Life in Fukuoka "Nepali"

【कुओका शहरका सिफारिस गरिएका समुद्र किनार र सार्वजनिक पौडी पोखरीहरू！】

गर्मीको मौसम एकदमै चरममा पुगेको छ —तपाईंहरु समुद्र किनार जानुभइसकेको छ कि छैन?

शहरीकरण र प्रकृतिको तालमेल भएको फुकुओकामा गर्मीमा रमाइलो गर्न सकिने थुप्रै रमणीय स्थानहरू छन्।

यसपटक फुकुओका शहरमा रहेको समुद्रकिनार र सार्वजनिक पूलहरुको बारे जानकारी लिएर आएकी छु।

 

 सर्वप्रथम कुरा गरौं, समुद्र किनारको बारेमा 

【सीसाइड मोमोची समुद्री पार्क】

यो समुद्र किनार फुकुओका टावरको उत्तरतर्फ अवस्थित छ र सुरक्षित तथा आरामदायी रूपमा व्यवस्थित गरिएको छ। यहाँ समुद्रमा पौडी खेल्नुका साथै मरीन स्पोर्ट्स पनि मज्जाले गर्न सकिन्छ। Beach House मात्र होइन, वरिपरि रेस्टुरेन्ट र पसलहरू पनि छन्। तेंन्जिनबाट सजिलै पुग्न सकिने भएकोले स्थानीयबासी र पर्यटक दुवैको लागि लोकप्रिय गन्तव्य हो।

 

【शिखानोसिमा समुद्र किनार】

शिकानोसिमा जमिनसँग जोडिएको टापु हो, जसले गर्दा गाडीमा ड्राइभ गर्न पनि उपयुक्त छ। ट्रेन, बस, वा फेरी प्रयोग गर्दा शहरको केन्द्रबाट १ घण्टाभित्रै पुग्न सकिन्छ। सफा समुद्र र सेतो बालुवाले भरिएको यो समुद्र किनार अत्यन्तै सुन्दर छ। उत्तरपट्टिको “शिरोसे” क्षेत्र भने फुकुओकाको एकमात्र डाइभिङ स्पट हो।

 

【नोकोशिमा क्याम्प समुद्र किनार】

मेइनोहामाबाट फेरीमा करिब १० मिनेट लाग्छ। यो समुद्र किनार नोकोशिमा टापुमा रहेको छ र वरिपरि नरिवलका रूखले घेरिएको छ। यहाँ क्याम्प, आवास, रेस्टुराँ, पसलहरू पनि छन्, जसले गर्दा शहरको भीडभाडबाट टाढा छुट्टीजस्तो महसुस हुन्छ।

 

【ओहारा समुद्र किनार】

फुकुओकाको सबैभन्दा लामो समुद्र किनारमध्ये एक हो। खुला क्षेत्र भएकाले आरामसँग पौडी खेल्न सकिन्छ। यहाँ Beach House, BBQ, अनि बनाना बोट लगायत मरीन खेलकुदहरू मज्जाले गर्न सकिन्छ।

 

यी चार फुकुओकाका समुद्र किनारहरूमध्ये, म चाहिं सीसाइड मोमोची समुद्री पार्कमा धेरैपटक गएकी छु।

यो समुद्र किनार फुकुओका टावरको एकदमै नजिकै पर्छ, र शहरमै भए पनि साँच्चिकै ‘रिसोर्ट फील’ दिन्छ।
त्यहाँ बसेर साँझपखको सूर्यास्त हेर्दा म आनन्द हुन्छ।

अहिलेसम्म नपुगेको तर पक्कै जान चाहने ठाउँ भनेको — शिखानोसिमा समुद्र किनार हो।
मेइनोहामाबाट फेरी चढेर १० मिनेटमै पुगिन्छ, तर पुग्नेबित्तिकै अर्कै संसारमा पुगेजस्तो लाग्छ रे!
नरिवलका रूखहरूले घेरिएको त्यो प्राकृतिक बीचमा, टेन्टमा बसेर रमाइलो गर्नु – मलाई त एकदमै मनपर्छ।

त्यहाँ क्याम्प पनि गर्न पाइन्छ, र साथीभाइ वा परिवारसँग मिलेर छुट्टीको मजा लिन सकिन्छ।

यो बाहेक पनि, फुकुओका शहरमा प्राकृतिक वातावरणको मजा लिन सकिने रमाइला, शान्त समुद्र किनारहरू प्रशस्तै छन्। बरु बाहिर निस्कँदा गर्मी र डिहाइड्रेसनबाट बच्न आवश्यक सतर्कता अपनाउनुहोस्!

 

अर्को जानकारी छ, पौडी पोखरीको बारेमा

【उमी नो नाखामिची सनशाइन पूल】

पश्चिम जापानको सबैभन्दा ठूलो ३०० मिटर लामो बहने पोखरी पूल सहित ६ प्रकारका विभिन्न रमाइला पूलहरू छन्। बच्चादेखि बयस्कसम्म सबैलाई रमाइलो लाग्ने यो फुकुओकाको प्रमुख गर्मी स्थान हो। गर्मी बिदामा तेन्जिन पोस्ट अफिस अगाडिबाट डायरेक्ट बस पनि चल्ने भएकाले आवतजावत गर्न सजिलो छ।

 

अब कुरा गरौं, सार्वजनिक पूलहरुको बारेमा

【फुकुओका सार्वजनिक पूलहरू】

फुकुओका शहरका सात वटै वार्डमा कम शुल्कमा सर्वसाधारणका लागि खुल्ला नागरिक पूलहरू छन्।

वर्षभरी सञ्चालन हुने यी पूलहरूमा नियमित तापक्रम कायम गरिन्छ।

साथै, पार्किङ, शावर र लक्कर पनि उपलब्ध छन्।

 

भीत्रि पूल भएकोले गर्मी वा वर्षाको मौसममा पनि चिन्ताबिना रमाइलो गर्न सकिन्छ।

गर्मीमा प्रयोग शुल्क, वयस्कको २ घण्टाको लागि ३२० येन, हाई स्कूलका विद्यार्थीको १६० येन, प्राथमिकदेखि माध्यमिक तहका बालबालिकाको ११० येन लाग्छ।

 

सहरको केन्द्रबाट सबैभन्दा सजिलै पुग्न सकिने पोखरी भनेको — तेन्जिनबाट करिब ६ मिनेट बस चढेपछि、निशि कोएन नजिकै अवस्थित 【चुओ सिमिन पूल अर्थात् Fukuoka City Chuo Ward Public Pool】 हो।

 

त्यसैगरी, २५ मिटर र ५० मिटर लम्बाइका दुवै प्रकारका पूलहरू, १ मिटरदेखि ३ मिटरभन्दा बढी गहिराइसम्मका विकल्पहरू भएको, सुविधाजनक र फुकुओका शहरकै सबैभन्दा ठूलो स्केलको पूल भनेको【सोउगो निसि सिमिन पूल अर्थात् Fukuoka City Nishi Civic Pool Complex】 हो। यस पूलमा परिवारदेखि व्यायाम गर्न चाहने सबैको लागि उपयोगी सुविधा पाइन्छ।

 

गम्भीर रूपमा पौडी खेल्नेहरूका लागि भने, अन्तर्राष्ट्रिय प्रतियोगिताका लागि समेत प्रयोग हुने हाकाता वार्डमा रहेको【Prefectural Swimming Pool (Axion Fukuoka)】 उपयुक्त हुन्छ।

यहाँ ५० मिटर लम्बाइको प्रतिस्पर्धात्मक कोर्स, साथै डाइभिङ्ग पूल समेत उपलब्ध छन्।

 

अधिकांश पूलहरूमा साना बच्चाहरूका लागि कम गहिराइ भएका पूल र बाहिरी पूल पनि छन्।

यस गर्मीमा आफ्नो नजिकको सार्वजनिक पूल प्रयोग गर्दै, सक्रिय र तन्दुरुस्त रहनुहोस्!

【आफ्नै बोतल (My Bottle) प्रयोग गर्न थालौं】

जुलाई महिना "नेच्च्युस्योउ अर्थात् लू रोकथाम सुदृढीकरण महिना" हो।
नेच्च्युस्योउ, कडा शारीरिक गतिविधि, वा शरीरको तापक्रम नियन्त्रण गर्न नसक्दा शरीरमा पानी र नुनको सन्तुलन बिग्रिएरलू हुन सक्छ। सानो बालबालिकामा तापक्रम नियन्त्रण गर्ने क्षमता अझै विकास नभएकाले, थोरै समयमै असर गर्न सक्ने सम्भावना हुन्छ। त्यसैले विशेष ध्यान दिनुपर्छ।

नेच्च्युस्योउ रोक्नका लागि, अत्यधिक गर्मीबाट जोगिनुहोस्। नियमित रूपमा पानी र नुनको सेवन गर्नुहोस्।

आफ्नो स्वास्थ्यको ख्याल राख्नुहोस्। एक दिनमा करिब१.२ लिटर (लगभग ६ गिलास पानी)पिउनु राम्रो मानिन्छ। तिर्खा नलागे पनि स-सानो मात्रामा पानी पिउँदै गर्नु जरूरी छ। साथै, स्पोर्ट्स पेय पदार्थ र नुनिलो क्यान्डीबाट पनि नुनको मात्रा केही पूरा गर्न सकिन्छ।

फुकुओका शहरले बाहिर जाँदा पनि सजिलै पानी पिउन सकियोस् भनेर विभिन्न सार्वजनिक स्थानहरू—जस्तैवार्ड अफिस, सामुदायिक केन्द्र, जिमखाना र पार्कहरूमाचिसो धारा पानी दिने "आफ्नै बोतलमा पानी भर्न मिल्ने स्थान"स्थापना गरेको छ।

त्यस्तै, सहरका झन्डै ९० वटा पसलहरूले तपाईँको आफ्नै बोतलमा पानी, कफी आदि भरिदिने "माइ बोतल सहयोगी पसल"का रूपमा दर्ता गरिएका छन्।
यी स्थानहरूको जानकारीफुकुओका सिटीको वेबसाइटमाउपलब्ध छ।
「福岡市 マイボトルを始めよう」 भनेर सर्च गर्नुहोस्।

बाहिर जाँदा आफ्नो बोतल बोकौं, पानी समयमै पिउँदै स्वास्थ्य जोगाऔं！

🔎फुकुओका सिटी मेरो बोतल सुरु गरौं! (पानी आपूर्ति स्पट / मेरो बोतल सहयोग स्टोर)

 

 

【फुकुओका सिटी इन्टरनेशनल फाउण्डेसनको सूचना】

शिशु तथा बालबालिका अन्तरक्रिया कक्षा-याराना हिरोबाको जानकारी

शिशु तथा बालबालिका अन्तरक्रिया कक्षा-याराना हिरोबाको जानकारी

तपाईँहरु आफ्ना बच्चासँग रमाइलो समय बिताउन मिल्ने ठाउँको खोजीमा हुनुहुन्छ भने,

हाकाता वार्डमा रहेको नाराया सामुदायिक केन्द्रमा, हरेक महिना आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ।

जुलाई महिनामा यो कार्यक्रम२२ तारिक मंगलबारहुनेछ। 

समय बिहान१०:३० देखि ११:३० सम्महो।

कार्यक्रमको विषयबस्तु,स्कुल सोसल वर्कर तथा स्कुल काउन्सिलर होरिइ चिहोद्वारा "जन्मिएर आएकामा धन्यवाद 〜 बाल्यकाल र किशोर अवस्था आपसमा जोडिएका छन् 〜" भन्ने विषयमा स्पीच दिनुहुन्छ। होरिइ चिहो, NHK टेलिभिजन कार्यक्रममा पनि देखा परिसक्नुभएको व्यक्तित्व हुनुहुन्छ। 

सबैलाई कार्यक्रममा सहभागी हुन हार्दिक आमन्त्रण छ। कार्यक्रम जापानी भाषामा सञ्चालन हुनेछ।

आवेदन विधि र विस्तृत जानकारीको लागि, कृपया फुकुओकासिटीइन्टरनेशनलफाउण्डेसनको फेसबुकमा हेर्नुहोस्।

🔎福岡市国際会館／あったか福岡 | Fukuoka-shi Fukuoka | Facebook

 

 LINE कल मार्फत परामर्श लिन सकिन्छ!

 फाउण्डेशनको LINE आधिकारिक Account बाट प्रत्यक्ष कल गरी जीवनयापनसँग सम्बन्धित परामर्श वा निःशुल्क परामर्शको लागि बुकिंग आदि गर्नका लागि सम्पर्क गर्न सक्नुहुन्छ। फोन अनुवाद सेवाबाट बहुभाषी सहयोग पनि उपलब्ध छ।

थप रूपमा, फाउण्डेशनको कार्यक्रम र विदेशी बासिन्दाको लागि जानकारीहरू पनि प्राप्त गर्न सकिन्छ।

फुकुओका सिटी इन्टरनेशनल फाउण्डेसनको होमपेजबाट अवश्य पनि "Friend Add" गर्नुहोला। च्याट सेवा भने उपलब्ध छैन। लेखेर परामर्श गर्न चाहनुहुन्छ भने, फुकुओका सिटी इन्टरनेशनल फाउण्डेशनको होमपेजमा रहेको सम्पर्क फारम प्रयोग गर्नुहोस्।

 🔎लाइन आधिकारिक खाता | फुकुओका सिटी इन्टरनेशनल फाउन्डेसन

【फुकुओका म्युजियम वीक】

फुकुओका शहरले, रंगीन कला र संस्कृतिको शहर बन्ने लक्ष्यका साथ, यस वर्ष पनि "अन्तर्राष्ट्रिय संग्रहालय दिवस" (मे १८) लाई अवसर मानेर फुकुओका म्युजियम वीक आयोजना गर्दैछ।

यस पटक १६औं पटक आयोजना हुँदै गरेको यो कार्यक्रम, मे १७ गते शनिबारदेखि मे २५ गते आइतबारसम्म, कुल ९ दिन चल्नेछ। शहरभरिका १६ वटा संग्रहालय र कला केन्द्रहरूले सहभागिता जनाउने यस कार्यक्रममा, दर्शकहरूका लागि छुट, उपहार, विशेष कार्यक्रमहरू, र प्रदर्शनीहरू जस्ता विविध आकर्षणहरू तयारी गरिएको छ। निरन्तर रुपमा संग्रहालय जान रुचाउनुहुन्छ भने, यो अवसर तपाईंलाई केही फरक अनुभव दिनेछ। यदि तपाईं संग्रहालयमा पहिलो पटक जान लागिरहनु भएको छ भने, यसलाई कला र इतिहाससँग नजिक हुने राम्रो मौकाको रूपमा लिन सक्नुहुन्छ। यस अवधिमा, नियमित प्रदर्शनीका साथै विशेष व्याख्यान, कार्यशाला (वर्कशप), ब्याकस्टेज टुर, ग्यालरी टक जस्ता रोचक कार्यक्रमहरू पनि आयोजना गरिनेछन्।

विशेष आकर्षणमा, कार्यक्रममा सहभागी १६ स्थानहरूमध्ये जुनसुकै ३ वटा स्थानमा स्ट्याम्प संकलन गरेर आवेदन दिनुहोस्, तपाईंले विशेष प्रदर्शनी र ‘हाकाता-जा’ नाटकको निःशुल्क टिकट जस्ता उपहार जित्ने अवसर पाउनुहुनेछ। विस्तृत जानकारीको लागि सहभागी स्थलहरू वा पर्यटन सूचना केन्द्रहरूबाट जानकारी पर्चा लिन नबिर्सनुहोस्।

यस अवसरमा, तपाईं पनि फुकुओका शहरका संग्रहालय र कला केन्द्रहरूमा गएर, ज्ञान, नयाँ अनुभव र प्रेरणाले भरिएका स्थानहरूको मजा लिनुहोस्।

 

 

【फुकुओका शहरको सूचना】

हलुका सवारी साधन कर सम्बन्धि

मोटरबाईक वा हलुका कार भएकाहरुले, अप्रिल १ मा हलुका सवारी साधन कर तिर्नु जरुरी छ।

यदि तपाईंसँग मोटरबाईक वा हलुका कार छ भने, हुलाक मार्फत कर तिर्नका लागि सूचना आउन सक्छ, अवश्य पनि भित्र राम्ररी हेर्नुहोला। 

जुनको २ तारिक सम्ममा कोन्भिनी, बैंक वा हुलाक मार्फत तिर्नुहोला।

स्मार्टफोन भुक्तानी एप वा क्रेडिट कार्ड प्रयोग गरेर पनि कर शुल्क तिर्न सक्नुहुन्छ। 

यदि तपाईंले मोटरबाईक आदिको शहरी कर तिर्नु भएन भने, तपाईंको निवास कार्डको नविकरण गर्नमा समस्या पर्नुका साथै तपाईंको सम्पत्ति फुकुओका शहरले जफत गर्ने सम्भावना पनि छ।

नबुझेको कुरा भएमा वा कर तिर्न गाह्रो भएमा, वार्ड अफिसको काउन्टरमा परामर्श लिनु होला।

२३ वटा भाषाहरुमा, फोनमार्फत परामर्श लिन सक्नुहुन्छ। 

फोन नम्बर, ०९२-७५३-६११३ ।

यो नम्बरबाट, शुरुमा दोभाषे सेन्टरमा फोन लाग्छ, त्यसपछि वार्ड अफिसमा सम्पर्क हुनेछ।

तपाईंले कुरा गर्ने भाषा, बस्ने वार्ड अनि करबारे तपाईंले बुझ्न चाहेको कुरा भन्नुहोला।

【FUKUOKA IS OPEN सेन्टर】

नयाँ आर्थिक वर्षको शुरुवातसँगै, सबैले आफ्नो नयाँ जीवनशैलीको तालमेल समात्न सक्नुभएको छ कि छैन? नयाँ वातावरणमा कडा मेहेनत गरिरहनुभएका अनि हालसालै फुकुओकामा नयाँ जीवन शुरू गर्नुभएका व्यक्तिहरू धेरै हुनुहुन्छ होला।

यस हप्ता, फुकुओका प्रान्तमा बसोबास गर्ने विदेशीहरूको लागि बनाइएको वन-स्टप परामर्श केन्द्र【FUKUOKA IS OPEN सेन्टर】को जानकारी दिन चाहन्छु।

【FUKUOKA IS OPEN सेन्टर】एक निःशुल्क परामर्श केन्द्र हो, जसले फुकुओकामा सुरक्षात्मक र सहज जीवनयापन गर्न र सफलतापूर्वक काम गर्न मद्दत गर्दछ। यो परामर्श केन्द्र शहरको चुओ-कु, तेनजिनमा रहेको एक्रोस फुकुओका भवनको तेस्रो तल्लामा छ। यो केन्द्र फुकुओका प्रिफेक्चर र विभिन्न विशेषज्ञ संस्थासँग सहकार्य गर्दै, रोजगारी खोज्ने परामर्श, बसोबास अनुमति सम्बन्धी जानकारी, आवास, स्वास्थ्य सेवा र शिक्षा जस्ता धेरै विषयहरूमा सहयोग गर्दछ।

परामर्श केन्द्र, नयाँ वर्षको विदा र सार्वजनिक बिदा बाहेक, हरेक सोमवारदेखि शुक्रवार, तेस्रो आइतबार र चौथो शनिबार बिहान १० बजेदेखि साँझ ५ बजेसम्म खुला रहन्छ।

यसका साथै, परामर्श लिनको लागिकाउण्टर बाहेकअनलाइन, इमेल र फोनका माध्यमबाट पनि सेवा उपलब्ध छ, र यो २४ भाषामा उपलब्ध छ।

जीवनयापन सम्बन्धी जानकारी र फुकुओकाका आकर्षणहरू विदेशीहरूद्वारा देखाउने भिडियोहरूको समावेश भएको बहुभाषी पोर्टल साइट [FUKUOKA IS OPEN] पनि शुरु गरिएको छ। अवश्य हेर्नहोस्!

तपाईंहरु सबैलाई, फुकुओकामा आरामदायी र समृद्ध जीवनयापनका लागि धेरै धेरै शुभकामना ♪

 

 

【फुकुओका शहरको सूचना】

"फोहर फ्याँक्ने नियम सम्बन्धी"

 

फुकुओकामा नयाँ जीवनयापन शुरु गर्नुहुने धेरै संख्यामा हुनुहुन्छ होला।

यसपटक, फोहर फ्याँक्ने नियम सम्बन्धी सूचना रहेको छ।

फुकुओकामा फोहरलाई "जल्ने फोहर", "नजल्ने फोहर", "खाली सिसाको बोतल/प्लास्टिकको बोतल", अनि "ठूला आकारको फोहर" मा विभाजन गरी फ्याँक्ने गरिन्छ। "ठूला आकारको फोहर" बाहेक अन्य सबै फोहरहरूका लागि, कन्भिनियन्स स्टोर वा सुपर मार्केटमा बेची राखेको, फुकुओका शहरको फोहर-फाल्ने-झोला प्रयोग गरेर फोहोर फाल्ने गर्नुहोस्।

जल्ने फोहरको लागि, रातो रंगको फोहर-फाल्ने-झोला हो।

कच्चा फोहोर, कागज, कपडा, प्लास्टिक आदि फाल्ने बेलामा, रातो झोला प्रयोग गर्नुहोस्।

खाली क्यान र गिलास जस्तालाई, नजल्ने फोहरको रुपमा, निलो फोहर-फाल्ने-झोलामा फाल्ने गर्नुहोस्।

खाली सिसाको बोतल र प्लास्टिकको बोतल फाल्नको लागि, पहेंलो रंगको फोहर-फाल्ने-झोला प्रयोग गर्नुहोस्।

बसोबास गर्ने ठाउँ अनुसार फाल्ने दिन तोकिएको हुन्छ।  

जल्ने फोहर हप्तामा २ पटक, खाली सिसाको बोतल/प्लास्टिकको बोतल र नजल्ने फोहर चाहिँ महिनाको १ पटक संकलन हुन्छ।

फोहर मध्यरात संकलन हुनेभएकोले अँध्यारो भएदेखि रातिको १२ बजे सम्ममा, फोहर फाल्ने निश्चित ठाउँमा फाल्ने गर्नुहोस्।

फुकुओका शहरको आधिकारिक LINE ID मा Friendadd गरेर, तपाईंको ठेगाना सेट गर्नुभयो भने, फोहोर फाल्ने दिनमा सूचना प्राप्त गर्नुहुनेछ।

फाल्न चाहनुभएको फोहोरको नाम राख्नुभयो भने, फोहोरको किसिम पनि जान्न मिल्ने भएकोले यो एकदम उपयोगी छ।

एउटा झोलामा नअट्ने ठूला आकारको फोहर वा झोला नै च्यात्ने किसिमको भारी फोहरलाई, ठूला आकारको फोहरको रुपमा फाल्नुहोस्।

ठूला आकारको फोहरका लागि, फोन, इन्टरनेट, वा LINE द्वारा ‘फुकुओका शी सोदाई गोमी उकेचुके’ मा सम्पर्क गर्नुहोस्। 

शुल्क, फोहोर फाल्ने ठाउँ, फाल्ने दिन, इत्यादि जाँच गरेर फोहोर बाहिर राख्नुहोस्।

फोनमार्फत सम्पर्कका लागि, ठुलो आकारको फोहर फाल्ने सेन्टरको फोन नम्बर, ०९२-७३१-११५३ । 

टेलिफोन अनुवाद मार्फत् २३ वटा भाषाहरुमा सेवा उपलब्ध छ।

यस अतिरिक्त, QR कोड स्क्यान गरेर १० विभिन्न भाषाहरूमा फोहोर फाल्ने नियमहरूको बारेमा जानकारी प्रदान गर्ने सेवा पनि राखिएको छ। कृपया फुकुओका शहरको वेबसाइट हेर्नुहोस्।

【फुकुओका ज्योउ साकुरा माचुरी】

तपाईंहरुले यस वर्षको साकुरा फुलेको देखिसक्नु भयो कि? हरेक वर्ष मार्चको अन्त्यदेखि अप्रिलको शुरुवातसम्म, फुकुओका शहरको "माइजुरु पार्क" मा साकुरा फूल फुल्ने समयमा 【फुकुओका ज्योउ साकुरा माचुरी】 आयोजना गरिन्छ।

माइजुरु पार्क एक प्रसिद्ध स्थल हो, जहाँ सोमेइयोशिनो र शिडारेजाकुरा जस्ता १९ प्रकारका साकुराका फूलहरू फुल्छन्। यस वर्ष पनि 【फुकुओका ज्योउ साकुरा माचुरी】 यहाँ भइरहेको छ।

यस महोत्सवको आकर्षण भनेको, यहाँ विभिन्न स्वादिष्ट खानाका स्टल र किचन कारहरू राखिएका छन्। साकुराको दृश्यलाई हेर्दै वसन्तका परिकारहरूको मजा लिन सक्नुहुन्छ। फुकुओका शहरका लोकप्रिय रेस्टुरेन्टका स्टलहरू, उत्सवका परिकारहरूको स्टलहरू, यामे चिया, मिठाइ र जापानी मदिरासम्मका स्टलहरू छन्। त्यसमाथि, बच्चाहरूको लागि खेलकुदका उपकरणहरू, सडक कलाकारहरूको प्रदर्शन, र स्ट्याम्प र्याली जस्ता गतिविधिहरू पनि छन्, जसले गर्दा परिवारसँग जान उपयुक्त हुनेछ।

राति साकुरा र फुकुओका दरबार उज्यालोमा प्रकाशित हुन्छ, र रातको साकुरा फूलको दृश्य अति आकर्षक हुन्छ। पानीमा साकुराका रुखहरूको प्रतिबिम्ब “उल्टो साकुरा” पनि निकै सुन्दर देखिन्छ। यो दृश्य दिनको भन्दा बिल्कुलै फरक र रमाइलो हुन्छ।

यस हप्ता आइतबारसम्म जारी हुने यस【फुकुओका ज्योउ साकुरा माचुरी】, यदि अझै जानु भएको छैन भने, पक्कै पनि भ्रमण गर्नुहोस्!

 

 

【फुकुओका शहरको सूचना】

विदेशीहरूले परामर्श लिन सकिने काउन्टरको परिचय

नयाँ जीवनमा कुनै समस्या वा नबुझेको कुरा छ कि?

Fukuoka City Consultation Support Center for Foreign Residents मा, आवास सम्बन्धी प्रकिया, रोजगार, चिकित्सा, कल्याण, प्रसुति, शिशु स्याहार, र बाल शिक्षा जस्ता जनजीवन सम्बन्धि परामर्श कहाँ लिने भनेर थाहा नभएको समयमा, उपयुक्त सम्पर्क काउन्टर तथा अन्य जानकारीहरु प्रदान गर्दै आईरहेको छ।

फोन नम्बर, (०१२०-६६-१७९९) ।

सम्पर्क समय ९:०० देखि ५:३० बजेसम्म । शनिवार, आइतवार, सार्वजनिक बिदा, नयाँ वर्षको बिदाहरुमा बन्द हुन्छ।

२३ वटा विदेशी भाषाहरूमा यो सेवा उपलब्ध छ।

राष्ट्रिय स्वास्थ्य बीमा, फोहोर, कर, आदि जस्ता फुकुओका शहरका प्रक्रियाहरूको बारेमा बुझ्नु परेमा, दोभाषे सेन्टरमा कल गरेर, आफू बस्ने वार्डमा सम्पर्क गरि परामर्श लिन सक्नुहुन्छ।

फोन नम्बर, (०९२-७५३-६११३) । 

सम्पर्क समय ९:०० देखि ५:०० बजेसम्म । शनिवार, आइतवार, सार्वजनिक बिदा, नयाँ वर्षको बिदाहरुमा बन्द हुन्छ।

२३ वटा विदेशी भाषाहरूमा यो सेवा उपलब्ध छ।

यस अतिरिक्त, चिकित्सा संस्था खोज्दा, अस्पतालमा डाक्टरसँग कुरा गर्दा, अस्पताल वा सिफारिस गरिएको फार्मेसीमा औषधि लिँदा, Fukuoka City Medical Interpreting Call Center को टेलिफोन अनुवाद सेवा प्रयोग गर्न सक्नुहुन्छ।

फोन नम्बर, (०९२-७३३-५४२९) हो।

चौबीसैघण्टा हरेक दिनलिन सकिने यो सेवा, २० वटा भाषाहरुमा उपलब्ध छ। 

उपयोग शुल्क निःशुल्क छ, तर फोनको शुल्क भने फोन गर्ने व्यक्तिले तिर्नु पर्छ।

【फुकुओकामा इन्डियन फेस्टिवल】

यो साता अन्त्यमा, यहाँ फुकुओका शहरमा क्युशु क्षेत्रको सबैभन्दा ठूलो इन्डियन फेस्टिवल हुँदैछ।
२२ तारिक शनिबार र २३ आइतबार, तेन्जिन च्यूओ पार्कमा हुने "होली महोत्सव"। नेपालमा जस्तै "होली" भनेको इन्डियामा वसन्त ऋतुको आगमनलाई मनाउने महोत्सव हो। "ह्यापी होली" भन्दै, रंगका पाउडरले एक अर्कामा रंग लगाउने र रंगीन पानी छर्केर उत्सव मनाइन्छ।
कार्यक्रम स्थलमा, देशभरका ५० भन्दा बढी प्रसिद्ध स्टलहरू जम्मा हुनेछन्, जहाँ इन्डियन करी लगायत इन्डियन परिकार, मसला, रंगीन गहना र हस्तकलाका सामग्रीहरू बिक्री हुनेछ। त्यस्तै, इन्डियन संगीत, शास्त्रीय नृत्यका स्टेज प्रदर्शनहरू, इन्डियन चलचित्रका गीत-संगीतका दृश्यहरूमा प्रायः देखिने "बोलिवुड डान्स" पनि प्रस्तुत हुने भएकोले उत्सवलाई झनै रोमाञ्चक बनाउने पक्का छ! थप रूपमा, विशेष अतिथिको रूपमा, लोकप्रिय डीजे, डान्सर र प्रभावकारी व्यक्तिहरू पनि उपस्थित हुनेछन्। प्रवेश निशुल्क छ।
इन्डियन संस्कृतिको आकर्षणले भरिएको यो दुई दिनको रंगीन महोत्सवमा वसन्तको उत्सव मनाऔं।

 

 

【फुकुओका सिटी इन्टरनेशनल फाउण्डेसनको सूचना】

विदेशीहरुका लागि आप्रवासन, आवास र राष्ट्रियता सम्बन्धि परामर्श

आवासको स्थिति र आवास अवधिको बारेमा, केही कुरा नबुझ्नु भएको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ। 

हरेक महिनाकोदोस्रो आइतबारको दिउँसो१ बजेदेखि ४ बजेसम्म, प्रसाशनिक वकिलद्वारा तपाईंहरुको प्रश्न र परामर्शको उचित सल्लाह दिनुहुन्छ।परामर्शका लागि इच्छुक महानुभावहरुले दिउँसो ३:३० सम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्शका लागि, २ हप्ता अगाडि सम्पर्क गर्नुहोला।

गोपनीयता कडा पालना गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन नम्बर ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान ९ बजेदेखि बेलुका ५:३० बजेसम्म कल स्वीकार गरिन्छ।

 

 

LINE कल मार्फत परामर्श लिन सकिन्छ!

फाउण्डेशनको LINE आधिकारिक Account बाट प्रत्यक्ष कल गरी जीवनयापनसँग सम्बन्धित परामर्श वा निःशुल्क परामर्शको लागि बुकिंग आदि गर्नका लागि सम्पर्क गर्न सक्नुहुन्छ। फोन अनुवाद सेवाबाट बहुभाषी सहयोग पनि उपलब्ध छ।

थप रूपमा, फाउण्डेशनको कार्यक्रम र विदेशी बासिन्दाको लागि जानकारीहरू पनि प्राप्त गर्न सकिन्छ।

फुकुओका सिटी इन्टरनेशनल फाउण्डेसनको होमपेजबाट अवश्य पनि "Friend Add" गर्नुहोला।

च्याट सेवा उपलब्ध छैन। लेखेर परामर्श गर्न चाहनुहुन्छ भने, फाउण्डेशनको होमपेजमा रहेको सम्पर्क फारम प्रयोग गर्नुहोस्।

【आकुतागावा पुरस्कार / नाओकी पुरस्कार】

जापानका प्रमुख साहित्य पुरस्कारहरू मध्ये एक हो, 【आकुतागावा पुरस्कार】। यस वर्ष फुकुओका शहरको सेइनान् गाकुइन विश्वविद्यालयको स्नातकोत्तर विद्यार्थी २३ वर्षीया 【सुजुकी युई】ले प्राप्त गर्नुभएको छ। उहाँ, विश्वविद्यालयमा अंग्रेजी साहित्यको अध्ययन सँगसँगै सिर्जनात्मक कार्यमा पनि संलग्न हुनुहुन्छ।

जापानी साहित्यको दुनियाँमा थुप्रै पुरस्कारहरू छन्, तर तीमध्ये विशेष गरी सम्मान र इतिहासको गर्व गर्ने पुरस्कारहरू हुन् 【आकुतागावा पुरस्कार】 र 【नाओकी पुरस्कार】।
【आकुतागावा पुरस्कार】 भनेको पत्रिकामा प्रकाशित नयाँ लेखकद्वारा लेखिएका शुद्ध साहित्यका मध्य र छोटो कथाहरूबाट चयन गरिन्छ। 【नाओकी पुरस्कार】 भनेको नयाँ र मझौला लेखकद्वारा लेखिएका मनोरन्जनात्मक कृतिहरू, एकल पुस्तक, लामो उपन्यास वा सङ्ग्रहित कथाहरूको लागि हुन्छ।

दुवै पुरस्कारको चयन प्रक्रिया वर्षमा दुईपटक हुन्छ—पहिलो अर्धवार्षिक चयन जुलाईमा र दोस्रो अर्धवार्षिक चयन अर्को वर्षको जनवरीमा गरिन्छ। दुवै पुरस्कारहरू सार्वजनिक प्रतियोगिता द्वारा दिइने पुरस्कार होइन। 【आकुतागावा पुरस्कार】 पत्रिकामा प्रकाशित कृतिहरूको लागि हुन्छ, भने 【नाओकी पुरस्कार】 पुस्तकको रूपमा प्रकाशित कृतिहरूको लागि। दुवै पुरस्कारका लागि, निर्धारित अवधिमा प्रकाशित कृतिहरूको मध्यबाट, कयौं प्राथमिक चयन पछि अन्तिम उम्मेदवारहरू छनोट गरिन्छ र चयन प्रक्रिया द्वारा पुरस्कार चयन गरिन्छ। कहिलेकाहीं, कुनै पुरस्कार बिना पनि सकिन्छ।

पुरस्कार प्राप्त कृतिहरू प्रायः सो समयका सामाजिक पृष्ठभूमि र मूल्यहरूलाई प्रतिध्वनित गर्छन्, जसबाट समकालीन जापानी संस्कृति र इतिहासको बारेमा बुझ्न सकिन्छ।
यस पटकको पुरस्कार प्राप्त कृति एक जर्मन साहित्यकार, गोएथेका अनुसन्धानकर्ता एक पुरुष प्राध्यापकको कथामा आधारित छ। मौका मिल्यो भने, पक्कै पनि यो कृति पढ्नुहोला।

 

 

【फुकुओका सिटी इन्टरनेशनल फाउण्डेसनको सूचना】

कानूनी परामर्श र मानसिक परामर्श अर्थात् व्यक्तिगत परामर्शको परिचय

फुकुओका सिटी इन्टरनेशनल सेन्टरमा रहेको फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क “कानूनी परामर्श” र “मानसिक परामर्श अर्थात् व्यक्तिगत परामर्श” प्रदान गर्दैआईरहेको छ।

“कानूनी परामर्श”, हरेक महिनाको पहिलो शनिबार, बिहान १०:३० देखि दिउँसो १:३० बजेसम्म र

तेस्रो बुधबारको दिउँसो १:०० बजेदेखि ४:०० बजेसम्म, प्रदान गरिंदै आइरहेको छ। परामर्श अवधि ४५ मिनेट।

बुकिंगको आधारमा Fukuoka Bar Association को प्रसाशनिक वकिलद्वारा निःशुल्क परामर्श प्राप्त गर्न सक्नुहुन्छ। भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोला।

मानसिक परामर्श अर्थात् व्यक्तिगत परामर्श, हरेक हप्ताको सोमबार, मंगलबार, र विहिबार, जापानी क्लिनिकल मनोवैज्ञानिकहरुद्वारा, अंग्रेजी र जापानी भाषामा परामर्श प्रदान गरिंदै आइरहेको छ। चाहनुहुने महानुभावहरुले बुकिंग गर्नुहोला।

जुनसुकै परामर्श पनि, गोपनीयता कडा पालन गर्ने भएकोले ढुक्क भएर परामर्श लिनुहोस्।

सम्पर्क काउन्टर खुल्ने समय, सोमबारदेखि शुक्रबार, बिहान ९ बजेदेखि बेलुका ५:३० बजेसम्म हो। 

फोन नम्बर (०१२०-६६-१७९९) हो।

 

 

LINE कल मार्फत परामर्श लिन सकिन्छ!

फाउण्डेशनको LINE आधिकारिक Account बाट प्रत्यक्ष कल गरी जीवनयापनसँग सम्बन्धित परामर्श वा निःशुल्क परामर्शको लागि बुकिंग आदि गर्नका लागि सम्पर्क गर्न सक्नुहुन्छ। फोन अनुवाद सेवाबाट बहुभाषी सहयोग पनि उपलब्ध छ।

थप रूपमा, फाउण्डेशनको कार्यक्रम र विदेशी बासिन्दाको लागि जानकारीहरू पनि प्राप्त गर्न सकिन्छ।

फुकुओका सिटी इन्टरनेशनल फाउण्डेसनको होमपेजबाट अवश्य पनि "Friend Add" गर्नुहोला।

च्याट सेवा उपलब्ध छैन। 
लेखेर परामर्श गर्न चाहनुहुन्छ भने, फाउण्डेशनको होमपेजमा रहेको सम्पर्क फारम प्रयोग गर्नुहोस्।

【हाताचि नो चुदोई" अर्थात् वयस्क दिवस】

फुकुओका शहरमा २० वर्ष उमेरका व्यक्तिहरूका लागि, रेइवा ७ को जनवरी १३, का दिन, जुन अर्को हप्ता सोमबार सार्वजनिक बिदाको दिन पर्छ, हाकाटा वार्डस्थित मरीनमेस्से फुकुओकामा "हाताचि नो चुदोई" अर्थात् वयस्क दिवसको स्मृति कार्यक्रम आयोजना गरिनेछ।
वयस्क दिवस भनेको नयाँ वयस्कहरूले एक जिम्मेवार व्यक्तिको रूपमा पहिलो कदम चाल्ने दिन हो। यो २० वर्ष पुगेको खुशीयाली मनाउने दिन हो, र जापानमा यो सार्वजनिक बिदाको रूपमा मनाइन्छ।
कार्यक्रममा, नगरप्रमुखको बधाई सन्देश, आयोजन समिति द्वारा तयार पारिएका रोचक योजनाहरू, र फुकुओका संग सम्बन्ध भएका प्रख्यात व्यक्तिहरूका भिडियो सन्देशहरू समावेश गरिएका छन्।
त्यसैगरी, कार्यक्रम स्थलको बाहिर, पुराना साथीहरू र सहपाठीहरूसँग पुनर्मिलन गर्ने र तस्वीर खिच्ने नयाँ वयस्कहरूको उत्साहपूर्ण दृश्यहरू देख्न सकिन्छ, जसले निकै रमाइलो वातावरण सिर्जना गर्छ।
यो दिन परम्परागत रूपमा औपचारिक पोशाक लगाएर सहभागी हुने चलन छ। धेरैजसोले जापानी परम्परागत पहिरनजस्तै किमोनो वा हाकामा लगाउँछन्। कोहीले आफ्नो परिवारबाट पुस्तौँदेखिको अमूल्य किमोनो, कोहीले नयाँ सुट, र कोहीले विशेष मौलिक डिजाईनको पहिरन लगाउँछन्। उनीहरू बिहानैदेखि तयार भएर सजिन्छन्।
यस दिनको सम्झनालाई स्थायी बनाउन फोटो स्टुडियोमा फोटो खिच्ने, परिवारसँग विशेष खानाको मजा लिने, र पुराना साथीहरूसँग पुनर्मिलन कार्यक्रममा सहभागी हुने चलन पनि छ। यो आफ्ना अभिभावक र आफूलाई हुर्काउनेहरूप्रति कृतज्ञता व्यक्त गर्ने महत्वपूर्ण दिन पनि हो।
यस वर्ष २० वर्ष पुग्न लागेका सबैलाई र उहाँहरूको परिवारलाई यो विशेष दिन खुसीमय रहोस्! धेरै धेरै बधाई!

 

 

【फुकुओका सिटी इन्टरनेशनल फाउण्डेसनको सूचना】

"संयुक्त राष्ट्रका कर्मचारीसँग मिलेर सहर निर्माण गरौँ!" सहभागीताको लागि आवेदन खुला

फुकुओका सिटी इन्टरनेशनल फाउण्डेसनले UN-Habitat Fukuoka Headquarter का कर्मचारीलाई प्रशिक्षकको रूपमा आमन्त्रण गरी सहर निर्माण सम्बन्धी कार्यशाला आयोजना गर्ने भएको छ।

यस कार्यशालामा सहभागी हुन चाहने व्यक्तिहरूको उमेर सीमा कक्षा ४ देखि कक्षा ९ सम्मका प्राथमिक विद्यालयदेखि माध्यमिक विद्यालयका विद्यार्थीहरु हुन्।
कार्यक्रम, जनवरी १९, आइतवार; १०:०० बजे देखि ११:३०बजे सम्म आयोजना हुनेछ। कार्यक्रम स्थल ACROS Fukuoka को सभा कक्ष हो।

UN-Habitat Fukuoka Headquarter, क्यूसु क्षेत्रको एक मात्र संयुक्त राष्ट्रको संस्था हो, जसले "मानव बसोबास" सम्बन्धी विभिन्न परियोजनाहरू सञ्चालन गर्छ।

कार्यशालामा सहभागीहरू आफूलाई Habitat गाउँका बासिन्दाको रुपमा सोची, भारी वर्षाबाट धेरै क्षति भएको गाउँको पुन:निर्माणको लागि सबैजना मिलेर योजना बनाउनेछन्।

कार्यशाला सरल जापानी भाषामा सञ्चालन हुने भएकोले विदेशी मूलका बालबालिकाहरू पनि सहज रूपमा सहभागी हुन सक्छन्।
संयुक्त राष्ट्रका विश्वव्यापी गतिविधिहरूमा रुचि राख्नुहुने सबैलाई सहभागिताको लागि स्वागत छ।

सहभागिता निःशुल्क छ, तर अग्रिम बुकिंग अनिवार्य छ।
बुकिंग प्रक्रिया र अन्य जानकारीको लागि फुकुओका सिटी इन्टरनेशनल फाउण्डेसनको वेबसाइट वा फेसबुक पेज हेर्नुहोस्।
फाउन्डेसनको वेबसाइट『www.fcif.or.jp』।

 

 

‘विदेशीहरुका लागि आप्रवासन, आवास र राष्ट्रियता सम्बन्धि परामर्श’

आवासको स्थिति र आवास अवधिको बारेमा, केही कुरा नबुझ्नु भएको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ। 

हरेक महिनाकोदोस्रो आइतबारको दिउँसो१ बजेदेखि ४ बजेसम्म, प्रसाशनिक वकिलद्वारा तपाईंहरुको प्रश्न र परामर्शको उचित सल्लाह दिनुहुन्छ।परामर्शका लागि इच्छुक महानुभावहरुले दिउँसो ३:३० सम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्शका लागि, १ हप्ता अगाडि सम्पर्क गर्नुहोला।

गोपनीयता कडा पालना गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन नम्बर ०१२०-६६-१७९९ मा सम्पर्क गर्नुहोला।

सोमबारदेखि शुक्रबार, बिहान ९ बजेदेखि बेलुका ५:३० बजेसम्म कल स्वीकार गरिन्छ।

नयाँ वर्ष २०२५ को हार्दिक मंगलमय शुभकामना！
वर्ष २०२५ को आज यो पहिलो प्रसारण!
तपाईंहरुको नयाँ वर्षको बिदा कस्तो हुँदैछ? पक्कै पनि रमाइलोसँग नै बितिरहेको होला!

यस वर्ष पनि 【LIFE IN FUKUOKA】 तपाईँहरू सबैका लागि राम्रो मार्गनिर्देशन बन्न सकोस् भन्ने आशा गर्दछु♪
आगामी दिनहरूमा पनि सहयोग र सहकार्यको अपेक्षा गर्दछु।
वर्षको पहिलो प्रसारणमा, नयाँ वर्षको शुभकामनासँग सम्बन्धित परिकार【ओसेची र्योउरी】को बिषय लिएर आएकी छु।

【ओसेची र्योउरी】

तपाईँहरूले जापानमा नयाँ वर्षमा के खाने गर्नुहुन्छ?
जापानमा नयाँ वर्षका लागि भाग्यमानी मानिने विभिन्न परिकारहरू खाने चलन छ। जापानी नयाँ वर्ष भन्नासाथ सबैभन्दा प्रख्यात परिकार भनेको【ओसेची र्योउरी】हो।

【ओसेची】को मूल अर्थ भनेको मौसम परिवर्तनका विशेष अवसरहरूमा, राम्रो उत्पादनको लागि भगवानप्रति कृतज्ञता व्यक्त गर्न "चढाइने परिकार" हो।
आधुनिक समयमा यो परिकार नयाँ वर्षको शुभकामना आदान-प्रदान गर्न परिवारका सदस्यहरूसँग बसेर खाने चलन बनेको छ। साथै, आगन्तुकहरूलाई समेत यो परिकार पस्कने गरिन्छ।

【ओसेची र्योउरी】 विशेष गरिज्युबाकोअर्थात् परम्परागत बक्समा राखिन्छ। यसको पछाडि केही कारणहरू छन्। एउटा कारण भनेको “बक्सलाई तह लगाउनु भनेको खुशी थुपार्नु" भन्ने अर्थ हो। त्यस्तै, ज्युबाकोमा खाना राख्दा कम ठाउँ लिन्छ, र आगन्तुकलाई सजिलै पस्कन सकिन्छ भन्ने व्यावहारिक कारण पनि छ।

वर्षको अन्त्यमा 【ओसेची】 वा नयाँ वर्षमा खाइने परिकारहरू तयार गर्ने, र नयाँ वर्षको दिनमा खाना नपकाइ यी परिकारहरू खाएर समय बिताउने परम्परा छ। नयाँ वर्षको १ तारिकदेखि ३ दिनसम्म, भगवानलाई स्वागत गरेर, वर्षभरि राम्रो बाली र परिवारको सुरक्षाको कामना गरिन्छ। त्यसैले नयाँ वर्षमाचुल्हो बाल्नवाआगो प्रयोग गरिंदैन। साथै, खाना पकाउने व्यक्तिलाई आराम दिने उद्देश्यले भान्साको काम घटाउन, नयाँ वर्षको केही दिन अगाडि नै 【ओसेची र्योउरी】 तयार गरिन्छ। चिसो हुँदा पनि स्वादिलो हुने र लामो समयसम्म टिक्ने गरी विशेष रूपले 【ओसेची र्योउरी】 तयार पारिन्छ।

【ओसेची र्योउरी】को प्रत्येक परिकारमा शुभ संकेत वा कामना समावेश गरिएको हुन्छ। ओसेची खानाका सामग्रीहरू क्षेत्र अनुसार फरक हुन सक्छन्, तर समग्रमा करिब २० देखि ३० प्रकारका परिकारहरू समेटिन्छन्। विभिन्न प्रकारका सामग्री र परिकारहरू स्वाद लिन सकिने कुरामा 【ओसेची र्योउरी】 को विशेषता छ। "नयाँ वर्षमनाउने ३ परिकारहरु" सन्तानको वृद्धि, स्वास्थ्यको दीर्घायु, र राम्रो उत्पादनको प्रतीकहुन्। यसमा, "मदिरासँग खाने परिकार," "समुद्री खानाबाट बनेको ग्रिल परिकार," "सागपात तरकारीको परिकार" र "अचार" गरी ५ प्रकारका परिकारहरू समाबेश हुन्छन्। 

ज्युबाको अर्थात् खाना राख्ने बक्समा कुन तहमा कुन परिकार राख्ने भन्ने पनि निर्धारित गरिएको हुन्छ। परम्परागत रूपमा, पाँच तहको ज्युबाकोमा परिकारहरू राखिन्छ। क्षेत्र अनुसार समावेश गरिने परिकार फरक हुन सक्छन्। पहिलो तहमा" नयाँ वर्षको शुभकामना दिने ३ परिकार" र "मदिरासँग खाने परिकार" राखिन्छ। दोस्रो तहमा,"ग्रिल परिकार"। त्यस्तै तेस्रो र चौथो तहमा, "सागपात तरकारीको परिकार" र "अचार"। पाँचौं तह चाहिं, भाग्य भर्ने ठाउँको रूपमा खाली राखिन्छ।

हालैका वर्षहरूमा, तीन तहको ज्युबाकोप्रयोग गर्ने चलन बढ्दो छ। पहिलो तहमा "नयाँ वर्षको शुभकामना दिने ३ परिकार" र "मदिरासँग खाने परिकार" राखिन्छ। दोस्रो तहमा, " ग्रिल परिकार" र "अचार"। तेस्रो तहमा, "सागपात तरकारीको परिकार" राखिन्छ।

"नयाँ वर्षको शुभकामना दिने ३ परिकारहरु" मा, कुरोमामे: मीठो बनाएर पकाइएको कालो भटमास। खाजुनोको: निसिन माछाको अण्डा नुन राखेर तयार पारिएको परिकार। ताजुकुरी: सुकेको इवासीको साना माछाहरु भुटेर, त्यसमा चिनी, सोयासस र मिरिनले गुलियो र पिरो स्वाद दिने गरी बनाइएको परिकार। ताताकीगोबो जस्ता प्रमुख छन्।

"मदिरासँग खाने परिकारहरु"मा, कुरि किन्तोन: चेस्टनट र आलु प्रयोग गरेर बनाइएको गुलियो पेस्ट। कोहाकु कामाबोको: गुलाफी र सेतो रंगको माछाको पेस्ट। दातेमाकी: अण्डा र माछाको पेस्ट, चिनी मिसाएर पकाइएको परिकार। कोंबुमाकी: निसिनलाई कंबुमा मोलेर, कान्प्योले बाँधेर गुलियो र नरम पकाइएको परिकारहरु प्रमुख छन्। 

त्यस बाहेक, राम्रो भाग्यको प्रतीक मानिने समुद्री खानाहरू जस्तै बुरी, ताई, र इसेइबी प्रयोग गरेर बनाइएको "ग्रिल परिकार", गाजर र मुला प्रयोग गरेर बनाइएको अमिलो खाना "कोहाकु नामासु", त्यस्तै, रेनकोन, सातोइमो, मुला, गाजर, र कोंन्याकु प्रयोग गरेर बनाइएको "सागपात तरकारीको परिकार" खाने गरिन्छ।

हरेक परिकारमा विशेष अर्थ र शुभकामना समेटिएको हुन्छ, र समय दिएर मिहिनेतका साथ 【ओसेची र्योउरी】तयार गरिन्छ । नयाँ वर्षमा विभिन्न शुभ संकेतले भरिएको 【ओसेची र्योउरी】 खाने परम्परा अझै पनि जापानी संस्कृतिको गहिरो छाप छ। 【ओसेची】 सम्बन्धी चलन क्षेत्र अनुसार फरक हुन सक्छ, तर आधुनिक समयमा 【ओसेची र्योउरी】मा पनि विविधतामा आएको छ। आफ्नो परिवारको शैली अनुसारको 【ओसेची र्योउरी】 बनाएर, वर्षभरि स्वास्थ्य र सुखको कामना गरौं।

 

नयाँ वर्ष २०२५ सबैको लागि सुखद रहोस्। तपाईंहरुको इच्छा आकांक्षा पूरा होस् भनि कामना गर्दछु♡

【सीसाइड मोमोची ICE SKATING PARK】

श्रोताहरू, के तपाईंहरूले कहिल्यै आइस स्केटिङ गर्नुभएको छ? यो जाडो मौसमको विशेष गतिविधि हो। यस जाडोमा, फुकुओकाको प्रसिद्ध पर्यटकीय क्षेत्रमोमोचिहामामा, आइस्केटिङ पार्क "सीसाइड मोमोची ICE SKATING PARK" खुल्ला भएको छ।

यो पार्क २४ फेब्रुअरीसम्म मात्र खुल्ला रहने छ, र "फुकुओका टावर" अगाडि रहेको हरियाली पार्कमा स्केटिङ गर्न पाइनेछ। साथै, मौसम अनुसारका विभिन्न कार्यक्रमहरू आयोजना गरिनेछन्।

२५ डिसेम्बरसम्म, मोमोचिमा पहिलो पटक आयोजना हुने क्रिसमस मार्केट हुनेछ। डिसेम्बर २८ देखि २०२५ को जनवरी १३ सम्म, द्वार, तोरि गेट, र पूजास्थलहरू जस्ता नयाँ वर्षको विशेष सजावटहरु हुनेछन्। १६ जनवरीदेखि २४ फेब्रुअरीसम्म, भ्यालेन्टाइन माहोल बनाउन हार्ट मोन्युमेन्ट स्थापना हुनेभएको छ।

त्यस अतिरिक्त, स्केटिङ सिक्ने कक्षाहरू र स्केट शोहरू पनि आयोजना हुनेछन्।

"सीसाइड मोमोची ICE SKATING PARK" को सञ्चालन समय बिहान ११:०० बजेदेखि राति ९ बजेसम्म हो। मौसमका कारण सञ्चालन समय परिवर्तन हुन सक्छ, त्यसैले जानुअघि आधिकारिक वेबसाइट जाँच गर्नुहोस्।

टिकट मूल्य, बयस्कका लागि १७०० येन र माध्यमिक तहका विद्यार्थीहरू वा सो भन्दा मुनिका लागि १२०० येन हो, जसमा जुत्ताको शुल्क समावेश छ।

बयस्क र बच्चा दुवैले रमाइलो गर्न सक्ने यो अवसर नछुटाउनुहोस्। यस जाडोमा, आइस स्केटिङको आनन्द लिन सीसाइड मोमोची मा अवश्य जानुहोस्!

 シーサイドももち ICE SKATING PARK🔎https://fuk-sc.com/

 

 

【यो फुकुओका शरहको सूचना हो।】

“वर्षको समाप्ति र नयाँ वर्ष सुरक्षित र ढुक्क साथ बिताउनका लागि”

वर्षको अन्त्य र नयाँ वर्षमा प्रायः मदिरा पिउने अवसर धेरै हुन्छ।

मदिरा पिएपछि, आफैं वा अरू कसैलाई गाडी चलाउन कहिल्यै अनुमति दिनु हुँदैन।

मदिरा पिएपछि साइकल चलाउनु पनि कानुनले प्रतिबन्धित गरेको छ।

भोलिपल्ट बिहान मदिरा अलिकति पनि बाँकी छ भन्ने लागेको अवस्थामा सवारी चलाउन हुँदैन।

यस अतिरिक्त, वर्षको अन्त्यमा सडक दुर्घटनाको संख्या बढ्ने गर्दछ।

राति बाहिर निस्कँदा, चालकहरूले सजिलै देख्न सक्ने गरी उज्यालो लुगा वा राती चम्किलो देखिने लुगा लगाउनुस्।

साँझपख गाडी वा साइकल चलाउँदा छिट्टै बत्ती बाल्न नबिर्सनुहोस्।

अब, सामाजिक मिडिया मार्फत गरिने लगानी ठगी र रोमान्स ठगीबारे जानकारी गराउँदै छु।सामाजिक मिडिया वा डेटिङ एप्स मार्फत चिनजान गरिएका मानिसहरूबाट वा चर्चित व्यक्तिका रूपमा प्रस्तुत भई लगानी गर्न सुझाउनेहरूबाट ठगीका घटनाहरू बढिरहेका छन्।यस्ता ठगीबाट जोगिनका लागि

१. सामाजिक मिडिया वा इन्टरनेटमा गरिने लगानीको आग्रहमा सजग रहनुहोस्। 

२. प्रत्यक्ष रूपमा भेट नभएका व्यक्तिले तपाईंलाई पैसासँग सम्बन्धित कुरा गरे भने, त्यो ठगी हुन सक्छ भनेर शङ्का गर्नुहोस्। 

३. "निश्चित रुपमा लाभ हुन्छ", "मूलधनको ग्यारेन्टी" जस्ता शब्दहरू प्रयोग गरेर गरिने लगानीको आग्रह ठगी हो।

यी तीन कुराहरुमा ध्यान दिनुहोस्।

अर्को कुरा, बाहिर हिंड्दा वा साइकल चलाउँदा धूम्रपान नगर्नुहोस्।वरपर मानिस भएको बेला बाहिर धूम्रपान नगर्नुहोस्। तपाईंहरुको सहकार्यको अनुरोध गर्दछौं।

आफू र आफ्ना प्रियजनहरुलाई सुरक्षित राख्दै रमाइलो नयाँ वर्ष मनाउनुहोस्।