Life in Fukuoka "Nepali"

【स्ट्रिट पियानो】

पछिल्लो समय स्टेशन र सार्वजनिक ठाउँहरूमा जोसुकैले बजाउन मिल्ने "स्ट्रिट पियानो" निकै लोकप्रिय बन्दै गएका छन्। फुकुओकामा पनि तेन्जिनको सोलेरिया प्लाजा, मेइनोहामाको आयोन मारिना टाउन र बेसाइड प्लेस हाकाता जस्ता ठाउँमा यस्ता पियानोहरू राखिएका छन्। विशेषगरी बेसाइड प्लेस हाकातामा ठूलो एक्वेरियम अगाडि राखिएको ग्राण्ड पियानो त फोटो खिच्नका लागि पनि निकै चर्चित छ।

एउटा खुसीको खबर! सन् २०२५ को ओसाका–कान्साई एक्स्पो (Osaka-Kansai Expo) मा प्रदर्शन गरिएको विशेष स्ट्रिट पियानो अब हाम्रो फुकुओकामा आउँदैछ। एक्स्पोको चर्चित पात्र "म्याकु-म्याकु"को डिजाइन गरिएको यो पियानो यसै हप्ता जनवरी १७, शनिबारदेखि प्रदर्शनीमा राखिनेछ।

स्थान: आक्रोस फुकुओका (Across Fukuoka) को भुइँतल्ला (B1) मा रहेको यामाहा म्युजिक फुकुओका स्टोर।

समय: जनवरी १७ देखि २६ तारिखसम्म।

सञ्चालन समय: बिहान ११:३० देखि बेलुका ६:३० सम्म (मंगलबार पसल बन्द रहनेछ)।

यो विशेष पियानो एक्स्पोमा देखिएको एउटा मात्र 'मोडल' हो, जुन अहिले जापानका ५ वटा ठूला सहरहरू घुम्दै फुकुओका आइपुगेको हो। प्रदर्शनी अवधिभर जोसुकैले पनि यो पियानो सित्तैमा बजाउन सक्नुहुन्छ। एक्स्पोमा मात्र देख्न पाइने यो दुर्लभ पियानोलाई नजिकैबाट हेर्ने र बजाउने यो एउटा सुनौलो अवसर हो।

तपाईं पनि संगीतको आनन्द लिन एक पटक पक्कै जानुहोला!

【फुकुओका सिटीको सूचना】

"फुकुओका किबो च्युउ गाक्को" मा विद्यार्थी भर्ना खुल्यो

"फुकुओका किबो च्युउ गाक्को" भनी चिनिने विद्यालयको बारेमा यहाँहरुलाई जानकारी छ?

यो फुकुओका सहरद्वारा सञ्चालित सरकारी रात्रिकालीन विद्यालय हो। विभिन्न कारणले विद्यालय जान नपाएका वा पढाइ पूरा गर्न नसकेकाहरूका लागि यो खोलिएको हो। यहाँ जुनसुकै देशका नागरिकले पनि भर्ना पाउन सक्छन्।

यहाँ दिउँसोको माध्यमिक विद्यालयमा जस्तै ९ वटै विषय पढाइ हुन्छ, तर जापानी भाषामा समस्या हुने विद्यार्थीहरूले जापानी भाषाको विशेष कक्षा पनि लिन सक्नेछन्।

विद्यालयको पाठ्यक्रम पूरा गरेपछि, माध्यमिक विद्यालयको स्नातकको प्रमाणपत्र प्राप्त हुनेछ।

कक्षा सोमबारदेखि शुक्रबार साँझ ५:५० बजेबाट राती ९:१५ बजे सम्म हुन्छ। 

विद्यालयको ठेगाना, सवारा वार्डको मोमोचीमा अवस्थित छ।

कक्षाको शुल्क र पाठ्यपुस्तकको खर्च लाग्ने छैन।

अहिले 'फुकुओका किबोउ च्युउ गाक्को' ले नयाँ विद्यार्थीहरू भर्ना लिंदैछ।

यस विद्यालयमा भर्ना हुनका लागि आवेदन दिने अन्तिम मिति २०२६ जनवरी ३० सम्म रहेको छ। यदि तपाईं भर्ना हुन चाहनुहुन्छ भने फोन वा वेबसाइटमार्फत आवेदन दिन सक्नुहुन्छ।

सम्पर्कका लागि फोन नम्बर हो: (०९२-४००-०७५१)

वेबसाइटको लागि, कृपया "फुकुओका किबो च्युउ गाक्को सेइतो बोस्यु (福岡きぼう中学校 生徒募集)" भनेर खोज्नुहोस्।

सोधपुछ तथा परामर्शको लागि पनि सम्पर्क गर्न सकिन्छ।

वेबसाइटमा दिइएको इमेल ठेगाना प्रयोग गरेर, सजिलै सोधपुछ गर्न सक्नुहुनेछ।

【खागामी बिराकी】

नयाँ वर्षको बिदा सकिएर यो हप्तादेखि धेरैजना आफ्नो काम र दैनिक जीवनमा फर्किनुभएको होला। तपाईंहरूको यो सुरुवात सुखद र ऊर्जावान् रहोस् भन्ने कामना गर्दछौं।

आज हामी "खागामी मोची" बारे कुरा गर्नेछौं। यो भगवानलाई चढाइने चामलको रोटी (Mochi) हो। यस हप्ताको आइतबार, जनवरी ११ मा, घरमा सजाएर राखिएका यी मोचीहरूलाई निकालेर स्वास्थ्यको कामना गर्दै खाने चलन छ, जसलाई "खागामी बिराकी" भनिन्छ।

यस परम्पराका केही खास कुराहरू छन्, जस्तै कि; भगवानलाई चढाइएको हुनाले यसलाई चक्कुले काट्नु अशुभ मानिन्छ। त्यसैले काठको हथौडाले हानेर स-साना टुक्रा पारिन्छ। त्यस्तै, यसको गोलो आकारले पुराना ऐनालाई जनाउँछ। दुई तहमा राखिएका मोचीले "खुसी थपिँदै जाओस्" र "जीवन सुखद रहोस्" भन्ने अर्थ दिन्छ।

यी मोचीहरू सुकेर कडा हुने भएकाले सूप वा भुटेर खाने गरिन्छ। भगवानको शक्ति र आशीर्वाद मानिने यो मोचीलाई नफालेर स्वादिलो परिकार बनाई खानु महत्त्वपूर्ण छ।

यसरी "खागामी मोची" खाएर नयाँ वर्षलाई स्वस्थ र ऊर्जावान् बनाउनुहोस्!

【फुकुओका सिटीको सूचना】

शिशु तथा बालबालिका अन्तरक्रिया कक्षा- “याराना हिरोबा”

साना बालबालिकाका आमाबुबाहरू, एकछिन आराम गर्ने पो हो कि?

हाकाता वार्डमा रहेको नाराया सामुदायिक केन्द्रमा, हरेक महिना आमाबुबा र बच्चाहरुले रमाइलो समय बिताउन सक्ने "शिशु तथा बालबालिका अन्तरक्रिया कक्षा" (याराना हिरोबा) सञ्चालन भइरहेको छ।

जनवरी महिनाको विषय "सान्नो कोदोमो प्लाजा: किन्डरगार्टेन र नर्सरी स्कूल" रहेको छ।

यो कार्यक्रम हाकाता वार्डका बाल-सहयोग परामर्शदाता Concierge द्वारा सञ्चालन गरिनेछ। जनवरी १३, मंगलबार बिहान १०:३० देखि ११:३० सम्म हुने यस कार्यक्रममा सुरुको १५ मिनेट जानकारीमूलक कक्षा हुनेछ र बाँकी समय स्वतन्त्र छलफलका लागि छुट्याइएको छ।

यस सत्रमा तपाईंले किन्डरगार्टेन र नर्सरी स्कूलबीचको भिन्नता, भर्ना प्रक्रिया र आवश्यक तयारीबारे जानकारी पाउनुहुनेछ। कार्यक्रम सकिएपछि परामर्शदातासँग व्यक्तिगत रूपमा सल्लाह लिने अवसर पनि मिल्नेछ।

साना बालबालिकाका अभिभावकहरूका लागि यो निकै उपयोगी हुनेछ, सहभागी हुनुहोला!

थप जानकारी र दर्ताका लागि कृपया फुकुओका सिटी इन्टरनेशनल फाउण्डेसनको फेसबुक पेज हेर्नुहोला। हामी तपाईंहरूको सहभागिताको प्रतीक्षामा छौं!

“विदेशीहरुका लागि आप्रवासन, आवास र राष्ट्रियता सम्बन्धि परामर्श”

आवासको स्थिति र आवास अवधिको बारेमा, केही कुरा नबुझ्नु भएको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो १ बजेदेखि ४ बजेसम्म, प्रसाशनिक वकिलद्वारा तपाईंहरुको प्रश्न र परामर्शको उचित सल्लाह दिनुहुन्छ। परामर्शका लागि इच्छुक महानुभावहरुले दिउँसो ३:३० सम्ममा काउण्टरमा सम्पर्क राख्नु होला।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्शका लागि, २ हप्ता अगाडि सम्पर्क गर्नुहोला।

गोपनीयता कडा पालना गर्ने भएकोले ढुक्क भएर परामर्श लिनुहोस्।

विस्तृत जानकारीका लागि, फोन नम्बर (०१२०-६६-१७९९) मा सम्पर्क गर्नुहोला।

सोमबारदेखि शुक्रबार, बिहान ९ बजेदेखि बेलुका ५:३० बजेसम्म कल स्वीकार गरिन्छ।

【हाचुमोदे】

तपाईहरु सबैलाई सन् २०२६ नयाँ वर्षको हार्दिक शुभकामना!

明けましておめでとうございます！

यस वर्ष पनि “LIFE IN FUKUOKA” ले तपाईंको फुकुओका बसाइलाई अझ सहज र सुखद बनाउन उपयोगी जानकारीहरू दिनेछ भन्ने आशा राख्दछौं।

यो वर्ष पनि हामीलाई यसैगरी साथ दिनुहोला!

सन् २०२६ को यो पहिलो प्रसारणमा, जापानको नयाँ वर्षको परम्परा “हाचुमोदे" अर्थात् नयाँ वर्षको पहिलो मन्दिर दर्शनको बिषय लिएर आएकी छु।

नयाँ वर्षको सुरुवातमा पहिलो पटक मन्दिर गएर दर्शन गर्ने परम्परालाई “हाचुमोदे” भनिन्छ। यस अवसरमा बितेको वर्षको लागि धन्यवाद दिने र नयाँवर्षको सुरक्षा तथा शान्तिको प्रार्थना गरिन्छ। हरेक वर्ष जनवरी १ देखि नै मन्दिरहरूमा दर्शनार्थीहरूको ठूलो भीड लाग्ने गर्छ।

दर्शन गरिसकेपछि धेरैले आफ्नो भाग्य जाँच्न “ओमिकुजी” लिने, नयाँ “ओमामोरी” (ताबीज) किन्ने वा काठको पाटी “एमा” मा आफ्ना सपना रलक्ष्यहरू लेख्ने गर्छन्। साथै, अघिल्लो वर्ष प्रयोग गरिएका पुराना ओमामोरीहरूलाई धन्यवादसहित मन्दिरमा फिर्ता गर्ने यो उत्तम समय पनि हो।

फुकुओका लगायत पश्चिम जापानमा नयाँ वर्षको पहिलो तीन दिनभित्र तीनवटा फरक-फरक मन्दिरको दर्शन गर्ने “सान्सा माइरी” भन्ने विशेष चलनछ। तीनवटा मन्दिर धाउनाले धेरै पुण्य र आशिर्वाद मिल्ने विश्वास गरिन्छ।

फुकुओकाका तीन प्रसिद्ध मन्दिरहरू यस प्रकार छन्:

• दाजाइफु तेन्मान्गु : शिक्षा र बुद्धिका देवता।
• हाकोजाकि गु : विजय र सुरक्षाका देवता।
• मियाजिदाके जिन्जा : व्यापारमा सफलता र राम्रो भाग्यका देवता।

तर, तपाईंले यी तिन वटै मन्दिर जानुपर्छ भन्ने छैन। तपाईंले आफ्नो इच्छा अनुसार ट्राफिक सुरक्षा, परिवारको सुख-शान्ति वा प्रेम सम्बन्धका लागिप्रसिद्ध जुनसुकै तीनवटा मन्दिर रोज्न सक्नुहुन्छ। कुन मन्दिर पहिला जाने भन्ने कुनै निश्चित नियम छैन, तपाईं आफ्नो अनुकूलता अनुसार जानसक्नुहुन्छ।

दर्शनका लागि घाम अस्ताउनुअघि अर्थात् उज्यालो समयमै जानु राम्रो मानिन्छ। भनिन्छ कि, दिनको उज्यालोमा मन्दिरको वातावरण बढी पवित्र रसकारात्मक हुन्छ।

नयाँ वर्षको यो विशेष समयमा नयाँ उमंगका साथ प्रार्थना गरौं। सन् २०२६ ले तपाईंहरू सबैको जीवनमा धेरै खुसी र सफलता लिएर आओस् भनिकामना गर्दछु ♡

अब कुरा गरौं, फुकुओकामा नयाँ वर्षको रौनक बढाउने अर्को परम्परागत उत्सवको।

फुकुओका सहरको हाकाता, योसिजुका स्थित “तोका एबिसु” श्राइन मा हरेक वर्ष जनवरी ८ देखि ११ तारिखसम्म “ग्राण्ड न्यू इयर फेस्टिभल”आयोजना गरिन्छ। यो उत्सव विशेषगरी व्यापारमा सफलता र परिवारको सुख-शान्ति को कामना गर्नका लागि मनाइन्छ।

यो चार दिने मेलामा करिब १० लाख दर्शनार्थीहरू आउने गर्छन्। मन्दिर जाने बाटोमा करिब ४०० वटा खानेकुरा र उपहारका स्टलहरू राखिन्छन्, जसलेगर्दा त्यहाँको वातावरण निकै रमाइलो हुन्छ। यहाँको फुकुबिकी (भाग्यशाली चिठ्ठा); काट्ने जोकोहीले पनि केही न केही शुभ उपहार प्राप्त गर्छन्, कोहीपनि खाली हात फर्किनु पर्दैन रे। साथै, जनवरी ९ तारिखमा हाकाताका गेइस्याहरू सुन्दर किमोनोमा सजिएर, परम्परागत संगीतको धुनसँगै हिँडेर मन्दिरदर्शन गर्न आउने दृश्य निकै मनमोहक हुन्छ।

हाकाताका व्यापारीहरूका लागि यो उत्सव नयाँ वर्षको सबैभन्दा महत्त्वपूर्ण कार्यक्रम मानिन्छ। यदि तपाईं पनि फुकुओकामा व्यापार वा कुनै काम गर्नुहुन्छ भने, नयाँ वर्षमा शुभ फल र सफलताको कामना गर्न यो मेलामा पक्कै सहभागी हुनुहोला!

【FUKUOKA SILVESTER CONCERT】

यस वर्ष सकिन अब१० दिनभन्दा कमसमय बाँकी छ। वर्षको अन्त्य र नयाँ वर्षको आगमनलाईसंगीतको साथमास्वागतगर्नेहोइन त?

नयाँ वर्षको पूर्वसन्ध्या, डिसेम्बर ३१मा, हाकाता क्षेत्रकोफुकुओका सनप्यालेसमा "फुकुओका सिल्भेस्टर कन्सर्ट २०२५（FUKUOKA SILVESTER CONCERT 2025）"आयोजना हुनेछ।

यो कार्यक्रम गायन मण्डल र अर्केस्ट्राकासामान्य सहभागीहरूलाई आमन्त्रण गरी सोलो कलाकार र व्यावसायिक संगीतकारहरूसँग मिलेरठूलो मञ्चमा वर्षको अन्त्यगर्ने एक सांगितिक कार्यक्रम हो।

सन् २०१४ मा पहिलो पटक आयोजना भएदेखि, यसलेसंगीत संस्कृतिको प्रसारमा योगदान र मानिसहरूबीच सम्बन्ध स्थापनागर्ने उद्देश्यका साथ धेरै फुकुओका नागरिकहरूलाई संलग्न गराएको छ।

नयाँ सिक्नेहरूलाई स्वागत छ!शास्त्रीय संगीतसँग परिचित नभएकाहरूलाई पनि यहाँ आउन विशेष आग्रह गरिन्छ। दर्शकका रूपमा आउनेहरू अर्को वर्ष गायन मण्डलका कलाकार बनेर स्टेजमापहिलो प्रदर्शनगर्ने उदाहरणहरू पनि छन्।

कन्सर्ट सुरु हुनुअघि नै रमाइलो गर्न सकिनेलबी कार्यक्रममा हल्का खानेकुरा, उपहार स्टल र सडक कलाकारहरूको प्रस्तुतिहरू समावेश छन्, जसले शास्त्रीय संगीतसँग अपरिचित व्यक्तिहरूलाई पनि सजिलै सहभागी गराउँछ। मुख्य कन्सर्टमा पनि "नाइन्थ सिम्फोनी" (Ninth Symphony) लगायत परिचित प्रसिद्ध धुनहरूको प्रस्तुति हुने भएकाले, पहिलो पटक शास्त्रीय संगीत सुन्ने अनुभवका लागि पनि उपयुक्त छ।

कन्सर्टको मुख्य आकर्षण भनेकोवर्ष सकिने (काउन्टडाउन) प्रस्तुतिहो!

यस वर्षकोकाउन्टडाउन धुन (Countdown Song) 'द ब्लू ड्यान्युब' (The Blue Danube) लाई तोकिएको छ! आफ्नो२०० औं जन्म जयन्तीमनाउन लागेकाश्ट्राउस दोस्रोको यस सिर्जनालाई गायन मण्डलसहित प्रस्तुत गरिनेछ। यस प्रस्तुतिमा,उत्सवपूर्ण नयाँ वर्षको आगमनसँगै मनाउने एक विशेष अनुभव प्राप्त गर्न सक्नुहुन्छ।

यो कार्यक्रमडिसेम्बर ३१ को साँझ १० बजेपछिहाकाता क्षेत्रको फुकुओका सनप्यालेसमा सुरु हुनेछ।

आउनुहोस्, यस वर्षको अन्तिम रातलाई संगीत र नयाँ भेटघाटहरूसँगै बिताऔं! शास्त्रीय संगीतको सीमा नाघेर फैलिएको फुकुओकाको विशेष नयाँ वर्षको अनुभव लिऔं!

【फुकुओका सिटीको सूचना】

नयाँ वर्षको बिदालाई सुरक्षित र ढुक्क भएर बिताउनका लागि

नयाँ वर्षको बिदामारक्सी पिउने अवसरहरूधेरै हुन्छन्।

रक्सी पिएपछि, तपाईं आफैंले वा अरू कसैले पनि सवारी साधन नचलाउनुहोस्।

रक्सी पिएपछिसाइकल चलाउनु पनि कानुनले निषेधगरेको छ।

रक्सी पिएको भोलिपल्ट पनिथोरै मात्रामा रक्सी बाँकी रहेको शङ्का लागेमापनि कहिल्यै सवारी साधन नचलाउनुहोस्।

साथै, हरेक वर्ष नयाँ वर्षको पूर्वसन्ध्या नजिकिँदै जाँदासडक दुर्घटनाहरू बढ्नेगर्छन्।

राति बाहिर निस्कँदा, चालकहरूलेसजिलै देख्न सकून् भनेर उज्यालो र परावर्तित हुने खालका कपडाहरूलगाउनुहोस्।

गाडी वा साइकल चलाउँदाबेलुका छिट्टै बत्ती बाल्नेगर्नुहोस्।

त्यस्तै, सामाजिक सञ्जाल मार्फत हुनेलगानी ठगी ररोमान्स ठगी बारे जानकारी रहेको छ।

सामाजिक सञ्जाल वा डेटिङ एप्समार्फत चिनजान भएका व्यक्तिहरू वाप्रसिद्ध व्यक्तिको रूपमा नक्कल गर्नेव्यक्तिहरूबाट लगानीको लागि आग्रह गरीपैसा ठगी गर्ने घटनाहरू तीव्र रूपमा बढेकाछन्।

यस्ता ठगीबाट बच्नका लागि:

१.सामाजिक सञ्जाल वा इन्टरनेटमा गरिने लगानीका प्रस्तावहरूमाथि शङ्का गर्नुहोस्। 

२.प्रत्यक्ष भेट नभएका व्यक्तिले पैसा सम्बन्धी कुरा गरेमा त्यो ठगी हुन सक्छ भनी शङ्का गर्नुहोस्। 

३. "निश्चित रूपमा नाफा हुन्छ" वा "पुँजीको ग्यारेन्टी दिइन्छ"जस्ता शब्दहरू प्रयोग गरिएका लगानी प्रस्तावहरूठगीहुन्।

यी तीन कुराहरूमा विशेष ध्यान दिनुहोस्।

अर्को, बाहिर हिँड्दा वा साइकल चलाइरहेको बेलाधूम्रपान नगर्नुहोस्।

तपाईंको वरपर मानिसहरू भएको बेला, बाहिर धूम्रपान गर्ने कार्यबाट टाढै रहनुहोस्।यसमा तपाईंको सहयोगको अपेक्षा गरिन्छ।

आफू र आफ्नो प्रिय मानिसहरूको सुरक्षा गर्दै, सुरक्षित र रमाइलोनयाँ वर्षको बिदा मनाऔं।

【फुकुओका अन्तर्राष्ट्रिय विमानस्थलमा नयाँ क्षेत्रहरू र नयाँ सेवाहरू】

यस हप्ता फुकुओका अन्तर्राष्ट्रिय विमानस्थलमा भर्खरै सञ्चालनमा आएका नयाँ क्षेत्रहरू र नयाँ सेवाहरूका बारेमा जानकारी दिनेछु।

यसै महिना, अन्तर्राष्ट्रिय टर्मिनलको तेस्रो तल्लामा रहेको बोर्डिङ प्रतिक्षालयभित्र व्यापारिक क्षेत्रको नयाँ विस्तार गरिएको छ।

बोर्डिङको ठीक अघि यात्रुहरूको आवश्यकता रआगन्तुक पर्यटकहरूको मागलाई सम्बोधन गर्दै यो किनमेल क्षेत्र तयार गरिएको हो। यसमा,क्युशुमा पहिलो पटक खोलिएका ६ वटा स्टोरसहित, विशेष १३ वटा पसलहरूसञ्चालनमा आएका छन्।

जापान छाड्नुअघि जापान र फुकुओकाको आकर्षणलाई पुनः अनुभव गर्न सकिनेखाद्य वस्तु, परम्परागत हस्तकला र क्यारेक्टरका सामानहरूका साथैकन्भिनी स्टोर, कपडा पसल र इलेक्ट्रोनिक्स पसलसम्मका विभिन्न आवश्यकताहरू पूरा गर्ने उत्पादनहरूको सङ्ग्रह यहाँ उपलब्ध छ। यात्रामा काम लाग्नेट्राभल सामग्रीहरूरउपहारका लागि उपयुक्त सामानहरूपनि प्रशस्त मात्रामा छन्। यो स्थानअझ आरामदायी र सुविधाजनक समय बिताउन सकिनेखालको बनेको छ।

यसका अतिरिक्त, पहिलो तल्लाको आगमन लबीमा अहिले जापानी संस्कृतिको रूपमा विश्वभरि नै लोकप्रिय बनेकोक्याप्सुल खेलौनाको विशेष पसल पनि खोलिएको छ!

यहाँ करिब५०० भन्दा बढीक्याप्सुल खेलौनाहरू लहरै राखिएका छन्, जसमा विविध प्रकारका सामानहरू उपलब्ध छन्। आफ्नो लागि वा सानो उपहारको लागि पनि तपाईंले "खोजेको वस्तु"अवश्य पाउनुहुनेछ।

यसका साथै, एउटा उपयोगी सेवा पनि भर्खरै सञ्चालनमा आएको छ।

फुकुओका अन्तर्राष्ट्रिय विमानस्थलमा AI को प्रयोग गरी हराएको सामान व्यवस्थापन र फिर्ता गर्ने सहयोग प्रणालीजसलाई 【हराएको सामान क्लाउड 'Find'】 भनिन्छ, नोभेम्बर महिनाबाट सुरु भएकोछ।

फुकुओका विमानस्थल भित्र कुनै सामान हराएमाच्याटमार्फत सजिलै सोधपुछ गर्न सकिनेयो सेवा हो। यो सेवाजापानी भाषाका साथैअंग्रेजी, चिनियाँ (सरलीकृत) र कोरियन भाषामा पनि उपलब्धछ।

कृपया ध्यान दिनुहोस्:यो सेवा फुकुओका विमानस्थल भित्र संकलन गरिएका हराएका सामानहरूको लागि मात्र लागू हुन्छ।भन्सार क्षेत्र, विमान भित्र, एयरलाइन्स काउन्टर र एयरलाइन्स लाउन्जमा हराएका सामानहरूको लागि यो लागू हुँदैन।

यो सेवा प्रयोग गर्नका लागि कुनैएप इन्स्टल गर्नु पर्दैन। तपाईं फुकुओका अन्तर्राष्ट्रिय विमानस्थलको आधिकारिक वेबसाइटबाट, इमेल ठेगानामार्फत सरल प्रमाणीकरण गरेपछि, ब्राउजरमा सिधै च्याट गर्न सुरुगर्न सक्नुहुन्छ।

अब आउन लागेको लामो नयाँ वर्षको बिदामा फुकुओका विमानस्थलको अन्तर्राष्ट्रिय टर्मिनल प्रयोग गर्ने श्रोताहरू धेरै हुनुहुन्छ होला। यो जानकारी उपयोगी हुनेछ भन्ने आशा छ!

【फुकुओका सिटीको सूचना】

नयाँ वर्षको बिदामा वडा कार्यालयको काउन्टर र फोहोर सङ्कलनको तालिका

नयाँ वर्षको बिदाको समयमा, वडा कार्यालयका काउन्टरहरू र फोहोर सङ्कलनको दिन परिवर्तन हुनेछन्, त्यसैले कृपया ध्यान दिनुहोला।

वडा कार्यालयका काउन्टरहरू डिसेम्बर २७ (शनिबार) देखि जनवरी ४ (आइतबार) सम्म बिदा हुनेछन्।

नयाँ वर्षको बिदा अघि र पछि वडा कार्यालयमा धेरै भीड हुने भएकाले, कृपया पर्याप्त समय लिएर जानुहोस्।

जलाउन मिल्ने फोहोर, जलाउन नमिल्ने फोहोर र खाली बोतल/पेट बोतलको सङ्कलनडिसेम्बर ३१ (बुधबार) देखि जनवरी ३ (शनिबार) सम्म हुने छैन।

यी फोहोरहरूडिसेम्बर ३० (मङ्गलबार) सम्मवाजनवरी ४ (आइतबार) पछिको निर्धारित दिनमा फाल्नुहोस्।

तर, जलाउन नमिल्ने फोहोर र खाली बोतल/पेट बोतलहरूजनवरी १ (बिहीबार) मा सङ्कलन हुनेक्षेत्रका महानुभावहरूले, त्यसको सट्टाडिसेम्बर ३० (मङ्गलबार) मा फाल्नसक्नुहुनेछ।

ठूला फोहोरको दर्ता र सङ्कलनडिसेम्बर २८ (आइतबार) देखि जनवरी ४ (आइतबार) सम्म बिदाहुनेछ।

फोहोर फाल्नेबारे कुनै जानकारी चाहिएमा, तपाईंअनुवाद केन्द्रमा फोन गरेर आफू बसेको वडा कार्यालयमा जोडेर सोधपुछ गर्न सक्नुहुन्छ।

फोन नम्बर: (०९२-७५३-६११३)हो।

कृपया आफू बस्नेवडाको नामरफोहोर सम्बन्धी सोधपुछहो भनी बताउनुहोस्।

बिहान ९:०० बजेदेखि बेलुका ५:०० बजेसम्म,शनिबार, आइतबार, सार्वजनिक बिदाहरू र डिसेम्बर २९ देखि जनवरी ३ सम्म यो सेवा बन्द रहन्छ।

【जापान मोबिलिटी शो फुकुओका】

आगामी हप्ताडिसेम्बर १८, बिहीबारदेखि २१, आइतबारसम्म ४ दिनका लागि फुकुओका शहरकोहाकाता वार्डमा रहेकोमारिन मेस्से फुकुओकाको A हल र B हलमा "जापान मोबिलिटी शो फुकुओका २०२५" (Japan Mobility Show Fukuoka 2025) आयोजना हुँदैछ।

यस कार्यक्रममा स्वदेशी तथा विदेशी कम्पनीहरूका 'कन्सेप्ट कार' , नवीनतम बजारमा आएका गाडीहरू, मोटरसाइकलहरूको प्रदर्शनीका साथै, विविध प्रकारकामोबिलिटीहरूको परिचय रपरीक्षण सवारीको अनुभव लिन सकिनेछ।

मुख्य आकर्षणहरूमा, चार पाङ्ग्रे र दुई पाङ्ग्रेको ३४ वटा ब्रान्डहरूको सहभागितारहनेछ! नवीनतम प्रविधि जडित सवारी साधनहरूको प्रदर्शनी र परीक्षण सवारीका अतिरिक्त, दुर्लभ क्लासिक कारहरूको प्रदर्शनी पनि हुनेछ। यसमा त्योजमानाको इन्जिनको आवाजसुन्न सकिनेडेमोन्स्ट्रेसनको पनि योजना छ।

यसबाहेक, स्वतन्त्र र विविधमोबिलिटीको रूपमा "परिवर्तन हुने रोबोट"रपोकेमोन क्यारेक्टरको आकारमा बनाइएकाभविष्यका मोबिलिटी (Future Mobility) को प्रदर्शनी तथानयाँ पुस्ताको मोबिलिटी (Next-Generation Mobility) को परीक्षण सवारी पनि उपलब्ध हुनेछ।

पारिवारिक र शैक्षिक कार्यक्रम अन्तर्गत, यस वर्षको मोबिलिटी शोलाईसम्पूर्ण परिवारले आनन्द लिन सक्नेकार्यक्रमको रूपमा अझ सशक्त बनाइएको छ। दमकल र प्रहरीको गाडीजस्ता "कार्यरत गाडीहरू"को प्रदर्शनी, मिनी कार ब्रान्ड "टॉमिका"को प्रदर्शनी तथा बिक्री, गाडी मर्मत इन्जिनियर जस्ता सवारी साधनसँग सम्बन्धित कामहरूकोअनुभव लिने अवसरपनि उपलब्ध छन्।

साथै, जापानभरिकास्वादिष्ट परिकारहरूपनि उपलब्ध हुने भएकाले, यो कार्यक्रमदिनभरि रमाइलो गर्न सकिनेभरिपूर्ण सामग्रीसहित तयार पारिएको छ।

टिकट शुल्क लगायत विस्तृत जानकारीका लागि, "जापान मोबिलिटी शो फुकुओका २०२५"भनी खोज गर्नुहोस्।

उत्साह जगाउने नयाँ मोबिलिटीको सम्भावनालाई अनुभव गर्न तपाईंहरु पनि अवश्य जानुहोस्!

【फुकुओका सिटीको सूचना】

“नयाँ वर्षको बिदाको सूचना”

"फुकुओका शहर विदेशी नागरिक परामर्श तथा सहयोग केन्द्र" (Fukuoka City Consultation Support Center for Foreign Residents) बाट यो सूचना रहेको छ।

"फुकुओका शहर विदेशी नागरिक परामर्श तथा सहयोग केन्द्र" डिसेम्बर २७शनिबारदेखि जनवरी ४आइतबारसम्म ९ दिनका लागि बन्द रहनेछ। सन् २०२६ मा जनवरी ५, सोमबार बिहान ९ बजेदेखि केन्द्र खुल्नेछ।

सन् २०२६ को पहिलो "विदेशीहरूको लागि निःशुल्क कानूनी परामर्श"जनवरी २१, बुधबार आयोजना हुनेछ। कानूनी परामर्शको लागिअग्रिम बुकिङ आवश्यकछ, त्यसैले परामर्श चाहने व्यक्तिहरूले चाँडै सम्पर्क गर्नुहोस्।

आरक्षण बिना उपभोग गर्न सकिने ‘विदेशीहरूका लागि अध्यागमन, बसोबास तथा नागरिकता सम्बन्धी प्रशासनिक लेखापाल (Gyoseishoshi) परामर्श’ जनवरी ११, आइतवारआयोजनाहुनेछ।

विस्तृत जानकारीका लागि, कृपया फोनवा“Fukuoka City Consultation Support Center for Foreign Residents” को वेबसाइट हेर्नुहोस्।

फोन नम्बर हो:०१२०-६६-१७९९ । फोन कल निःशुल्क छ।

 “Fukuoka City Consultation Support Center for Foreign Residents” ले यहाँ बसोबास गर्ने विदेशी नागरिकहरूलाई बसोबास प्रक्रिया, रोजगार, स्वास्थ्य सेवा, कल्याण, प्रसूति/बाल हेरचाह, बालबालिकाको शिक्षा लगायतका जीवनसँग सम्बन्धित परामर्शहरूप्रत्यक्ष भेटेर, फोन वा इमेलमार्फत एकै ठाउँबाट (One-stop) स्वीकार गर्छ र उचित जानकारी तथा सम्बन्धित निकायमा पठाउने कार्य गर्दछ।बहुभाषी परामर्शउपलब्ध छ। साथै, मनोवैज्ञानिक परामर्श, प्रशासनिक लेखापाल र वकिलद्वारानिःशुल्क विशेषज्ञ परामर्शपनि गरिन्छ।

कृपया निःसंकोच परामर्श लिनुहोस्।

【फुकुओका अन्तर्राष्ट्रिय म्याराथन】

फुकुओकाको जाडोयामको विशेष आकर्षण, "फुकुओका अन्तर्राष्ट्रिय म्याराथन" डिसेम्बर ७, यसै आइतबार आयोजना हुँदैछ।

यो सन् १९४७ देखि आयोजना हुँदै आएको विश्व एथलेटिक्सबाट मान्यता प्राप्त पुरुषहरूको फुल म्याराथन प्रतियोगिता हो। यो प्रतियोगिता "आइची/नागोया २०२६ एसियाली खेलकुद" र "लस एन्जलस २०२८ ओलम्पिक" का लागि पुरुषतर्फको जापानी राष्ट्रिय टोली चयन गर्ने प्रतियोगिताहरूमध्येको एक हो। यसमा स्वदेश तथा विदेशबाट कुशल धावकहरू फुकुओकामा भेला हुनेछन्।

धावकहरू फुकुओका शहरको च्युओ क्षेत्रको हेइवादाई एथलेटिक्स रङ्गशाला र ओहोरी पार्कबाट दिउँसो १२:१० बजे दौड सुरु गर्नेछन्। उनीहरू फुकुओका शहरको दक्षिण-पश्चिम भागमा घुमेर, हिगासी वार्डको खासीमा फर्किएर पुन: हेइवादाई एथलेटिक्स रङ्गशालामै फर्किने मार्गमा दौडनेछन्।

केगो, याकुइन र हाकाता स्टेशन अगाडि जस्ता शहरका मुख्य भागहरू हुँदै यो दौड अघि बढ्ने भएकाले, तपाईंले विश्वका शीर्ष धावकहरूको उत्साहपूर्ण दौड नजिकबाट हेर्न सक्नुहुन्छ।

साथै, JR हाकाता स्टेशन अगाडिको हाकातागुची चोकमा विगतका विजेताहरूको खुट्टाको छाप र हस्ताक्षरसहितको प्लेट प्रदर्शनमा राखिएको छ।

कृपया ध्यान दिनुहोला: प्रतियोगिताको दिन JR हाकाता स्टेशन अगाडि लगायत शहरको केन्द्र भागमा रहेको दौड मार्ग वरपरका सडकहरूमा यातायात आवागमन नियन्त्रण गरिनेछ।

आउनुहोस्, सडकको छेउबाट खेलाडीहरूलाई उत्साहपूर्ण शुभकामना दिऔं!

【फुकुओका शहर / फुकुओका सिटी इन्टरनेशनल फाउण्डेसनको सूचना】

“विश्व मानव अधिकार दिवस र मानव अधिकार सप्ताहबारे”

"मानव अधिकार" भनेको प्रत्येक व्यक्तिले जन्मदेखि नै पाएको "मानव भएर मानव सरह बाँच्ने" अधिकार हो।

डिसेम्बर १० लाई "विश्व मानव अधिकार दिवस" को रूपमा मनाइन्छ, र यो जापानमा मात्र नभई विश्वभरि नै "मानव अधिकार" बारे चिन्तन गर्ने दिन हो।

डिसेम्बर ४ देखि १० सम्म "मानव अधिकार सप्ताह" हो, र फुकुओका शहरमा पनि मानव अधिकारको सम्मान हुने र भेदभावमुक्त, बस्न योग्य फुकुओका शहरको लक्ष्य राख्दै यसलाई"मानव अधिकार सम्मान सप्ताह" को रूपमा मनाउँदै आइरहेको छ।

 जसरी तपाईं आफैं एक अमूल्य अस्तित्व हुनुहुन्छ, त्यसरी नै अरू मानिसहरू पनि अमूल्य अस्तित्व हुन्। यो हप्ता हरेक व्यक्ति महत्त्वपूर्ण छन् भन्ने कुरा बुझ्ने एउटा महत्त्वपूर्ण समय हो। SDGs ले अघि सारेको "कसैलाई पनि पछाडि नछोड्ने" समाज हासिल गर्नका लागि, महिला, बालबालिका, ज्येष्ठ नागरिक, विदेशी, अपाङ्गता भएका व्यक्ति आदिलाई लिएर गरिने भेदभाव र पूर्वाग्रहलाई हटाएर एक-अर्काको मानव अधिकारको सम्मान गर्नु आवश्यक छ। तपाईंहरू पनि एकपटक "दयालु मन" र "अमूल्य जीवन" बारे विचार गरेर हेर्दा कसो होला!

शिशु तथा साना बालबालिकासँगको अन्तरक्रियात्मक कक्षा- “याराना हिरोबा” को जानकारी

शिशु तथा साना बालबालिकाका अभिभावकहरू, के तपाईंहरू घुम्ने ठाउँ खोजिरहनुभएको छ?

हाकाता वार्डमा रहेको नाराया सामुदायिक हल (याराना हिरोबा) मा हरेक महिना अभिभावक र बालबालिका मिलेर खेल्नका लागि "शिशु तथा साना बालबालिकासँगको अन्तरक्रियात्मक कक्षा" आयोजना भइरहेको छ!

डिसेम्बर महिनाको विषय हो, मनलाई खुसी तुल्याउने "क्रिसमस पार्टी"।

मिति: डिसेम्बर ९, मङ्गलबार । समय: बिहान १०:३० बजेदेखि ११:३० बजेसम्म ।

चित्र पुस्तक, गीत र स्टिकर खेलहरूबाट अभिभावक र बालबालिकाले सँगै रमाइलो समय बिताऔं!

आवेदन गर्ने तरिका लगायत विस्तृत जानकारीका लागि, “फुकुओका सिटी इन्टरनेशनल फाउण्डेसनको” को फेसबुक हेर्नुहोस्। हामी तपाईंहरूको सहभागिताको प्रतीक्षामा छौं!

【मोमीजी हाचीमान्गु/ मोमीजी माचुरी】

फुकुओका शहरकोसावारा वार्डमा“मोमीजी हाचीमान्गु” नामको मन्दिरबारे थाहा छ?

नामले नै स्पष्ट पारेझैँ, यस मन्दिरको परिसरमामोमीजीका रूखहरूप्रशस्त मात्रामा छन्, र योसुरक्षित प्रसूति, बालबालिकाको संरक्षक देवतारअशुभ निवारण गर्ने देवताको रूपमा पूजिन्छ।

त्यहीमोमीजी हाचिमान्गुमा, यसै सप्ताहन्तको२९ तारिक शनिबार र ३० तारिक आइतबारगरी दुई दिनवार्षिक 'मोमिजी माचुरी' आयोजना हुँदैछ। १०० वटा मोमीजीका रूखहरूबाट उत्पन्न हुनेरातो र पहेंलो रङ्गको मिश्रण रलाइट अपको गर्दा सिर्जना हुनेजादुमय प्रदर्शनलेजापानी परम्परागत सुन्दरतारप्राकृतिक सुन्दरताको संयोजन गरी मनमोहक दृश्य सिर्जना गर्दछ।

यो दुर्लभ र मनमोहक अवसरलाई नगुमाउनुहोस्। यस सप्ताहन्तमा अवश्य पनि त्यहाँ पुग्नुहोस् र यो अद्भुत सुन्दरताको अनुभव लिनुहोस्।

【फुकुओका शहरको सूचना】

विश्व एड्स दिवस सम्बन्धि

डिसेम्बर १ विश्व एड्स दिवस हो। हरेक वर्ष डिसेम्बर १ लाई केन्द्रित गरि, विश्वभर एड्स सम्बन्धि जनचेतना जगाउने गतिविधिहरू आयोजना गरिन्छ।

HIV सङ्क्रमण भएपछि, केही वर्षसम्म कुनै लक्षण नदेखिन सक्ने भएकाले धेरै मानिसहरूलाई एड्सको लक्षण देखिएपछि मात्र यसको निदान हुन्छ भन्ने अनुमान गरिएको छ।
तर, HIV सङ्क्रमणलाई चाँडै पत्ता लगाएर सही स्वास्थ्य हेरचाह र उपचार गर्दा एड्सको लक्षण विकास हुनबाट बचाउन सकिन्छ। सङ्क्रमण हुँदा पनि लक्षण नदेखिने अवधि लामो हुने भएकाले, चाँडै परीक्षण गराउन सल्लाह दिइन्छ। प्रत्येक क्षेत्रमा रहेको स्वास्थ्य तथा कल्याण केन्द्रहरूमा निःशुल्क र गोप्य रूपमा HIV परीक्षण गराउन सकिन्छ। परीक्षणका दिन निश्चित गरिएका हुन्छन्, त्यसैले जानुअघि फुकुओका सिटिको होमपेजबाट अग्रिम जानकारी लिनुहोस्।

एड्सबाट पीडित मानिसहरूप्रति सहानुभूति र सहयोगको प्रतीक "रेड रिबन" हो। रेड रिबनले तपाईँको एड्सबारे कुनै पूर्वाग्रह नरहेको र एड्ससँग जीवन बिताइरहेका मानिसहरूप्रति भेदभाव नगर्ने सन्देश दिन्छ।

रेड रिबनलाई सम्झेर, डिसेम्बर १ देखि ७ सम्म, Hakata Port Tower र Fukuoka Red Brick Culture Museum  रातो रङ्गले लाइट अप हुन्छ।

विश्व एड्स दिवसलाई अवसर बनाएर, एड्सप्रति चासो बढाई, सही जानकारी र बच्नका उपायहरूबारे सबैले सोचेर हेरौं।

फोहरको गैरकानूनी डम्पिङ

जंगल, समुद्र तट, नदी, सडक, पार्क आदि ठाउँमा फोहोर फाल्नुलाई गैरकानूनी डम्पिङ भनिन्छ। फुकुओका सहरमा, वर्षको अन्त्यमा धेरै सफाइ गर्दा फोहोरको मात्रा बढ्ने भएकोले डिसेम्बर महिनालाई "गैरकानूनी डम्पिङ रोकथाम सुदृढीकरण महिना" को रूपमा लिइन्छ, र यस महिनामा गैरकानूनी डम्पिङ रोकथामका लागि गतिविधिहरूलाई अझ सुदृढ बनाइन्छ।

सहरले प्रहरीसँग सहकार्य गरी गस्ती गर्ने, तथा गैरकानूनी डम्पिङ हुने ठाउँहरूमा निगरानी क्यामेरा र चेतावनी बोर्डहरू राख्ने कार्य गरिरहेको छ। 

टिभी, फ्रिज/फ्रिजर, वाशिंग मेसिन/कपडा सुकाउने मेसिन, र एसीलाई घरायसी उपकरण पुन:प्रक्रिया कानुनअनुसार तोकिएको विधिबाट नै फाल्नुपर्छ। नयाँ सामान किन्दा पुराना सामान फिर्ता दिनुहोस्, वा जहाँबाट किन्नुभएको थियो, त्यहीँ पसलमा फिर्ता गर्नुस्।

यस बाहेकका सामानहरुसङ्कलनकालागि, आफ्नो नजिकको Yamada Denki मा लिनुहुन्छ कि भनेर सोधपुछ गर्नुहोला वा फुकुओका शहरसँग सम्झौता गरेको Rinet Japan Recycle तथा SG Moving कम्पनीलाई संकलनको लागि सम्पर्क गर्न सक्नुहुन्छ। रिसाइकल शुल्क र संकलन ढुवानी खर्च लाग्नेछ।

घरबाट निस्कने अनावश्यक वस्तुहरूको संकलन गराउन, सामान्य फोहोर संकलन/ढुवानी अनुमति प्राप्त संस्थासँग मात्र सम्पर्क गर्नुहोस्। अनुमति नभएको संस्थालाई सम्पर्क गर्दा, फोहोरको गैरकानूनी डम्पिङ, उच्च शुल्कको माग, जस्ता समस्याहरू आउन सक्छन्, त्यसैले प्रयोग नगर्नुहोस्।

【फुकुओकाको प्राकृतिक तातोपानी(ओन्सेन्)】

तपाईंहरूलाई तातो पानी (ओन्सेन्) कत्तिको मन पर्छ? जाडो मौसम सुरु हुँदै गर्दा, फराकिलो ओन्सेन्मा डुबेर, शरीरलाई न्यानो पार्दै एकछिन आराम गर्न मन लाग्छ नि, होइन!

धेरैलाई थाहा नहुन सक्छ, तर फुकुओका शहरभित्रै पनि सजिलै जान सकिनेप्राकृतिक ओन्सेन्हरू धेरै छन्। आज ती शहरको बीचबाटै सजिलै पुग्न सकिने केही उत्कृष्ट ओन्सेन्हरूको जानकारी दिनेछु।

पहिलो रहेको छ,हाकाता फुतो स्थित “बेसाइड प्लेस हाकाता” मा रहेको लोकप्रिय“मिनातो ओन्सेन नामिहा नो यु"। जमिनमुनि ८०० मिटरबाट प्रशस्त मात्रामा तातो पानी निस्कने यहाँको विशेषता हो। यहाँ खुला स्नानगृहमा फरक-फरक तापक्रमका ओन्सेन्हरू छन्, जसले गर्दा तपाईं आफ्नो रुचि अनुसार आराम गर्न सक्नुहुन्छ। परिवारका लागिप्राइभेट ओन्सेन्को व्यवस्था पनि छ। विशेष गरी, यहाँ रहेको“जिमजिलबान”सुविधामा साउना जस्तै तातो ढुङ्गामा पसिना निकालेर शरीरलाई डिटक्स गर्न सकिन्छ, भने बेलुका बेसाइड प्लेसको सुन्दर रातको दृश्य हेर्दै यहाँको आनन्द लिनुको मज्जा नै बेग्लै छ।

दोस्रो छ, हाकाता स्टेशन नजिकै रहेको लोकप्रिय व्यवसायिक होटल “याओजी हाकाता होटल” को प्राकृतिक ओन्सेन्। यहाँ साउना पनि छ, र होटलका कोठाहरू सामान्य व्यवसायिक होटलहरूको तुलनामा केही फराकिला छन्। लामो दूरीको यात्रा गर्न नसक्ने तर तातोपानीमा आराम गर्न चाहने व्यक्तिहरूका लागि यो राम्रो विकल्प हो।

तेस्रो रहेको छ,फुकुओका शहरको मिनामी वार्डमा रहेको शान्त आवासीय क्षेत्रमा स्थित “फुजिनोएन” नामकर्‍योखान् (पारम्परिक जापानी होटल)। यो ओन्सेन्का पारखीहरूमाझ निकै प्रसिद्ध छ, किनभने यहाँको तातो पानी१००% मूल मुहानबाट सिधै निरन्तर बग्ने गर्छ। यदि तपाईं तातो पानीको असली अनुभव लिन चाहनुहुन्छ भने, यहाँको 'पहिलो स्नान' को अनुभव लिन सिफारिस गरिन्छ। यहाँ बास बस्न पनि पाइन्छ, तर नजिकका बासिन्दाले दिनभरि मात्र स्नान गर्ने सेवालाई सामान्य स्नानघरझैँ प्रयोग गर्ने गरेको बताइन्छ।

त्यस्तै अर्को रहको छ, सावारा वार्डमा रहेकोपुरानो शैलीको “खाप्पो र्‍योखान् मिहारुसो” ओन्सेन्। प्राकृतिक स्रोतबाट स्वतः निस्कने १००% शुद्ध तातोपानी यसको विशेषता हो। छेउकै बगिरहेको खोलाको कलकल सुमधुर आवाज सुन्दै खुला आकाशमुनि तातो पानीको अनुभव साँच्चिकै अविस्मरणीय हुन्छ।

र अन्त्यमा, फुकुओका शहरको पर्यटकीय गन्तव्य शिकानोशिमामा रहेको बिच रिसोर्ट होटल 'क्युकामुरा शिकानोशिमा' को ओन्सेन्। क्युकामुराको खुला आकाशमुनिको तातोपानी स्नान;गेन्काई नादा समुद्रतिर फर्केको छ, जहाँबाट विशाल समुद्र र समुद्रमा डुब्ने सूर्यको दृश्यलाई एकै नजरमा देख्न सकिन्छ। अचम्मको कुरा त के छ भने, यस होटलका सबै कोठाहरू समुद्रको दृश्य देखिने खालका छन्। राति, खुला स्नानगृहबाट ताराहरूले भरिएको आकाश पनि हेर्न सकिने भएकाले बाससहितको योजना लिएर जाने सुझाव दिइन्छ। समुद्रले घेरिएको शिकानोशिमामा समुद्री खाना पनि प्रशस्त पाइने भएकाले समुद्री स्वादिष्ट भोजनको आनन्द पनि लिन सक्नुहुन्छ।

क्युशुमा धेरै ठाउँहरू तातोपानीका लागि प्रसिद्ध छन्, तर फुकुओका शहरभित्र नै प्राकृतिक तातोपानी पाइने कुरा धेरैलाई थाहा नहुन सक्छ। अब जाडो पूर्ण रूपमा सुरु हुन लागेको छ। सुलभ रूपमा पुग्न सकिने शहरभित्रकै यी प्राकृतिक तातोपानीहरूमा गएर न्यानोपनको अनुभव लिंदा कस्तो होला ?

【Christmas Advent】

यस वर्ष पनि फुकुओकाको जाडोलाई सिँगार्ने "क्रिसमस एड्भेन्ट (Christmas Advent)" सुरु भएको छ!

यस वर्ष १२ औं वर्षमा प्रवेश गरेको यो कार्यक्रममा अहिलेसम्म करिब १ करोड २० लाख दर्शकहरू आइसकेका छन्।जापानमै सबैभन्दा धेरै दर्शकहुने यो क्रिसमस कार्यक्रमप्रकाश, संगीत र कलालाई संयोजनगरी "पाँच इन्द्रियले आनन्द लिने क्रिसमस" को रूपमा हरेक वर्ष धेरैले मन पराएका छन्। क्रिसमसको दिनसम्म, सहरलाई झिलिमिली सँगै, क्रिसमस विशेष परिकार, संगीत र स्टेज कार्यक्रमहरू यस वर्ष पनि हरेक स्थानमा भरिपूर्ण हुनेछन्!

मुख्य स्थानहरू, JR हाकाता स्टेशन अगाडिको हिरोबा, किहिनकान अगाडिको हिरोबा, तेन्जिन च्युओ पार्क, फुकुओका सिटी हल पश्चिम फु्रेआई हिरोबा, र फुकुओका डाइम्यो गार्डेन सिटी हुन्। हाकाताबाट नाकासु हुँदै तेन्जिनसम्म विभिन्न किसिमका झिलिमिली बत्ती र क्रिसमस बजारहरू आयोजना हुनेछन्।

प्रत्येक स्थानमा राखिएकाहुट्टे (काठका साना घरहरू)मा हट वाइन, हट चकलेट रयूरोपका मौलिक क्रिसमस सामग्रीहरूबिक्री गरिनेछ।

हरेक वर्ष चाँडै सकिने, प्रत्येक स्थानको लागि मात्र उपलब्धविशेष मगहरूलोकप्रिय वस्तु हुन्, जसलाई धेरै मानिसहरूले हरेक वर्ष सङ्कलन गर्ने गरेका छन्। यदि तपाईं पनि कुनै मग किन्ने सोचमा हुनुहुन्छ भने, चाँडै जानुहोला!

यसका साथै, संगीत स्टेज र कार्यशालाहरू जस्तासबै पुस्ताले रमाइलो गर्न सक्नेकार्यक्रमहरू पनि छन्, त्यसैले परिवारसँग घुम्नको लागि पनि यो उपयुक्त छ।

 त्यस्तै, नोभेम्बर २० देखि डिसेम्बर २१ सम्म, "क्रिसमस एड्भेन्ट" का स्थानहरू र फुकुओका सहरका कन्सर्ट हलहरूमा "फुकुओका क्लासिक संगीत महोत्सव" पनि सँगै आयोजना हुनेछ। यो कार्यक्रम विश्व-स्तरीय वादकहरू र शीर्ष कलाकारहरू द्वारा सामान्यतया अनुभव गर्न नपाइने प्रत्यक्ष वादन र गायन सुन्ने एक बहुमूल्य अवसर हो। पक्कै पनि नछुटाउनुहोला।

फुकुओका सहर हिँड्न र घुम्नको लागि रमाइलो क्रिसमसको सहर बन्नेछ। झिलिमिली बत्ती हेर्दै, संगीत र परिकारहरूको आनन्द लिँदै, कृपया फुकुओकाको क्रिसमसको भरपुर मज्जा लिनुहोस्।

【फुकुओका शहरको सूचना】

“Autumn National Fire Prevention Campaign सप्ताह”

नोभेम्बर ९ देखि नोभेम्बर १५ सम्म "Autumn National Fire Prevention Campaign" सप्ताह हो।

शरद ऋतुबाट जाडोमा सर्दै गर्दा, हावा सुक्खा हुने र आगलागीका घटना बढ्ने मौसम आउँछ।

फुकुओका शहरमा गत वर्ष २७९ वटा आगलागीका घटना भएका थिए।

आगलागीका मुख्य कारणहरूमाचुरोट, ग्याँस चुलो, र विद्युतीय उपकरणहरू आदि रहेका छन्।

चुरोट आगलागीको मुख्य कारण भएकाले सुतेर चुरोट नपिउने, ठुटाहरू जम्मा नगर्ने र चुरोटको आगोलाई पानीमा निभाएर मात्र फाल्ने कुरालाई कडाइका साथ पालना गर्नुहोस्।

ग्याँस चुलोबाट हुने आगलागीमा विशेष ध्यान दिन आवश्यक छ।जाडो बढ्दै आए पछि, नाबे आदिका लागि ग्याँस चुलोको प्रयोग बढी हुन्छ।तर आगो बालिरहेको बेला कहिल्यै पनि त्यस स्थानबाट टाढा नजानुहोस्।

विद्युतीय उपकरणहरूको प्लगमा धूलो जम्मा हुनु वा तारहरू टुट्नु/छिनिनु पनि आगलागीको कारण बन्न सक्छ। प्लग र त्यस वरपर नियमित रूपमा सफा गर्नुहोस्।

• टिभी वा फ्रिज जस्ता दैनिक लुकेका ठाउँहरूपछाडि पनि सफा गर्नुहोस्।

• तारहरू फर्निचर मुनि नपरुन्भनेर ध्यान दिनुहोस्।

स्मार्टफोन वा मोबाइल ब्याट्री जस्ता लिथियम आयोन ब्याट्री प्रयोग गरिएका विद्युतीय उपकरणहरूले बलियो चोट लाग्दा वा खसाल्दा जस्ताकडा धक्कापाएमा आगो लाग्न सक्छ।

साथै, ब्याट्रीफुलेको छ वाचार्ज गर्ने क्रममा असामान्य रूपमा धेरै तातोभएको छ भने पनि आगो लाग्ने सम्भावना भएकालेत्यसको प्रयोग नगर्नुहोस्।

ब्याट्री फाल्दा सार्वजनिक सुविधा केन्द्र वा विद्युतीय पसलहरूमा राखिएकासङ्कलन बक्समा लगेर फाल्नुहोस्।

दैनिक जीवनमा नै आगलागी रोकथामका उपायहरूमा ध्यान दिने गरौँ।