Life in Fukuoka "Nepali"

【बिरालो दिवस】

फेब्रुअरी २२ "बिरालो दिवस" हो। "बिरालोसँग बस्दा पाउने खुशीप्रति धन्यवाद दिंदै , बिरालोसँगै यो खुशी बाड्नको लागी वार्षिकोत्सव" को उद्देश्यले सन् १९८७ मा यस दिवसको स्थापना भएको थियो।

हरेक वर्ष, फेब्रुअरी २२ लाई "बिरालो दिवस" को रूपमा,  बिरालोसँग सम्बन्धित विभिन्न कार्यक्रमहरू र अभियानहरू आयोजना गरिन्छ, साथै बिरालासँग सम्बन्धित शैक्षिक गतिविधिहरू पनि आयोजना गरिन्छ। यस दिवसको लागि फेब्रुअरी २२ रोज्नुको कारण, बिरालो कराउँदा  आउने आवाज "न्यान", "न्यान", "न्यान", जुन जापानी भाषाको "नि","नि", "नि" शब्दको सामान उच्चारण भएकोले हो भनिन्छ।

साथै, बिरालो दिवस संसारभर विभिन्न देशहरूमा मनाईन्छ, प्रायःजसो युरोपेली देशहरूमा World Cat Day भनेर फेब्रुअरी १७, रसियामा मार्च १ र संयुक्त राज्य अमेरिकामा अक्टोबर २९ मा मनाईने गरेको देखिन्छ।

 

 

यस पटक फुकुओका सिटी इन्टरनेशनल फाउण्डेसनको सूचना रहेको छ।

【‘विदेशीहरुका लागि आप्रवासन, आवास र राष्ट्रियता सम्बन्धि परामर्श’ को परिचय】

 

आवासको स्थिति र आवास अवधिको बारेमा, तपाईंले केही कुरा नबुझेको छ कि?

फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो १ बजेदेखि ४ बजेसम्म, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ। काउन्टर दिउँसो ३:३० बजेसम्म खुल्ला रहनेछ।

 

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैनI

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

 

गोपनीयता कडा पालन गर्ने भएकोले ढुक्क भएर परामर्श लिनुहोस्I

 

विस्तृत जानकारीका लागि, फोन नम्बर ०९२-२६२-१७९९ मा सम्पर्क गर्नुहोलाI

सोमबारदेखि शुक्रबार ९:०० देखि १८:०० सम्म कल स्वीकार गरिन्छ I

 

नयाँ कोरोनाभाइरस संक्रमण रोक्नको लागि, यहाँ आउनुहुँदा सकेसम्म मास्क लगाउन र हात धुनका लागि अनुरोध गर्दछौंI

 

 

【अन्तर्राष्ट्रिय विद्यार्थी परिवारिक कोठा वा एकल कोठामा बस्न तथा सहायक (RA) हुनका लागि आवेदन सम्बन्धि जानकारी】

फुकुओका शहर क्षेत्र भित्रको विश्वविद्यालय र स्नातकमा भर्ना भएका अन्तर्राष्ट्रिय विद्यार्थीहरुका लागी, अन्तर्राष्ट्रिय विद्यार्थी परिवारिक कोठा वा एकल कोठामा बस्न चाहानेहरु तथा RA अर्थात् सहायक हुन चाहानेहरुको आवेदन लिईदैछौं।

अन्तिम मिति फेब्रुअरीको २५ तारिक हो।

 

सर्नको लागी विद्यार्थीको योग्यता, फुकुओका सिटी इन्टरनेशनल फाउण्डेसनको गतिविधिहरुमा सक्रिय रूपमा भाग लिन सक्ने र सहयोग गर्न सक्ने हुनुपर्छ।

यस पटकको आवेदनमा, परिवारिक कोठामा एक्लै बस्न पनि सम्भव छ।

 

आवेदनको निर्देशनहरु आदि अधिक जानकारीको लागी, कृपया "फुकुओका सिटी इन्टरनेशनल फाउण्डेसन" को होमपेजमा हेर्न वा ईमेल (dorm@fcif.or.jp) मा सम्पर्क गर्नुहोला।

 

【“Hot pot खाना”को परिचय】

फेब्रुअरी वर्षको सबैभन्दा जाडो महिना हो। अत्यन्तै जाडोमा Hot pot खाना खानु अति उत्तम हुन्छ।

वास्तवमा, Hot pot खाना एकदम सजिलै र कम खर्चमा पकाउन सकिन्छ।

१०० येनको पसलमा, ५०० येन भन्दा कममा Hot pot खाना बनाउने भाँडा किन्न सक्नुहुन्छ।

त्यसपछि गर्नुपर्ने भनेको, आफूलाई मनपर्ने मासु, माछा र तरकारीहरू जस्ता सामग्रीहरू काटेर, सूप हालेर उमाल्ने मात्र हो।

छैन त सजिलो?

 

फुकुओका शहर "मोचु नाबे" को लागि प्रसिद्ध छ। रेस्टुरेन्टमा खाने भन्दा परिवार र साथीहरूसँग पकाएर खाँदा धेरै सस्तो पर्न जान्छ।

Hot pot खाना खाँदा अन्तमा बाँकि भएको झोलमा भात वा Instant ramen हालेर खान पनि स्वादिष्ट हुन्छ।

घरमै मनोरञ्जन लिन सकिने Hot pot खाना, जाडो महिनामा बेलुकीको खानाको रुपमा खानका लागि सुझाव दिईन्छ ।

 

 

【“नयाँ कोरोना भाइरस विरुद्धको खोपको सूचना”】

फुकुओका शहरमा नयाँ कोरोना भाइरस विरुद्धको खोपका लागि ईच्छुक सम्पूर्ण व्यक्तिहरुले ढुक्क भएर खोप लगाउन सुनिश्चितका लागि काम भईरहेको छ।

 

फुकुओका शहरमा, तेस्रो पटकको खोप शुरु भएको छ।

दोस्रो पटकको खोप लिईसक्नु भएका, १८ वर्षका वा सोभन्दा माथिका फुकुओका शहरको नागरिकहरुलाई , फुकुओका शहरले तेस्रो पटकको खोप लिनका लागि खोप कुपन हुलाक मार्फत् पठाइनेछ।

दोस्रो पटकको खोप लगाएको लगभग ७ महिनापछि खोप कुपन पठाइनेछ।

 

खोप कुपन पाउनुभएपछि, बुकिंग साइट वा खोप सेन्टरमा बुकिंग गर्न सकिने हुनाले, कृपया खोप कुपन नपाउन्जेल प्रतिक्षा गर्नुहोला।

 

खोप दिने स्थानहरु, स्थानीय क्लिनिक र प्रत्येक वार्डको सामूहिक खोप केन्द्र हुन्।

ताजा जानकारीका लागि कृपया फुकुओका सिटीको होमपेजमा हेर्नुहोस्।

अंग्रेजी, चाइनिज, कोरियाली, नेपाली, भियतनामी भाषा लगायत सरल जापानी भाषामा राखिएको छ।

 

तसर्थ, यदि, पहिलो वा दोस्रो खोप नलिएका व्यक्तिहरुमध्ये, खोप लिन चाहनुहुन्छ भने, खोप लगाउन सकिने स्थानहरु आदिको बारेमा, फुकुओका शहरको होमपेज वा कल सेन्टरमा बुझ्नुहोला।

 

फुकुओका शहरमा खोप सम्बन्धि परामर्श लिन र बुकिंग गर्न सकिने फोन नम्बर रहेको छ,

०९२-२६०-८४०५ । हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

अंग्रेजी, चाइनिज, कोरियाली, नेपाली, भियतनामी आदि ७ वटा विदेशी भाषाहरूमा यो सेवा उपलब्ध छ।

 

खोप निःशुल्क हो। कुनै पनि पैसा लाग्ने छैन।

साथै, फोन वा ईमेलबाट व्यक्तिगत जानकारीको लागि सोधिने छैन।

कृपया शंकास्पद फोन कल र ईमेलदेखि सावधान रहनुहोस्।

【प्रोफेसनल बेसबल दिवस】

फेब्रुअरी ५  तारिक प्रोफेसनल बेसबल दिवस हो।

सन् १९३६को यस दिनमा, वर्तमान निप्पोन प्रोफेसनल बेसबल ओर्गनाईजेसनको गठन भई, प्रोफेसनल बेसबलको शुरुवात भएको सम्झनामा यसको स्थापना भएको थियो।

प्रथम करार खेलाडी मिहारा ओसामु हुन्, जसले पहिले नै टोकियो जाइन्ट्ससँग सम्झौता गरिसकेका थिए। त्यो बेला उनको मासिक तलब १७७ येन थियो।

त्यस समयमा क्याम्पस स्नातकहरूकै शुरुवाती तलब लगभग ६४ येन थियो, यस अर्थमा उनको  एकदम उच्च तलब थियो।

फुकुओका शहरमा आबद्ध  Fukuoka Softbank Hawks गत वर्षको लिगमा चौथो स्थानमा टुंगिएको थियो। यस वर्ष, निर्देशक पनि नयाँ भएकोले  खेल शैलीमा परिवर्तन तथा अझ उत्कृष्ट खेलका लागि शुभकामना ।

हामी सबैले पनि समर्थन गरौं है।

 

 

【जीवनशैलीसँग सम्बन्धित रोगहरूको रोकथाम महिना】 

〇फेब्रुअरी महिना जीवनशैलीसँग सम्बन्धित रोगहरूको रोकथाम महिना हो।

 

जीवनशैलीसँग सम्बन्धित रोगहरू "जीवनशैली" को कारणले हुने रोगहरू हुन्।

 

जीवनशैलीसँग सम्बन्धित रोगहरू जस्तै मधुमेह, उच्च रक्तचाप, र मायोकार्डियल इन्फ्रक्सन आदि असन्तुलित आहार र व्यायामको कमीले गर्दा हुन्छ।

 

साथै, धुम्रपान, अत्याधिक मद्यपान र तनावका कारण पनि जीवनशैलीसँग सम्बन्धित रोगहरू निम्त्याउन सक्छ।

 

स्वस्थ जीवन जिउनका लागि दिनको तीन पटक निश्चित समयमा सन्तुलित र उचित मात्रामा खाना खानु जरुरी छ। तयारी खानेकुरा र चिल्लो खानेकुरा जस्ता पौष्टिक तत्व कम हुने आहारलाई निरन्तरता दिँदा मोटोपना र मधुमेह जस्ता रोग लाग्न सक्छ।

 

साथै, राम्रोसँग चपाउँदा पाचन प्रणालीमा भार कम हुन्छ र मुखको वरपरका मांसपेशीहरू बलियो हुन्छ।

 

कम्तिमा पनि २० मिनेटको हाराहारीमा  बिस्तारै खाने गरौं।

 

 

 

व्यायामको कमीको कारणले मांसपेशिहरु घट्यो भने, Basal metabolism कम हुन गई, तौल बढ्ने सम्भावना बढी हुनेछ।

 

यस अतिरिक्त, मधुमेह जस्ता रोग लाग्ने जोखिम पनि बढाउँछ।

 

मांसपेशी र शरीरलाई तन्दुरुस्त कायम राख्न व्यायाम जारी राख्ने गरौं।

 

व्यायाम गर्ने अवसर कम भएका व्यक्तिहरुले, अहिले भन्दा लगभग १० मिनेट बढि हिड्ने प्रयास गरौं।

 

निद्राले मानसिक र शारीरिक थकान हटाउन र रोग प्रतिरोधात्मक क्षमता बढाउन भूमिका खेल्छ।

 

रोग प्रतिरोधात्मक क्षमता कायम राख्न, निद्राको समय सुरक्षित गर्न र निद्राको गुणस्तर सुधार गर्न आवश्यक छ।

 

सुत्नुअघि स्मार्टफोन चलाउने, टिभी हेर्ने, क्याफिन खाने तथा अल्कोहल पिउने बानी नगरौं  किनभने यसले तपाईंको निद्राको गुणस्तर घटाउँछ।

 

साथै, मनतातो पानीमा बस्ने जस्ता आफ्नै किसिमको आराम गर्ने तरिकाहरु पत्ता लगाई, तनावमुक्त जीवन बिताउने प्रयास गरौं।

 

 

 

यस अवसरमा, तपाईं हामी पनि आफ्नो दैनिक जीवनशैलीको बारेमा सोचेर हेर्ने होइन त?

 

【मूला】

डिसेम्बरदेखि फेब्रुअरीसम्म स्वादिष्ट हुने तरकारी हो, मूला।

पात र जरा पौष्टिक तत्वले भरिपूर्ण भई, पकाएर खाए पनि काँचै खाए पनि  मूला स्वादिष्ट हुन्छ।

मूला जापानभर उत्पादन गरिन्छ, तर फुकुओका शहरमा चाहिं, सावारा वार्डको हारा, निशी वार्डको कानाटाके र किताजाकीमा उत्पादन गरिंदै आएको देखिन्छ।

 

मूला किन्दा, जराको भाग धेरै भई भारीपन भएको, सेतो र पोष्ट देखिने मूला छान्ने गरौं।

पातहरू भएको मूला भएमा, ताजा हरियो र नओइलाएको उत्तम हुन्छ, तर यदि पातहरू काटिएका छन् भने, काटिएको भाग ताजा भएकोवाला छान्नेगरौं।

पातहरु भएको मूला किन्नुभएको खण्डमा, यसलाई तुरुन्तै काटेर छुट्टै भण्डार गर्नुहोस्। राम्रोसँग  प्लास्टिक र्यापले बेरेर, जाडोमा चिसो र अँध्यारो ठाउँमा राख्नुहोस्, र अन्य मौसमहरूमा फ्रिजको तरकारी डिब्बामा राख्नुहोस्।

पातहरूलाई तातो पानीमा उमालेर, साना भागहरूमा विभाजन गरि फ्रीजरमा भण्डारण गर्नु भयो भने, खाना बनाउँदा यसलाई थप स्वादको रूपमा प्रयोग गर्न सजिलो  हुन्छ।

जराको भागमा भिटामिन C र पाचन इन्जाइम एमाइलेज हुन्छ, यसका साथै, पिसेको मूलाले पाचन शक्तिलाई बढाउँछ। पातको भागमा कैरोटिन, क्याल्सियम र फाइबरको मात्रा प्रशस्त हुन्छ। यसलाई मिसो सूपमा हालेर वा चिरिमेन्ज्याको अर्थात् सुक्खा सानो माछा हालेर हल्का भुटेर खान पनि स्वादिलो हुन्छ।

 

 

【नोरोभाइरसदेखि सावधान!】

जाडोमा, नोरोभाइरसको कारण वान्ता हुने, पखाला हुने, पेट दुख्ने र बान्ता आउला जस्तो हुने  समस्या बढी हुने गर्छ।

यो भाइरस शक्तिशाली हुन्छ र थोरै मात्रामा शरीरमा प्रवेश गरे पनि संक्रमित हुन्छ।

 

भाइरस हात वा खानाद्वारा शरीरमा प्रवेश भई, यसले पखाला, वाकवाकी, बान्ता र ज्वरो निम्त्याउँछ।

संक्रमित व्यक्तिको बान्ता वा पखालाको कारण हावामा भएको भाइरस, सास लिंदा संक्रमित हुने वा संक्रमित व्यक्तिले पकाएको खाना खाएर पनि सर्न सक्दछ।

साथै, भाइरस भएको oysters आदि जस्ता bivalves नतताईकन खाँदा पनि भाइरस सर्न सक्दछ।

 

धेरै मात्रामा बान्ता र पखालाबाट डिहाईड्रेसन हुन सक्छ।

तुरुन्तै चिकित्सकलाई देखाउने गरौं।

यो सामान्यतयाः २, ३ दिनमा निको हुन्छ, तर लक्षणहरू हराए पनि १ हप्तादेखि १ महिनासम्म, भाइरस दिसामा निस्कन्छ, र यो अन्य व्यक्तिहरूलाई संक्रमित गराउने कारण बन्ने भएकोले यसप्रति सजक रहौं।

       

संक्रमणलाई बढ्न नदिन, निम्न रोकथामका बिधिहरू अपनाऔं।

खाना पकाउनु अघि, खाना खानु अघि, शौचालय पछि, आदि साबुनले राम्ररी हात धुने गरौं।

खाना पकाउने भाँडाहरू हरेक पटक प्रयोग गरेपछि राम्रोसँग धोएर उमालेको पानी वा क्लोरीन ब्लीचले कीटाणुरहित पार्ने गरौं।

अल्कोहल युक्त किटनाशक भने नोरोभाइरस विरुद्ध कम प्रभावकारी हुन्छ।

नोरोभाइरस ८५℃ देखि ९०℃ तापक्रममा ९० सेकेन्ड वा सो भन्दा बढि ततायो भने मर्छ।

खानेकुरालाई पर्याप्त मात्रामा तताउने गरौं। काँचो खाने तरकारी र फलफूल राम्रोसँग धोएर प्रयोग गरौं।

शरीर सन्चो नभएको बेला खाना नपकाउनु राम्रो हुन्छ।

 

 

【अंग्रेजी भाषामा मनोरञ्जन लिन सकिने ‘फुकुओका दरवार भग्नावशेषको पैदल यात्रा’ सम्बन्धि】

〇भाषा स्वयंसेवकहरूले अंग्रेजीमा फुकुओका दरवारको भग्नावशेषमा मार्गदर्शन गराउने पैदल यात्रा सम्बन्धि जानकारी रहेको छ।

फेब्रुअरीको हरेक शनिबार १०:३० देखि १२:०० बजेसम्म, सहभागिता शुल्क १०० येन हो।

प्रत्येक हप्ता प्रथम  १० जना आवेदकहरुसम्मलाई  लिन्छौं, र सहभागिताको इच्छित मिति भन्दा एक हप्ता अघि सम्म आवेदन दिन सक्नुहुन्छ।

थप जानकारीको लागि, फोन नम्बर ०९२-७३३-५०५० मा सम्पर्क गर्नुहोस्।

कृपया फुकुओका पर्यटन कन्भेन्सन ब्यूरोमा सम्पर्क गर्नुहोस्।

के तपाईं पनि गाइडसँग फुकुओकाको इतिहास पुन: पत्ता लगाउन चाहनुहुन्न त?

चाहनुहुन्छ भने, लोकप्रिय यस भ्रमणमा सहभागिताको लागि छिटोभन्दा छिटो आवेदन दिनुहोला है!

【बिजुलीको प्रयोग नगरिकन जाडोबाट बच्ने उपायहरु】

जनवरी २०, वर्षको सबैभन्दा जाडो भनिने "दाईखान"को दिन हो।

अत्यन्तै जाडोमा, कोठा तताउने सामान प्रयोग गर्दा पनि कोठा न्यानो गर्न गाह्रो हुन सक्छ। कोठा न्यानो नभएर, धेरै समय कोठा तताउने सामान प्रयोग गर्दा बिजुलीको बिल बढ्ने पनि हुन्छ। फेरी, यदि जाडो सहनु भयो भने बिरामी पर्न सक्छ। तसर्थ, बिजुलीको प्रयोग नगरिकन जाडोबाट बच्ने केही उपायहरु यहाँ भन्न चाहन्छु।

 

①बाक्लो पर्दाको प्रयोग गर्नुहोस्।

ताप र ध्वनिको प्रतिरोधात्मक प्रभावहरू भएको, विशेष रूपमा उत्पादन गरिएको कपडाबाट बनाईएका पर्दाहरू बजारमा पाईने हुनाले, यदि नयाँ पर्दा लगाउने सोच छ भने, चिसोबाट बचाउन सक्ने यस्ता पर्दाहरु छानौं। साथै, झ्यालबाट आउने चिसो हावा कोठामा छिर्न नदिनको लागि पर्दाको लम्बाइ भुइँमा छुने गरि अलिकति लत्रिने गर्नु भए पनि हुन्छ।

 

② बाक्लो कार्पेट वा गलैंचा बिछ्याउनुहोस्।

चिसो हावा सजिलै सर्न सक्ने भुइँमा, बाक्लो कार्पेट वा गलैंचाको प्रयोग गरि चिसो हुनबाट जोगाउन सकिन्छ। विशेष गरी भुवादारवाला प्रयोग गर्नुभयो भने, यसको र भुइँको बीचमा हावाको तह बन्ने भएकोले, यसले चिसो हावाको महसुस कम गराउँछ। यसका साथै, भुइँसँगको बीचमा हावाको तह रहने हुनाले ध्वनी प्रतिरोधात्मक पनि हुन्छ।

 

यस बाहेक, १००-येनको पसलमा जोइन्ट म्याट जस्ता धेरै पैसा खर्च नगरी जाडोबाट बच्न प्रयोग गर्न सकिने बिभिन्न सामानहरू पाईन्छन्। इच्छुक भएमा यसो पसलतिर हेर्नु भए कसो होला!

 

 

【“Japanese Chatting Event” को परिचय】

〇 फुकुओकामा अध्ययन गरिरहेका अन्तर्राष्ट्रिय विद्यार्थीहरू,

के तपाईंहरुलाई हरेक महिनाको एक पटक आयोजना हुने "Japanese Chatting Event" को बारेमा थाहा छ?

Zoom प्रयोग गरेर, विदेशी विद्यार्थीहरू र जापानी स्वयंसेवकहरू बिच प्रत्यक्ष वान् टु वान्, साथै सानो समूहहरूमा मनपर्ने विषयवस्तुहरूमा छलफल गरिन्छ। हरेक दिन, स्कूलमा सिकेको जापानी भाषा प्रयोग गर्न चाहनुहुने वा जापानीहरूसँग कुराकानी गर्न चाहनुहुने महानुभावहरु, अवश्य पनि सहभागी हुनुहोला। सहभागिता शुल्क नि:शुल्क हो।

अर्को आयोजना जनवरी ३१, अनलाइनमा हुनेछ।

 

प्रयोग गर्ने तरिका तथा बुकिंग आदिको अधिक जानकारीका लागि, कृपया फुकुओका सिटी इन्टरनेशनल फाउण्डेसनको होमपेज वा फेसबुक पेज ‘आत्ताखा फुकुओका’(あったか福岡)मा हेनुहोला वा फोन नम्बर ०९२-२६२-१७९९ मा सम्पर्क राख्नुहोला।

सोमबारदेखि शुक्रबार बिहान ९ बजेदेखि बेलुका ६ बजेसम्म कल स्वीकार गरिन्छ ।

तपाईंहरुको सहभागीताका लागि पर्खीरहेका छौं।

 

 

【‘अन्तर्राष्ट्रिय विद्यार्थीहरुको लागि आवास- परिवारिक कोठा’ सम्बन्धि आवेदन जानकारी】

फुकुओका शहर क्षेत्र भित्रको विश्वविद्यालय र स्नातकमा भर्ना भएका अन्तर्राष्ट्रिय विद्यार्थीहरुका लागी, अन्तर्राष्ट्रिय विद्यार्थी परिवारिक कोठामा सर्न चाहानेहरुको आवेदन लिईदैछौं।

 

सर्नको लागी विद्यार्थीको योग्यता, फुकुओका सिटी इन्टरनेशनल फाउण्डेसनको गतिविधिहरुमा सक्रिय रूपमा भाग लिन सक्ने र सहयोग गर्न सक्ने हुनुपर्छ। बस्न पाउने अवधि, बसेको मितिबाट २ बर्ष हो। यस पटकको आवेदनमा, एक्लै बस्न पनि सम्भव छ।

 

आवेदनको निर्देशनहरु आदि अधिक जानकारीको लागी, कृपया "फुकुओका सिटी इन्टरनेशनल फाउण्डेसन" को होमपेजमा हेर्न वा ईमेल (dorm@fcif.or.jp) मा सम्पर्क गर्नुहोला।

【तोशिआके उडोन को परिचय】

के तपाईंहरुलाई “तोशिआके उडोन” को बारेमा थाहा छ?

नयाँ वर्षको पूर्वसन्ध्यामा खाने "तोशिकोशी सोबा" को बारेमा तपाईंहरुले शायद सुन्नु भएको छ होला, तर यो "तोशिआके उडोन" अझै पनि धेरैलाई थाहा छैन।

जापानमा उडोनको खपतलाई विस्तार गर्ने र प्रसिद्ध उडोनको पुनरुत्थान गर्ने उद्देश्यले सन् २००९ मा नयाँ वर्षदेखि यसको विकास भएको देखिन्छ।

परापूर्वकालदेखि नै उडोन मोटो र लामो भएकाले राम्रो स्वास्थ्य र दीर्घायुको कामनाका साथै यसको सेतो रंगका कारण यसलाई शुभ मानिन्दै आईरहेको छ। जनवरी महिनाको १ र १५ तारिखको बीचमा, उडोनको माथि रातो रंगको कुनै एक किसिमको खानालाई टपिंग गरी खाने खानाको रुपमा "तोशिआके उडोन" लाई लिईन्छ।

उमेबोशी, खामाबोको वा एबीको टेम्पुरासँग खान पनि जम्छ।

फुकुओका शहर रामेनका लागि प्रख्यात त छ नै, यसका साथै उडोन जापानमा पहिलो पटक चीनबाट फुकुओकामा आएको हुनाले यहाँ धेरै उडोन पसलहरू छन्। चिसो जाडोमा खाने उडोनको बेग्लै बिशेष स्वाद हुन्छ।

तपाईंहरु पनि "तोशिआके उडोन" अहिलेसम्म खानु भएको छैन भए एकचोटी खाएर हेर्नुभए कसो होला!

 

 

【नयाँ कोरोना भाइरस विरुद्धको खोपको सूचना】

फुकुओका शहरमा नयाँ कोरोना भाइरस विरुद्धको खोपका लागि ईच्छुक सम्पूर्ण व्यक्तिहरुले ढुक्क भएर खोप लगाउन सुनिश्चितका लागि काम भईरहेको छ।

 

फुकुओका शहरमा, तेस्रो पटकको खोप शुरु भएको छ।

दोस्रो पटकको खोप लिईसक्नु भएका, १८ वर्षका वा सोभन्दा माथिका फुकुओका शहरको नागरिकहरुलाई , फुकुओका शहरले तेस्रो पटकको खोप लिनका लागि खोप कुपन हुलाक मार्फत् पठाइएको छ।

 

दोस्रो पटकको खोप लिएको मिति अनुसार खोप कुपन पाउने समय फरक फरक हुन्छ।

खोप कुपन पाउनुभएपछि, बुकिंग साइट वा खोप सेन्टरमा बुकिंग गर्न सकिने हुनाले, कृपया खोप कुपन नपाउन्जेल प्रतिक्षा गर्नुहोला।

 

तसर्थ, यदि, पहिलो वा दोस्रो खोप नलिएका व्यक्तिहरुमध्ये, खोप लिन चाहनुहुन्छ भने, खोप लगाउन सकिने स्थानहरु आदिको बारेमा बुझ्न फुकुओका शहरको होमपेज वा कल सेन्टरमा बुझ्नुहोला।

 

फुकुओका शहरमा खोप सम्बन्धि परामर्श  लिन  र बुकिंग गर्न सकिने फोन नम्बर रहेको छ, ०९२-२६०-८४०५ । हरेक दिन बिहान ८ :३० देखि बेलुका ५ :३० बजेसम्म कल स्वीकार गरिन्छ।

अंग्रेजी, चाइनिज, कोरियाली, नेपाली, भियतनामी आदि ७ वटा विदेशी भाषाहरूमा यो सेवा उपलब्ध छ।

【२०२१ लाई फर्केर हेर्दा, नयाँ वर्षका आकांक्षाहरू】

यो हप्ता, वर्ष २०२१ को अन्तिम प्रसारण हो। तपाईंहरुको वर्ष २०२१ कस्तो रह्यो?

＜DJले छनोट गरेको वर्ष २०२१ को बिशेष ३ वटा घटनाहरु＞

वर्ष २०२१ मा संसारभर बिभिन्न किसिमका घटनाहरु घटे। तीमध्ये मैले ३ वटा छानेकी छु।

o         पहिलो रहेको छ, ‘टोकियो ओलम्पिक २०२०’

कोभिड १९को महामारीको कारणले गर्दा स्थगित भएको टोकियो ओलम्पिक २०२०, थप एक वर्षको प्रतिक्षापछि, २०२१ जुलाई २३ मा सम्पन्न भयो। ओलम्पिक इतिहासमा पहिलो पटक दाजु र बहिनीले एकै दिन अलग अलग जुडो खेलमा स्वर्ण पदक पाएको बिषय चर्चामा रह्यो। पक्कै पनि परिवारजनमा खुशीको सिमाना नै भएन होला। नेपालबाट पनि ५ जना खेलाडीहरु सहभागी भएका थिए, जसमध्ये पौडीमा दुई जना, शूटिंगमा १ जना, म्याराथनमा १ जना र जुडोमा १ जना । खेलमा हारजित त भईहाल्छ; अन्तराष्ट्रिय खेलजगतमा सहभागी हुनु भनेको प्रतिस्पर्धा मात्र नभई बिभिन्न राष्ट्रहरु र खेलाडीहरुबीच अन्तर्क्रिया हुने अवसर पनि हो।

 

o         वर्ष २०२१ को अर्को उपलब्धि, नेपालमा शुरु गरिएको ‘Life-saving VAN Project’

वर्ष २०२१ को जुन ११ देखि नेपालमा शुरु गरिएको Life-saving VAN Project ले रक्तदानमा प्रभावकारी गति ल्याएको छ। ‘घरमै बसेर सुरक्षित रक्तदान गरौं, जीवन बचाऔं’ भन्ने उदेश्यले थालनी गरिएको यस परियोजनाले कोभिड १९को महामारीको लकडाउन समयमा २०,००० भन्दा बढी पिन्टहरू संकलन गरी आपूर्ति गराउन सफल भएको थियो, जुन अत्यन्तै सर्हानिय छ। यस किसिमको योजना काठमाडौँमा मात्र नभई नेपालका अन्य क्षेत्रहरुमा पनि बिस्तार गर्न सके अझ राम्रो हुन्छ। 

 

o         तेस्रो उपलब्धि वर्ष २०२१ को रहेको छ, ‘बाबु नानी ज्ञानशाला’

वर्ष २०२१ को अगस्तदेखि, क्युस्युमा रहेका नेपालीहरुका आफ्ना बालबालिकाहरुलाई नेपाली भाषा, संस्कृति र संस्कार सिकाउन हाम्रो नेपाल हामी नेपाली अभियानद्वारा शुरु गरिएको ‘बाबु नानी ज्ञानशाला’ पहल सर्हानिय छ। विदेशी भूमिमा हुर्केका बालबालिकाहरुले नेपाली नबुझ्नु र नेपालीमा बोल्न नजान्नु, प्राय अभिभावकहरुको गुनासो र चिन्ताको विषय बन्दै गरेको परिस्थितिमा यस किसिमको प्रयास धेरै नै अर्थपूर्ण भएको छ जस्तो लाग्छ। यस बाबु नानी ज्ञानशालामा, जुम मार्फत् सिकाउने मात्र नभई शैक्षिकमुलक भेटघाट कार्यक्रम पनि हुने भएकोले बिभिन्न स्थानमा बसोबास गर्ने नेपाली बालबालिकाहरुबीच साथी बन्ने, नेपालीमा कुराकानी हुने आदि राम्रा पक्षहरु देखिन्छन्।

 

＜नेपालमा अंग्रेजी नयाँ वर्ष＞

हामी नेपालीहरुको आफ्नै नयाँ वर्ष भएकोले अंग्रेजी नयाँ वर्षलाई खासै धुमधामका साथ मनाउने गरेको देखिन्दैन। खास गरि, काठमाडौंको ठमेल, दरबारमार्गका साथै ललितपुर, भक्तपुर, पोखरा र उपत्यका बाहिरका ठूला पर्यटकीय शहरहरुमा नयाँ वर्ष ईभ कार्यक्रम आयोजना गर्ने र विविध सांस्कृतिक कार्यक्रम गरी मनाउने चलन छ। प्रायःजसो साथीहरुसँग बाहिर घुम्ने र खानपिन गर्ने अवसरको रुपमा अंग्रेजी नयाँ वर्ष मनाउने गरेको देखिन्छ।

 

＜वर्ष २०२२ कस्तो चाहानुहुन्छ? ＞

यहि हप्ताको शनिबारदेखि वर्ष २०२२ शुरु हुन गईरहेको छ। यस वर्ष कोभिड १९को कारणले गर्दा म जस्तै धेरैजसो तपाईंहरु पनि नेपाल जान पाउनु भएन होला, खासै घुमघाम पनि गर्नु भएन होला। वर्ष २०२२ मा कोभिड सदाका लागि अन्त्य होस् जस्तो लाग्छ। अनि दुक्क भएर घुमघाम गर्न पाइन्छ नि होइन।

 

मेरो चाहिं, आउँदो वर्षमा दैनिक रुपमा बिहान छोटो समय भए पनि शारीरिक ब्यायाम गर्ने, सकेसम्म हिड्ने, भर्याङको प्रयोग गर्ने विचार  छ।  तपाईंहरुको पनि नयाँ वर्ष २०२२ को कुनै संकल्प वा योजना छ कि ?  पक्कै पनि होला। नयाँ वर्षमा तपाईंहरु सबैको इच्छा आकांक्षा पूरा होस् भनि कामना गर्दछु। तपाईहरु सबैलाई नयाँ वर्ष २०२२ को हार्दिक मंगलमय शुभकामना!

 

【स्ट्रबेरी】

नोभेम्बरको मध्यतिरदेखि स्ट्रबेरी सुपरमार्केटहरूमा धेरै देख्न सकिन्छ। डिसेम्बरमा क्रिसमसको मूड बढेसँगै, प्रायः सुपरमार्केटहरूमा स्ट्रबेरीहरू पङ्क्तिबद्ध राखिएका हुन्छन्। सामान्यतया, बाहिरी खेती गरिएका स्ट्रबेरीहरू अप्रिलदेखि जुनसम्म टिप्ने गरिन्छ। जाडो मौसममा सुप्त हुने स्ट्रबेरी, वसन्त ऋतुमा तापक्रम बढेपछि उठ्ने र वसन्तदेखि गर्मीऋतुको शुरुवातसम्म फूल र फल फल्ने किसिमको मेकानिजम हुन्छ। यद्यपि, कृत्रिम रूपमा वसन्तको जस्तो वातावरण सिर्जना गर्ने प्रविधि ग्रीनहाउसहरू व्यापक हुँदै आएकोले स्ट्रबेरी नोभेम्बरदेखि डिसेम्बरतिरसम्म फसल गर्न सक्ने भएको छ।

स्ट्रबेरीको माग बढ्ने क्रिसमसको समयलाई मध्यनजर गरि,  उच्च गुणस्तरको स्ट्रबेरी जाडो मौसममा उत्पादन गर्ने सोच रहेको देखिन्छ।

फुकुओका प्रान्तमा, "आमाओउ" भन्ने जातको स्ट्रबेरी प्रसिद्ध छ।

"आमाई, मारुई, ओकी, उमाई" को संक्षिप्त नामबाट राखिएको यो  स्ट्रबेरी, फुकुओका प्रान्तको मौलिक स्ट्रबेरी हो।

साधारण स्ट्रबेरीको भन्दा यसको भोल्युम लगभग दोब्बर भई, स्वाद पनि विशेष  किसिमको छ।

हिसी परेको गोलाकार र उत्कृष्ट स्वाद हुनु पनि यसको लोकप्रियताको रहस्य हो।

 

 

【नयाँ वर्षको बिदाहरुमा वार्ड अफिस काउण्टर अनि फोहोर फाल्ने दिन】

नयाँ वर्षको बिदाहरुमा, वार्ड अफिसको काउण्टर र फोहोर फाल्ने दिन परिवर्तन हुने भएकोले कृपया ध्यान दिनुहोलाI

 

वार्ड अफिस, स्वास्थ्य तथा कल्याण केन्द्रको काउण्टर, डिसेम्बर २९ (बुधबार) देखि जनवरी ३(सोमबार) सम्म बन्द रहनेछ।

बर्षको अन्तिम दिन डिसेम्बर २८ (मंगलबार), र बर्षको शुरुवात जनवरी ४ (मंगलबार) हो।

नयाँ वर्षको बिदाहरुको अघिपछि वार्ड अफिसको काउण्टर भिडभाड हुने भएकोले, धेरै समय राखेर जाने गरौं।

 

डिसेम्बर ३१(शुक्रबार) देखि जनवरी ३ (सोमबार) सम्म, फोहर संकलन गर्न आउँदैनI

जल्ने फोहर, डिसेम्बर ३० (बिहिबार) सम्ममा तथा जनवरी ४(मंगलबार) पछि मात्र तोकिएको दिनमा बाहिर राख्नुहोस्I

नजल्ने फोहर तथा खाली सिसाको बोतल, प्लास्टिकको बोतल फाल्नका लागि, जनवरी २ (आइतबार)मा संकलन हुने क्षेत्रमा डिसेम्बर ३० (बिहिबार)  त्यस्तै, जनवरी ३ (सोमबार)  को क्षेत्रमा  जनवरी ७(शुक्रबार)को दिन फोहर फाल्नुहोस्I

यसका साथै, ठूलो आकारका फोहरको काउन्टर तथा संकलन, डिसेम्बर २९ (बुधबार) देखि जनवरी ३ (सोमबार) सम्म बन्द रहनेछI

 

 

【वर्षको समाप्ति र नयाँ वर्ष सुरक्षित र ढुक्क साथ बिताउनका लागि】

वर्षको समाप्ति र नयाँ वर्षको बिदाहरूमा रक्सी पिउने धेरै अवसरहरू हुने गर्छन्।

“मादकपदार्थ सेवन गरि गाडि नचलाउने, चलाउन नदिने, चलाउनेलाई बिल्कुल माफी नदिने, र बेवास्ता नगर्ने” प्रति निश्चित होऔंI

रक्सी पिएर साइकल चलाउनु पनि कानूनले निषेध गरेको छ।

विशेष ध्यान दिनुपर्ने भनेको, अर्को दिन रक्सीको ह्यांगओभर होI

अलिकति भए पनि रक्सी लागेको बाँकी छ जस्तो लागेमा, गाडि नचलाऔंI

 

यस अतिरिक्त, हरेक वर्षको अन्ततिर ट्राफिक दुर्घटनाहरू बढ्ने गरेको पाईएको छ।

राती बाहिर निस्कँदा, ड्राइभरले देख्न सजिलो हुने, चम्किलो लुगा वा चमकदार वस्तुको प्रयोग गरौँI

कार चलाउँदा, चाँडै बत्तीहरू अन गरौं।

 

अर्को जानकारी, बाटोमा हुने लुटपाटको बारेमाI

कम ट्राफिक भएको स्थानमा, साँझदेखि मध्यरातसम्म धेरै अपराधहरू हुने गरेको, अझ, लुटेराहरु प्रायः मोपेड बाइकमा आएका घटनाहरु धेरै छन्।

खोस्नबाट जोगिन, झोला सडकको अर्को पट्टि समात्ने गरौँ।

साथै, मान्छेको संकेत वा बाइकको आवाज सुन्नुभएमा पछाडी फर्केर हेर्ने आदि जस्ता, आफ्नो वरपर ध्यान दिने गरौँI

आफू र आफ्नो बहुमूल्य चीजहरूको ध्यान दिई, नयाँ वर्षको बिदा सुरक्षित र आनन्दपूर्वक बिताऔं।

【टेलिफोन स्थापना दिवस】

डिसेम्बर १६ "टेलिफोन स्थापना दिवस" हो। सन् १८९० मा आजकै दिन जापानमा पहिलो टेलिफोन सेवा शुरु गरिएको थियो।

आजकल, टेलिफोन सेवा जापानभरि र संसारको कुनै पनि ठाउँमा कल गर्नको लागि सुविधाजनक छ, तर प्रारम्भमा टेलिफोन सेवा टोकियो र योकोहामामा मात्रै थियो। यसबाहेक, ग्राहक संख्या पनि लगभग २०० घरधुरी जति, एकदम कम थियो भनिन्छ।

धेरै पहिलेका दिनहरूमा, कल गर्न, टेलिफोन एक्सचेन्ज स्टेशन मार्फत टेलिफोन अपरेटरले कल लाइनमा सम्पर्क गराईदिने एनालग प्रणाली थियो।

कल गर्ने व्यक्तिले पहिले अपरेटरलाई आफूले कुरा गर्न चाहेको व्यक्तिको नम्बर भनेर, त्यसपछि फोन काटेर कलको लागि पर्खिनु पर्थ्यो।

त्यसयता १३० वर्षभन्दा बढी समय बितिसकेको छ र अहिले एउटा अर्कै टेलिफोनको युग बनिसकेको छ।

फोनमा कुरा गर्नुको अतिरिक्त, इन्टरनेट मार्फत संसारसँग जोड्न सक्नुहुन्छ।

यहाँ टेलिफोन सम्बन्धित केही रोचक जानकारीहरू छन्।

टेलिफोनको फ्रिक्वेन्सी ०.३-३.४Khz हो, जुन मानिसहरूले राम्रोसँग आवाज सुन्न सक्ने दायरा हो।

अर्को शब्दमा, फोनमा अन्य फ्रिक्वेन्सीको आवाज सुन्न सकिँदैन।

उदाहरणका लागि, सिकाडा, सुजुमुशी, क्रिकेट जस्ता किराहरुको आवाज, त्यस्तै विन्ड चाइमको ध्वनि उच्च फ्रिक्वेन्सीमा हुने भएकोले सुन्न सकिन्दैन।

 

 

यस पटक फुकुओका सिटी इन्टरनेशनल फाउण्डेसनको सूचना रहेको छ।

【‘अन्तर्राष्ट्रिय विद्यार्थीहरुको लागि आवास- परिवारिक कोठा’ सम्बन्धि आवेदन जानकारी】

फुकुओका शहर क्षेत्र भित्रको विश्वविद्यालय र स्नातकमा भर्ना भएका अन्तर्राष्ट्रिय विद्यार्थीहरुका लागी, अन्तर्राष्ट्रिय विद्यार्थी परिवारिक कोठामा सर्न चाहानेहरुको आवेदन लिईदैछौं।

सर्नको लागी विद्यार्थीको योग्यता, फुकुओका सिटी इन्टरनेशनल फाउण्डेसनको गतिविधिहरुमा सक्रिय रूपमा भाग लिन सक्ने र सहयोग गर्न सक्ने हुनुपर्छ। बस्न पाउने अवधि, बसेको मितिबाट २ बर्ष हो। यस पटकको आवेदनमा, एक्लै बस्न पनि सम्भव छ।

आवेदनको निर्देशनहरु आदि अधिक जानकारीको लागी, कृपया "फुकुओका सिटी इन्टरनेशनल फाउण्डेसन" को होमपेजमा हेर्न वा ईमेल (dorm@fcif.or.jp) मा सम्पर्क गर्नुहोला।

 

 

【‘आउनुहोस्, हेर्नुहोस् र आनन्द लिनुहोस् थाइल्याण्डको आकर्षणहरु’ - मा सहभागी हुनुहुन्न?】

जनवरी ८, शनिबारमा आयोजित हुन गई रहेको "आउनुहोस्, हेर्नुहोस् र आनन्द लिनुहोस् थाइल्याण्डको आकर्षणहरु" कार्यक्रममा, फुकुओकामा अध्ययन गरिरहेका थाई विद्यार्थीहरूबाट यात्रामा प्रयोग हुने थाई भाषा सिक्न तथा थाईल्याण्डको पर्यटन बोर्ड फुकुओका कार्यालयको व्यक्तिद्वारा थाइल्याण्डको आकर्षणहरुको बारेमा सुनेर, थाइल्याण्डको यात्रा गरेको महसुस गर्न सक्नुहुन्छ।

स्वतन्त्र रूपले यात्रा गर्न सक्ने समयको लागि तयारी गरि हेर्दा कसो होला?

सहभागी हुन अग्रिम आवेदन आवश्यक छ।

आवेदन तरिका जस्ता विवरणहरूको लागि कृपया "फुकुओका सिटी इन्टरनेशनल फाउण्डेसन" को होमपेजमा हेर्नुहोस्।

थाइल्याण्ड मन पराउने वा कुनै दिन थाइल्याण्ड जान चाहनुहुने महानुभावहरु, पक्कै पनि सहभागी हुनुहोला!

 

 

【फुकुओका सिटी इन्टरनेशनल फाउण्डेसनको वर्षको समाप्ति र नयाँ वर्षको बिदाको सूचना】

फुकुओका सिटी इन्टरनेशनल फाउण्डेसन, डिसेम्बर २९ बुधबारदेखि जनवरी ३ सोमबारसम्म ६ दिनको लागि बन्द रहनेछ। नयाँ वर्ष जनवरी ४ मंगलबार ८:४५ देखि खुल्नेछI

अग्रिम बुकिंगद्वारा गरिने विदेशीहरूका लागि नि:शुल्क कानुनी परामर्श, जनवरी १ शनिबार बन्द रहनेछ। अर्को आयोजना जनवरी १९, बुधवार हुनेछ।

अग्रिम बुकिंग बिना प्रयोग गर्न सकिने प्रसाशनिक वकिलद्वारासँगको परामर्श, जनवरी ९ आईतबार आयोजना हुनेछI

विस्तृत जानकारीका लागि, फोन नम्बर ०९२-२६२-१७९९I यस अतिरिक्त, फुकुओका सिटी इन्टरनेशनल फाउण्डेसनको वेबसाइटमा हेर्नुहोलाI

फुकुओकामा बस्नु हुने सबै विदेशीहरुको आरामदायी जीवनयापनका लागि, मुख्य संवाहकको रुपमा, बिभिन्न जानकारी तथा सहयोग प्रदान गर्दै जान चाहान्छौँI