Life in Fukuoka "Nepali"

【नयाँ चामलको सिजन】

भात जापानको मुख्य खाना हो। हरेक वर्ष जुलाईबाट नयाँ चामलको आनन्द उठाउन सकिनेभए पनि नयाँ चामलको स्वादको भरपूर आनन्द लिने चाहिं शरद ऋतुतिर मानिन्छ । अक्टोबरमा, तोहोकु र होक्काइडोको नयाँ चामलहरु पनि पसलहरुमा बिक्रीमा राखिएको देख्न पाउनुहुन्छ।

चामललाई स्वादिष्ट रुपमा पकाउनका लागि, धेरै नपखाल्ने, थोरै पानीमा पकाउने, अनि पाक्ने बित्तिकै भातलाई पन्युले चलाएर हल्का पार्ने गर्नुपर्छ।

फुकुओका प्रान्तमा, "युमेचुकुशी", "गेन्कीचुकुशी", र "हिनोहिकारी" गरि तीन प्रकारका चामलहरु उत्पादन हुने गरेका छन्।

तपाईंहरु पनि यस सिजनमा नयाँ चामलको मिठो भात खाएर आनन्द लिनुहोला है।

 

【नयाँ कोरोना भाइरस विरुद्धको खोपको सूचना】

फुकुओका शहरले फुकुओका शहरमा आवासीय कार्ड प्राप्त गर्नुभएका १२ वर्षका वा सोभन्दा माथिका व्यक्तिहरुलाई नयाँ कोरोना भाइरस विरुद्धको खोपको सूचना पठाइएको छl

खोप कुपन, प्रारम्भिक चिकित्सा जाँच फाराम आदि जस्ता कागजपत्रहरु पठाइएको हुनाले जाँच गर्नुहोलाl

फुकुओका शहरमा बसोबास गर्दैहुनुभए पनि अहिलेसम्म प्राप्त गर्नुभएको छैन भने, कार्यक्रमको अन्त्यमा दिइने फोन नम्बरमा सम्पर्क गर्नुहोस्।

अहिले बस्दै गर्नुभएको ठेगाना यदि आवासीय कार्डमा भन्दा फरक भएका व्यक्तिहरुले, सर्वप्रथम वार्ड अफिसमा ठेगाना परिवर्तनको प्रकिया शुरु गर्नका लागि अनुरोध गर्दछौं।

 

सूचना प्राप्त गर्नुभएपछि, बुकिंग गरेर खोप केन्द्रमा खोप लगाउन सक्नुहुन्छ।

खोपको संख्या २ पटक हो, ३ हप्तादेखि ४ हप्ताको अन्तरालमा दिईन्छ।

खोप दिने स्थानहरु, स्थानीय क्लिनिक, प्रत्येक वार्डको सामूहिक खोप केन्द्र, र च्यूओउ फुतोउ क्रूज़ सेन्टर हुन्।

तेन्जिनबाट नि:शुल्क शटल बसबाट च्यूओउ फुतोउ क्रूज़ सेन्टरमा जान सक्नुहुन्छ।

साथै फुकुओका सिमीन् ब्योउइन्मा राती १०:०० देखि भोलिपल्ट बिहान ८:०० सम्म मध्यरातमा खोप लगाउन सकिन्छ।

 

खोप लिन इच्छुक व्यक्तिहरुले कृपया अग्रिम बुकिंग गर्नुहोस्।

•       बुकिंग साइटबाट एकै समयमा दोस्रो पटकको खोपको लागि पनि बुकिंग गर्नुहोस्।

•       साइटबाट बुकिंग गर्न गाह्रो भएमा, फोन मार्फत पनि बुकिंग गर्न सक्नुहुन्छ।

•       बुकिंगका लागि खोप कुपन नम्बरको आवश्यक पर्छ।

•       खोपको दिनमा; खोप कुपन, प्रारम्भिक चिकित्सा जाँच फाराम एक प्रति र पहिचान खुल्ने कागजातको आवश्यक पर्दछ।

•       खोप कुपन टाँस्न मिल्ने सीलको रुपमा छ। तर सील नउप्काइकन सील सहितको कागज खोप केन्द्रमा लिएर जानुहोस्।

•       १ पटकको खोपमा १ प्रति प्रारम्भिक चिकित्सा जाँच फाराम प्रयोग गरिन्छ। कृपया खोप निर्देशिका पढेर, अग्रिम रुपमा भरेर लैजानुहोस्।

•       कृपया पाखुरामा खोप लगाउन सजिलो हुने किसिमका पहिरन लगाउनुहोस्।

•       मास्क पक्कै पनि लगाउनुहोस्।

 

तयार गरिएको खोप सोही दिन प्रयोग गर्नुपर्छ।

त्यसैले शारीरिक अवस्था कमजोर भएको बेला बाहेक, सो दिनमा रद्द नगरिदिन हुन अनुरोध गर्दछौं।

 

खोप लिन सकिने चिकित्सा संस्थानहरू आदिको, ताजा जानकारीहरुका लागि फुकुओका शहरको होमपेज हेर्नुहोला।

खोप सम्बन्धि परामर्श लिन सकिने फोन नम्बर रहेको छ, ०९२-२६०-८४०५

हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

अंग्रेजी, चाइनिज, कोरियाली आदि ७ वटा विदेशी भाषाहरूमा यो सेवा उपलब्ध छ।

 

साथै, खोप निःशुल्क हो। पैसा माग्ने, फोन वा ईमेलबाट व्यक्तिगत विवरण सोध्ने जस्ता गतिविधिहरु पाईएको हुनाले सावधान रहनुहोस्।

【नयाँ कोरोना भाइरस विरुद्धको खोपको सूचना】

फुकुओका शहरले जून ३० तारिखमा, ६४ वर्षका वा सोभन्दा कम उमेरका व्यक्तिहरुलाई नयाँ कोरोना भाइरस विरुद्धको खोपको सूचना पठाइएको छl

खोप कुपन, प्रारम्भिक चिकित्सा जाँच फाराम दुई प्रति, खोप लगाउने बारेको निर्देशिका, खोपको सूचना पर्चा, अनि बुकिंग शुरु हुने मिति र समयको सूचना खामभित्र राखेर पठाइएको छl

फुकुओका शहरमा बसोबास गर्दैहुनुभए पनि अहिलेसम्म प्राप्त गर्नुभएको छैन भने, कार्यक्रमको अन्त्यमा दिइने फोन नम्बरबाट पुन: जारीको लागि निवेदन दिनुहोस्।

 

•       १२ वर्षको वा सोभन्दा माथिका व्यक्तिहरु खोपका लागि योग्य छन्। विदेशीहरू पनि योग्य छन्।

 

•       खोपको संख्या २ पटक हो, ३ हप्तादेखि ४ हप्ताको अन्तरालमा दिईन्छ।

 

•       खोप दिने स्थान, स्थानीय क्लिनिक वा प्रत्येक वार्डको सामूहिक खोप केन्द्र हो।

 

•       बस्दै आउनुभएको वार्ड बाहेक अन्य ठाउँमा पनि खोप लिन सम्भव छ।

 

•       १८ वर्ष वा सोभन्दा बढी उमेरका व्यक्तिहरुले च्यूओउ फुतोउ क्रूज़ सेन्टरमा पनि खोप लगाउन सकिन्छ।

 

तेन्जिन र च्यूओउ फुतोउ क्रूज़ सेन्टरको बीच नि:शुल्क शटल बस संचालन भइरहेको छ।

 

साथै फुकुओका सिमीन् ब्योउइन्मा राती १०:०० देखि भोलिपल्ट बिहान ८:०० सम्म मध्यरातमा खोप लगाउन सकिन्छ।

 

खोप लिन इच्छुक व्यक्तिहरुले कृपया अग्रिम बुकिंग गर्नुहोस्।

 

•       बुकिंग साइटबाट एकै समयमा दोस्रो पटकको खोपको लागि पनि बुकिंग गर्नुहोस्।

 

•       साइटबाट बुकिंग गर्न गाह्रो भएमा, फोन मार्फत पनि बुकिंग गर्न सक्नुहुन्छ।

 

•       बुकिंगका लागि खोप कुपन नम्बरको आवश्यक हुन्छ।

 

•       खोपको दिनमा; खोप कुपन, प्रारम्भिक चिकित्सा जाँच फाराम एक प्रति र पहिचान खुल्ने कागजातको आवश्यक पर्दछ।

 

•       खोप कुपन टाँस्न मिल्ने सीलको रुपमा छ। तर सील नउप्काइकन सील सहितको कागज खोप केन्द्रमा लिएर जानुहोस्।

 

•       १ पटकको खोपमा १ प्रति प्रारम्भिक चिकित्सा जाँच फाराम प्रयोग गरिन्छ। कृपया खोप निर्देशिका पढेर, अग्रिम रुपमा भरेर लैजानुहोस्।

 

•       कृपया पाखुरामा खोप लगाउन सजिलो हुने किसिमका पहिरन लगाउनुहोस्।

 

•       मास्क पक्कै पनि लगाउनुहोस्।

 

तयार गरिएको खोप सोही दिन प्रयोग गर्नुपर्छ।

 

त्यसैले शारीरिक अवस्था कमजोर भएको बेला बाहेक, सो दिनमा रद्द नगरिदिन हुन अनुरोध गर्दछौं।

 

खोप लिन सकिने चिकित्सा संस्थानहरू आदिको, ताजा जानकारीहरुका लागि फुकुओका शहरको होमपेज हेर्नुहोला।

 

खोप सम्बन्धि परामर्श लिन सकिने फोन नम्बर रहेको छ, ०९२-२६०-८४०५

 

हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

 

अंग्रेजी, चाइनिज, कोरियाली आदि ७ वटा विदेशी भाषाहरूमा यो सेवा उपलब्ध छ।

 

खोप निःशुल्क हो। कुनै पनि पैसा लाग्ने छैन।

 

साथै, फोन वा ईमेलबाट व्यक्तिगत विवरण सोध्ने छैन।

 

कृपया शंकास्पद फोन कल र ईमेलदेखि सावधान रहनुहोस्।

【पानीको राम्रोसँग उपयोग】

अगस्ट आउनै लाग्यो। अगस्ट, बर्षको सबैभन्दा बढी पानी प्रयोग हुने महिना हो।

हामीहरु प्राय:, पानीको असुविधा बिना प्रत्येक दिन बिताउँदै आइरहेकोले, धारा खोल्नासाथ जुन बेला पनि चाहे जति पानी आउँछ भनेर सोच्न सजिलो छ।

यद्यपि, यस पानीलाई पानीको स्रोतबाट धारासम्म सुरक्षित रूपमा पुर्याउन धेरै मानिसहरूको श्रम लागेको हुन्छ। पानी भनेको सीमित र अमूल्य स्रोत हो भन्ने कुरा राम्रोसँग बुझ्न जरुरी छ।

त्यस्तै, पानी खेर नफाली आवश्यक जति मात्र पानी उपयोग गरेर पानीको बचत गर्ने प्रयास महत्वपूर्ण छ।

जापानका शहरहरूमध्येमा, प्रति व्यक्ति कम पानी प्रयोग गर्ने शहर, वास्तवमा फुकुओका हो।

अवश्य तपाईंहरुले पनि दैनिक रुपमा पानीको प्रयोग समझदारीका साथ गर्नुहोला।

सबैभन्दा पहिले, दैनिक जीवनमा तुरून्त पानीको बचत गर्न सक्ने तरिकाहरूको परिचय दिनेछु।

१. मुख धुँदा, दाँत माझ्दा, वाशबेसिन वा कपको प्रयोग गर्नुहोस्, धारा खोली नराखौं।

२. खाना बनाउने क्रममा, पानीको बहावलाई मिलाएर, तरकारी र भाँडा पखाल्ने गरौं।

३. ओफुरोको समयमा, शावरको धारालाई बन्द गर्नुहोस्, धेरै मात्रामा तातो पानी प्रयोग नगर्नुहोस्।

सिमित स्रोतको प्रभावकारी ढंगले उपयोग गरौं।

 

【प्रसाशनिक वकिलद्वारा परामर्श सम्बन्धि】

आवासको स्थिति र आवास अवधिको बारेमा, तपाईले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ।

 

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैनI

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

 

गोपनीयता कडा पालन गर्ने भएकोले ढुक्क भएर परामर्श लिनुहोस्I

 

विस्तृत जानकारी वा बुकिंग गर्ने तरिकाका लागि, फुकुओका सिटी इन्टरनेशनल फाउण्डेसनको होमपेज तथा फोन नम्बर ०९२-२६२-१७९९ मा सम्पर्क गर्नुहोलाI

 

नयाँ कोरोनाभाइरस संक्रमण रोक्नको लागि, यहाँ आउनुहुँदा सकेसम्म मास्क लगाउन र हात धुनका लागि अनुरोध गर्दछौंI

 

【Mail Magazine को परिचय】

“Fukuoka City International Foundation Mail Magazine” भन्नाले, फुकुओकाको अन्तर्राष्ट्रिय अन्तर्क्रिया, अन्तर्राष्ट्रिय सहयोगको बारेमा, हरेक महिना अंग्रेजी र जापानी भाषामा समाचार दिने Mail Magazine हो।

वेबसाइटबाट सजिलै यस सेवाको लागि आवेदन दिन सक्ने भएकोले, कृपया "fcif" भनि खोजेर प्रयोग गर्नुहोला।

 

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI

【विश्व इमोजी दिवस】

जुलाई १७, विश्व इमोजी दिवस हो। ईमोजी सम्बन्धित वेबसाइट "Emojipedia" को आयोजक Jeremy Burge ले सन् २०१४ मा स्थापना गरेका थिए। यसलाई अंग्रेजीमा "World Emoji Day" भनिन्छ। यो मिति चाहिं, धेरैजसो स्मार्टफोनको क्यालेन्डरको ईमोजीले जुलाई १७ लाई प्रतिनिधित्व गर्दै आईरहेको तथ्यबाट देखिन्छ।

"इमोजी" जापानमा सिर्जना भएको हो र सन् १९९९ मा NTT Docomo को मोबाइल फोन सेवा      "i-mode" मा राखिएको थियो। त्यस समयमा, इमोजी "शब्द" नभई "चित्रण" हो, भनेर आलोचनाहरू पनि भएका थिए तर पछि गएर, विशेष गरी युवाहरू माझ अत्यन्तै लोकप्रिय भई फैलियो।

अनि, २०१० मा अन्तर्राष्ट्रिय क्यारेक्टर कोड "युनिकोड" मा नयाँ थपियो। फलस्वरुप, मोबाइल फोनको इमोजी, कम्प्युटर र स्मार्टफोन आदिमा पनि प्रयोग गर्न मिल्ने भई, अहिले "इमोजी" को रूपमा विश्वभरका मानिसहरूले प्रयोग गरिरहेका छन्।

इमोजी, भाषा नबुझे पनि कुराकानी सहज बनाउने भएकोले, विश्वव्यापी भाषा हो भन्दा पनि ठिकै होला।

 

【अत्याधिक गर्मीदेखि सावधान हुनुहोस् !】

अत्याधिक गर्मीको बेला, गर्मीबढ्ने जस्ता गाह्रो ब्यायाम गरेमा शरीरले तापक्रम नियन्त्रण गर्न सक्दैन, अनि शरीरमा पानी र नुनको मात्रामा असन्तुलन पैदा हुन्छI

अत्याधिक गर्मीले गर्दा टाउको दुख्ने, चक्कर आउने, बान्ता हुने र झाडापखाला लाग्ने जस्ता लक्षणहरु देखा पर्न सक्छ। यस्तो बेलामा शरीरलाई  चिसो पार्ने तथा नुन पानी पिउने गर्नुपर्दछI यदि यस्तो गर्दा नी ठिक नभएमा, ११९ मा फोन गरेर एम्बुलेन्स बोलाउनुहोस्।

विशेष गरि, यो जुलाईमा चर्को घामसँगै बढेको अत्याधिक गर्मीका कारण आपतकालीन वाहकहरु धेरै परिचालन गरिन्छ।

यस्तो अत्याधिक गर्मी र आर्द्रतालाई शरीरले सामान्य रुपमा लिन नसक्ने हुनाले कृपया सावधान हुनुहोलाI

नयाँ कोरोनाभाइरसको संक्रमणलाई फैलिन नदिन, घरमा बिताउने समय बढी रहेको छI

अत्याधिक गर्मीको असर, घर बाहिर मात्र नभई, घर भित्र पनि हुन सक्छ।

गर्मीमा मास्क लगाउँदा अझ धेरै गर्मीको प्रभाब बढ्ने सम्भावना हुन्छ, कृपया सतर्क हुनुहोस्I

〇अब केही अत्याधिक गर्मीबाट बच्ने उपायहरु बताउन गईरहेकी छुI

・ध्यानपूर्वक शरीरमा पानीको आपूर्ति गर्ने गरौं।

शरीरमा पानीको आपूर्तिको लागि आफ्नो दैनिकीमा चिया र पानीको सक्दो धेरै प्रयोग गरौंI

व्यायाम गर्दा Sports drinks पिउनु पनि उपयुक्त मानिन्छI

यदि तपाईको धेरै पसिना निस्किरहेको छ भने, नुन र पानी पिएर शरीरमा पानीको मात्रा कायम राखौंI

・टोपी वा छाताको प्रयोग गरि, प्रत्यक्ष सूर्यको किरणबाट जोगौं।

・कोठाको तापक्रम २८ डिग्री भन्दा बढी नबनाउनका लागि, air conditioner र फ्यान राम्रोसँग प्रयोग गर्ने गरौँI

・Cooling sheet र Ice pillow जस्ता चिसो पार्ने सामानहरूको प्रयोग गरौं।

・सन्तुलित आहार र राम्रो निद्रा लिएर, स्वस्थ्य शारीरिक अवस्थालाई कायम राखौं।

 

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI

【क्यूउरी अर्थात् काँक्रो】

वर्षभरि खान सकिने तरकारी हो, क्यूउरी अर्थात् काँक्रो। यसमा ९५% भन्दा बढी पानीको मात्रा हुन्छ।

साथै, क्यूउरीमा प्रशस्त मात्रामा रहेको पोटाशियममा मूत्रवर्धक छ भनिन्छ तथा ह्यांगओभर र हातखुट्टाहरूको सूजनलाई कम गर्नका लागि पनि राम्रो मानिन्छ।

 

फुकुओका प्रान्तमा, संस्थागत खेतीमा केन्द्रित भई वर्षभरि स्वादिष्ट क्यूउरी उत्पादन र शिपिंग गर्दै आईरहेको छ। हाकाता पोर्ट लामो समयदेखि, महाद्वीपसँगको व्यापारको मुख्य केन्द्रबिन्दु भएकोले, खेतीको शुरुवात जापानमा पनि पहिलेदेखि नै भएको देखिन्छ।

घरमा क्यूउरीलाई भण्डारण गर्दा, पानीलाई पुछेर, तिनीहरूलाई सुख्खा हुन नदिन प्लास्टिकको झोलामा राखेर फ्रिजको तरकारी डिब्बामा राख्ने गर्नुहोस्।

अधिकतम तापक्रम १० देखि १५ डिग्री सेल्सियस, अधिक चिसोले क्यूउरी तितो हुनुका साथै भिटामिन C मा पनि कमी आउने भएकोले ध्यान दिनुहोला।

 

फुकुओका शहरलाई प्रतिनिधित्व गर्ने उत्सव, हाकाता गिओन् यामागासाको बेला, जुलाई १ देखि जुलाई १५ सम्म, उत्सवमा भाग लिने मानिसहरूले कहिल्यै क्यूउरी खाँदैनन्।

किनकि, गोलो आकारमा काटिएको क्यूउरीको भाग, यामागासाको देवताको चिन्हसँग मिल्दोजुल्दो छ भनिन्छ।

 

【फुकुओका शहरको सूचना “नयाँ कोरोनाको खोपको सूचना】

तपाईंले फुकुओका शहरबाट हुलाक मार्फत्, नयाँ कोरोनाको खोपको सूचना प्राप्त गर्नुहुनेछ, त्यसैले खाम खोलेर अवश्य भित्र हेर्नुहोस्।

खोप कुपन र २ वटा प्रारम्भिक परिक्षा स्लिपहरूको साथसाथै, खोप निर्देशिका, खोप जानकारी पुस्तिका, तथा रिजर्भेसन शुरु मिति र समय सूचना पुस्तिका समावेश छन्।

 

१६ वर्ष वा १६ वर्षभन्दा माथिका व्यक्तिहरु खोपका लागि योग्य छन्।

खोपको संख्या २ पटक हो, ३ हप्ताको अन्तरालमा दिईन्छ।

  

खोप दिने स्थान, स्थानीय क्लिनिक वा प्रत्येक वार्डको सामुहिक खोप केन्द्र हो।

भविष्यमा खोप केन्द्रहरूको संख्या बढ्ने सम्भावना पनि छ।

 

अन्तर्निहित चिकित्सा अवस्था भएका व्यक्तिहरुको उपस्थिति वा अनुपस्थिति वा उमेरको आधारमा, रिजर्भेसन शुरू मिति र समय फरक हुन्छ।

कृपया खामभित्र भएको "रिजर्भेसन शुरु मिति र समयको सूचना" मा, आफ्नो शुरु मिति र समय जाँच गर्नु होला।

अपोइन्टमेन लिन मिल्ने दिन भएमा, अवश्य अग्रिम रिजर्भेसन गर्नुहोस्।

रिजर्भेसन साइटमा, सकेसम्म दोस्रो पटकको खोपको लागि पनि त्यहि समयमा अपोइन्टमेन लिनुहोस्।

यदि साइटबाट रिजर्भेसन गर्न समस्या भइरहेको छ भने, कृपया फोनमा सम्पर्क गर्नुहोस्।

रिजर्भेसन गर्न तपाईंको आफ्नो भौचर नम्बर चाहिन्छ।

 

खोपको दिनमा; खोप कुपन, १ वटा प्रारम्भिक परिक्षा स्लिप र पहिचान खुल्ने कागजातको आवश्यक पर्दछ।

खोप कुपन एक किसिमको स्टीकर हो, तर यसलाई नहटाईकन जस्ताको तस्तै ल्याउनुहोस्।

१ पटकको खोपमा १ वटा प्रारम्भिक परिक्षा स्लिप प्रयोग गर्नुहोस्। कृपया खोप निर्देशिका पढेर, अग्रिम रुपमा भरेर लैजानुहोस्।

कृपया पाखुरामा खोप लगाउन सजिलो हुने किसिमका पहिरन लगाउनुहोस्।

मास्क पक्कै पनि लगाउनुहोस्।

तयार गरिएको खोप सोही दिन प्रयोग गर्नुपर्छ।

त्यसैले कमजोर शारीरिक अवस्था भएको बेला बाहेक, त्यो दिनमा रद्द नगरिदिन हुन अनुरोध गर्दछौं।

 

खोप लिन सकिने चिकित्सा संस्थानहरू आदिको, ताजा जानकारीहरुका लागि फुकुओका शहरको होमपेज हेर्नुहोला।

नबुझेको कुरा भएमा वा रिजर्भेसन साइटबाट रिजर्भेसन गर्न समस्या भइरहेको छ भने, कृपया फोनमा सम्पर्क गर्नुहोला। फोन नम्बर रहेको छ, ०९२-२६०-८४०५, हरेक दिन बिहान ८ :३० देखि बेलुका ५ :३० बजेसम्म फोन सेवा उपलब्ध छ।

अंग्रेजी, चाइनिज, कोरियाली आदि ७ वटा विदेशी भाषाहरूमा यो सेवा उपलब्ध छ।

 

खोप निःशुल्क हो। कुनै पनि पैसा लाग्ने छैन।

साथै, फोन वा ईमेलबाट व्यक्तिगत जानकारीको लागि सोधिने छैन।

कृपया शंकास्पद फोन कल र ईमेलदेखि सावधान रहनुहोस्।

【आजिसाई】

वर्षायामको प्रतिनिधित्व गर्ने फूल, आजिसाई; अंग्रेजीमा हाइड्रेंजिया भनिन्छ, नेपालीमा चै के भन्छ थाहा भएन। यो फूल, घमाइलो दिनमा मात्र होइन, वर्षामा फूल फक्क्रेको दृश्य पनि राम्रो र सुन्दर हुन्छ।

 

आजकल पश्चिमी हाइड्रेंजिया र गाकु हाइड्रेंजिया दुबै विविध प्रकार, आकार र रंगहरूमा पाईन्छन्।

हाइड्रेंजिया हुर्काउने तरिका सरल छ, तर अर्को वर्ष पनि फूलहरू फूलाउनका लागि भने विशेष कटाईको आवश्यक पर्छ। एक पटक रोपेपछि, लामो समयसम्म आनन्द लिन सकिने लामो समय बाँच्ने यो बोट, प्रत्येक वर्ष फूलहरूको संख्या बढ्दै गएर शानदार बोट बन्दछ।

 

फुकुओका शहरमा पनि, Uminonakamichi Seaside Park, Hakozaki Shrine, Maizuru Park, Fukuoka City Botanical Garden आदि स्थानहरुमा यस समयमा सुन्दर हाइड्रेंजियाहरू देख्न सक्नुहुन्छ।

 

【ट्यूटर प्रोग्रामको परिचय】

नर्सरी वा स्कूलको पत्रहरू आदि जापानी भाषामा भई, बिषयवस्तु बुझ्न समस्या भईरहेका विदेशीहरूको सहयोग गर्ने "ट्यूटर प्रोग्राम" को परिचय दिनेछु।

फाउण्डेसनमा रजिस्टर भएका स्वयंसेवकहरु प्रत्यक्ष वान् टु वान् ट्यूटर बन्न सक्नुहुन्छ, र अनलाइनमा नर्सरी वा स्कूलको ह्यान्डआउट वा पत्र, त्यस्तै वार्ड अफिसबाट आएको हुलाकपत्र आदिको सरल अनुवादका लागि अनुरोध र दैनिक जीवन सम्बन्धि सल्लाह माग्न सक्नुहुन्छ।

ट्यूटरसँग अनलाइन कुराकानी गर्न सक्ने, फुकुओका शहरमा बस्नु हुने विदेशी महानुभावहरु, जो कोहीले पनि यसको प्रयोग गर्न सक्नुहुन्छ।

सामान्यतयाः, प्रयोग शुल्क प्रति महिना ५०० येन जति लाग्छ, तर यस वर्ष नोभेम्बरसम्म निःशुल्क हो।

प्रयोग गर्ने तरिका आदि बिस्तृत जानकारीका लागि, कृपया फुकुओका सिटी इन्टरनेशनल फाउण्डेसनको होमपेजमा हेर्नुहोला वा फोन मार्फत् सम्पर्क गर्नुहोला। फोन नम्बर ०९२-२६२-१७९९।

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI अवश्य सम्पर्क गर्नुहोलाI

 

【कानूनी परामर्श र मानसिक परामर्श अर्थात् व्यक्तिगत परामर्शको परिचय】

फुकुओकामा बस्दै गरेका विदेशीहरूका लागि “कानूनी परामर्श” र “मानसिक परामर्श अर्थात् व्यक्तिगत परामर्श” को जानकारी रहेको छ I

“कानूनी परामर्श”, हरेक महिनाको पहिलो शनिबार, बिहान १०:३० देखि दिउँसो १:३० बजेसम्म र, तेस्रो बुधबारको दिउँसो १ बजे देखि ४ बजेसम्म, परामर्श अवधि ४५ मिनेट, वकिलद्वारा निःशुल्क परामर्श प्राप्त गर्न सक्नुहुन्छI

भाषा अनुवादकको आवश्यकता भएमा, निःशुल्क अंग्रेजी अनुवादकको व्यवस्था गरिदिने भएकोले बुकिंग गर्नुहुँदा भन्नुहोलाI

मानसिक परामर्श अर्थात् व्यक्तिगत परामर्श, हरेक हप्ताको सोमबार, मंगलबार, र विहिबार, क्लिनिकल मनोवैज्ञानिकहरुद्वारा, अंग्रेजी वा जापानी भाषामा प्रदान गरिंदै आइरहेको छ।

जुनसुकै परामर्श पनि, गोपनीयता कडा पालन गर्ने भएकाले ढुक्क भएर परामर्श लिनुहोस्I

बुकिंग वा विस्तृत जानकारीका लागि, फोन नम्बर ०९२-२६२-१७९९ मा सम्पर्क गर्नुहोलाI

सोमबारदेखि शुक्रबार, बिहान पौने ९ देखि बेलुका ६ बजेसम्म सेवा उपलब्ध छI

【June bride】

युरोपमा जुन ब्राईडको किन्बदन्ति लामो समयदेखि चलिआएको छ, जस अनुसार "जुनमा विवाह गर्ने दुलही खुशी हुन्छिन्" भनिन्छ। यस्तो भन्नुमा, विभिन्न कारणहरू छन्, तर प्रमुख कारणहरूमध्ये एउटा भनेको, ग्रीक पौराणिक कथाको सर्वोच्च देवता ज्यूसकी श्रीमती, जसलाई विवाहको देवी हेराले सुरक्षित गर्छिन्, र उहाँको नामबाट जुन महिना आएको मानिन्छ।

 

एउटा भनाई यो पनि छ कि, युरोपमा खेतीपातीको व्यस्त समय, मार्चदेखि मेसम्मको विवाहमा रोक लगाएको थियो, त्यसैले जुनमा विवाह गर्ने धेरै मानिसहरू हुन्थ्यो।

 

यो लगभग ५० वर्ष पहिले जापानमा फैलियो, र होटल उद्योगले वर्षायामको जुन महिनामा विवाहको संख्या बढाउन बिभिन्न क्यानपेनहरु शुरू गर्‍यो।

हाम्रो नेपालमा भने प्रायःजसो बिवाह माघ फाल्गुणतिर हुने गर्छ नि है!

 

【やさしい日本語ラジオ講座 अर्थात् सरल जापानी भाषा रेडियो कोर्सको परिचय】

जुनदेखि “सरल जापानी भाषा रेडियो कोर्स” को प्रसारण शुरू हुन्छ!

यो कार्यक्रम, जापानी भाषा राम्ररी नबुझ्ने विदेशीहरू सबैका लागि हो, र यस कार्यक्रममा “सरल जापानी भाषा”  मा बिस्तारै बोलिन्छ।

विदेशीहरुले जापानमा बसोबास गर्दा थाहा पाउनु पर्ने सूचनाहरुको बारेमा जानकारी दिईन्छ।

   

रेडियो प्रसारण, प्रत्येक शुक्रवार ११:५४ बाट हो भने, पहिलो पटकको प्रसारण जुन ४ मा छ।

बुझ्न नसकेको कुरा भएमा, वा सुन्न छुटेको भएमा पनि ठिकै छ!

Love FM को होमपेजमा पोष्ट गरिएको स्क्रिप्टमा हेरेर Podcast मा बारम्बार सुन्न सक्नुहुन्छ।

कृपया यसलाई सुनेर हेर्नुहोला।

 

【HIV परिक्षण बिस्तृतिकरण सप्ताहको बारेमा】

जुन १ देखि जुन ७ सम्मको १ हप्ता "HIV परिक्षण बिस्तृतिकरण सप्ताह" हो।

रेवाको दोस्रो वर्षमा, फुकुओका शहरको चिकित्सा संस्थानहरूले दिएको नयाँ रिपोर्ट अनुसार HIV संक्रमित व्यक्तिहरु २६ जना र एड्सका बिरामीहरू ९ जना थिए।

 

HIV संक्रमणको रोकथाम, प्रारम्भिक पहिचान र प्रारम्भिक उपचार महत्त्वपूर्ण छ।

HIV संक्रमण हुँदैमा, धेरैजसो लक्षणहरू नदेखिने भएकोले, संक्रमण छ कि छैन भनेर पत्ता लगाउन परिक्षण गर्न आवश्यक छ।

प्रत्येक वार्डको Health and Welfare Center मा, HIV परिक्षण निःशुल्क र गोप्य रूपमा गर्न सक्नुहुन्छ।

परिक्षण गर्न मिल्ने दिन तोकिएको हुनाले, कृपया जानुअघि Health and Welfare Center को होमपेज आदिबाट अग्रिम जानकारी लिनुहोला।

 

HIV संक्रमणको प्रारम्भिक पहिचान र उचित स्वास्थ्य सेवा र उपचारले एड्स फैलिने गतिलाई ढिलाइ गर्न सक्दछ। त्यसैले, आफुलाई शंका लाग्ने बित्तिकै, प्रारम्भिक परिक्षण गर्ने गरौँ।

【नयाँ आर्थिक वर्षको परिचय र DJ को आफ्नो परिचय】

अहिले अप्रिल महिना। अप्रिललाई जापानीमा "उजुकी" भनिन्छ। अप्रिल महिना, नयाँ शैक्षिक भर्ना हुने वा नयाँ रोजगार शुरु गर्ने आदि जस्ता नयाँ जीवन शुरु हुने महत्वपूर्ण महिना हो।

नयाँ शुरुवातको मौसमसँगै, मेरो बारेमा छोटकरीमा भन्नु पर्दा, मेरो नाम सरिता महर्जन हो, नेपालको काठमाडौँबाट।

फुकुओका आएको ६ बर्ष भयो। Kyushu University बाट Urban Planning मा PhD गरि हाल Love FM मा DJ को सँगसँगै, Professional Architect को रुपमा, जापानी डिजाईन् कम्पनीमा पनि काम गर्दैछु। यसका साथै, नेपाली भाषा सिक्न चाहाने जापानीहरुलाई बिगत ४ वर्षदेखि नेपाली भाषा पनि सिकाउँदै आईरहेकी छु।

मलाई पुरानो जापानी शैलीको भवनहरुको अध्ययनको साथसाथै नयाँ शैलीको डिजाईन् गर्न मनपर्छ। जापानी खाना मलाई असाध्यै मनपर्छ, त्यसमा पनि फुकुओकाको तोन्कोचु रामेन र ओडेन साह्रै मनपर्छ। फुकुओकामा, Dazaifu र Ohari Park चै मलाई घुम्न र फुर्सदको समय बिताउन मनपर्ने ठाउँहरु हुन्।

मेरो छोटो परिचय यति नै। आगामी दिनहरुमा पनि, यस कार्यक्रम मार्फत् फुकुओकामा बस्दै आउनुभएका नेपालीहरुका लागि फुकुओकामा सुरक्षित भई आरामदायक जीवनयापनका लागि आवश्यक जानकारीहरु, नेपालीमा सबै नेपालीहरुले बुझ्न सजिलो हुने गरि प्रदान गर्दै आउने नै छु। कृपया सुनिदिनु होला।

 

【Fukuoka City Consultation Support Center for Foreign Residents को परिचय】

Fukuoka City Consultation Support Center for Foreign Residents मा, आवास सम्बन्धी प्रकिया, रोजगार, चिकित्सा, कल्याण, प्रसुति, शिशु स्याहार, र बाल शिक्षा जस्ता जनजीवन सम्बन्धित बिषयमा परामर्शका लागि, उपयुक्त सम्पर्क तथा अन्य जानकारीहरु प्रदान गर्दै आईरहेको छ।

फोन नम्बर, ०९२-२६२-१७९९ I

सम्पर्क समय ८:४५ देखि ६:०० बजेसम्मI शनिवार, आइतवार, सार्वजनिक बिदा, वर्षको अन्त्य र नयाँ वर्षको दिन बिदा हुन्छ।

यो सेवा १९ भाषाहरूमा उपलब्ध छI

 

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI

【भ्यालेन्टाईन डे अर्थात् प्रेम दिवस】

तपाईंहरु प्रायःजसोलाई थाहा नै होला, फेब्रुअरी १४ तारिक भनेपछि भ्यालेन्टाईन डे अर्थात् प्रेम दिवस!

तेस्रो शताब्दीको रोममा सैनिकहरूको विवाहमा प्रतिबन्ध थियो। गोप्य रूपमा विवाह सम्पन्न गराईरहेका भ्यालेन्टाईन पादरीलाई, अपराधको आरोप लगाई मत्युदण्ड दिइएको थियो। त्यस घटना पश्चात्, भ्यालेन्टाईन डेलाई प्रेमको प्रस्ताव राख्ने दिन भन्ने गरिन्छ। जापानमा, यस दिन सामान्यतया चकलेट  दिने गरिन्छI

जापानको मौलिक संस्कृतिको रूपमा, यस दिन अफिसको हाकिम वा सहकर्मीलाई दिईने Giri-choko, त्यस्तै समान लिंगको साथीहरूसँग आदानप्रदान गरिने Tomo-choko बाहेक, आफ्नै लागि महँगो केहि सामान खरीद गर्ने Goho-bi-choko को प्रचलन देखिन्छ।

यस अतिरिक्त, आजकल कुकिज र म्याकारुन उपहारको रुपमा दिने मानिसहरु पनि बढेर आएको देखिन्छ।

भ्यालेन्टाइन डे नजिकिन्दै आउँदा शहरका मिठाई पसलहरू व्यस्त हुने गर्छन्।

पछिल्लो समयमा हाम्रो देश नेपालमा पनि यो दिवस मनाउनेहरुको सङ्ख्या बढ्दो छ।

 

【Fukuoka City Medical Interpreting Call Center】

फुकुओका शहरमा, विदेशीहरूलाई चिकित्सा संस्थामा जान सजिलो हुने गरि,  Fukuoka City Medical Interpreting Call Center को स्थापना गरिएको छ।

अस्पतालमा डाक्टरसँग कुरा गर्दा, त्यस्तै अस्पतालमा वा अस्पतालको औषधालयमा सिफारिस गरिएको औषधि पाउँदा आदिमा, कल सेन्टर मार्फत टेलिफोन अनुवादन सेवा प्रदान गरिन्छI यो सेवा २४ घण्टा हरेक दिन प्रयोग गर्न सक्नुहुन्छI

फोन नम्बर रहेको छ, ०९२-७३३-५४२९, फेरि एकपटक, ०९२-७३३-५४२९।

१८ भाषाहरुमा उपलब्ध यो सेवा निशुल्क होI

यद्यपि, कल महसुल भने फोन गर्ने व्यक्तिले व्यहोर्नु पर्छ।

 

【कोरोना भाइरस संक्रमण रोकथामका लागि अनुरोध】

कोरोनाभाइरस संक्रमणको सम्बन्धमा, प्रत्येक व्यक्तिले संक्रमण रोकथामका आधारभूत उपायहरू अपनाउन हुन विनम्र अनुरोध गर्दछौंI मास्क लगाउने, हात धुने, राम्ररी मुख कुल्ला गर्ने, साथै सान्मिचु (तीन कुरा बन्द) बाट टाढा रहौं। ३ कुराहरु भन्नाले, हावा आवतजावत कम हुने बन्द कोठामा नबस्ने, भीडभांडका ठाउँहरूमा नजाने, कसैसँग पनि सम्पर्कमा आउँदा वा कुराकानी गर्दा दूरी बनाएर बस्ने होI

【च्युकामान्】

जाडो मौसममा सजिलै खान सकिने च्युकामान्! कन्भेनियन्स स्टोरमा टम्म फुलेका च्युकामान् देख्नु भएको होलाI तपाईंले खानुभएको छ?

मूल रूपमा चीनमा बनेको यो खाना, जापानमा पनि धेरै मानिसहरूले मनपराउँछन्।

परम्परागत मासु हालिएको निकु मान्, आन् मान्, पिज्जा मान्, खारे मान् आदि लोकप्रिय देखिन्छ। साथै, फ्रोजन च्युकामान् पनि किन्न सक्ने भएकोले, घरमै तताएर खाने परिवारहरुको संख्या पनि धेरै छन्।

यदि Hot-cake Mix or Pan-cake Mix छ भने आफैं पनि च्युकामान्को खोल बनाउन सकिने भएकोले, हाम्रो नेपाली सामग्री प्रयोग गरी घरमा आफ्नै किसिमको च्युकामान् बनाएर हेर्दा कसो होला?

 

【क्षयरोग रोकथामको बारेमा】

क्षयरोग एक यस्तो रोग हो, जसमा क्षयरोग ब्याक्टेरियाको कारण मुख्यतया फोक्सोमा जलन हुन्छ।

यो एक सरुवा रोग हो।

२०१९मा, फुकुओका शहरमा २०५ नयाँ क्षयरोग बिरामीहरु पाईएका छन्।

क्षयरोगका लक्षणहरूमा खोकी, खकार, ज्वरो, खकारमा रगत, छाती दुख्ने, अस्वस्थता, राती पसिना, र तौल घट्नु आदि समावेश छन्।

शुरुका लक्षणहरू रुघाको जस्तै देखिन्छन्।

"खोकी २ हप्ता भन्दा बढि रहेमा", "खकार निस्केमा", "शरीर गलेमा", "अचानक तौल घटेमा" आदि केहि लक्षण देखा परेमा, तुरुन्तै चिकित्सालयमा परामर्श लिनुहोस्।

प्रारम्भिक पहिचान र उपचारले रोगलाई गम्भीर हुनबाट बचाउने मात्र नभई, परिवारका सदस्य, साथीभाई र कार्यस्थल आदिमा संक्रमण रोकथाम गर्न पनि महत्त्वपूर्ण छ।

क्षयरोग, सँधै संक्रमित भएको कारणले मात्र विकसित हुँदैन।

यदि शरीरको प्रतिरोधात्मक क्षमताले क्षयरोग ब्याक्टेरियालाई नियन्त्रण गर्न सकेन भने,

यो समयसँगै बढ्न र विकास हुन सक्छ।

क्षयरोग लागि हाल्यो भने पनि, डाक्टरको निर्देशन अनुसार, हरेक दिन उचित औषधी सेवन गरी यसबाट छुटकारा पाउन सक्नुहुन्छ।

 

【कोरोना भाइरस संक्रमण रोकथामका लागि अनुरोध】

संक्रमण र रोग रोक्नको लागि पर्याप्त निद्रा, सन्तुलित आहार, मध्यम व्यायाम, आदि दैनिक स्वास्थ्य हेरचाह प्रभावकारी हुन्छ।

फुकुओका शहरमा मेडिकल दोभाषे कल सेन्टर छ, त्यहाँ अस्पताल खोज्नको लागि फोन मार्फत सल्लाह लिन सक्नुहुन्छ।

२४ घण्टा, हरेक दिन यो सेवा प्रयोग गर्न सक्नुहुन्छ।

फोन नम्बर रहेको छ, ०९२-७३३-५४२९, फेरी एकपटक ०९२-७३३-५४२९  । १८ भाषाहरुमा यो सेवा उपलब्ध गरिएको छ।