जापानी भाषा कक्षाका विद्यार्थी र जापानी भाषा स्कूलका विद्यार्थीहरूले, फुकुओकामा बसेर महसुस गरेको कुरा वा भविष्यको सपना आदि, स्वतन्त्र रुपले कुनै विषयवस्तुमा जापानी भाषामा वक्तव्य दिनेछन्।

प्रतियोगीहरुको दैनिक अध्यनको प्रतिफल सुन्न, अवश्य आउनुहोला।

सहभागीताको लागि बुकिंग गर्न आवश्यक छ। "फुकुओका सिटी इन्टरनेशनल फाउण्डेसन"को होमपेजबाट बुकिंग गर्न सकिन्छ।

सोधपुछको लागि,

सार्वजनिक हित समावेशी फाउन्डेसन,　फुकुओका सिटी इन्टरनेशनल फाउण्डेसन,　जापानी भाषामा वक्तित्व प्रतियोगिताको कार्य समितिको फोन नम्बर ०९२-२६२-१७४४ मा सम्पर्क राख्नुहोस्।

विदेशी भाषा समाचार पत्र "FCIF" शरद ऋतु संस्करण प्रकाशनको सूचना

फुकुओकामा बस्दै, जीवनयापन गरि रहनु हुने विदेशीहरूप्रति लक्षित, जीवनयापन सम्बन्धि जानकारी वा जापानी संस्कृति, कार्यक्रमहरू आदिको बारेमा जानकारी दिने विदेशी भाषा समाचार पत्र "FCIF", प्रत्येक तीन महिनामा अंग्रेजी, चाइनिज र कोरियन भाषामा प्रकाशन भईरहेको छ।

अक्टोबरमा प्रकाशित "FCIF" शरद ऋतु संस्करणको विषयवस्तु रहेको छ, "फुकुओकामा कलाको आनन्द लिऔं"।

फुकुओकामा कलाको आनन्द लिन सकिने स्थलहरु र कार्यक्रमहरूको जानकारी लगायत, फुकुओकामा बस्दै आउनु भएका विदेशीहरुसँगको अन्तर्वार्ता र जीवनयापनका लागि उपयोगी जानकारीहरू पनि समावेश हुने भएकोले, अवश्य पढ्नुहोला!

https://www.fcif.or.jp/

【हाई स्कूल बेसबलको वार्षिकोत्सव】

अगस्त १८ हाई स्कूल बेसबलको वार्षिकोत्सव हो। बेसबल जापानमा सबैभन्दा लोकप्रिय खेलहरूमध्ये एक हो।

सन् १९१५ को यस दिन, ओसाकाको टोयोनाका मैदानमा प्रथम पटकको राष्ट्रिय जुनियर हाई स्कूल च्याम्पियनसिप बेसबल प्रतियोगिता सम्पन्न भएको थियो ।

क्षेत्रिय छनोट राउन्ड जित्ने १० जुनियर हाई स्कूलका विद्यार्थीहरूले भाग लिएका थिए, र फाइनल खेल क्योटो र आकिताका जुनियर हाई स्कूलहरूबीच भएको थियो, जसमा २-१ ले क्योटोले जितेको थियो। १० औं पटकदेखि कोउशिएन् क्युउज्योउ (Koshien Stadium) आयोजना स्थल बन्यो र सन् १९४८ देखि राष्ट्रिय हाई स्कूल बेसबल च्याम्पियनशिप टूर्नामेंट भयो।

हाल, यसलाई "समर कोउशिएन्" वा "समर हाई स्कूल बेसबल" पनि भन्ने गरिन्छ।

यस वर्ष १०४ औं पटकको टूर्नामेंट अगस्ट ६ देखि २२ सम्म आयोजना हुनेछ।

यस टूर्नामेंटमा उत्कृस्टता प्रदान गर्ने खेलाडीहरूले, व्यावसायिक बेसबल टोलीहरूको पनि ध्यानाकर्षण गर्ने हुनाले भविष्यका धेरै बेसबल सिताराहरू जन्मिने गरेका छन्।

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

विदेशीहरुका लागि आप्रवासन, आवास र राष्ट्रियता सम्बन्धि परामर्श’ कोबारेमा जानकारी

आवासको स्थिति र आवास अवधिको बारेमा, तपाईंले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ। हरेक महिनाको दोस्रो आइतबारको दिउँसो १ बजेदेखि ४ बजेसम्म, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ। परामर्शका लागि इच्छुक महानुभावहरुले दिउँसो ३:३० बजेसम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

गोपनीयता कडा पालन गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन सेवा नम्बर, ०१२०-६६-१७९९ मा सम्पर्क गर्नुहोला।

सोमबारदेखि शुक्रबार ९:०० बजेदेखि १८:०० बजेसम्म कल स्वीकार गरिन्छ।

JapaneseChattingEvent को परिचय

फुकुओकामा अध्ययन गरिरहेका अन्तर्राष्ट्रिय विद्यार्थीहरू र जापानी स्वयंसेवकहरू बिच सजिलै कुराकानी गर्ने “Japanese Chatting Event”, हरेक महिनामा एक पटक आयोजना गरिन्छ। अर्को आयोजना अगस्त ३१ मा, अनलाइनमा हुनेछ।

Zoom प्रयोग गरेर, विदेशी विद्यार्थीहरू र जापानी स्वयंसेवकहरू बिच प्रत्यक्ष वान् टु वान्, साथै सानो समूहहरूमा मनपर्ने विषयवस्तुहरूमा छलफल गरिन्छ। हरेक दिन, स्कूलमा सिकेको जापानी भाषा प्रयोग गर्न चाहनुहुने वा जापानीहरूसँग कुराकानी गर्न चाहनुहुने महानुभावहरु, सहभागी हुनुहोला।

सहभागिता शुल्क नि:शुल्क हो तर बुकिंग गर्न आवश्यक छ। प्रयोग गर्ने तरिका आदि अधिक जानकारीका लागि, कृपया फुकुओका सिटी इन्टरनेशनल फाउण्डेसनको होमपेज वा फेसबुक पेजमा हेनुहोला। फुकुओका सिटी इन्टरनेशनल फाउण्डेसनको होमपेज रहेको छ, www.fcif.or.jp.

केही नबुझेको कुरा भएमा, कृपया Fukuoka International Student Support Associationमा सम्पर्क गर्नुहोस् ।

फोन नम्बर छ, ०९२-२६२-१७४४ । तपाईंहरुको सहभागीताका लागि पर्खीरहेका छौं।

【हिमावारी अर्थात् सूर्यमुखी फूल】

सूर्यमुखी, गर्मी मौसमलाई दर्शाउने फूल। सिधा उठेका डाँठहरूबाट सूर्य जस्तो ठूला-ठूला थुंगा भएको फूलहरु फुल्ने गर्छन्। अग्लो डाँठ भएका सूर्यमुखी फूलहरू सबैलाई थाहा नै होला, तर विबिध मिश्रणले गर्दा यो फूल लगभग १० सेन्टिमिटर जतिको बोटमा पाईनुका साथै अन्य विभिन्न प्रकारहरूमा पनि पाउन थालेको छ।

सूर्यमुखी फूलका लागि विशेष खालको माटो नभएनि हुन्छ। जमिन उर्वर भए बिना मल पनि फूल्छ।

गमलामा रोपिएका सूर्यमुखीहरुमा पानीको मात्रा राम्रो हुनुपर्छ। अनि बेसी भएको पानी फाल्ने र पानीको मात्रा मध्यम रुपमा रहिरहने किसिमको माटोको प्रयोग गर्नु उपयुक्त हुन्छ।

पक्कै पनि तपाईंहरुले सूर्यमुखी फूल घरमा रोप्न सक्नुहुन्छ, तर यदि धेरैभन्दा धेरै सूर्यमुखीहरू हेर्न चाहनुहुन्छ भने, फुकुओका शहर निशीकुको "नोकोनो शिमा आइल्याण्ड पार्क" वा यानागावा शहरको "यानागावा हिमावारी एन" मा घुम्न जान सक्नुहुन्छ।

आँखाले भ्याउने सम्मको सूर्यमुखी फूलहरूलाई हेर्दा मनमुक्ध पार्छ होला।

प्रेमी/प्रेमिकासँगको डेट होस् वा गर्मी मौसममा ड्राइव, मौसमी फूलहरूको आनन्द लिएर हेर्दा कसो होला?

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

कानूनी परामर्शको परिचय

फुकुओका सिटी इन्टरनेशनल सेन्टरमा रहेको फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि हरेक महिनामा दुई पटक निःशुल्क “कानूनी परामर्श” प्रदान गर्दै आईरहेको छ।

“कानूनी परामर्श”, हरेक महिनाको पहिलो शनिबार, बिहान १०:३० बजेदेखि दिउँसो १:३० बजेसम्म र, तेस्रो बुधबारको दिउँसो १:०० बजेदेखि ४:०० बजेसम्म, परामर्श अवधि ४५ मिनेट, बुकिंगको आधारमा वकिलद्वारा निःशुल्क परामर्श प्राप्त गर्न सक्नुहुन्छ।

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोला।

जुनसुकै परामर्श पनि, गोपनीयता कडा पालन गर्ने भएकाले ढुक्क भएर परामर्श लिनुहोस्।

बिस्तृत जानकारीका लागि, फोन नम्बर, ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान पौने ९ बजेदेखि बेलुका ६ बजेसम्म कल स्वीकार गरिन्छ।

विदेशी भाषा समाचार पत्र "FCIF" ग्रीष्म ऋतु संस्करण प्रकाशनको सूचना

〇 फुकुओकामा बस्दै, जीवनयापन गरि रहनु हुने विदेशीहरूप्रति लक्षित, जीवनयापन सम्बन्धि जानकारी वा जापानी संस्कृति, कार्यक्रमहरू आदिको बारेमा जानकारी दिने विदेशी भाषा समाचार पत्र "FCIF", प्रत्येक तीन महिनामा अंग्रेजी, चाइनिज र कोरियन भाषामा प्रकाशन भईरहेको छ।

जुलाईमा प्रकाशित "FCIF" ग्रीष्म ऋतु संस्करणको विषयवस्तु रहेको छ, "फुकुओकामा ग्रीष्म ऋतुको आनन्द लिऔं"।

यसपटकको ग्रीष्म ऋतु संस्करणमा, फुकुओकामा हुने ग्रीष्म ऋतुका कार्यक्रमहरू, बाहिर घुमघामका स्थलहरु, समुद्रमा खेल्दा अपनाउनु पर्ने सावधानीहरू आदि बारे जानकारीहरु समाबेश छन्।

साथै, यस वर्षदेखि, फुकुओकामा बस्दै आउनु भएका विदेशीहरुसँगको अन्तर्वार्ता स्तम्भ पनि शुरु गरेका छौं। उहाँहरुको फुकुओका आउनुको कारण र जीवनयापन आदिको बारेमा कुराकानी पोस्ट गर्दै जानेछौं, अवश्य पढेर हेर्नुहोला!

समाचार पत्र तपाईं बस्नुभएको वार्ड कार्यालय, नगरपालिका कार्यालयको सूचना प्लाजा, फुकुओका सिटी इन्टरनेशनल सेन्टर आदिबाट पाउन सक्नुहुन्छ।

फुकुओका सिटी इन्टरनेशनल फाउण्डेसनको होमपेज "www.fcif.or.jp" मा पनि हेर्न सक्नुहुन्छ।

【Asparagus अर्थात् कुरिलो】

स्वादिलो मौसमी तरकारीहरुमध्ये एक हो "एस्पारागस अर्थात् कुरिलो"। के तपाईंहरुलाई थाहा छ? वास्तवमा, कुरिलो एक औषधिजन्य वनस्पति पनि हो।

सामान्यतया कुरिलोलाई पातलो लामो हरियो तरकारीको रुपमा चिनिन्छ।

यसमा भिटामिन र मिनरल्स प्रशस्त मात्रामा पाइन्छ।

काँडा सहितको काण्ड, मसिना झुप्पादार पात हुने यस कुरिलो कडा त हुन्छ, तर सबै भागमा समान रुपले कडा नहुने भएकोले यसलाई पकाउँदा पनि ताप सबैमा बराबर पर्दैन। त्यसैले, यसलाई पकाउनु अगाडि सबैभन्दा पहिले कडा भागलाई हटाउनुपर्छ। काण्डको तल्लो भागलाई दुवै हातले समातेर बटार्नु भयो भने भाचिने भाग छ। यो भन्दा तलको भाग कडा हुने भएकोले हटाउनुहोस्।

यसो गर्नाले जरासम्म नरम पारेर उसिन्न सकिन्छ। यदि काण्ड सामान्य भन्दा बाक्लो छ भने, जराको छेउतिरको बोक्रालाई खुर्कनेले तास्नाले, सबै कडापन समान रूपमा उसिन्न सजिलो हुन्छ।

फुकुओका प्रिफेक्चरमा टिपेको कुरिलोलाई "हाकाता एस्पारागस" भनिन्छ र यो सुपरमार्केटहरूमा पङ्क्तिबद्ध राखिएको देख्न सक्नुहुन्छ।

खरिद गर्नुभएमा, यसलाई प्लास्टिकको र्यापमा बेरेर फ्रिजमा ठाडो पारेर राख्नुहोस्। साथै, उसिनेको कुरिलोलाई र्‍यापमा बेरेर फ्रिजरमा राख्न पनि खान पकाउँदा सजिलो हुन्छ। खरिद गर्नुभएको एक-दुई दिन जतिमा खाई सकाऔं।

【फुकुओका शहरको सूचना】

यसपटक फुकुओका सिटी इन्टरनेशनल फाउण्डेसनको सूचना रहेको छ।

अन्तर्राष्ट्रिय विद्यार्थीहरुद्वारा पढाइने विदेशी भाषा कक्षाहरुको संचालन सम्बन्धि

फुकुओका सिटी इन्टरनेशनल फाउण्डेसनमा, फुकुओकामा अध्यनरत अन्तर्राष्ट्रिय विद्यार्थीहरु शिक्षकको रुपमा,  आफ्नो देशको भाषा सिकाउने “अन्तर्राष्ट्रिय विद्यार्थीहरुद्वारा पढाइने विदेशी भाषा कक्षाहरु” को आयोजना हुँदै आईरहेको छ।

यस वर्ष १० थरि भाषाहरु, १२ वटा कक्षाहरुमा जुलाईदेखि अर्को वर्षको फेब्रुअरीसम्म संचालन हुनेछन्। यी कक्षाहरुमा, भाषा मात्र नभई, संस्कृति र खानाका परिकार आदिका बारेमा अनुभव गराउने पनि योजना रहेको छ।

फुकुओका सिटी इन्टरनेशनल फाउण्डेसनमा, यस विदेशी भाषा कक्षाहरु बाहेक पनि, अन्तर्राष्ट्रिय विद्यार्थीहरूलाई इभेन्ट व्यवस्थापन स्टाफको रूपमा सक्रिय गराउने आदि जस्ता अन्तर्राष्ट्रिय विद्यार्थीहरूको लागि सक्रिय भूमिका खेल्ने अवसरहरू सिर्जना गर्दै आईरहेको छ।

अबदेखि गतिविधिहरुमा सहभागी हुन चाहने अन्तर्राष्ट्रिय विद्यार्थीहरूलाई ईमेल मार्फत जानकारी गराउने माध्यमको सिर्जना गर्ने योजना भएको हुनाले,

सम्पूर्ण अन्तर्राष्ट्रिय विद्यार्थीहरू, विभिन्न गतिविधिहरूमा भाग लिई फुकुओका नागरिकहरूसँग अन्तरक्रियाको आनन्द लिनुहोस्।

प्रसाशनिक वकिलद्वारा परामर्श सम्बन्धि

आवासको स्थिति र आवास अवधिको बारेमा, तपाईहरुले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो १ बजेदेखि ४ बजेसम्म, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

गोपनीयता कडा पालन गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन नम्बर ०१२०-६६-१७९९ मा सम्पर्क गर्नुहोला।

सोमबारदेखि शुक्रबार बिहान ९ बजेदेखि बेलुकी ६ बजेसम्म कल स्वीकार गर्दछौं।

नयाँ कोरोनाभाइरस संक्रमण रोक्नको लागि, यहाँ आउनुहुँदा सकेसम्म मास्क लगाउन र हात धुनका लागि अनुरोध गर्दछौं।

【अन्तर्राष्ट्रिय परिवार दिवस】

मे महिनाको १५ तारिक "अन्तर्राष्ट्रिय परिवार दिवस" ​​हो।

संयुक्त राष्ट्र संघको महासभाले सन् १९९३ देखि हरेक वर्ष मे १५ लाई विश्वभरका देशहरूमा पारिवारिक समस्याहरूप्रति जागरुकता बढाउन र परिवारसँग सम्बन्धित मुद्दाहरुमा काम गर्ने क्षमता बढाउन अवसरको रुपमा तोकिएको दिन हो ।

जापानमा बस्दै गर्दा, काम वा पढाई विशेषले त्यति नेपाल जान पाईराख्नु भएको छैन होला, तर आजकल इन्टरनेट, ईमेल, भ्वाइस कल वा भिडियो कल आदिको सुबिधाको कारण सजिलै आफ्नो परिवारजनसँग सम्पर्क गर्न सकिन्छ।

हुन पनि, सबैभन्दा नजिकको र महत्त्वपूर्ण भनेको नै परिवार हो। हामीले जति बाआमा र परिवारको बारेमा सोच्छौं, त्यो भन्दा बेसी उहाँहरुले हाम्रो बारेमा पिर लिनु हुन्छ।

परिवारमा सबै ठिक छ कि छैन, केहि समस्या आईपर्यो कि भनेर मनमा कुरा खेल्दा, आफ्नो परिवारलाई सम्पर्क गरि कुराकानी गर्ने गरौँ। आफ्नो घरपरिवार तथा साथीभाईहरुसँग नियमित रुपमा सम्पर्क राख्ने गरौँ!

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

टोल फ्री नम्बर उपलब्ध गरिएको छ !

कुनै शुल्क बिना फोन गर्न सकिने नयाँ फोन सेवा उपलब्ध गरिएको छ।

नम्बर रहेको छ, ०१२०-६६-१७९९ । पहिले जस्तै, बिभिन्न भाषाहरूमा यो सेवा उपलब्ध छ।

कृपया नहिचकिचाइकन सम्पर्क गर्नुहोस्!

"LINEआधिकारिक Accountबनाइएको" बारे सूचना

　"Fukuoka City Consultation Support Center for Foreign Residents" को LINE आधिकारिक Account बनाइएको छ।

फाउन्डेशनको कार्यक्रमहरू तथा तपाईंहरुको दैनिक जीवनका लागि उपयोगी जानकारीहरु आदि यसमा पठाउने गर्छौं।

यस अतिरिक्त, LINE कल प्रयोग गरि टेलिफोन मार्फत् जीवनयापन सम्बन्धि परामर्श तथा निःशुल्क विशेष परामर्शहरू प्राप्त गर्न सक्नुहुन्छ।

टेलिफोन दोभाषे सेवामा बहुभाषी सेवा पनि सम्भव छ।

च्याटमा सेवा उपलब्ध नहुने भएकोले कृपया ध्यान दिनुहोला।

Text मार्फत् परामर्श गर्न चाहनुहुन्छ भने, कृपया "फुकुओका सिटी इन्टरनेशनल फाउण्डेसनको" वेबसाइटमा रहेको सम्पर्क फारम प्रयोग गर्नुहोस्।

LINE मा Friend add गर्दा, कृपया ID "@ 111dhfna" राखी खोज्नुहोस्।

ट्यूटर प्रोग्रामको परिचय

जापानी भाषामा लेखिएको स्कूलको पत्रहरू वा मेल अर्डर मार्फत खरिद गर्नुभएको सामान फिर्ता गर्न चाहनु भएको समयमा जापानी भाषामा कारण व्याख्या गर्न आदि जस्ता; जापानी भाषा वा दैनिक जीवनमा समस्या भईरहेका विदेशीहरूको सहयोग गर्ने "ट्यूटर प्रोग्राम" को परिचय दिनेछु।

फाउण्डेसनमा रजिस्टर भएका स्वयंसेवकहरु प्रत्यक्ष वान् टु वान् ट्यूटर हुने, र उहाँहरुसँग अनलाइनमा सरल अनुवादका लागि अनुरोध तथा दैनिक जीवन सम्बन्धि सल्लाह माग्न सक्नुहुन्छ।

ट्यूटरसँग अनलाइन कुराकानी गर्न सक्ने, फुकुओका शहरमा बस्नु हुने विदेशी महानुभावहरु, जो कोहीले पनि यसको प्रयोग गर्न सक्नुहुन्छ। प्रयोग शुल्क निःशुल्क हो।

प्रयोग गर्ने तरिका आदि अधिक जानकारीको लागि, कृपया फुकुओका सिटी इन्टरनेशनल फाउण्डेसनको होमपेज वा फोन नम्बर ०१२०-६६-१७९९ मा सम्पर्क राख्नुहोला।

सोमबारदेखि शुक्रबार ९:०० देखि ६:०० बजेसम्म कल स्वीकार गरिन्छ। अवश्य सम्पर्क राख्नुहोला।

【माछा खाने पसल】

फुकुओका सिटि, शहर भए पनि समुन्द्र र पहाडको नजिक भएकोले यहाँ विभिन्न सामग्रीहरु पाउन सजिलो छ।

फुकुओका शहर रामेन र उडोनका लागि देशभर प्रसिद्ध छ। के तपाईंहरुले खानु भयो त ?

यद्यपि, फुकुओका शहरमा माछाका परिकारहरू पनि धेरै स्वादिष्ट छन्!

प्रति १००,००० जनसंख्यामा माछा पसलको अनुपातलाई हेर्ने हो भने, फुकुओका शहर जापान भरिमा प्रथम स्थानमा छ।

फुकुओका शहरमा नागाहामा सेन्ग्यो इचिबा (नागाहामा माछा बजार) छ र यहाँबाट ताजा माछाहरू जापानभर पठाइन्छ। बजारभित्र रेस्टुरेन्ट पनि छ जहाँ, तपाईं सुशी र टेम्पुरा जस्ता जापानी खानाको मजा लिन सक्नुहुन्छ।

ओसाशिमी जस्ता काँचो माछा नखानेहरुका लागि, फ्राइड टेम्पुरा खानु उपयुक्त होला।

फुर्सदको समयमा एकपटक नागाहामा माछा बजार घुम्दा कसो होला!

【फुकुओका शहरको सूचना】

नयाँ कोरोना भाइरस विरुद्धको खोपको सूचना

फुकुओका शहरमा नयाँ कोरोना भाइरस विरुद्धको खोपका लागि ईच्छुक सम्पूर्ण व्यक्तिहरुले ढुक्क भएर खोप लगाउन सुनिश्चितका लागि काम भईरहेको छ।

दोस्रो पटकको खोप लिईसक्नु भएका, १२ वर्षका वा सोभन्दा माथिका फुकुओका शहरको नागरिकहरुलाई, फुकुओका शहरले तेस्रो पटकको खोप लिनका लागि खोप कुपन हुलाक मार्फत् पठाईएको छ।

खोप कुपन पाउनुभएपछि, बुकिंग साइट वा खोप सेन्टरमा बुकिंग गर्न सकिने हुनाले, कृपया खोप कुपन नपाउन्जेल प्रतिक्षा गर्नुहोला।

तर, दोस्रो पटकको खोप लगाएको लगभग ६ महिनापछि पनि खोप कुपन पाउनु भएन भने, कल सेन्टरमा फोन गर्नुहोला।

५ देखि ११ वर्षका बालबालिकालाई पनि खोप दिईरहेको छ ।

फुकुओका शहरमा खोप सम्बन्धि परामर्श लिन र बुकिंग गर्न सकिने कल सेन्टरको फोन नम्बर रहेको छ, ०९२-२६०-८४०५ । हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ। अंग्रेजी, चाइनिज, कोरियाली, नेपाली, भियतनामी आदि ७ वटा विदेशी भाषाहरूमा यो सेवा उपलब्ध छ।

बसोबास कर छुट भएका परिवारहरूका लागि आपतकालीन विशेष अनुदान रकमको सूचना

नयाँ कोरोनाभाइरसको सङ्क्रमको प्रभाव लामो समयसम्म रहिआएको कुरालाई मध्यनजर गरि, जापान सरकारले जिविकोपार्जनमा टेवा पुर्‍याउन, बसोबास कर छुट भएका परिवारहरूलाई प्रति परिवार १,००,००० येन नगद उपलब्ध गराउने निर्णय गरेको छ।

भुक्तानीका लागि योग्य भएका परिवारहरुलाई फुकुओका सिटि नगरपालिकाले अनुदान रकमको विवरण वा पुष्टि गर्नुपर्ने बिषयवस्तुहरु उल्लेखित पुष्टिकरण पत्र पठाएको छ।

अनुदान रकम प्राप्त गर्नका लागि प्रक्रियाको आवश्यक पर्छ।

पुष्टिकरण पत्र प्राप्त गर्नुहुने महानुभावहरुले विवरणको राम्ररी जाँच गरि, पुष्टिकरण जारी भएको मितिबाट ३ महिना भित्र फिर्ता पठाउनुहोस्।

अनुदानरकमको बारेमा परामर्श लिन सकिने कल सेन्टरको फोन नम्बर रहेको छ,  ०१२०-०१८-०९२।

सोमबारदेखि शुक्रबार, बिहान ९:०० देखि बेलुका ६:०० बजेसम्म कल स्वीकार गरिन्छ।

अंग्रेजी, चाइनिज, कोरियाली, नेपाली, भियतनामी, स्पेनिश र पोर्चुगिज भाषाहरूमा परामर्श लिन सकिन्छ।